Тадқиқот дар озмоишгоҳ. Акс аз бойгонӣ

Дарёфти усули беҳтари кимиёдармонӣ барои муолиҷаи саратон

120
(Таҷдидшуда 14:18 18.04.2016)
Олимон ба маводҳои барои паст намудани сатҳи холестирин умед доранд. Тадқиқот маълум кард, ки мавод устувории саратонро ба кимиёдармонӣ пурзӯр мекунад.

ДУШАНБЕ, 18 апр — Sputnik.  Маводҳои доруворӣ, ки ба паст намудани сатҳи холестерин равона шудаанд, метавонанд  афзоиши саратонро дар организми зинда кам намоянд, иттилоъ медиҳад РИА Новости бо такя ба тадқиқоти Донишгоҳи Миссури.

Ин тадқиқот метавонад барои рушди минбаъдаи роҳҳои самараноки мубориза бар зидди маризиҳои анкологӣ имконияти хуб бошад.

"Холестерин-ин малекулаи дохилии ҳуҷайраи зинда буда, ҳамчун ҷузъи сохтории ҳуҷайра хизмат мерасонад. Ҳангоми калоншавии ҳуҷайраҳои варам  холестерин бештар истеҳсол мешавад.  Бештар бемориҳои гирифтори саратонро бо кимиёдармонӣ табобат мекунанд. Валке мо дар тадқиқотамон диққати асосиро ба паст кардани истеҳсоли холестерин дар ҳуҷайраҳои саратон банд намудем ",-мегӯяд профессори Донишгоҳи Миссури Салман Ҳайдар.

Пажӯҳишгар қайд менамояд, ки усулҳои замонавии табобати саратон ба таъсири кимиёдармонӣ ба организм такя мекунад.

Ҳадафи асосӣ-таъсир ба андрогенҳои ("мардона") ресепторҳои ҳуҷайраҳои саратон, ки одатан бо ҳормонҳом тестерон алоқаманданд, мебошад. Ба қавли дигар кимиёдармонӣ нобудкунандаи кимиёвии ҳуҷайраҳои саратон мебошад, яъне намегузорад  то ҳуҷайраҳо афзоиш ёбанд.

"Ҳарчанд, ки ҳуҷайраҳо дар аввал ба ин усули табобат таъсири худро нишон медиҳанд, вале аксари онҳо дар охир устувор мешаванд, ки натанҳо боиси афзоиши ҳуҷайраҳо, балки боиси  паҳншавии онҳо дар организм мегардад. Холестерин низ ба рушди устувории ҳуҷайраҳо, ки худ ба ҳормони саратон табдил меёбад, таъсир мерасонад. Бинобар ин механизмҳои ташаккули холестерин дар муолиҷаи умумии саратон таъсири мусбат дорад",-гуфт Ҳайдар.

Ин ақида ҳангоми гузаронидани озмоиш бо мушҳо, ки аз бемории саратони ғадуди простата азият мекашанд, тасдиқ гардид. Баъди ба мушҳо додани маводи махсуси табобатӣ, ки ба паст намудани холестерин равона шудааст, суръати афзоиши ҳуҷайраҳои саратон паст шуд.

Ин озмоиш ба олимон имкон дод, то дар бораи истифодаи методи мазкур натанҳо барои муолиҷаи саратони ғадуди простата, балки бар зидди ҳама гуна бемориҳои анкологӣ хулосаи муҳим бароранд.

 

120
Барчаспҳо:
саратон, маризӣ, маводи доруворӣ, озмоишгоҳ, тадқиқот, касалии саратон, Донишгоҳи Миссури, Салман Ҳайдар, Миссури, ИМА
Мавзуъ
Олимон роҳи пешгирии сактаи мардонро пайдо намуданд

Директори “Вектор” гуфт, пандемияи COVID-19 кай ба поён мерасад

456
(Таҷдидшуда 17:22 30.11.2020)
Ринат Максютов, директори генералии Маркази давлатии вирусология ва биотехнологияи “Вектор”-и Русия, итминон дорад, ки пандемияи COVID-19 соли 2021 хотима меёбад.

ДУШАНБЕ, 30 ноя — Sputnik. Ба гуфтаи ӯ, амалан дар вирус ягон тағирот вуҷуд надорад ва он на бештар аз 0,1 фисад тағйир меёбадхабар медиҳад РИА Новости.

Пандемияи COVID-19 хотима ёбад ҳам, аммо худи коронавирус боқӣ хоҳад монд, гуфт Ринат Максютов, дар ҷашнвораи онлайнии Science Bar Hopping.

Вай қайд кард, ки вақте шумораи сироятҳо ҳар рӯз меафзояд, баробари ташаккули кофии иммунитети ҳамагонӣ хотима меёбад, зеро барои ин тақрибан нисфи аҳолӣ бояд эм карда шаванд.

Максютов илова намуд, ки аллакай 35 ҳазор вояи ваксинаи коронавируси  “EpiVacCorona”-ро Маркази “Вектор” истеҳсол кардааст. Аз ин шумор, тақрибан 5 ҳазораш барои таҳқиқот фиристода шудаву боқимонда моҳи декабр ба муомилоти шаҳрвандӣ хоҳанд рафт.

Олимони Чин мегӯянд, сарчашмаи COVID -19 Ҳиндустон аст

Тибқи маълумоти ТУТ,  давоми як рӯзи охир дар ҷаҳон шумораи ҳолатҳои тасдиқшудаи сирояти коронавирус беш аз 564 ҳазорро ташкил дода, 8985 нафар фавтидаанд.

Мавҷи дуюми COVID-19 ба шаҳри Истиқлол ҳам расид: 5 нафар сироят шуда, шифо ёфтаанд

Теъдоди рекордии гирифторон рӯзи шанбе (747 082 ҳазор) сабт карда шуд.

 

456
Барчаспҳо:
вирус, табобат, беморӣ, пешгӯӣ, вируси корона, Русия
Врач-инфекционист, Хапизов Шавкат Туланович

Маризони COVID-19-ро табобат мекарду худ аз он даргузашт: фавти табиби тоҷик дар Русия

740
(Таҷдидшуда 13:34 30.11.2020)
Ҳафизов Шавкат Туланович, яке аз табибони сироятшиноси шинохтаи тоҷик дар Русия дар синни 55-солагӣ даргузашт

ДУШАНБЕ, 30 ноя — Sputnik. Дар ин бора хоҳари Шавкат Ҳафизов Азиза Ҳафизова дар суҳбат ба Sputnik Тоҷикистон гуфт, бародараш ду рӯз пеш аз бемории ҳамагири коронавирус ҷон дод.

Ба иттиллои манбаъ, марҳум аз табибони сироятшиноси шинохта буда, хатмкардаи Донишгоҳи тиббии Тоҷикистон мебошад.

“Бародарам пас аз хатми Донишгоҳи тиббии Тоҷикистон сар аз соли 1993 то 2015 ҳамчун табиби сироятшинос дар Душанбе дар беморхонаҳои “Якум советский” ва беморхонаи сироятии Зарафшон кор кардааст”,-гуфт, хоҳари марҳум.

Ӯ гуфт, бародараш тавассути барномаи кӯчбандӣ ё “Переселение” соли 2015 ба Русия бо оилааш кӯчид ва  то ин замон дар Беморхонаи марказии ноҳияи Сосновскаи вилояти Тамбови Русия кор мекард.

Гуфта мешавад, номбурда яке аз муборизони зидди коронавирус буда, то дами охирин ба гирифторони ин беморӣ кӯмак мекард.

Бисёре аз ҳамкасбон ва он нафароне, ки табиб ба онҳо кӯмак кардааст, аз марги ӯ сахт андуҳгин шудаанд.

Татяна Яковлена, ки модарашро марҳум Ҳафизов табобат кардааст, навиштааст: "Мо ҳама ғамгинему мегирйем, зеро беҳтарин табиб аз бари мо рафт. Ӯ модари маро аз бемории илтиҳоби шуш наҷот доду худ аз ин беморӣ даргузашт".

Ҳамкори ӯ Надежда бошад аз ӯ беҳтарин инсон ёдовар шуда, гуфтааст: "Руҳат шод бод, Шавкат. Ту ба бисёр инсонҳо кӯмак кардӣ ва наҷоташон додӣ". 

Ҳафизов Шавкат соли 1965 дар шаҳри Душанбе ба Дунё омада, 55-сол дошт.

Врач-инфекционист, Хапизов Шавкат Туланович
из личного семьи Шавката Хапизова
Врач-инфекционист, Хапизов Шавкат Туланович

Дар хона табобат мегирифт: даргузашти табиби маъруф Шарипов аз "илтиҳоби шуш" дар Суғд

“Ман бо бародарам ҳамкурсем. Ҳарду Донишгоҳи тиббиро хатм кардем. Ӯ табиби сироятшинос шуду ман ҳоло дар Колеҷи тибби ҷумҳуриявӣ дарс мегӯям”,-афзуд номбурда.

Даргузашти Ибодуллоев, табиби шинохтаи тоҷик аз "илтиҳоби шуш"

Ба гуфти Азиза Ҳафизова дар оилаашон бештар дар ин ришта кор мекунанд ва падарашон Ахмед Ҳафизо, яке аз табибони саршинос буд, ки солиёни зиёд дар Беморхонаи Қарияи боло кор кардааст.

740
Барчаспҳо:
фавт, табиб, Русия, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Вазорати маорифи Русия мегӯяд, ягон донишҷӯйи хориҷӣ хориҷ нашудааст

0
(Таҷдидшуда 17:44 30.11.2020)
То ҳол ба Вазорати маорифи Русия аз ҷониби донишҷӯёни хориҷӣ ягон шикоят дар мавриди хориҷшавии онҳо аз донишгоҳҳои кишвар ворид нашудааст

ДУШАНБЕ, 30 ноя — Sputnik. Вазорати маориф ва илми Русия мегӯяд, дар замони пандемия ягон донишҷӯйи хориҷӣ аз донишгоҳҳои ин кишвар ба далели ҳозир нашудан ба дарсҳо, хориҷ нашудааст, хабар медиҳад котиботи вазорати мазкур.

Ба иттилои манбаъ, то ҳол аз ҷониби донишҷӯёни хориҷӣ низ ягон шикоят дар мавриди хориҷ шудани онҳо, ворид нагардидааст.

"Ҳамаи муассисаҳои олии таълимӣ дар шаҳрҳои Маскаву Санкт-Петербург ва дигар минтақаҳо дар робита ба ҷилавгирӣ намудан аз паҳншавии маризии коронавирус, ба таҳсили фосилавӣ фиристода шуданд", - таъкид мешавад дар хабари манбаъ.

Вазорат инчунин итминон дод, ҳамаи донишҷӯёне, ки бинобар чораҳои маҳдудкунӣ ба Русия омада наметавонанд, ҷойҳои буҷетиӣ онҳо нигоҳ дошта мешавад.

Супоришҳои Исматуллозода барои баргардонидани донишҷӯёни тоҷики дар хориҷ таҳсилкарда

Инчунин хабар дода мешавад, ки Вазорати маориф ва илми Русия барои донишкадаҳои олӣ оид ба ташкили самараноки таълими фосилавӣ тавсияҳо таҳия кардааст.

Бо мақсади мусоидат дар ташкили таълими фосилавӣ, Вазорати маориф якҷоя бо Россотрудничество масъалаи бо ҷойҳои корӣ таъмин намудани донишҷӯёни хориҷиро дар идораҳои Россотрудничество ва филиалҳои донишгоҳҳои Русия дар ҷои истиқоматашон кор карда истодааст.

Инчунин дар Тоҷикистон, Вазорати маорифи ҷумҳурӣ ба донишҷӯён пешниҳод кард, ки то ба эътидол омадани вазъ муваққатан дар донишгоҳҳои маҳаллӣ таҳсил кунанд.

0
Барчаспҳо:
хориҷ, донишҷӯён, вазорати маорифи Русия