Депутат Законодательной палаты Олий Мажлиса, член фракции УзЛиДеП Дониёр Ганиев

Истеъфо диҳед: талаби вакили ӯзбек аз роҳбарияти Вазорати энергетика

392
(Таҷдидшуда 14:38 13.01.2021)
Вакили Палатаи қонунгузории Олий Маҷлис, узви фраксияи УзЛиДеП –и Ӯзбекистон Дониёр Ғаниев гуфт, роҳбарони Вазорати энергетика, ки дар бӯҳрони энергетикӣ дар кишвар гунаҳгоранд, бояд истеъфо диҳанд

ДУШАНБЕ, 13 январ - Sputnik. Ба гуфтаи Ғаниев, солҳои охир дар кишвар ислоҳоти зиёде, аз ҷумла, дар умури сабти ном, низоми бонкӣ ва ҷорӣ намудани хадамоти давлатии онлайн гузаронида шуданд.

Аммо дар баробари ин, кишвар то ҳол бӯҳрони энергетикиро аз сар мегузаронад, менависад repost.uz. дар истинод ба Telegram-и Ғаниев.

Кондратев: Тоҷикистон метавонад барқро аз кишварҳои ҳамсояаш бихарад

Дарҳол пас аз соли вазнини 2020, дар фасли зимистон, ки нисбат ба солҳои пешин хунуктар шуд, ҳамаро бӯҳрони энергетикӣ азоб медиҳад! Ин вазъ на танҳо норозигии шадиди аҳолӣ, бӯҳрони иҷтимоиро ба вуҷуд меорад, балки фаъолияти иқтисодиро коҳиш медиҳад ва ба иқтисодиёти кишвар таъсири манфӣ мерасонад. Аз ҳама чизи таҳқиромез он аст, ки мушкилот дар соҳаи энергетика ҳамаи дигаргуниҳои мусбати солҳои охир рухдодаро "мешӯянд".

Агар Вахш беоб монад ва ё чӣ гуна Тоҷикистон бӯҳрони энергетикиро паси сар кунад

Вакил инчунин илова кард, барои одамоне, ки зимистонро бе газ ва барқ ​​мегузаронанд ва имкони гарм кардани хонаҳои худро надоранд, ҳама гуна ислоҳот "беарзиш" мебошанд. Дар чунин вазъият танҳо онҳо ба барқ ​​ ниёз дорад.

Ба гуфтаи вакили парлумон, аз 10 муроҷиате, ки имрӯзҳо аз ҳавзаи интихоботияш ба ӯ меоянд, 9-тои он ба мушкилоти газ ва барқ ​​ишора мекунад.

Дониёр Ғаниев инчунин суол гузоштааст, ки маблағҳои аз буҷа ҷудошуда ба чӣ масраф мешаванд?

Вазорати энержӣ мегӯяд, ки 30 сол боз ба ин бахш сармоягузорӣ намекунад. Пас 28 фоизи қарзи берунаи давлатӣ ё 5,1 миллиард доллар дар бахши энергетика дар семоҳаи 2020 дар куҷост? Онҳо ба чӣ сарф мешаванд? – омадааст, дар иттилоияи ин ниҳод.

Депутат ТЭЦ Туракурғонро мисол овард, ки дар Намангон ба маблағи 1 миллиарду 200 миллион доллар сохта шудааст, ки мебоист водии Фарғонаро бо нерӯи барқ ​​таъмин мекард. Сарфи назар аз он, ки ТЭЦ-и Туракӯрғон соли гузашта ба истифода дода шуд, дар таъмини барқ ​​ба водӣ ягон тағироти мусбат ба амал наомадааст.

Ба гуфтаи вакил, саволҳои зиёде ҳастанд, ки посухашон норушан аст. Роҳбароне, ки ба саволҳо ҷавоб дода наметавонанд, хомӯш мемонанд. Вай афзуд, ки иштибоҳ дар тасдиқи муовинони роҳбарияти Вазорати энергетика мебошад.

"Воқеан, дар ин вазъ мо, вакилон низ қисман гунаҳкорем, зеро мо роҳбарияти Вазорати энергетикаро тасдиқ кардем. Дар ин ҳолат роҳи аз ҳама мувофиқи мақсад истеъфои роҳбароне хоҳад буд, ки боиси бӯҳрони энергетикӣ дар кишвар шуданд. Дарвоқеъ, дар кишварҳои демократӣ пас аз чунин бӯҳронҳо роҳбарон бо хоҳиши худ истеъфо медиҳанд. Аммо барои ин, роҳбарият бояд пеш аз ҳама виҷдод дошта бошад. Роҳбарияти бахши энергетикии мо на танҳо дар таъмини барқ, балки бо ифтихор ҳам бӯҳрон доранд", - хулоса кард Дониёр Ғаниев.

Ёдовар мешавем вақтҳои ахир дар Ӯзбекистон низ мисли Тоҷикистон мушкили таъминоти барқ ҷой дорад ва Вазорати энергетикаи он кишвар сабаби қатъ шудани барқро ба зиёд истеъмол шудани нерӯи барқ ​​дар давраи хунукӣ рабт медиҳад.

392
Барчаспҳо:
истеъфо, вазир, барқ, вакилон, Ӯзбекистон
Лампочка, архивное фото

Гуруҳҳои корӣ бо милисаҳо 9 миллион сомонӣ қарзи барқро ҷамъ кардаанд

88
(Таҷдидшуда 14:48 20.01.2021)
Мақомоти умури дохилии вилояти Суғд мегӯянд, маъмурини милиса бо гуруҳҳои корӣ наздики 9 миллион сомонӣ қарздорӣ аз барқро ҷамъоварӣ кардаанд

ДУШАНБЕ, 20 янв — Sputnik. Дар натиҷаи фаъолияти дастаҷамъонаи ниҳодҳои давлатӣ ва гурӯҳҳои корӣ дар шаҳру навоҳии вилояти Суғд ҳолатҳои мавҷуд будани қарздорӣ ё истифодаи ғайриқонунии неруи барқ ошкор гардид, хабар додааст "Ховар".

Манбаъ аз қавли Раёсати умури дохилӣ дар вилояти Суғд хабар дод, ки 4 гурӯҳи корӣ дар ҳамкорӣ бо кормандони шуъбаи 1-и Вазорати корҳои дохилӣ дар шаҳри Исфара аз 10 декабр то 8 январ аз ҳисоби қарздорӣ аз барқ зиёда аз 3 миллиону 700 ҳазор сомонӣ  рӯёниданд.

"Дар ин давра дар ноҳияи Мастчоҳ низ 4 гурӯҳи корӣ фаъолият бурда, зиёда аз 2 770 000 сомонӣ маблағи қарзӣ барқарор карда шуд. Дар шаҳри Гулистон аз ҷониби 7 гурӯҳи корӣ қариб 2 500 000 сомонӣ маблағи қарзӣ ҷамъоварӣ гардид, ки он асосан қарздорӣ аз ҳисоби корхонаҳои саноатӣ мебошад”, - омадааст дар иттилоия.

Дуздии барқ дар корхонаи давлатӣ ба маблағи беш аз 130 ҳазор сомонӣ

Қаблан бо мақсади ба аҳолӣ шарҳ додани муҳтавои Муроҷиатномаи ширкати "Барқи тоҷик" барои сарфакорӣ дар навоҳии кишвар гуруҳҳои корӣ ташкил карда шуданд. Ҳадафи ин иқдом инчунин пешгирии истифодаи нооқилонаву ғайриқонунии неруи барқ, арзёбӣ мешавад.

Феълан кори гуруҳҳои корӣ бо ҷалби масъулини ниҳодҳои гуногун, аз ҷумла маъмурини милиса идома дорад.

88
Барчаспҳо:
гуруҳи корӣ, барқ, Тоҷикистон
Линии электропередачи, архивное фото

Туркманистон қимати барқро барои Афғонистон 50 дарсад арзон кард

204
(Таҷдидшуда 16:36 19.01.2021)
Қимати барқи содиротии Туркманистон ба Афғонистон 50 дарсад коҳиш ёфтааст

ДУШАНБЕ, 19 янв – Sputnik.  Дар ҳошияи маросими ифтитоҳи хати интиқоли нерӯ аз шаҳри Каркии Туркманистон ба Шибирғони Афғонистон, ки бо ҳузури маҷозии сарони ду кишвар баргузор шуд, Ашраф Ғанӣ, раисҷумҳурии Афғонистон аз давлати Туркманистон барои коҳиши қимати барқ аз 6 сент ба 3,5 сент қадрдонӣ кард, иттилоъ додааст ИРНА.

"Ин тарҳ таъсири мусбате дар таъмини барқи қобили итминон дар устонҳои шимолии Афғонистон ва беҳбуди авзоъ дар ин минтақа хоҳад дошт ва Ишқобод зерсохтҳои лозимро барои афзоиши масрафи барқ дар Афғонистон фароҳам мекунад", - таъкид доштааст Ашраф Ғанӣ.

Гуфта шудааст, ки бо роҳандозии хати интиқоли 500 киловат, теъдоди афроде ки аз барқ дар Афғонистон истифода мекунанд, ба 9 миллион нафар афзоиш хоҳад ёфт, ки гоме муҳим дар таъмини барқи қобили эътимод дар ин кишвар аст.

Дар марҳалаи аввал, Туркманистон барқи шаҳрҳои Андхӯй, Шибирғон ва Мазори Шарифро таъмин мекунад ва дар марҳалаи дувум то авоили соли 2022 барқро ба Пули Хумрӣ ва Кобул ва сипас бо дастрасии бештар ба шаҳрҳои Покистон хоҳад расонд.

204
Барчаспҳо:
коҳиш, арзон, қиматшавӣ, Туркманистон, Афғонистон
 Председатель Демократической партии  Саидджафар Усмонзода

Роҳбари ҳизби демократи Тоҷикистон дар ноҳияи Панҷ маълум шуд

0
(Таҷдидшуда 21:07 21.01.2021)
Мақсуд Нуруллоев раиси бахши Ҳизби демократи Тоҷикистон дар ноҳияи Панҷ интихоб шудааст

ДУШАНБЕ, 21 янв — Sputnik. Ба нақл аз сомонаи рӯзномаи “Фараж” интихоби Мақсуд Нуруллоев дар ҳолест, ки моҳи апрели соли гузашта раиси собиқи бахши ҲДТ дар ноҳияи Панҷ Шариф Назаров, бинобар сабаби гирифторӣ бемории ҳамагири коронавирус аз олам даргузашт.

Дар ҳамин ҳол, раиси ҲДТ Саидҷаъфар Усмонзода таъкид доштааст, ки  Мақсуд Нуруллоев аз соли 2013 инҷониб узви ҳизб аст. Вай қайд кардааст, ки ҲДТ дар ноҳияи Панҷ 227 аъзо дорад.

Усмонзода сабаби интихоби шудани Нуруллоевро ба раисии бахши ҳизб дар ин ноҳия ба “фаъолу дилсӯз” будани ӯ рабт дод.

Манбаъ зикр кардааст, ки Мақсуд Нуруллоев соли гузашта дар баробари раиси феълии ноҳияи Панҷ Шоҳиён З. дар интихобот ба вакили маҷлиси вакилони халқи вилояти Хатлон дар ҳавзаи интихоботии Панҷ-54, тариқи худпешбарӣ, номзад буд, аммо мутаасифона интихоб нагардид.

Нуруллоев Мақсуд Бекмуродович 26-уми июли соли 1977 дар деҳаи ба номи Ҳасан Шерови ҷамоати Озодагони ноҳияи Панҷ, дар оилаи ронанда ба дунё омада, солҳои 1983-1993 дар муассисаи таҳсилоти миёнаи умумии рақами 12-и деҳааш таҳсил кардааст. Ихтисосаш ронанда аст. Ӯ то чанд соли охир раисии кумитаи маҳаллаи деҳаи ба номи Ҳасан Шеровро ба уҳда дошт.

0
Барчаспҳо:
интихоб, Панҷ, раис, Ҳизби демократи Тоҷикистон