Нефтяные насосы, архивное фото

Вазорат: Тоҷикистон дар соли гузашта 24,4 ҳазор тонна нафт истихроҷ кард

143
(Таҷдидшуда 12:08 03.02.2021)
Вазорати энергетика ва захираҳои оби Тоҷикистон имрӯз зимни нишасти матбуотӣ эълон кардааст, ки истихроҷи нафт нисбат ба соли қабли афзоиш ёфтааст

ДУШАНБЕ, 1 фев — Sputnik. Бино бар иттилои масъулини вазорати энергетика ва захираҳои оби Тоҷикистон дар соли гузашта 24,4 ҳазор тонна нафт истихроҷ карда шудааст, ки нисбат ба соли 2019 1169 тонна зиёд мебошад.

Гуфта шудааст, ки воридоти маҳсулоти нафтӣ ва гаҳзи моеъ дар маҷмӯъ 1072 ҳазор тоннаро ташкил медиҳад, ки аз миқдор 652 ҳазор тонна маҳсулоти нафтӣ ва 420,579 ҳазор тонна гази моеъро ташкил медиҳад.

Ҳамзамон, иттилоъ дода шудааст, ки барои таъминоти аҳолӣ бо гармӣ дар мавсими зимистон ва корхонаҳои саноатӣ дар ҳаҷми 225 миллион кубометр гази табиӣ варид карда шудааст.

Қайд шудааст, ки дар соли равон бори аввал дар даврони соҳибистиқлолӣ бо дастгирии бевоситаи ҳукумати кишвар чоҳи нафтии №17и майдони Маҳрам бо чуқурии 4900 метр мавриди истифода қарор дода мешавад.

Русия таъминкунандаи асосии маҳсулоти нафтӣ дар бозори кишвар боқӣ мемонад. Инчунин, маҳсулоти нафтӣ ба Тоҷикистон аз Қазоқистон ва дигар кишварҳо интиқол дода мешавад.

143
Барчаспҳо:
истихроҷ, нафт, Тоҷикистон
Хати интиқоли барқ, акс аз бойгонӣ

Шоимзода гуфт, бунёди қисмати тоҷикистонии CASA имсол анҷом меёбад: чанд пул сарф шуд?

592
Ҷамшед Шоимзода, муовини якуми вазири энергетика ва захираҳои оби Тоҷикистон, мегӯяд, сохтмони қисмати тоҷикистонии CASA – 1000 имсол ба анҷом хоҳад расид

ДУШАНБЕ, 24 фев – Sputnik. Шоимзода гуфт, тибқи асоснокии техникию иқтисодии лоиҳаи CASA – 1000 дар маҷмуъ барои татбиқи он 1 миллиарду 86 миллион доллар зарур мебошад, ки аз ин ба қисмати тоҷикистонӣ 314 миллион доллар рост меояд.

Нурекская ГЭС
© Официальная страница пресс-службы президента РТ в Facebook

Ӯ афзуд, то кунун аз ҷониби Бонки ҷаҳонӣ, Бонки исломии рушд, Бонки аврупоии сармоягузорӣ, Бонки аврупоии таҷдид ва рушд маблағҳои зарурӣ ҷудо шуда, созишномаҳои молиявӣ ба имзо расидаанд.

Суҳбати телефонии Раҳмон ва Ашраф Ғанӣ: аз баррасии масоили иқтисодӣ то фарҳангӣ

Ба иттилои ноиби вазири энержӣ, то ҳол дар қисмати тоҷикистонии CASA – 1000 ҳудуди 111 миллион доллар аз худ карда шудаанд. Ӯ афзуд, корҳои амалан анҷомдода ба андозаи то 180 миллион доллар мерасанд, ки пули қисмате аз он баъди санҷиш пардохт хоҳад шуд.

 Дар доираи лоиҳаи CASA – 1000 бунёди иншооти зерин пешбинӣ гардидааст:

  • Сохтмони хати интиқоли барқи 500 кВ – и “Датка – Суғд 500” ба дарозии 477 километр, ки аз ин 28 километр хат ба қаламрави Тоҷикистон рост меояд. Инчунин васеъсозии зеристгоҳи барқии “Суғд – 500” дар назар аст.
  • Сохтмони хати интиқоли барқи 500 кВ “Регар – Сангтӯда” бо дарозии 115 километр ва васеъсозии зеристгоҳи “Регар – 500”.
  • Сохтмони зеристгоҳи конверторӣ дар минтақаи Сангтӯдаи Тоҷикистон бо иқтидори 1300 МВт барои табдили ҷараёни тағйирёбанда ба ҷараёни доимӣ ва сохтмони зеристгоҳ бо  иқтидори 1300 МВт дар минтақаи Новшераи Покистон барои табдили ҷараёни доимӣ ба тағйирёбанда.
  • Сохтмони хати интиқоли Сангтӯда – Новшераи Покистон ба дарозии зиёда аз 750 километр, ки аз он ба ҳудуди Тоҷикистон 117 километр рост меояд.

Ҷамшед Шоимзода тавзеҳ дод, ки дар татбиқи лоиҳа асосан сементу арматура ва ноқилҳои истеҳсоли Тоҷикистон истифода мешавад, ки аз ҷониби татбиқгарони лоиҳа санҷидаю тасдиқ шудаанд. Ӯ афзуд, дар баробари 314 миллион доллар арзиши лоиҳавии қисмати тоҷикистонӣ инчунин хароҷоти пешбининашаванда мавҷуданд ва арзиши ниҳоии лоиҳа дар анҷоми сохтмон маълум карда мешавад.

592
Барчаспҳо:
хат, Тоҷикистон
Председатель ГБАО Ёдгор Файзов

Узрхоҳии раиси ВМКБ аз мардуми вилоят

4395
(Таҷдидшуда 13:53 24.02.2021)
Ёдгор Файзов, раиси Вилояти мухтори куҳистони Бадахшон, мегӯяд, пешравиҳое, ки дар соли 2020 ба даст омадаанд, дар қиёс бо мушкилот ва имкониятҳои вилоят нокифоя мебошанд

ДУШАНБЕ, 24 фев – Sputnik. Файзов зимни ҷамъбасти фаъолияти яксолаи ҳукумати ВМКБ аз сокинони вилоят узрхоҳӣ кард.

“Узр мехоҳам аз сокинони ВМКБ, ки зимистони имсол аҳолии деҳотро мо натавонистем бо қувваи барқ таъмин кунем. Ин вазъ ба мо нишон дод, ки мо ҳанӯз дар ин соҳа мушкилоту камчиниҳои зиёд дорем”, - изҳор дошт раиси ВМКБ.

Ӯ афзуд, ҳозир се нақшаи бузург рӯи дастанд, ки татбиқи онҳо барои як муддат имкон медиҳад аҳолӣ бо барқ таъмин бошанд, аммо дар оянда боз камӣ хоҳад кард. Аз ҷумла тайи солҳои 2021 - 2023 сохтмони 19 нерӯгоҳи офтобӣ, пайваст намудани шабакаи “Помир энержӣ” ба шабакаи ягонаи миллӣ ва сохтмони нерӯгоҳи “Себзор” дар назар аст, ки ба гуфтаи Файзов имкон медиҳанд, мардум тайи ду-се сол пурра бо барқ таъмин бошанд.

Файзов таъкид намуд, ки бо рушди саноат ин иқтидорҳо низ боз камӣ хоҳанд кард. Ӯ иттилоъ дод, ки феълан дар талоши пайдо кардани манобеи дигар барои сохтмони нерӯгоҳи “Санобод”, “Чартем” ва ғайра мебошанд.

Узрхоҳии раиси ВМКБ дар ҳолест, ки дар фасли сармои ҷорӣ дар вилоят камбуди барқ ҷой дошт ва дар бархе аз навоҳӣ маҳдудияти таъминоти барқ ҷорӣ гардид.

4395
Барчаспҳо:
нерӯ, барқ, Тоҷикистон

Ба Пашинян пешниҳод карданд, ки дар назди халқ ба зону зада худро парронад - видео

0
(Таҷдидшуда 20:20 05.03.2021)
Бо чунин пешниҳод собиқ президенти Арманистон Роберт Кочарян баромад кард. Ӯ бовар дорад, ки нокомии Арманистон дар қазияи Қарабоғи Кӯҳӣ таҳризӣ шуда буд

Кочарян изҳор дошт, ки Никол Пашинян бояд назди мардум ба зону занад.

Ва агар сарвазир шаъну шараф дошта бошад бояд умуман худро парронад.

Воқеияти ҷадид: аз чӣ Качаряни зиндонӣ Пашинянро ҳушдор дода буд - видео

Сабти пурраи нишасти матбуотиро, ки дар он кишвардори собиқи Арманистон аз рейтинги пасти Пашинян ёдовар шуда, дар бораи шикаст дар Қарабоғ ва нақшаҳои ояндааш сухан гуфт, метавонед дар зер тамошо кунед.

0
Барчаспҳо:
пешниҳод, собиқ, президент, Никол Пашинян, Арманистон