Қатъи интиқоли оби ошомиданӣ. Акс аз бойгонӣ

Озода Раҳмон: 40% аҳолии Тоҷикистон мушкили дастрасӣ ба об доранд

27
(Таҷдидшуда 12:02 09.06.2015)
Ба қавли муовини аввали вазири умури хориҷаи кишвар, дар ҳоли ҳозир 40 дарсади аҳолии кишвар барои дастрасӣ ба оби тозаи ошомиданӣ мушкил доранд, ин вазъият дар ҳолест, ки шаст фоизи обҳои минтақаи Осиёи Марказӣ дар Тоҷикистон ташаккул меёбанд.

ДУШАНБЕ, 9 июн — Sputnik. Таъмини об дар баъзе аз деҳоти кишвар ба мушкили бештар дучор гардидааст, изҳор дошт муовини аввали вазири корҳои хориҷии ҶТ Озода Раҳмон дар ҳамоиши "Зан ва об", ки рӯзи 8 июн дар Душанбе баргузор шуд, иттилоъ медиҳад Радиои Озодӣ.

Ҳамоиши "Зан ва об" дар чорчӯби конфронси байналмиллалии "Об барои ҳаёт", ки имрӯз дар Душанбе ифтитоҳ шуд, сурат пазируфт.

Аснои ҳамоиш Озода Раҳмон қайд кард, ки 60% обҳои минтақаи Осиёи Марказӣ дар Тоҷикистон ташаккул меёбанд, аммо мушкили дастрасӣ ба оби ошомиданӣ дар Тоҷикистон ҳамоно боқӣ мемонад.

Дабири кулли СММ Пан Ги Мун. Акс аз бойгонӣ
© Sputnik / Илья Питалев

"Таъмини об дар баъзе аз деҳоти кишвар ба мушкили бештар дучор гардидааст ва аз камбуди об беш аз ҳама занон ранҷ мебаранд. Ин ҳолатҳо боиси дар канор мондани занон ва духтарон аз раванди таҳсил, кор ва маҳдудияти даромади молӣ мегарданд. Ҳамаи ин занон ва духтаронро водор месозад, то барои таъмини ҳуқуқҳои худ дар робита ба дастрасӣ ба об, беҳдошт, ҷилавгирӣ аз марги модар ва кӯдак, беҳбуди зиндагӣ саъю талош намоянд",- афзуд ӯ.

Озода Раҳмон аз баҳсҳо бар сари тақсими захираҳои оби минтақа ҳам сухан гуфта, аммо таъкид кард, ки Тоҷикистон бо вуҷуди дар саргаҳи об қарор доштанаш ҳамеша ҷонибдори ҳалли мусбати ин мушкил будааст.

Ҳамоиши "Зан ва об" як рӯз пештар аз нишасти натиҷагирӣ аз даҳсолаи "Об барои ҳаёт" дар пойтахти Тоҷикистон сурат гирифт. Дар ин нишасти байнулмилалӣ, ки 9 июн оғоз шуда, то ду рӯзи дигар идома хоҳад кард, намояндагони 99 кишвару созмонҳо ширкат доранд.

27
Барчаспҳо:
40 дарсади аҳолии кишвар аз об танқисӣ доранд, оби минтақа дар Тоҷикистон, масоили марбут ба об, "Зан ва об", ҳамоиши байналмиллалии "Об барои ҳаёт", СММ, муовини вазири умури хориҷаи Тоҷикистон, Озода Раҳмон, Душанбе, Тоҷикистон
Мавзуъ
Сафири ИМА: об дар ОМ метавонад манбаъи низоъ ё рушд гардад
Президенти ҶТ пешниҳод кард, ки як даҳсолаи дигари об эълон шавад
Медицинские работники в инфекционной больнице

Аз 12 ҳазор гузашт: омори тозаи сироят аз COVID - 19 дар Тоҷикистон

240
(Таҷдидшуда 18:51 25.11.2020)
Дар Тоҷикистон шумораи умумии гирифторони бемории коронавируси навъи COVID-19 марзи 12 ҳазорро убур кард

ДУШАНБЕ, 25 ноя – Sputnik. Вазорати тандурустӣ ва ҳифзи иҷтимоии аҳолии Тоҷикистон иттилоъ медиҳад, ки дар шабонарӯзи охир дар Тоҷикистон 37 ҳодисаи нави бемории COVID-19 дарёфт гардида, дар шумораи гирифторони ин беморӣ дар кишвар ба 12008 нафар баробар гардид.

Тибқи иттилои манбаъ, ҳамзамон, дар давоми 24 соати охир 40 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон ба 11395 (94,9%) нафар баробар гардид.

Коронавирус нишасти G20 - ро сироят кард. Вале Ғарб ваксинаи Русияро тоқат надорад

 "Аз аввали ҳамагирӣ то кунун бар асари ин беморӣ  86 нафар фавтидаанд", - омадааст дар хабарнома.

Вазорати тандурустӣ мегӯяд, Ҳукумати Тоҷикистон ва Вазорати тандурустӣ ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Ҳамчунин ин ниҳод аз мардум даъват мекунад, ки дар ин лаҳзаҳои ҳассос ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд.

240
Барчаспҳо:
маризӣ, сироят, беморӣ, вируси корона, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Миристр здравоохранения Таджикистана Джамолиддин Абдуллозода

Вазир ва муовинаш ба тафтиши беморхонаҳои шаҳри Душанбе баромаданд

209
(Таҷдидшуда 18:51 24.11.2020)
Роҳбарияти Вазорати тандурустӣ ва ҳифзи иҷтимоии аҳолии Тоҷикистон бо мақсади аз наздик шинос шудан бо вазъи беморхонаҳо ва марказҳои саломатии шаҳру ноҳияҳои кишвар гаштҳои рӯзона ва шабонаро ба роҳ мондаанд

ДУШАНБЕ, 24 ноя — Sputnik. Ҷамолиддин Абдуллозода, вазири тандурустии Тоҷикистон шахсан аз рафти фаъолияти Маркази тиббии шаҳрии №1-и шаҳри Душанбе дидан намуд, иттилоъ додааст дафтари матбуоти ин ниҳод.

Бино бар иттилои манбаъ, зимни боздид вазири тандурустии кишвар бо фаъолияти  муассисаи мазкур аз наздик шинос шуда, оид ба рафъи мушкилиҳои мавҷуда ба масъулин дастуру супоришҳои мушаххас дод.

Гуфта шудааст, ки вазир дар ҳамин муассиаи тиббӣ бо чанд беморон дидору гуфтугӯ кард.

Инчунин манбаъ, таъкид доштааст, ки шаби 22 ноябри соли равон муовини вазири тандурустӣ Зулфия Абдусаматзода аз рафти  хизматрасонии шӯъбаи таваллудхонаи Маҷмааи тандурустии “Истиқлол” ва як қатор шӯъбаҳои таваллуди беморхонаҳои шаҳри Душанбе дидан намуд.

Вазорат зикр кардааст, ки муовини вазир бо фаъолияти шӯъбаҳои таваллуд, шинос шуд ва бо наздикону пайвандони беморон низ вохурӣ кард.

Қайд карда шудааст, ки зимни вохурӣ по беморон вобаста ба хизматрасонии тиббӣ суҳбат намуданд.

209
Барчаспҳо:
муовин, санҷиш, беморхона, тандурустӣ, вазир, Тоҷикистон

Дар Зеландияи Нав занҳои полиси ҳиҷобпӯш пайдо мешавад

0
(Таҷдидшуда 02:54 26.11.2020)
Полиси Зеландияи Нав эълом кард ҳиҷобро ба либоси расмии худ илова кардааст то занони мусалмонро ба сафи полис ташвиқ кунанд

ДУШАНБЕ, 26 ноя — Sputnik.  Ба гузориши радиои тоҷикии Садои Хуросон ба нақл аз нашрияи New Zealand Herald, Зина Алӣ, сухангӯи полиси ин кишвар гуфт, ки ҳадафи онҳо эҷоди нерӯи " фарогир " аст, ки бозтобдиҳандаи " гуногуниҳо " дар кишвар бошад ва худи ӯ ба унвони як афсари полис, аввалин маъмури боҳиҷоб хоҳад буд, ки дар ин тарҳи миллӣ мушорикат мекунад.

Зино Алӣ, ки як муҳоҷири мусулмони мутаваллиди ҷазоири Фиҷӣ аст ва дар даврони кӯдакӣ ҳамроҳи хонаводааш ба Зеландияи  муҳоҷират карда гуфтааст,  ки пас аз ҳамлаи террористии моҳи марти соли 2019 ба масҷиди шаҳри Черч Christ Church, тасмим гирифта ба нерӯи полиси Зеландияи Нав бипайвандад.

Бар асоси ин гузориш , пеш аз ин низ полиси метроролитени Лондон дар соли 2006 ва полиси Шотландия дар соли 2016 гузинаи либоси форми афсарони полис бо ҳиҷобро пешниҳод ва тасвиб карда буданд.

0
Барчаспҳо:
мусалмон, зан, полис, ҳиҷоб