Ташхиси хун. Акс аз бойгонӣ

Аспирин пас аз кимиёдармонӣ беҳтарин доруи зидди саратон аст

195
(Таҷдидшуда 18:53 22.04.2016)
Натиҷаҳои таҳқиқи терапияи зидди саратон нишон дод, ки дар ҳақиқат ҳам истифодаи аспирин инкишофи ҳуҷайраҳои саратонро кам карда ба кимиёдармонӣ барои мубориза бо саратон кӯмак мерасонад ва имконияти зинда монданро то 15-20 дарсад боло мебарад.

ДУШАНБЕ, 21 апр — Sputnik. Истифодаи аспирин қабл аз гузаронидани кимиёдармонӣ ва баъди нобуд сохтани саратон имконияти зинда монданро зиёд мегардонад, иттилоъ медиҳад РИА Новости бо такя ба мақолаи олимони бритониёӣ дар маҷаллаи PLoS One.

"Мо тадриҷан далелҳоеро ба даст меорем, ки таъсири мусбати истифодаи аспиринро барои муолиҷаи намудҳои гуногуни саратон нишон медиҳанд. То ҳол мо медонистем, ки истифодаи миқдори наонқадар зиёди аспирин саратонро аз афзоиш боз медорад, вале мо дарак надоштем, ки чӣ гуна ин мавод метавонад ба нобуд сохтани саратон таъсир расонад", —изҳор дошт Питер Элвуд аз Донишгоҳи Кардифи Британияи Кабир.

Барои кушодани ин муаммо Элвуд ва ҳамкоронаш даҳҳо корҳои илмиро дар бораи таъсири аспирин ба намудҳои гуногуни саратон, аз ҷумла саратони сина, ғадуди простата ва ғайраҳо омӯхтанд.

Ба гуфти олимон, истифодаи ҳатто миқдори ками аспирин афзоиши саратонро боздошта, имконияти зиндамониро барои гирифторони ҳар се намуди саратон то 15-20% баланд мебардорад.

Чуноне Элвуд қайд намуд, таъсири мусбати аспирин ба беморони дигар намуди касалиҳо низ мушоҳида шудааст, вале шумораи чунин маризҳо барои баровардани хулосаи аниқ кофӣ нест. Дар умум, ба назари духтур, олимон бояд таҳқиқот гузаронида дар рафти он ба як қисми беморон истифодаи аспиринро пешниҳод намоянд ва ба қисми дигар бошад, доруҳои оддӣ бидиҳанд.

"Албатта мо дар бораи таъсири аспирин ба дигар намудҳои саратон далелҳои кофӣ надорем. Аз ҷониби дигар, мо аллакай ба беморон пешниҳод менамоем, ки бо духтурони худ  дар бораи истифодаи аспирин ба сифати маводи иловагӣ маслиҳат намоянд",-хулоса кард духтур.

195
Барчаспҳо:
кимиёдармонӣ, аспирин, муолиҷа, табобат, саратон, Донишгоҳи Кардиф, Питер Элвуд, Британияи Кабир
Мавзуъ
Дарёфти усули беҳтари кимиёдармонӣ барои муолиҷаи саратон
Дар Тоҷикистон теъдоди гирифторони бемории саратон афзоиш ёфтааст
Медицинские работники в инфекционной больнице

36 кас мариз шуданду 42 тан шифо ёфтанд: омори коронавирус дар Тоҷикистон

137
(Таҷдидшуда 20:22 26.11.2020)
Шабонарӯзи гузашта дар Тоҷикистон аз маризии сироятии коронавирус мавориди фавт ба қайд гирифта нашудааст

ДУШАНБЕ, 26 ноя — Sputnik. Дар як шабонарӯзи охир дар ҷумҳурӣ 36 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ дар мамлакат ба 12044 нафар баробар гардид.

Манбаъ ҳамзамон аз шифоёбии 42 нафар пас аз табобат гирифтан хабар медиҳад. Ҳоло теъдоди умумии шифоёфтагон аз коронаиврус ба 11 437 нафар баробар шудааст.

Гузашта аз ин, дар Тоҷикистон аз маризии коронавирус 86 нафар ба ҳалокат расиданд.

Коронавирус нишасти G20 - ро сироят кард. Вале Ғарб ваксинаи Русияро тоқат надорад

Ҳукумати Тоҷикистон ва Вазорати тандурустӣ ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Зимнан, вазорати мазкур аз тамоми сокинони кишвар даъват мекунад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

137
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Городская больница № 2 Худжанд

COVID-19 дар Хуҷанд кам шудааст: Бемористони 2 баъди 7 моҳ ба реҷаи муқаррарӣ баргашт

658
(Таҷдидшуда 15:41 26.11.2020)
Бемористони шаҳрии № 2-и Хуҷанд, ки барои табобати беморони илтиҳоби шадиди роҳи нафас ва “вируси карона” муқаррар шуда буд, баъди ҳафт моҳ ба реҷаи маъмулӣ баргаштааст

ДУШАНБЕ, 26 ноя – Sputnik. Зиёда Салимова, ҷонишини сартабиб оид ба корҳои муолиҷавӣ дар суҳбат бо Sputnik Тоҷикистон гуфт, бемористони № 2 аз моҳи апрел, шурӯъ аз замоне, ки дар кишвар нахустин мавриди бемории каронавирус сабт гардид ба реҷаи карантинӣ гузашта буд.

“Аз моҳи апрел то аввали моҳи июн ба қабул ва табобати беморони илтиҳоби шадиди роҳи нафас ва COVID-19 машғул будем. Дар ин муддат 327 нафар чунин беморон ба табобат фаро гирифта шуданд. Аз ин шумора танҳо 13 нафар, ки ҳамагӣ 7-9 % и беморонро ташкил мекунад аз ҳисоби доштани бемориҳои ҳамрав аз ҷумла марази қалб ва қанд фавтиданд, боқимонда ҳама шифо ёфта, ба хонаҳояшон рухсат шуданд”, - гуфт Салимова.

Ҷонишини сартабиб афзуд, шурӯъ аз моҳи июн то аввали моҳи сентябр, онҳо дар ин Бемористон ба қабул ва қарантинкунии муҳоҷирон ва ё онҳое, ки аз хориҷа ба кишвар ворид мешуданд, машғул буданд. Тӯли ин муддат ҳудуди 400 нафар барои ду ҳафтаи тақвимӣ таҳти муроқибати табибон дар ин бемористон нигаҳдорӣ мешуданд.

Зиёда Салимова таъкид намуд, ки дар ин давра ташхиси 14 нафар аз шумори умумии қарантиншуда ба бемории COVID-19 мусбат арзёбӣ шуда, онҳо барои табобат ба Бемористони сироятии вилояти Суғд, воқеъ дар маҳаллаи 13-уми Хуҷанд интиқол дода шудаанд.

Масъулони Бемористони № 2-и Хуҷанд мегӯянд, ҳоло шумори сироятёбии сокинон ба “вируси карона” ба маротиб коҳиш ёфтааст. Табибони Хуҷанд, ин нуктаро аз коҳишёбии шумори муроҷиатҳо ва мавридҳои баландшавии табъи сокинон арзёбӣ мекунанд.

Дар шаҳри Хуҷанд Бемористони клиникавии Суғд ва Бемористони сироятии Суғд ба табобати беморони каронавирус машғул буда, дар ин ду бемористон табибон аз ҳар бемористон ва дармонгоҳҳои ҳудуди Хуҷанд ҷалб карда мешуданд.

Ҳоло бо гузашти инак ҳафт моҳ аз хуруҷи бемории COVID-19, шиддати ин беморӣ кам шудааст ва аксар табибоне, ки дар ин бемористон ҷалб мешуданд ба кори маъмулии худ баргаштаанд.

Зиёда Салимова зикр намуд, ки шурӯъ аз нимаи моҳи ноябр, онҳо ба қабули беморони маъмулӣ ба реҷаи пештараи кори худ баргаштаанд. Вазорати тандурустӣ ва ҳифзи иҷтимоии аҳолии Тоҷикистон шоми 25 ноябр аз 37 ҳодисаи нави гирифторӣ ба COVID-19 хабар дод. Дар маҷмуъ аз оғози нахустин ҳолати гирифторшавӣ ба коронавирус дар Тоҷикистон, то ҳол 12 ҳазору 8 нафар ба қайд гирифта шуд.  

Киҳо такроран мубталои коронавирус мешаванд? ҷавоби пизишк

Тибқи иттилои расмӣ, то имрӯз аз ин беморӣ 11 ҳазору 395 ё 94,9 % и беморон шифо ёфта, 86 нафар фавтидаанд.

658
Барчаспҳо:
Беморхона, ошкори вирус, беморӣ, Тоҷикистон
Мужчина совершает молитву на кладбище

Даргузашти Гев Лоҳутӣ - писари Абулқосим Лоҳутӣ дар Маскав

647
(Таҷдидшуда 21:37 27.11.2020)
Гев Лоҳутӣ, фарзанди дуввуми шоири маъруфи тоҷик, хабарнигор, адабиётшинос ва узви Иттиҳодияи адибони Маскав аст

ДУШАНБЕ, 27 ноя — Sputnik. Гев Лоҳутӣ - писари Абулқосим Лоҳутӣ даргузашт, хабар медиҳад рӯзномаи "Тоҷикистон" дар истинод ба Феликс Лоҳутӣ, писари Гев.

Гев Лоҳутӣ, фарзанди дуввуми шоири маъруфи тоҷик, хабарнигор, адабиётшинос ва узви Иттиҳодияи адибони Маскав буд.

Аз Абулқосим Лоҳутӣ ва Ситсилия –Бону чор фарзанд – Далер, Гев, Ҳотия ва Лайло тавлид шудаанд, ки як умр дар Маскав зистанд.

Гев Лоҳутӣ солҳои охир бемор буд ва дар садади навиштани китоби ёддоштҳо дар бораи падараш ба бемористон интиқол ёфт.

Гев, ки соли равон 83- сола шуд, нигаҳдорандаи бойгонии падар буд. Лайло Лоҳутӣ дар як суҳбат гуфта буд, ки сурудҳои дар асоси эҷодиёти падараш эҷодшуда дар хонаи Гев нигаҳдорӣ мешавад ва онҳо ҳар вақт онро мешунаванд.

Дар меҳмонии Лоҳутӣ ва Н. Махсум: сирҳои нуҳуфтаи тоҷикон аз “Хонаи назди соҳил”-и Маскав

Фелекс қаблан хабар дода буд, ки "Чанде пеш падарам баъзе матлабҳои солҳои пеш дар бораи бобоям дар рӯзномаҳо чоп кардаашро ҷамъ овард ва аз ман хост, ки аз онҳо нусха бигирам. Ӯ мехост, ки онҳоро дар китобе гирдиҳам оварад ва дар саҳифааш дар Фейсбук ҷой диҳад".

647