Линия электропередачи

Истеҳсоли барқ дар неругоҳи "Қайроққум"-ро то 38% зиёд мекунанд: барқрасонӣ хубтар мешавад

827
(Таҷдидшуда 17:00 14.01.2021)
Қарор аст, то ду соли оянда ҳаҷми истеҳсоли барқ дар Нерӯгоҳи барқи обии “Қайроққум” дар шаҳри Гулистони Суғд ба беш аз 4 миллион кВт соат зиёд шавад

ДУШАНБЕ, 8 янв – Sputnik. Файзулло Авезов, директори Нерӯгоҳи барқи обии “Қайроққум” дар суҳбат бо Sputnik Тоҷикистон гуфт, ҳоло таъмир ва таҷдидкунии нерӯгоҳ, шурӯъ шуда дар назар аст, баъди ба охир расидани раванди корҳо дар соли 2023 тавоноии ҳамаи агрегатҳои Нерӯгоҳ то ба 174 мегават ё 4,1 милион кВт соат қувваи барқ дар шабонарӯз баробар хоҳад шуд.

"Дар маҷмӯъ бо татбиқи пурраи лоиҳа иқтидори Неругоҳи барқи обии “Қайроққум” 50 мегаватт зиёд гардида, истеҳсоли миёнаи нерӯи барқ то ба 38 фисад афзоиш ёфта, таъминоти аҳолӣ ва соҳаҳои гуногуни иқтисодии вилояти Суғд бо неруи барқ ба таври назаррас баланд хоҳад шуд", - гуфт директори НОБ “Қайроққум”.

Ба гуфтаи Авезов ҳоло шаш агрегати нерӯгоҳ шабонарӯз 126 мегават, ки наздик ба 3 миллион кВт соат дар як шабонарӯз мебошад, барқ истеҳсол мекунанд.

Нерӯгоҳи “Қайроққум” ба шабакаи ягонаи барқрасии вилояти Суғд пайваст буда, барқи аз он истеҳсолшуда ба шаҳру навоҳии вилояти шимоли кишвар интиқол дода мешавад.

Зимнан ба иттилоъи масъулини Идораи барқ, ҳаҷми истифодаи шабонарӯзии муштариён дар вилояти Суғд бо дарназардошти фасли сол аз 17,5 то 18 миллион кВт соат баробар будааст.

Сохтмони неругоҳи барқи обии “Қайроққум” соли 1952 дар замони собиқ шӯравӣ ё СССР шурӯъ шуда, чархаи якуми он бо иқтидори 21 мегаватт дар таърихи 15 декабри соли 1956 ба кор дароварда шудааст. НБО “Қайроққум” дар маҷмуъ аз 6 агрегат иборат буда, 64 сол инҷониб бо иқтидори 126 мегаватт фаъолият дорад.

То баҳор об намерасад: эълони лимити барқ дар Тоҷикистон

Барои таъмир ва таҷдидкунии НБО “Қайроққум” Бонки аврупоии таҷдид ва рушд ҳудуди 200 миллион доллар қарз ҷудо кардааст. Дар музояда ширкатҳои "Женерал Электрик"-и Фаронса ва "Кобра"- и Испания барои то соли 2023 бо харҷи 149 миллион доллар ба охир расонидани корҳо баранда шудаанд.

Дар ҳоли пурра таъмир шудани чархаҳо иқтидори истеҳсоли барқ ба 174 мегаватт ё 4, 1 милион кВт соат расонида хоҳад шуд, ки кам ё беш аз як ҳисса аз панҷ ҳиссаи барқрасонӣ дар шимоли Тоҷикистонро таъмин хоҳад намуд.

827
Барчаспҳо:
зиёд шуд, барқ, истеҳсол, нерӯгоҳи барқобӣ
Линия электропередачи

Тоҷикистон дар самти содироти нерӯи барқ ​​ба хориҷ тақрибан 40 миллион доллар зарар дид

302
(Таҷдидшуда 22:31 13.01.2021)
Дар соли 2020, Тоҷикистон нисбат ба соли 2019 барои фурӯши нерӯи барқ ​​ба кишварҳои ҳамсоя 40% ё тақрибан 40 миллион доллар камтар ба даст овард

ДУШАНБЕ, 13 январ - Sputnik. Тоҷикистон дар соли 2020 барои содироти нерӯи барқ ​​ба кишварҳои ҳамсоя 56,4 миллион доллар ба даст овард, иттилоъ медиҳад бахши энержии ҷумҳурӣ.

Аммо, бояд қайд кард, ки ин нисбат ба ҳамин давраи соли 2019 40% камтар аст.

Барқ ба Ӯзбекистон, Афғонистон ва Қирғизистон соли гузашта интиқол дода шуд.

Дар соли 2020 дар Тоҷикистон беш аз 19,7 миллиард кВт / соат нерӯи барқ ​​истеҳсол шудааст, ки нисбат ба ҳамин давраи соли 2019 4,3% камтар аст.

Аз ҷумла, нерӯгоҳҳои барқи обӣ беш аз 18,1 миллиард кВт / соат тавлид карданд. Нерӯгоҳи ҳароратӣ бошад, беш аз 1,6 миллиард кВт / соат нерӯи барқ ​​тавлид кардааст.

Ёдовар мешавем, ки аз 5 январи соли равон дар Тоҷикистон маҳдудияти истеъмоли нерӯи барқ ​​ҷорӣ карда шуд, ки асосан ба истеъмолкунандагони нерӯи барқ ​​дар деҳот таъсир расонд.

Ширкати "Барқи Тоҷик" ин чораро маҷбурӣ номида, онро бо кам шудани муваққатии ҳаҷми об дар обанбори НБО "Норак" рабт медиҳад.

Истеҳсоли барқ дар неругоҳи "Қайроққум"-ро то 38% зиёд мекунанд: барқрасонӣ хубтар мешавад

Дар ҳамин ҳол, коршиноси энержии тоҷик Шодӣ Шабдолов қайд кард, ки ҳатто ба итмом расонидани сохтмони "Роғун" кафолати ҳалли масъалаҳои марбут ба норасоии нерӯи барқро надорад.

302
Барчаспҳо:
маблағ, фурӯш, барқ, Тоҷикистон
Солнечные батареи, архивное фото

Дар Хуҷанд нахустин гимназия дорои нерӯгоҳи офтобӣ шуд

117
(Таҷдидшуда 17:54 13.01.2021)
Лоиҳаи "Насби системаи неруи офтобӣ" нахустин бор дар Тоҷикистон дар ин гимназия роҳандозӣ гардида, имконият медиҳад на танҳо синфхонаҳову утоқҳоро бо барқи доимӣ таъмин намояд, балки дар фаъолияти худ неруи сабзро истифода бурда, дар пешбурди соҳа саҳм гузорад

ДУШАНБЕ, 13 янв – Sputnik. Ду сол инҷониб дар мактаби таҳсилоти умумии ғайридавлатии "Гимназияи ба номи Гёте"-и шаҳри Хуҷанд дар самти оқилонаву самаранок истифода бурдани неруи барқ ва инчунин истифодаи манбаҳои барқароршавандаи энергия лоиҳае таҳти унвони "Истифодаи неруи алтернативӣ" ё худ "Насби системаи офтобӣ" амалӣ гардида истодааст.

Дар ин замина дар доираи роҳандозии лоиҳаи зерин моҳҳои ноябр-декабри соли 2020 аз ҷониби мутахассисони ҶДММ "Технологияҳои Сабз" (Green Technologies) дар шифти бинои гимназия таҷҳизоти офтобӣ насб гардида, давоми се рӯзи ҳафтаи равон аз тарафи мутахассисони ин ширкат барои як гурӯҳ омӯзгорону шахсони мутасаддӣ ва инчунин хонандагони синфҳои 9-10-и гимназия омӯзиши техникӣ оид ба мавзӯи "Манбаҳои алтернативии неруи сабз" гузаронида шуд.

Дар ин бора мақомоти иҷроияи ҳокимити давлатии шаҳри Хуҷанд иттилоъ медиҳад. 

Дар доираи баргузории омӯзиши техникӣ иштирокчиён бо барномаи ширкат, технологияҳову таҷҳизоти насбшуда, тарзи бадастоварӣ, истифодаи манбаҳои барқароршавандаи энергия бо бартариҳову дурнамои неруи офтобӣ шинос гардиданд.

Ҳамзамон омӯзиши таҷрибавӣ оид ба насби панелҳои офтобӣ ва пайвасти қисмҳои асосии шабакаи барқии офтобӣ ва бакордарории он гузаронида шуда, дар анҷоми омӯзишҳо ба ҳозирин сертификат ва либосҳои нави корӣ супорида шуданд.

Бунёди бузургтарин нерӯгоҳи офтобӣ дар Мурғоб

Лоиҳаи "Насби системаи неруи офтобӣ" аввалин маротиба дар миқёси ҷумҳурӣ дар ин гимназия роҳандозӣ гардида, ба ин муассисаи таълимӣ имконият медиҳад на танҳо синфхонаҳову утоқҳоро, ки бо компютеру лавҳаҳои электронӣ ва системаҳои бехатарӣ муҷаҳҳаз гаштаанд, аз хомӯшии ногаҳонии барқ ҳифз ва бо барқи доимӣ таъмин намояд, балки дар фаъолияти худ неруи сабзро васеъ истифода бурда, дар сарфаи барқ, пешбурди соҳаи неруи сабз ва равнақ додани иқтисодиёти мамлакат саҳм гузорад.

117
Барчаспҳо:
нахустин, нерӯгоҳи офтобӣ, Хуҷанд

Русия аз рӯи теъдоди муҳоҷирон дар рӯйхати пешсафҳо ҷой гирифт

0
(Таҷдидшуда 19:17 17.01.2021)
Бино ба гузориши Созмони Милали Муттаҳид, феълан дар Русия дувоздаҳ миллион муҳоҷир кору зиндагӣ мекунанд

ДУШАНБЕ, 17 янв — Sputnik. Русия дар соли 2020 ба феҳристи топ 5 кишвар аз рӯи теъдоди муҳоҷирон ворид шуд.

Дар ин бора гузориши Шӯрои иқтисодӣ ва иҷтимоии Созмони Милали Муттаҳид нашр шудааст.

Омори муҳоҷират дар Тоҷикистон: чанд нафар омаду чӣ қадар кишварро тарк кард

Бино ба гузориши СММ, дар қаламрави Русия 12 миллион муҳоҷир аб сар мебарад. Аз рӯи ин нишондод Русия дар ҷаҳон дар ҷойи 4 - ум қарор дорад.

"ИМА макони асосии ҷолиб барои муҳоҷирон дар соли 2020 боқӣ мемонад. Дар ин кишвар 51 миллион муҳоҷир кору фаъолият мекунад. Ин миқдор 18 дарсади шумораи умумии муҳоҷирон дар ҷаҳонро ташкил медиҳад", - омадааст дар гузориш.

Дар баробари ИМА ва Русия ба панҷгонаи макони муҳоҷирпарвар - Олмон, Бритониё ва Арабистони Саудӣ ворид мешавад.

Тарҳи қонуни нав дар Русия: як гурӯҳи муҳоҷирон депорт нашаванд - кадом?

Манбаъ афзуда, ки аз се ду дарсади муҳоҷирон дар 20 кишвари дунё ба сар мебаранд.

0
Барчаспҳо:
ҷои аввал, Русия, муҳоҷират