Кори дастгоҳи нафткаш, акс аз бойгонӣ

Дурнамои хушоянд: нархи нафт дар соли 2021 чанд хоҳад буд

164
(Таҷдидшуда 15:21 11.01.2021)
Яке аз таваккалҳои калидӣ ин лағви таҳримҳо алайҳи Эрон дар аҳди Байден мебошад, ки метавонад баррелҳои эрониро ба бозори ҷаҳонӣ орад

ДУШАНБЕ, 11 янв — Sputnik. Наталя Дембинская. Нархи нафт дар сатҳи баландтарин тайи ҳашт моҳи охир аст.  Ин вокуниши бозор ба хабари ваксина ва қарори ОПЕК + мебошад. Таҳлилгарон эҳёи иқтисоди ҷаҳонӣ, лағви маҳдудиятҳо ва афзоиши талабот ба тиллои сиёҳро интизор мебошанд. Дар мавриди он ки нархи нафт дар соли равон то чӣ андоза метавонад баланд шавад, РИА Новости матлаб таҳия кардааст.

Беҳбудии мӯътадил

Соли 2020 бозори ҷаҳонии нафт якчанд мавҷи коҳишро аз сар гузаронд. Маҷмӯи омилҳое, аз қабили истеҳсоли аз ҳад зиёди нафти хом, коҳиши шадиди талабот, инчунин пандемия ва маҳдудиятҳои густарда ба ин поинравӣ оварда расонданд. Танҳо дар моҳи март нархи нафт беш аз ду баробар поин рафт.

Аммо, дар охири тирамоҳ, бозор як такони қавӣ гирифт - хабари озмоишҳои бомуваффақияти ваксинаҳои Ғарб, натиҷаи интихоботи президентии ИМА. Ҷо Байден ҷонибдори технологияҳои сабз аст ва ба фарқ аз Доналд Трамп, соҳаи нафти Амрикоро дастгирӣ карданӣ нест. Мубориза бо коронавирус шиддат мегирад бо мурури замон муваффақтар мегардад. Reuters бар ин аст, ки талабот ба нафт дар соли 2021 боло хоҳад рафт.

Бо вуҷуди хушбиниҳо вазъ дар бозори нафт ҳамоно номуътадил аст. Ожонси байналмилалии Fitch барқарорсозии талабот ба нафтро танҳо дар сурати эмкунии фаврии аҳолӣ пешбинӣ мекунад. Ба гуфтаи таҳлилгарон беҳбудёбии вазъ муътадил хоҳад буд.

ОПЕК + дар ҳайрат гузошт

Дар аввали моҳи декабр, кишварҳои эътилофи ОПЕК + тасмим гирифтанд, ки истеҳсолотро дар моҳи январ то 500 ҳазор бушка дар як рӯз афзоиш медиҳанд. Истеҳсолоти минбаъда дар вохӯриҳои ҳармоҳаи вазирон муайян карда мешавад. Бо вуҷуд, мӯҳлати амали созишномаҳои нав муқаррар карда нашудааст. Нархҳо  ба баландтарин нукта дар ҳашт моҳ расиданд. Brent ба 50 доллар барои баррел наздик шудааст. Рубл ҳам то андозае мустаҳкам шуд.

Қарори ОПЕК + ғайричашмдошт ба назар мерасад, чун мавҷи дуввуми пандемия ҳанӯз ба поён нарасидааст ва талабот хеле оҳиста барқарор мешавад. Аммо, афзоиши мувофиқашуда танҳо чоряки онест, ки дар моҳи январ дар назар аст. Барои бозигарон ин як ишора аст, ки эътилоф ба эҳёи бозор умед мебандад ва ҳамзамон омода аст, ки тавлидотро ҳар лаҳза маҳдуд кунад.

“Созиш дар он аст, ки мо мунтазам бо қадамҳои баробар истихроҷи нафтро дар сатҳи пешбинишуда дар созишнома барқарор мекунем. Умед дорам, ки ин дар давоми семоҳаи аввал амалӣ хоҳад шуд”, - тавзеҳ дод ноиби нахуствазири Русия, Александр Новак.

Вазъи норӯшан

Таҳлилгарон мегӯянд, афзоиши мунтазами тавлидот, ки ОПЕК+ тасдиқ кардааст, ба фоидаи Русия мебошад, чун тавони эҳёи фавтии истеҳсолотро ба далели инфрасохторӣ надорад. Аммо дар аввали сол талаботи нафт ба бозор метавонад барзиёд шавад.

“Дар моҳи апрел истеҳсоли нафт ба андозаи ду миллион баррел дар як шабонарӯз афзоиш хоҳад ёфт, дар ҳоле, ки тибқи пешгӯиҳо талабот ба нафт дар семоҳаи дуюм то 96,1 миллион баррел пешбинӣ мешавад. Зиёд будани пешниҳод нисбат ба талабот ба ин маъност, ки баландтарин нархи навъи Brent дар панҷмоҳаи наздик моҳи декабр буд”, - мегӯяд Евгений Миронюк, таҳлилгари "Фридом Финанс".

Дар ин ширкат нархи нафтро дар давоми сол дар ҳудуди 40-60 доллар пешгӯӣ мекунанд, ки аз эмкунӣ ва лағви маҳдудиятҳои фаромарзӣ вобаста мебошад.

Бо вуҷуд, ҳаводиси ғайричашмдошти нохуше метавонанд вазъро тағйир диҳанд. Чун на ҳама тавлидгарони нафт шомили эътилоф мебошанду ҳеч монеае барои зиёд кардани истихроҷ надоранд.

Масалан, ИМА тавлиди нафт дар моҳҳои охирро ба миллион баррел зиёд карданд.

“Бо такя ба ин дар семоҳаи аввал нархи нафт метавонад то 40-42 доллар поин равад ва баъдан вобаста ба баромади абарқудратҳо аз пандемия хоҳад буд”, - таъкид намуд таҳлилгари QBF, Олег Богданов.

“Дурнамои нархи нафт дар соли 2021 ҳудуди 37-42 доллар сари як баррел ба назар мерасад. Ба нарх пандемия ва пайомадҳои он, талоши эҳтимолии кишварҳои ОПЕК+ барои зиёд кардани истихроҷ барои пур кардани буҷаҳои худ таъсир мерасонад”, - гуфт Владимир Волков, мудири хазинадории РГС Банк.

То шаст

Аз ҷониби дигар бонкҳои пешсафи амрикоӣ болоравии нархи нафтро то 60 доллар пешбинӣ мекунанд. Goldman Sachs ҳато аз 65 мегӯяд. Бо вуҷуд дар зимистон истифодаи нафт ба се миллион баррел дар як шабонарӯз коҳиш меёбад. Ин камшавиро талабот ба гармидиҳӣ ва хариди Чин ҷуброн мекунад.

“Аммо мушкилоти зимистон, чун мавҷи дуюми коронавирус - танҳо монеаҳои ночизе дар роҳи муътадилшавии бозори нафт мебошанд”, - навиштаанд таҳлилгарон.

Bank of America (BofA) болоравии нархи нафти навъи Brent-ро то 60 доллар то охири нимсолаи аввал пешбинӣ мекунад. Таҳлилгарон лағви маҳдудиятҳои фаромарзӣ дар пайи эмкунии оммавӣ дар Ғарбро интизор доранд.

Талабот ба маводи сӯхт, ки нисфи истифодаи нафтро ташкил медиҳад, камбуди мол дар бозор ба андозаи 1,6 миллион баррел дар як шабонарӯзро ба вуҷуд меорад, изҳор доштанд дар BofA. Анборҳои тиҷоратиро, ки ҳудуди 1 миллиард баррел захира доранд, кушода мешавад. Нархи миёнаи нафт дар соли равон ба 50 доллар сари баррел баробар хоҳад шуд. Аммо набояд фаромӯш кард, ки яке аз таваккалҳои калидӣ ин лағви таҳримҳо алайҳи Эрон дар аҳди Байден мебошад, ки метавонад баррелҳои эрониро ба бозори ҷаҳонӣ орад.

164
Барчаспҳо:
нарх, иқтисод, Аврупо, Русия, нафткаш
Линия электропередачи

Тоҷикистон дар самти содироти нерӯи барқ ​​ба хориҷ тақрибан 40 миллион доллар зарар дид

298
(Таҷдидшуда 22:31 13.01.2021)
Дар соли 2020, Тоҷикистон нисбат ба соли 2019 барои фурӯши нерӯи барқ ​​ба кишварҳои ҳамсоя 40% ё тақрибан 40 миллион доллар камтар ба даст овард

ДУШАНБЕ, 13 январ - Sputnik. Тоҷикистон дар соли 2020 барои содироти нерӯи барқ ​​ба кишварҳои ҳамсоя 56,4 миллион доллар ба даст овард, иттилоъ медиҳад бахши энержии ҷумҳурӣ.

Аммо, бояд қайд кард, ки ин нисбат ба ҳамин давраи соли 2019 40% камтар аст.

Барқ ба Ӯзбекистон, Афғонистон ва Қирғизистон соли гузашта интиқол дода шуд.

Дар соли 2020 дар Тоҷикистон беш аз 19,7 миллиард кВт / соат нерӯи барқ ​​истеҳсол шудааст, ки нисбат ба ҳамин давраи соли 2019 4,3% камтар аст.

Аз ҷумла, нерӯгоҳҳои барқи обӣ беш аз 18,1 миллиард кВт / соат тавлид карданд. Нерӯгоҳи ҳароратӣ бошад, беш аз 1,6 миллиард кВт / соат нерӯи барқ ​​тавлид кардааст.

Ёдовар мешавем, ки аз 5 январи соли равон дар Тоҷикистон маҳдудияти истеъмоли нерӯи барқ ​​ҷорӣ карда шуд, ки асосан ба истеъмолкунандагони нерӯи барқ ​​дар деҳот таъсир расонд.

Ширкати "Барқи Тоҷик" ин чораро маҷбурӣ номида, онро бо кам шудани муваққатии ҳаҷми об дар обанбори НБО "Норак" рабт медиҳад.

Истеҳсоли барқ дар неругоҳи "Қайроққум"-ро то 38% зиёд мекунанд: барқрасонӣ хубтар мешавад

Дар ҳамин ҳол, коршиноси энержии тоҷик Шодӣ Шабдолов қайд кард, ки ҳатто ба итмом расонидани сохтмони "Роғун" кафолати ҳалли масъалаҳои марбут ба норасоии нерӯи барқро надорад.

298
Барчаспҳо:
маблағ, фурӯш, барқ, Тоҷикистон
Солнечные батареи, архивное фото

Дар Хуҷанд нахустин гимназия дорои нерӯгоҳи офтобӣ шуд

115
(Таҷдидшуда 17:54 13.01.2021)
Лоиҳаи "Насби системаи неруи офтобӣ" нахустин бор дар Тоҷикистон дар ин гимназия роҳандозӣ гардида, имконият медиҳад на танҳо синфхонаҳову утоқҳоро бо барқи доимӣ таъмин намояд, балки дар фаъолияти худ неруи сабзро истифода бурда, дар пешбурди соҳа саҳм гузорад

ДУШАНБЕ, 13 янв – Sputnik. Ду сол инҷониб дар мактаби таҳсилоти умумии ғайридавлатии "Гимназияи ба номи Гёте"-и шаҳри Хуҷанд дар самти оқилонаву самаранок истифода бурдани неруи барқ ва инчунин истифодаи манбаҳои барқароршавандаи энергия лоиҳае таҳти унвони "Истифодаи неруи алтернативӣ" ё худ "Насби системаи офтобӣ" амалӣ гардида истодааст.

Дар ин замина дар доираи роҳандозии лоиҳаи зерин моҳҳои ноябр-декабри соли 2020 аз ҷониби мутахассисони ҶДММ "Технологияҳои Сабз" (Green Technologies) дар шифти бинои гимназия таҷҳизоти офтобӣ насб гардида, давоми се рӯзи ҳафтаи равон аз тарафи мутахассисони ин ширкат барои як гурӯҳ омӯзгорону шахсони мутасаддӣ ва инчунин хонандагони синфҳои 9-10-и гимназия омӯзиши техникӣ оид ба мавзӯи "Манбаҳои алтернативии неруи сабз" гузаронида шуд.

Дар ин бора мақомоти иҷроияи ҳокимити давлатии шаҳри Хуҷанд иттилоъ медиҳад. 

Дар доираи баргузории омӯзиши техникӣ иштирокчиён бо барномаи ширкат, технологияҳову таҷҳизоти насбшуда, тарзи бадастоварӣ, истифодаи манбаҳои барқароршавандаи энергия бо бартариҳову дурнамои неруи офтобӣ шинос гардиданд.

Ҳамзамон омӯзиши таҷрибавӣ оид ба насби панелҳои офтобӣ ва пайвасти қисмҳои асосии шабакаи барқии офтобӣ ва бакордарории он гузаронида шуда, дар анҷоми омӯзишҳо ба ҳозирин сертификат ва либосҳои нави корӣ супорида шуданд.

Бунёди бузургтарин нерӯгоҳи офтобӣ дар Мурғоб

Лоиҳаи "Насби системаи неруи офтобӣ" аввалин маротиба дар миқёси ҷумҳурӣ дар ин гимназия роҳандозӣ гардида, ба ин муассисаи таълимӣ имконият медиҳад на танҳо синфхонаҳову утоқҳоро, ки бо компютеру лавҳаҳои электронӣ ва системаҳои бехатарӣ муҷаҳҳаз гаштаанд, аз хомӯшии ногаҳонии барқ ҳифз ва бо барқи доимӣ таъмин намояд, балки дар фаъолияти худ неруи сабзро васеъ истифода бурда, дар сарфаи барқ, пешбурди соҳаи неруи сабз ва равнақ додани иқтисодиёти мамлакат саҳм гузорад.

115
Барчаспҳо:
нахустин, нерӯгоҳи офтобӣ, Хуҷанд

Эмгузаронии оммавӣ алайҳи COVID-19 дар Русия оғоз мешавад-навор

0
Дар Русия аз ҳафтаи оянда, эмгузаронии оммавӣ алайҳи коронависрус оғоз мешавад. Президенти Русия, Владимир Путин дар ин бора ҳукумати кишварашро муваззаф кардааст

Раисиҷумҳури Русия зимни дастури эмгузаронии оммавии аҳолӣ таъкид карда буд, ки ваксинаи русӣ алайҳи коронавирус шароити хоси интиқолро талаб намекунад ва зарур хонд, ки инфрасохтори зарурӣ ҳарчӣ зудтар фароҳам шавад.

Ваксинаи “Sputnik V” аллакай дар бисёр кишварҳои ҳамсоя истифода мешавад. Аз ҷумла дар як пойгоҳи низомии Русия дар Арманистон, ҳайати шахсӣ бо ин ваксина эмгузаронӣ шуданд.

Таъкид мешавад, ки дар ваксинагузаронӣ ҳама чиз ихтиёрӣ, бо розигии хаттии ҳайати низомӣ ва ҳам дигар гуруҳи шаҳрвандон сурат мегирад.

Дар Беларус "Sputnik V"-ро аввалин шуда, табибон гирифтанд.  Баъдтар, дар саросари ҷумҳурӣ беш аз 5,5 миллион нафар эм карда мешаванд.

Дар Қазоқистон ваксинагузаронӣ ҳанӯз оғоз нашудааст, аммо дар Караганда истеҳсоли доруи Русия аллакай дар авҷ аст. 

Дар Украина низ ба "Sputnik V" таваҷҷуҳ доранд. Онҳо аллакай ба ҷамъоварии имзоҳо барои сабти ном ва истеҳсоли ваксинаи Русия шурӯъ кардаанд.

Bloomberg самаранокии ваксинаи русии "Спутник V" -ро тасдиқ кард

Барои онҳое, ки имкони эмгузаронӣ ҳанӯз ба даст наомадааст, хабари хуш низ ҳаст: Озмоишҳои иловагии пӯсти тӯс барои пешгирии коронавирус ба анҷом расиданд. Даво аз ҷониби олимони ёқутистонӣ сохта шудааст. Тадқиқотҳо нишон доданд, ки он хавфи бемориҳоро кам мекунад ва инчунин раванди барқарорсозиро осон месозад.

0
Барчаспҳо:
вируси корона, беморӣ, навор, Русия, Русия