Портфель

Таъйиноти кадрии замони "лимити барқ": роҳбарони нави тақсимоти барқ дар Суғд киҳоянд?

1340
(Таҷдидшуда 17:50 28.01.2021)
Билолзода Умед Ҳайдар, раиси ҶСК "Шабакаҳои тақсимоти барқ" бо тасвиби чанд қарор, роҳбарони зерсохтори ин ниҳод дар вилояти Суғдро таъйин намудааст

ДУШАНБЕ, 28 янв – Sputnik. Бино ба иттилои манобеи Sputnik Тоҷикистон ахиран бо қарори Билолзода, Исоев Порсо Садриддинович роҳбари филиали ҶСК "Шабакаҳои тақсимоти барқ" дар шаҳри Хуҷанд таъйин шудааст.

Исоев дар ин мақом Рустам Пулотовро иваз намудааст. Пулотов аз моҳи апрели соли 2005 директори Шабакаҳои барқии шаҳри Хуҷанд таъйин шуда буд. То омаданаш ба ин мақом Порсо Исоев муовини директор оид ба фурӯши барқ дар Шабакаҳои барқи Суғд кор мекард.

"Бо қарорҳои дигари Билолзода, Пулотов Рустам Рауфович роҳбари филиали ҶСК "Шабакаҳои тақсимоти барқ" дар минтақаи Истаравшан ва Кароматулло Муллонаврӯзов роҳбари филиали ҶСК “Шабакаҳои тақсимоти барқ” дар минтақаи Суғд таъйин гардиданд",- гуфт манбаъ аз ҳукумати вилояти Суғд.

Филиали ҶСК "Шабакаҳои тақсимоти барқ" дар минтақаи Истаравшан тақсимоти барқ дар шаҳру ноҳияҳои Айнӣ, Панҷакент, Шаҳристон, Истаравшан, Деваштич, Зафаробод, Спитамен ноҳияи ба номи Ҷаббор Расулов ва филиали ҶСК "Шабакаҳои барқ" - и Суғд шаҳру ноҳияҳои Ашт, Бӯстон, Исфара, Конибодом ва ноҳияи Бобоҷон Ғафуровро фаро мегирад.

ҶСК "Шабакаҳои тақсимоти барқ" ва ҶСК "Шабакаҳои интиқоли барқ" ду сохтори навтаъсис дар назди ширкати "Барқи Тоҷик" ба ҳисоб меравад.

Моҳи ноябри соли 2020 бо қарори раисиҷумҳур Билолзода Умед Ҳайдар, роҳбари ҶСК "Шабакаҳои тақсимоти барқ" ва Маҳмудзода Мирзо, роҳбари ҶСК "Шабакаҳои интиқоли барқ" таъйин шуда буданд. Дар умум дар миқёси кишвар 7 шабакаи тақсимоти барқ ва 40 шабакаи интиқоли барқ ҳисоб карда шудааст.

Пас аз чанд моҳи қатъ намудани интиқоли барқ, ахиран рӯзи 5 - уми январи соли ҷорӣ ширкати "Барқи тоҷик" бо нашри як иттилоияи расмӣ аз шурӯъи дубораи "лимит" ё маҳдудияти барқ дар навоҳии кишвар расман эълон кард. Дар шарҳи эълони расмӣ "Барқи тоҷик", гуфт, ки вазъият ҷиддӣ буда, ҳаҷми захираи об дар рудхонаи дарёи Вахш ба таври қобили мулоҳиза поён шудааст ва хавфи норасии об то аввали баҳор эҳтимол дорад.

Кӣ шикоят дорад? “Барқи тоҷик” баъди "лимит" телефонҳои боварашро фаъол кард

"Ба ин хотир маҳдудияти барқрасонӣ аз рӯзи 5 январи соли 2021 асосан шабона ҷорӣ гардида, аз соати 23-00 шаб то соати 06-00 субҳ идома меёбад", - гуфта буд "Барқи тоҷик".

То эълони "лимит" - и барқ ин ниҳод қатъи интиқоли нерӯи барқро, ки амалан аз моҳи дуюми фасли тирамоҳи соли гузашта оғоз ёфта буд, аз гузаронидани таъмир дар хатҳои ҳавоии низоми барқрасонӣ шарҳ медод.

1340
Барчаспҳо:
роҳбарон, барқ, интиқол, маҳдудият, Суғд
Хати интиқоли барқ, акс аз бойгонӣ

Шоимзода гуфт, бунёди қисмати тоҷикистонии CASA имсол анҷом меёбад: чанд пул сарф шуд?

587
Ҷамшед Шоимзода, муовини якуми вазири энергетика ва захираҳои оби Тоҷикистон, мегӯяд, сохтмони қисмати тоҷикистонии CASA – 1000 имсол ба анҷом хоҳад расид

ДУШАНБЕ, 24 фев – Sputnik. Шоимзода гуфт, тибқи асоснокии техникию иқтисодии лоиҳаи CASA – 1000 дар маҷмуъ барои татбиқи он 1 миллиарду 86 миллион доллар зарур мебошад, ки аз ин ба қисмати тоҷикистонӣ 314 миллион доллар рост меояд.

Нурекская ГЭС
© Официальная страница пресс-службы президента РТ в Facebook

Ӯ афзуд, то кунун аз ҷониби Бонки ҷаҳонӣ, Бонки исломии рушд, Бонки аврупоии сармоягузорӣ, Бонки аврупоии таҷдид ва рушд маблағҳои зарурӣ ҷудо шуда, созишномаҳои молиявӣ ба имзо расидаанд.

Суҳбати телефонии Раҳмон ва Ашраф Ғанӣ: аз баррасии масоили иқтисодӣ то фарҳангӣ

Ба иттилои ноиби вазири энержӣ, то ҳол дар қисмати тоҷикистонии CASA – 1000 ҳудуди 111 миллион доллар аз худ карда шудаанд. Ӯ афзуд, корҳои амалан анҷомдода ба андозаи то 180 миллион доллар мерасанд, ки пули қисмате аз он баъди санҷиш пардохт хоҳад шуд.

 Дар доираи лоиҳаи CASA – 1000 бунёди иншооти зерин пешбинӣ гардидааст:

  • Сохтмони хати интиқоли барқи 500 кВ – и “Датка – Суғд 500” ба дарозии 477 километр, ки аз ин 28 километр хат ба қаламрави Тоҷикистон рост меояд. Инчунин васеъсозии зеристгоҳи барқии “Суғд – 500” дар назар аст.
  • Сохтмони хати интиқоли барқи 500 кВ “Регар – Сангтӯда” бо дарозии 115 километр ва васеъсозии зеристгоҳи “Регар – 500”.
  • Сохтмони зеристгоҳи конверторӣ дар минтақаи Сангтӯдаи Тоҷикистон бо иқтидори 1300 МВт барои табдили ҷараёни тағйирёбанда ба ҷараёни доимӣ ва сохтмони зеристгоҳ бо  иқтидори 1300 МВт дар минтақаи Новшераи Покистон барои табдили ҷараёни доимӣ ба тағйирёбанда.
  • Сохтмони хати интиқоли Сангтӯда – Новшераи Покистон ба дарозии зиёда аз 750 километр, ки аз он ба ҳудуди Тоҷикистон 117 километр рост меояд.

Ҷамшед Шоимзода тавзеҳ дод, ки дар татбиқи лоиҳа асосан сементу арматура ва ноқилҳои истеҳсоли Тоҷикистон истифода мешавад, ки аз ҷониби татбиқгарони лоиҳа санҷидаю тасдиқ шудаанд. Ӯ афзуд, дар баробари 314 миллион доллар арзиши лоиҳавии қисмати тоҷикистонӣ инчунин хароҷоти пешбининашаванда мавҷуданд ва арзиши ниҳоии лоиҳа дар анҷоми сохтмон маълум карда мешавад.

587
Барчаспҳо:
хат, Тоҷикистон
Председатель ГБАО Ёдгор Файзов

Узрхоҳии раиси ВМКБ аз мардуми вилоят

4389
(Таҷдидшуда 13:53 24.02.2021)
Ёдгор Файзов, раиси Вилояти мухтори куҳистони Бадахшон, мегӯяд, пешравиҳое, ки дар соли 2020 ба даст омадаанд, дар қиёс бо мушкилот ва имкониятҳои вилоят нокифоя мебошанд

ДУШАНБЕ, 24 фев – Sputnik. Файзов зимни ҷамъбасти фаъолияти яксолаи ҳукумати ВМКБ аз сокинони вилоят узрхоҳӣ кард.

“Узр мехоҳам аз сокинони ВМКБ, ки зимистони имсол аҳолии деҳотро мо натавонистем бо қувваи барқ таъмин кунем. Ин вазъ ба мо нишон дод, ки мо ҳанӯз дар ин соҳа мушкилоту камчиниҳои зиёд дорем”, - изҳор дошт раиси ВМКБ.

Ӯ афзуд, ҳозир се нақшаи бузург рӯи дастанд, ки татбиқи онҳо барои як муддат имкон медиҳад аҳолӣ бо барқ таъмин бошанд, аммо дар оянда боз камӣ хоҳад кард. Аз ҷумла тайи солҳои 2021 - 2023 сохтмони 19 нерӯгоҳи офтобӣ, пайваст намудани шабакаи “Помир энержӣ” ба шабакаи ягонаи миллӣ ва сохтмони нерӯгоҳи “Себзор” дар назар аст, ки ба гуфтаи Файзов имкон медиҳанд, мардум тайи ду-се сол пурра бо барқ таъмин бошанд.

Файзов таъкид намуд, ки бо рушди саноат ин иқтидорҳо низ боз камӣ хоҳанд кард. Ӯ иттилоъ дод, ки феълан дар талоши пайдо кардани манобеи дигар барои сохтмони нерӯгоҳи “Санобод”, “Чартем” ва ғайра мебошанд.

Узрхоҳии раиси ВМКБ дар ҳолест, ки дар фасли сармои ҷорӣ дар вилоят камбуди барқ ҷой дошт ва дар бархе аз навоҳӣ маҳдудияти таъминоти барқ ҷорӣ гардид.

4389
Барчаспҳо:
нерӯ, барқ, Тоҷикистон
Акция по выдаче питания лицам без определенного места жительства

Нигарониҳо дар бораи гуруснагӣ дар саросари ҷаҳон афзоиш ёфт

0
(Таҷдидшуда 20:31 02.03.2021)
Коршиносони байналмилалӣ ахиран эълон доштанд, ки қиммати ҷаҳонии ғизо ба болотарин сатҳ дар 6 соли гузашта расидааст

ДУШАНБЕ, 2 мар — Sputnik. Нархи ҷаҳонии ғизо таҳти таъсири афзоиши ҳазинаи маводи ғизоӣ ба болотарин сатҳ дар беш аз 6 соли гузашта расидааст, иттилоъ додааст хабаргузории "Парстудей" дар истинод ба гузориши шабакаи хабарии "Bloomberg".

Ба гузориши "Bloomberg", ҳамзамон қиммати колоҳои аслӣ афзоиш ёфта ва қимати ҷаҳонии маводи ғизоиро ба болотарин сатҳ дар шаш соли гузашта дар январи 2021 расондааст.

Бо тавваҷуҳ ба таъсири ҳамагирии корона дар раванди рушди иқтисодӣ, нигарониҳо дар бораи гуруснагӣ дар саросари ҷаҳон афзоиш ёфтааст.

“Ҳама ба ҳоли худ саргардон. Соли вазнин хоҳад буд”: нигарониҳои Раҳмон аз соли 2021

Ин шабакаи хабарӣ бо ишора ба афзоиши 30 то 61 дарсадии қимати ғизо дар кишварҳои мухталиф навишт, ки бозорҳои навзуҳӯр, фишори ношӣ аз афзоиши баҳои маводи хомро эҳсос мекунанд, зеро афзоиши қимати колоҳое ҳамчун нафт, мис ва ғаллот болотар аз ҳадди интизор будааст.

0
Барчаспҳо:
боло, қиммат шудан, ғизо, байналмилалӣ, ҷаҳон