Маош, коҳиши маблағгузорӣ ва талоши ҷалби бонкҳои аврупоӣ ба “Роғун”: шарҳи ноиби вазир

© Sputnik / Гузариш ба медиабонкОткрытие первого гидроагрегата на Рогунской ГЭС в Таджикистане
Открытие первого гидроагрегата на Рогунской ГЭС в Таджикистане  - Sputnik Тоҷикистон, 1920, 19.02.2021
Обуна шудан
Ҷамшед Каримзода, ноиби вазири молияи Тоҷикистон азми Ҳукумат барои ҷалби пули бонкҳои аврупоиро тасдиқ кард
ДУШАНБЕ, 19 фев — Sputnik. Каримзода имрӯз зимни нишасти матбуотӣ гуфт, гуруҳи кории Ҳукумат барои ҷалби сармояи хориҷӣ, аз ҷумла тариқи евробондҳо кор карда истодааст.
Ӯ гуфт, тавони иқтисодии Тоҷикистон беҳбуд ёфта, ҷумҳурӣ метавонад маблағҳоро ба андозаи то 60 дарсади Маҷмӯи маҳсулоти дохилӣ ҷалб намояд.  

"Роғун" ба маблағи ним миллиард сомонӣ нерӯи барқ дод

Ноиби аввали вазир изҳор дошт, ки маблағро имкон дорад, ҳам аз ҳисоби худи нерӯгоҳи “Роғун” ва ҳам аз ҳисоби дигар сарчашмаҳо ҷалб намуд. Вай зикр кард, ки нерӯгоҳи “Роғун” аллакай ба ҳалқаи энергетикии кишвар пайваст буда, то имрӯз зиёда аз 2,5 ним миллиард киловат/соат барқ бо арзиши қариб ним миллиард сомониро ба мардум дастрас кардааст.
Последние приготовления перед открытием Рогунской ГЭС - Sputnik Тоҷикистон, 1920, 02.02.2021
Нохушиҳо дар "Роғун" 3 куштаю 15 маҷруҳ барҷой гузоштаанд
Давлати Тоҷикистон соли равон аз буҷа барои бунёди нерӯгоҳи “Роғун” 2,1 миллиард сомониро ҷудо намудааст. Соли гузашта ба ин иншоот 2,2 миллиард сомонӣ равона шудааст.
Каримзода тавзеҳ дод, ки соли гузашта 2,2 миллиард сомонӣ аз ҳисоби буҷа ва як миллиарди боқимонда иловатан аз ҳисоби захираҳои молиявӣ ба “Роғун” равона гардид. Ӯ афзуд, ки имсол низ талош хоҳанд кард, дар доираи имкониятҳо маблағгузории "Роғун"-ро зиёдтар кунанд, аммо феълан дар нақша 2,1 миллиард сомонӣ пешбинӣ шудааст. Ноиби вазир хотиррасон намуд, ки соли 2007 вақте Тоҷикистон мустақилона ба бунёди нерӯгоҳи "Роғун" оғоз кард, ҳамагӣ 6,5 миллион сомонӣ барои ин иншоот ҷудо шуда буд.
Дар мавриди он, ки соли гузашта бархе сохтмончиёни “Роғун” шикоят доштанд, ки моҳҳо маош намегиранд, муовини вазири молия таъкид намуд, ки ин иншоот дар доираи маблағҳои буҷетӣ пурра маблағгузорӣ шудааст. Ӯ чунин масоилро марбути худи маъмурияти нерӯгоҳи “Роғун” ва ширкатҳои фаъолияткунанда дар ин нерӯгоҳ рабт дод.
Лентаи хабарҳо
0