Линии электропередачи

Афғонистон ба “Барқи тоҷик” пешпардохт карду хостори арзонии нарх шуд

519
(Таҷдидшуда 21:22 02.02.2021)
Ширкати “Барқи тоҷик” зимни як нома аз “Брешно”, ширкати барқи Афғонистон, изҳори сипос кардааст, ки пули чормоҳаи барқро пешпардохт кардааст

ДУШАНБЕ, 2 фев — Sputnik. Мирзо Исмоилзода, раиси ширкати “Барқи тоҷик” аз ҳамтои афғонаш Аҳмад Довуд Нарзай ва тими ӯ барои ҳамкориҳои муштарак дар воридоти барқ аз Тоҷикистон ба Афғонистон ва пули пешпардохти чаҳор моҳ – январ, феврал, март ва апрел изҳори ташаккур кардааст. Ин нома дар ихтиёри Sputnik Тоҷикистон қарор дорад.

“Соли 2020 воқеан як соли осоне набуд. Бо ин вуҷуд, мо сахт кор кардем ва умед дорам, ки оянда низ ҳамин гуна ҳамкориамонро бо мушорикати амиқ идома медиҳем”, - навиштааст Мирзо Исмоилзода.

Дар пайи як тафоҳуми “Барқи тоҷик” ва “Брешно” аз 20 декабри соли 2020, ширкати афғонӣ масъулияти пешпардохти пули барқи воридотиро барои чор моҳи аввали соли 2021 ва ҷониби тоҷикӣ содироти барқи мутмаин ва биловақфаро ба вилоятҳои Тахор, Кундуз ва Бағлон ба зимма гирифтаанд. Ҳамзамон “Брешно” аз “Барқи тоҷик” хостааст, ки баъд аз чаҳор моҳи фавқуззикр қимати фурӯши барқро коҳиш диҳад.

Тоҷикистону Афғонистон ҳанӯз 20 июни соли 2008 созишномаи хариду фурӯши барқро ба имзо расонида буданд. Манобеи огоҳ мегӯянд, бино ба созишнома, ки ҷузъиёташ маълум нест, ҷониби афғонӣ 1 квт/соат барқро ба 4,1 сент аз ҷониби тоҷикӣ харидорӣ харидорӣ мекунад.

Соли душвор

Интизориҳои Афғонистон аз Тоҷикистон дар ҳолест, ки ахирӣ аз моҳи июл ба ин сӯ ба далели камобии бесобиқа ба мушкили тавлиди барқ мувоҷеҳ шуда, ҳатто дар таъмини талаботи дохилиаш мушкил пайдо ва ҳатто расман маҳдудияти барқ эълон кардааст.

Омори расмӣ аз коҳиши қобили мулоҳизаи тавлиди барқ шаҳодат медиҳад. Бино ба иттилои Вазорати энергетика ва захираҳои оби Тоҷикистон, соли гузашта нерӯгоҳҳои кишвар 19 миллиарду 770,5 миллион кВт/соат, дар қиёс ба соли 2019 905,7 миллион кВт/соат кам барқ тавлид кардаанд.

Бино ба ин манбаъ, содироти барқ аз ҷумҳурӣ ба кишварҳои ҳамсоя дар соли гузашта низ 1 миллиарду 528,4 миллион кВт/соатро ташкил додааст, ки тақрибан нисфи нишондоди соли 2019-ро ташкил медиҳад. Бино ба иттилои “Брешно”, то пеш омадани камобӣ дар Тоҷикистон ин ширкат аз “Барқи Тоҷик” 90 мегават барқ дарёфт мекард.

Далер Ҷумъа, вазири энергетика ва захираҳои оби Тоҷикистон, зимни нишасти матбуотии ниҳодаш гуфт, коҳиши содирот соли гузашта 48% дарсадро ташкил дода, интиқоли барқ танҳо ба Афғонистон ва дар ҳадди минималӣ идома дорад.

“Ин ҳам ба хотири нигоҳ доштани талаботи техникиву технологии хатти барқест, ки шабакаҳои барқии ду кишварро ба ҳам мепайванданд”, - гуфт Далер Ҷумъа.

Тоҷикистон умдатан дар фасли гармо, ки талаботи дохилаш ба барқ коҳиш меёбад, содироти онро ба Афғонистон афзоиш медиҳад. 

519
Барчаспҳо:
барқ, Афғонистон, Тоҷикистон
Хати интиқоли барқ, акс аз бойгонӣ

Шоимзода гуфт, бунёди қисмати тоҷикистонии CASA имсол анҷом меёбад: чанд пул сарф шуд?

337
Ҷамшед Шоимзода, муовини якуми вазири энергетика ва захираҳои оби Тоҷикистон, мегӯяд, сохтмони қисмати тоҷикистонии CASA – 1000 имсол ба анҷом хоҳад расид

ДУШАНБЕ, 24 фев – Sputnik. Шоимзода гуфт, тибқи асоснокии техникию иқтисодии лоиҳаи CASA – 1000 дар маҷмуъ барои татбиқи он 1 миллиарду 86 миллион доллар зарур мебошад, ки аз ин ба қисмати тоҷикистонӣ 314 миллион доллар рост меояд.

Нурекская ГЭС
© Официальная страница пресс-службы президента РТ в Facebook

Ӯ афзуд, то кунун аз ҷониби Бонки ҷаҳонӣ, Бонки исломии рушд, Бонки аврупоии сармоягузорӣ, Бонки аврупоии таҷдид ва рушд маблағҳои зарурӣ ҷудо шуда, созишномаҳои молиявӣ ба имзо расидаанд.

Суҳбати телефонии Раҳмон ва Ашраф Ғанӣ: аз баррасии масоили иқтисодӣ то фарҳангӣ

Ба иттилои ноиби вазири энержӣ, то ҳол дар қисмати тоҷикистонии CASA – 1000 ҳудуди 111 миллион доллар аз худ карда шудаанд. Ӯ афзуд, корҳои амалан анҷомдода ба андозаи то 180 миллион доллар мерасанд, ки пули қисмате аз он баъди санҷиш пардохт хоҳад шуд.

 Дар доираи лоиҳаи CASA – 1000 бунёди иншооти зерин пешбинӣ гардидааст:

  • Сохтмони хати интиқоли барқи 500 кВ – и “Датка – Суғд 500” ба дарозии 477 километр, ки аз ин 28 километр хат ба қаламрави Тоҷикистон рост меояд. Инчунин васеъсозии зеристгоҳи барқии “Суғд – 500” дар назар аст.
  • Сохтмони хати интиқоли барқи 500 кВ “Регар – Сангтӯда” бо дарозии 115 километр ва васеъсозии зеристгоҳи “Регар – 500”.
  • Сохтмони зеристгоҳи конверторӣ дар минтақаи Сангтӯдаи Тоҷикистон бо иқтидори 1300 МВт барои табдили ҷараёни тағйирёбанда ба ҷараёни доимӣ ва сохтмони зеристгоҳ бо  иқтидори 1300 МВт дар минтақаи Новшераи Покистон барои табдили ҷараёни доимӣ ба тағйирёбанда.
  • Сохтмони хати интиқоли Сангтӯда – Новшераи Покистон ба дарозии зиёда аз 750 километр, ки аз он ба ҳудуди Тоҷикистон 117 километр рост меояд.

Ҷамшед Шоимзода тавзеҳ дод, ки дар татбиқи лоиҳа асосан сементу арматура ва ноқилҳои истеҳсоли Тоҷикистон истифода мешавад, ки аз ҷониби татбиқгарони лоиҳа санҷидаю тасдиқ шудаанд. Ӯ афзуд, дар баробари 314 миллион доллар арзиши лоиҳавии қисмати тоҷикистонӣ инчунин хароҷоти пешбининашаванда мавҷуданд ва арзиши ниҳоии лоиҳа дар анҷоми сохтмон маълум карда мешавад.

337
Барчаспҳо:
хат, Тоҷикистон
Председатель ГБАО Ёдгор Файзов

Узрхоҳии раиси ВМКБ аз мардуми вилоят

2588
(Таҷдидшуда 13:53 24.02.2021)
Ёдгор Файзов, раиси Вилояти мухтори куҳистони Бадахшон, мегӯяд, пешравиҳое, ки дар соли 2020 ба даст омадаанд, дар қиёс бо мушкилот ва имкониятҳои вилоят нокифоя мебошанд

ДУШАНБЕ, 24 фев – Sputnik. Файзов зимни ҷамъбасти фаъолияти яксолаи ҳукумати ВМКБ аз сокинони вилоят узрхоҳӣ кард.

“Узр мехоҳам аз сокинони ВМКБ, ки зимистони имсол аҳолии деҳотро мо натавонистем бо қувваи барқ таъмин кунем. Ин вазъ ба мо нишон дод, ки мо ҳанӯз дар ин соҳа мушкилоту камчиниҳои зиёд дорем”, - изҳор дошт раиси ВМКБ.

Ӯ афзуд, ҳозир се нақшаи бузург рӯи дастанд, ки татбиқи онҳо барои як муддат имкон медиҳад аҳолӣ бо барқ таъмин бошанд, аммо дар оянда боз камӣ хоҳад кард. Аз ҷумла тайи солҳои 2021 - 2023 сохтмони 19 нерӯгоҳи офтобӣ, пайваст намудани шабакаи “Помир энержӣ” ба шабакаи ягонаи миллӣ ва сохтмони нерӯгоҳи “Себзор” дар назар аст, ки ба гуфтаи Файзов имкон медиҳанд, мардум тайи ду-се сол пурра бо барқ таъмин бошанд.

Файзов таъкид намуд, ки бо рушди саноат ин иқтидорҳо низ боз камӣ хоҳанд кард. Ӯ иттилоъ дод, ки феълан дар талоши пайдо кардани манобеи дигар барои сохтмони нерӯгоҳи “Санобод”, “Чартем” ва ғайра мебошанд.

Узрхоҳии раиси ВМКБ дар ҳолест, ки дар фасли сармои ҷорӣ дар вилоят камбуди барқ ҷой дошт ва дар бархе аз навоҳӣ маҳдудияти таъминоти барқ ҷорӣ гардид.

2588
Барчаспҳо:
нерӯ, барқ, Тоҷикистон
Конкурс Чакомаи Гесу в Худжанде

Мӯдарозтарин духтари Душанберо муайян карданд

0
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

0