Президенти КБО Томас Бах. Акс аз бойгонӣ

Бах: вируси “Зик” ба Олимпиада-2016 таъсир намерасонад

37
(Таҷдидшуда 17:15 05.08.2016)
Кумитаи байналмиллалии олимпӣ ҳеҷ иттилоъе дар бораи даст кашидани ягон давлат аз бозиҳои Олимпии 2016 бо сабаби вируси “Зик” нагирифтааст, изҳор дошт президенти Кумитаи байналмиллалии олимпӣ Томас Бах.

ДУШАНБЕ, 15 фев — Sputnik. Чанде қабл Кумитаи миллии олимпии ИМА бо изҳорот ба федератсияҳои миллии варзишӣ баромад карда, иброз доштааст, ки агар ягон варзишгар хавфи сироят шудан бо вируси Зикро дошта бошад, метавонад аз иштирок дар Бозиҳои Олимпӣ дар Рио-де-Жанейро даст кашад.

"Мо маълумот дар бораи кумитаҳои миллии олимпие, ки хоҳиши ба Рио рафтанро надоранд, рӯйи даст надорем,- гуфт Бах ба рузноманигорон.- Вале мо ин суолро хуб меомӯзем. Мо бо ташкилотҳое, ки бо вирус мубориза мебаранд, дар ҳамкории ҳамешагӣ қарор дорем. Дар Бразилия зимистон мешавад ва вазъият, куллан  ранги дигар мегирад. Мо боварӣ дорем,тадбирхое, ки ҳукумати Бразилия ва Созмони ҷаҳонии Тандурустӣ амалӣ менамоянд, муассир хоҳанд буд. Амнияти  ҳар як варзишгару тамошобин дар Бразилия таъмин карда мешавад".

Табларзаи Зик —як намуди бемории шадиди сироятии маймунҳост, ки дар ҳолатҳои алоҳида тавассути  хомӯшакҳо ба одам мегузарад. Ангезандаи он махсусан барои занҳои ҳомиладор  хатарнок аст, чунки метавонад, ба тифли дар батни модарбуда зарари вазниин ба мағзи сар расонад ва боиси бад шудани саломатиаш гардад.  

37
Барчаспҳо:
ангезанда, табларза, вируси Зик, Кумитаи байналмилалии олимпӣ, КБО, Томас Бах, Рио-де-Жанейро, Бразилия
Мавзуҳо:
Олимпиадаи Рио-де-Жанейро: ба пеш барои ғолибият (26)
Вакцинация, архивное фото

Русия замони эмгузаронии сартосарӣ аз маризии коронавирусро эълон кард

108
(Таҷдидшуда 19:49 25.05.2020)
Русия сар аз авоили тирамоҳи соли равон ба эмгузаронии сокинон аз маризии сироятии коронавирус шурӯъ мекунад

ДУШАНБЕ, 25 май – Sputnik. Эмгузаронӣ алайҳи маризии коронавирус авоили тирамоҳ шурӯъ хоҳад шуд ва анқариб 6 - 9 моҳро дарбар хоҳад гирифт.

Дар Русия озмоиши ваксина бар зидди коронавирусро оғоз карданд

Дар ин бора мудири Маркази илмь - тадқиқотии ба номи Гамалея оид ба эпидемиология ва микробиологияи Вазорати тандурустӣ Александр Гинтсбург дар барномаи "Зиндагии солим" дар шабакаи аввали телевизиони Русия ибрози назар дошт.

"Табиист, ки ба якборагӣ ҳамаро эмгузарондан ғайриимкон аст. Аз ин рӯ мӯҳлати эмкунии сартосарӣ аз 6 то 9 моҳро дарбар мегирад", афзудааст ӯ.

Вай илова намуд, ки организми инсон пас аз маротибаи дуюм рӯбарӯ шудан бо вирус ва ҳамзамон ду маротиба эм гирифтан, нисбати он масуният пайдо мекунад.

Қаблан мудири марказ изҳор дошта буд, ки аз авохири тобистон дар Русия ба маъракаи эмгузаронӣ аз коронавирус шурӯъ мекунанд. Вале ҳоло ба гуфтаи ӯ талошҳои ҳамаҷониба ба харҷ дода шудааст, ки ин маърака ҳар чӣ зудтар баргузор гардад.

Ба гуфтаи вай, озмоишҳои клиникии ваксинҳо натиҷаҳои хуб доданд ва  интизор меравад, эмгузаронӣ сар аз 15 - уми июн пас аз гирифтани иҷозатномаи Вазорати тандурустӣ ба роҳ монда шавад.

108
Барчаспҳо:
эмгузаронӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон
Активисты гражданского общества осведомляют о новом коронавирусе в Кабуле

Афзоиши гирифторони коронавирус дар Афғонистон: аз 11 ҳазор гузашт

41
Шабонарӯзи охир дар Афғонистон 591 ҳолати нави сироят ёфтани коронвирус ба қайд гирифта шуда, як нафар аз ин беморӣ ҷон додаст

ДУШАНБЕ, 25 май – Sputnik. Дар Афғонистон, шумораи мубталоён ба коронавирус марзи 11 ҳазор нафар гузашт, хабар медиҳад Tolo News.

Тибқи иттилои Вазорати тандурустии ин кишвар, давоми 24 соати охир дар ҷумҳурӣ 591 ҳолати нави сирояти COVID-19 ба қайд гирифта шудааст.

Ба иттилои манбаъ, теъдоди умумии мубталоён ба ин беморӣ ба 11 582 нафар расид.

 Гузашта аз ин, дар давоми як рӯзи охир танҳо як нафар фавтида ва 22 нафар беморон табобат ёфтанд.

Гуфта мешавад, аз лаҳзаи ворид шудани вирус дар Афғонистон то кунун, 1095 беморе табобат шуданд.

Ёдовар мешавем, ки аввал авҷи сирояти коронавирус ба Эрон расида, сипас ба Афғонистон ҳамсояи он интиқол ёфт.

Аввалин гирифтори беморӣ дар ин кишвар танҳо дар вилояти Ҳирот, ки бо Эрон ҳамсарҳад аст, пайдо шуда буд.

Пас аз чанде, дар Вазорати Тандурустии Афғонистон пешгӯӣ карда шуд, ки тибқи он 80% аҳолии ин кишвар коронавирусро аз сар мегузаронад.

41
Барчаспҳо:
маризон, гирифторон, омор, вирус, Афғонистон