Скорая медицинская помощь в Душанбе

Пизишкони Суғд 30 худрави ёрии таъҷилӣ дарёфт карданд

70
(Таҷдидшуда 18:20 12.01.2018)
Бунгоҳҳои пизишкиву дармонии шаҳру ноҳияҳои вилояти Суғд аз ҳукумати вилоят 30 худрави ёрии таъҷилии пизишкӣ дарёфт карданд

ДУШАНБЕ, 12 янв — Sputnik. Ба иттилоъи равобити умумии ҳукумати вилояти Суғд, худравҳои ёрии пизишкиро раиси вилояти Суғд Абдураҳмон Қодирӣ дар маросиме, ки имрӯз дар Хуҷанд баргузор шуд, ба мудирони бунгоҳҳои пизишкӣ супурд.

“Ин худравҳо бо мақсади беҳтар намудани сатҳи хидматрасонии тиббӣ ва расонидани кумаки аввалияи тиббӣ ба сокинон ба муассисаҳои тиббии шаҳру ноҳияҳои вилоят дода мешаванд”, — гуфт Қодирӣ дар ин маросим.

Ба гузориши муовини раиси вилоят дар умури тандурустӣ Назира Ғаффорӣ, дар солҳои 2016 – 2017 бунгоҳҳои пизишкӣ аз ҳукумати вилоят 25 худрави ёрии таъҷилӣ дарёфт карда буданд ва акнун шумораи куллии ин василаҳои нақлия 109 адад аст.

Ҳукумати вилояти Суғд барои хариди 30 худрави "Хундай Старекс" 1,4 милюн сомонӣ ҳазина кардааст. Аз ин худравҳо чаҳорто ба бунгоҳҳои пизишкии шаҳру ноҳияҳои Панҷиканд, сето ба ноҳияи Бобоҷон Ғафуров, сето ба шаҳри Хуҷанд, яке ба Шаҳристон, дуто ба Конибодом, сето ба Истаравшан, дуто ба Масчо, дуто ба Спитаман, яке ба Кӯҳистони Масчо, яке ба Истиқлол, яке ба Бӯстон, дуто ба Зафаробод, сето ба Деваштич, яке ба ноҳияи Ҷаббор Расулов ва яке ҳам ба бемористони минтақаии Зарафшон дода шуд, ки ба бошандагони водии Яғноб хидмати тиббӣ мерасонад.

70
Барчаспҳо:
ёрии пизишкӣ, Ҳукумати вилояти Суғд, Абдураҳмон Қодирӣ, Суғд, Хуҷанд, Тоҷикистон
Мавзуъ
Кӯмаки Бритониё барои наҷоти тоҷикон: худравҳои оташнишонӣ ва ёрии таъҷилӣ
Денежные купюры. Архивное фото

Иттиҳоми қаллобӣ алайҳи ду зан аз ВКД: тоза кардани махзанро ваъда додаанд

409
(Таҷдидшуда 19:22 18.01.2021)
Ожонси назорати давлатии молиявӣ ва мубориза бо фасоди Тоҷикистон аз оғози парвандаи ҷиноӣ алайҳи ду зан, кормандони Вазорати умури дохилии кишвар хабар додааст, ки ба ивази маблағ тоза кардани маълумот аз махзани ин ниҳодро ваъда додаанд

ДУШАНБЕ, 18 янв — Sputnik. Ожонси мубориза бо фасод аз муттаҳамон Исматшозода Зебуниссо, сардори шуъбаи таҳлил ва назорати Раёсати таҳқиқи ВКД Ҷумҳурии Тоҷикистон ва таҳқиқотчии ин раёсат Қумригул Раҷаб ном бурдааст.

Манбаъ афзуд, ин ду нафар дар он муттаҳам мешаванд, ки ҳангоми кор дар мақомҳояшон 8 сентябри соли 2020 дар бинои ВКД Тоҷикистон бо шаҳрванд “А” вохӯрда, аз охирин бораи аз маҳзани маълумотӣ тоза кардани иттилоъ дар бораи доғи судияш 1200 доллар талаб кардаанд.

Ба иттилои Ожонс, ин ду масъул ваъда додаанд, ба ивази маблағ аз махзани Сармаркази иттилооти таҳлилии ВКД Тоҷикистон маълумот дар бораи доғи судиро тоза мекунанд.

Ожонси зидди фасод афзуд, ки дар натиҷаи гузаронидани чорабиниҳои оперативӣ-тафтишотӣ Исматшозода ва Ҳалимзода баъди аз шаҳрванд “А” гирифтани 1200 доллари ИМА дастгир гардида, маблағи мазкур аз онҳо ҳамчун далели шайъӣ дарёфт ва гирифта шуд.

Таъкид шудааст, ки алайҳи муттаҳамон бо айби қаллобӣ  парвандаи ҷиноятӣ оғоз карда шуда, он баъди анҷоми тафтиши пешакӣ ба суд ирсол карда шудааст.

Феълан назари айбдоршавандаҳо ва ҷониби ҳимояашон дар бораи ин қазия маълум нест.

409
Барчаспҳо:
муттаҳам, қаллобӣ, боздошт, Тоҷикистон
Девушки в защитных масках идут по улице в городе Душанбе

Аз 13 308 маризи коронавирус дар Тоҷикистон 90 кас фавтида, дигарон шифо ёфтанд

95
(Таҷдидшуда 18:59 18.01.2021)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта дар ҷумҳурӣ ягон ҳолати гирифторӣ ба коронавирус ба қайд гирифта нашудааст

ДУШАНБЕ, 18 янв – Sputnik. Дар Тоҷикистон беш аз як ҳафтаи ахир ягон ҳолати гирифторшавӣ ба бемории коронаиврус сабт нашудааст, хабар медиҳад Вазорати тандурустӣ.

Ба иттилои манбаъ, аз охири апрели соли гузашта то ҳол дар ҷумҳурӣ 13 ҳазору 308 нафар гирифтори коронавирус шудааст.

Манбаъ таъкид кард, ки то ҳол 13 ҳазору 218 нафар шифо ёфта, аз беморхонаҳо мураххас шудаанд. Инчунин 90 нафар бар асари ин беморӣ ҷон додаанд.

Бар асоси омори ироакардаи Вазорати тандурустӣ, айни ҳол дар ҷумҳурӣ ягон кас гирифтори COVID-19 нест.

Вале, Рустамҷон Бӯрибоев, сартабиби Бемористони сироятии Суғд ба Sputnik Тоҷикистон гуфт, ҳоло танҳо як нафар дар дармонгоҳ аз "вируси корона" табобат мегирад.

Коршинос сабаби нест шудани коронавирус дар Тоҷикистонро шарҳ дод

Ба иттилои манбаъ, ягона нафаре, ки ҳоло дар Бемористони сироятии Суғд табобат мегирад, сокини ноҳияи Бобоҷон Ғафуров буда, синнаш аз 60 - сола боло аст.

Сартабиб сабаби ба дарозо кашидани муҳлати муолиҷаи ин нафарро шарҳ дода гуфт, ки "бемории ҳамрадиф аз ҷумла қанд ба ҷараёни муолиҷаи ин нафар бетаъсир намондааст. Хушбахтона гузашти се ҳафта саломатии ӯ муътадил шуда ва ба хона рухсатшавиаш ҳам наздик омадааст".

95
Барчаспҳо:
маризӣ, омор, Вазорати тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Вакцинация против COVID-19 в Москве

Эмгузаронии ваксинаи "Sputnik V" дар Қазоқистон аз 1 феврал оғоз мешавад

10
(Таҷдидшуда 11:15 19.01.2021)
Дар марҳилаи аввал, кормандони тиб эм карда мешаванд, пас аз онҳо омӯзгорони мактабҳо ва донишгоҳҳо ва сипас донишҷӯён ва шахсони гирифтори бемориҳои музмин. Қарор аст, то охири сол эмгузаронии тақрибан шаш миллион нафар дар Қазоқистон сурат бигирад.

Душанбе, 19 январ - Sputnik. Қазоқистон ба нақша гирифтааст, ки эмгузаронии "Sputnik V" -ро аз 1 феврал оғоз кунад, гуфт роҳбари Вазорати тандурустии кишвар Алексей Тсой, хабар медиҳад Sputnik Қазоқистон.

Ба гуфтаи вай, рӯзи 19 январ байни маҷмааи дорусозии Караганда ва Фонди сармоягузории мустақими Русия дар бораи интиқоли қисми якуми 20 ҳазор вояи ваксинаи "Sputnik V" созишнома ба имзо мерасад. Додани иҷозатнома барои воридоти ягона 20 январ ба нақша гирифта шудааст, гуфт коршинос.

Кишвардори Гвинея бо ваксинаи Русия эм шуд: нахустин аз миёни роҳбарони Африқо

"То 1 феврал ба нақша гирифта шудааст, ки эмгузаронӣ алайҳи сирояти коронавируси гурӯҳҳои аҳолии зарардида оғоз карда шавад. Пешгӯии эмгузаронӣ бо назардошти гирифтани ваксина марҳила ба марҳила сурат мегирад", - гуфт Тсой дар ҷаласаи ҳукумат.

Марҳилаҳои эмгузаронии аҳолӣ дар Қазоқистон

  • марҳилаи аввал - кормандони тиббии беморхонаҳои сироятӣ, хадамоти таъҷилии тиббӣ, шӯъбаҳои эҳёгарӣ, кумаки аввалияи тиббию санитарӣ, шӯъбаҳои қабули беморхонаҳо, кормандони хадамоти санитарию эпидемиологӣ - дар маҷмӯъ тақрибан 100 ҳазор нафар. Барои ин гурӯҳ, эмгузаронӣ аз 1 феврали соли 2021 оғоз мешавад.
  • марҳилаи дуввум - омӯзгорони мактабҳои миёна, коллеҷҳо, донишгоҳҳо, кормандони хадамоти тиббии идоравӣ (150 ҳазор нафар). Эмгузаронӣ моҳи марти соли равон дар назар аст.
  • марҳилаи сеюм - омӯзгорони мактаб-интернатҳо, муассисаҳои томактабӣ, донишҷӯён, шахсони гирифтори бемориҳои музмин (тақрибан 600 ҳазор нафар). Эмкунӣ моҳи апрел оғоз мешавад.

Гуфта мешавад, ки то охири сол эмгузаронии то шаш миллион нафар дар назар аст.

Ёдовар мешавем, моҳи декабри соли гузашта дар маҷмааи фармасевтии Караганда истеҳсоли ваксинаи Русия алайҳи коронавируси "Sputnik V" оғоз ёфт.

Bloomberg самаранокии ваксинаи русии "Спутник V" -ро тасдиқ кард

Теъдоди озмоишӣ барои назорати сифат ба Русия фиристода шуд. Истеҳсоли саноатии дору моҳи феврал ба нақша гирифта шудааст.

10