Линия электропередачи

Шабдолов роҳи ҳалли камбуди барқ дар Тоҷикистонро нишон дод: ин "Роғун" нест

2116
(Таҷдидшуда 13:07 13.01.2021)
Шодӣ Шабдалов мегӯяд, ки роҳи ҳалли камбуди барқ ​​дар Тоҷикистон ва Осиёи Марказӣ на нерӯгоҳи "Роғун", балки пайвастани шабакаи барқи ин минтақа ба Русия аст

ДУШАНБЕ, 13 янв – Sputnik. Шахсияти сиёсӣ ва коршиноси умури энержӣ Шодӣ Шабдолов бовар дорад, ки ҳатто ба баҳрабардорӣ расидани нерӯгоҳи барқи обии "Роғун" мушкили норасоии барқро дар ин кишвар ҳал намекунад.

Шодӣ Шабдолов мегӯяд,"бо тавваҷӯҳ ба нархи болои рушди ҷамъияти Тоҷикистон, сохти корхонаҳои ҷадиди саноатӣ, тӯлонӣ будани замони баҳрабардорӣ аз нерӯгоҳи Роғун ва сохти нерӯгоҳҳои кӯчак, дар солҳои наздик наметавон ба буҳрони камбуди барқ дар кишвар поён дод", - менависад "Парс тудей" аз қавли радиои "Садои Хуросон".

Вай меафзояд: "Акнун камбуди барқ на танҳо дар Тоҷикистон, балки Ӯзбекистон ва Қирғизистон низ эҳсос мешавад ва дар ояндаи наздик Русия ва Қазоқистон низ бо ин мушкил рӯ ба  рӯ хоҳанд шуд. Ба ин далел танҳо роҳи ҳалли мантиқии бӯҳрони камбуди барқ, пайвастани шабакаҳои барқи кишварҳои Осиёи марказӣ бо Русия аст, ки метавонад дар фаслҳои зимистон ва тобистон камбуди барқро ҷуброн кунад".

Ин дар ҳолест, ки Бонки ҷаҳонӣ низ ба кишварҳои Осиёи Марказӣ тавсия кардааст, ки мавзӯи ҳамгароӣ дар заминаи тавзеҳи барқро ҷиддӣ бигиранд ва дабирхонаи вижа барои баррасии наҳваи васл шудани шабакаҳои барқ дар минтақа таъсис кунанд.

Ба далели бӯҳрони камбуди барқ дар Тоҷикистон, манотиқи рустоии ин кишвар аз рӯзи 6 январ танҳо аз соати 6 - и субҳ то 23 - и шаб барқ доранду дар бақияи соатҳо маҳдудият барқарор мешавад.

Манбаъ афзуда, ки дар Ӯзбекистон ва Қирғизистон низ акнун маҳдудияти барқ ба далели камбуди энержӣ оғоз шудааст.

Ёдрас мешавем, ки пештар Президенти Тоҷикистон зимни як мусоҳибаи маҷозӣ бо рӯзномаи "Аш-Шарқ", гуфт, татбиқи лоиҳаҳои сармоягузорӣ дар соҳаи гидроэнергетика, ки яке аз манбаъҳои асосии тавлиди энергияи "сабз" мебошад, метавонад аз муҳиматарин самтҳои ояндадори ҳамкориҳои Тоҷикистону Қатар бошад.

Кондратев: Тоҷикистон метавонад барқро аз кишварҳои ҳамсояаш бихарад

Раисиҷумҳури кишвар бунёди "Роғун" - ро муҳимтарин омили тараққиёти иқтисодиву иҷтимоии Тоҷикистон ва дорои аҳаммияти минтақавӣ хонда, гуфтааст, ҳукумати Тоҷикистон алоқаманд аст, ки ба татбиқи ин тарҳ сармояи кишварҳои дӯст ва бародарро ҷалб намояд.

2116
Барчаспҳо:
ҳал, роҳ, барқ, камбудӣ, Тоҷикистон, Шодӣ Шабдолов
Лампочка, архивное фото

Лимити барқ дар Тоҷикистон: Раҳмон аз Вазорати энергетика чӣ талаб кард

414
(Таҷдидшуда 17:16 26.01.2021)
Президенти Тоҷикистон Эмомалӣ Раҳмон дар бастагӣ бо лимити барқ дар кишвар ба Вазорати энергетика чанд дастур дод

ДУШАНБЕ, 26 янв — Sputnik. Президенти Тоҷикистон Эмомалӣ Раҳмон талаб кард, ки талафоти барқ кам карда шавад.

Роҳбари давлат ёдрас шуд, ки ҳукумати кишвар барои расидан ба истиқлолияти энергетикӣ то ҳол кӯшиш мекунад.

Барои амалӣ шудани ин ҳадаф кишвар нақша дорад ояндаи наздик чанд нерӯгоҳ ифтитоҳ шавад.

Бо вуҷуди ин,-изҳор дошт президент,-дар самти таъмини доимиву устувори неруи барқ ҳанӯз як силсила масъалаҳои муҳими ҳалталаб вуҷуд доранд, ки истифодаи самараноку сарфакоронаи барқ аз ҷумлаи ҳамин масъалаҳо мебошад.

Вай таъкид кард, ки Вазорати энергетика вазифадор мешаванд, ки барқи истеҳсолшавандаро ҳисоб карда, талафоти онро кам кунанд.

Ба гуфтиа президент, имсол сохтмони хатти интиқоли барқи 500 – киловолта аз Неругоҳи барқи обии "Роғун" то зеристгоҳи конвертории "Сангтӯда шурӯъ гардида, Неругоҳи барқи обии “Сарбанд” ба маблағи беш аз 1,5 миллиард сомонӣ пурра таҷдид ва бо иқтидори 270 мегаватт- яъне аз иқтидори имрӯзааш 110 мегаватт зиёд ба истифода супорида шуд.

Лимити барқ нархи ангишт ва ҳезуму таппакро боло бурд

"Корҳо доир ба навсозӣ ҷиҳати кам кардани талафоти неруи барқ ва ҷорӣ намудани низоми муосири баҳисобгирии он дар шаҳрҳои Душанбе, Бохтар, Кӯлоб, Панҷакент, Истаравшан, Исфара, Конибодом, Бӯстон ва ноҳияи Данғара ба маблағи 2,4 миллиард сомонӣ оғоз мегарданд", - таъкид дошт раисҷумҳур.

414
Барчаспҳо:
Вазорати энергетика ва захираҳои об, лимит, барқ, Эмомалӣ Раҳмон, Тоҷикистон
Ново-Ангренской ТЭС,  Узбекистан

Худкушии сардори коргоҳ баъди садамаи нерӯгоҳи ҳароратие дар Ӯзбекистон

218
(Таҷдидшуда 13:21 24.01.2021)
Сардори коргоҳе, ки дар садамаи ТЭС-и Ново-Ангрени Ӯзбекистон ширкат дошт, пас аз бозпурсии мақомот худкушӣ кардааст

ДУШАНБЕ, 24 январ - Sputnik. Раҳбари коргоҳи нерӯгоҳи ҳароратии Ново-Ангрен худкушӣ кард, хабар медиҳад хабарнигори Sputnik Ӯзбекистон бо истинод ба хадамоти матбуотии Вазорати энергетика.

Ба иттилои манбаъ, мард дар хонаи худ худкушӣ кардааст.

Қаблан хабар дода шуда буд, ки сардори коргоҳ ба тафтишот ҷалб шуда, барои бозпурсӣ даъват шудааст.

Ёдовар мешавем, ки субҳи 20 январ се корманд дар бинои панҷуми нерӯгоҳи ҳароратии Ново-Ангрен бар асари хуруҷи омехтаи ғубори ангишт ҷони худро аз даст доданд. Се коргари дигар маҷрӯҳ шуданд.

Вазорати энергетика мегӯяд, ки қабл аз иҷрои кор ба гурӯҳи пудратчиён дастур дода шуд ва ба ин объект иҷозати зарурӣ гирифтанд.

Тибқи иттилои Вазорати ҳолатҳои фавқулода, дар натиҷаи ҳолати фавқулода инфрасохтор ва таҷҳизоти технологии нерӯгоҳ осеб надидаанд.

Фоҷиа: худкушии модари ҷавоне, ки ба кори саҳро машғул буду тифлаш аз тасф ҷон дод

Тафтиши ҳодиса идома дорад. Ба оилаҳои халокшудагон аз давлат ба маблаги 105 миллион сум товон дода мешавад.

218
Барчаспҳо:
худкушӣ, садама, Ӯзбекистон

Вазорати тандурустӣ суханони Эмомалӣ Раҳмонро дар бораи COVID - 19 тасдиқ кард

0
Вазорати тандурустии Тоҷикистон суханони президенти кишвар аз пирӯзӣ бар вируси коронаро тасдиқ карда, аз сабт нашудани ягон ҳолати гирифторӣ дар давоми 24 соати гузашта хабар дод

ДУШАНБЕ, 26 янв — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар шабонарӯзи охир ягон ҳодисаи нави гирифторшавии шаҳрвандон ба бемории коронавируси нави COVID-19 ба қайд гирифта нашудааст.

Бино ба гузориши ин ниҳод, дар маҷмӯъ то имрӯз дар кишвар 13308 нафар гирифторони сирояти коронавируси нави COVID-19 ба қайд гирифта шудааст.

Раҳмон аз пандемияву буҳрон гуфт: ҷаҳон чунинро тайи сад сол ёд надошт

Аз ин теъдод то санаи зикргардида 13218 нафар ё 99,3% шифо ёфта, 90 нафар бар асари ин беморӣ фавтидаанд.

Ёдрас мешавем, ки имрӯз кишвардор зимни ироаи паёми солона ба парлумони кишвар аз пирӯзии Тоҷикистон бар вируси корона хабар дод.

"Мо имрӯз шукрона мекунем, ки аз оғози моҳи январ дар кишварамон бемории сироятии КОВИД – 19 аз байн рафтааст", - гуфт президент.

Раисиҷумҳур таъкид кард, лекин ин чунин маънӣ надорад, ки мо ба саломатии худ ва атрофиёнамон бепарвоӣ зоҳир намоем, балки чун пештара бояд ҳушёр бошем, ба қоидаҳои беҳдошти шахсиву ҷамъиятӣ эътибори ҷиддӣ диҳем ва ҳамдигарро эҳтиёт кунем.

0
Барчаспҳо:
нобудшавӣ, вируси корона, Вазорати тандурустӣ ва ҳифзи иҷтимоии аҳолии ҶТ, нав, омор, Тоҷикистон