Беморхона. Акс аз бойгонӣ

Кӯдаке, ки дар баданаш 16 сӯзан ёфта буданд аз беморхона ҷавоб шуд

386
(Таҷдидшуда 13:54 14.03.2018)
Ба гуфти намояндаи Вазорати тандурустии Узбакистон, сӯзанҳои дар бадани тифл боқимонда ба ҳаёти ӯ дигар таҳдид намекунанд, ва дар сурати хатарнокӣ онҳоро низ бо роҳи ҷарроҳӣ берун хоҳанд кард

ДУШАНБЕ, 14 мар — Sputnik. Тифли яксола, ки ду моҳ пеш табибони Тошканд аз баданаш 13 сӯзани дӯзандагӣ гирифта буданд, аз беморхона ҷавоб дода шуда, ҳоло дар зери назорати табибон қарор дорад, хабар дод намояндаи Вазорати тандурустии Узбакистон.

"Имрӯз тифл ба хона баргашт. Пас аз баргаштан вай дар зери назорати табибони маҳаллӣ хоҳад буд", — иттилоъ дод намояндаи Вазорати тандурустӣ ба РИА Новости.

Ба гуфти пизишк, сӯзанҳои дар бадани тифл боқимонда ба ҳаёти ӯ дигар таҳдид намекунанд, ва дар сурати хатарнокӣ онҳоро низ бо роҳи ҷарроҳӣ берун хоҳанд кард.

Хотиррасон мекунем, ки 17-уми январи соли равон тифли 11-моҳаеро бо ҳарорати баланд ва шурӯъи маризии пневмония ба яке аз беморхонаҳои Тошканд оварда буданд. Табибон дар бадани тифл 16 сӯзан пайдо карданд. 

Муоинаи тиббӣ нишон дод, ки сӯзанҳо ба бадани тифл 1-1,5 моҳ пеш дароварда шудаанд. Ҷарроҳон амалиётеро ба анҷом расониданд, ки дар рафти он аз бадани вай 13 сӯзанро берун оварданд. Амалиёти тиббӣ тақрибан 9 соат давом кард.

Табибон бар он боваранд, ки тифл наметавонист 15 сӯзанро худ ба худ фуру барад, зеро онҳо дар ҷойҳои мухталифи бадан қарор доштанд. Ба андешаи мутахассисон сӯзанҳо ба бадани тифл бо дахолати касе даромадаанд.

Пештар гузориш дода шуда буд, ки тифли яксолае дар ноҳияи Шайхонтоҳури шаҳри Тошканд ба чуқурии кандашуда барои ҳоҷҷатхона дар ҳавлии хусусӣ афтода, ба ҳалокат расидааст. Ин ҳодисаи фоҷиавӣ бо сабаби бепавоиии модар, ки дар он вақт ба ҳавлирӯбӣ машғул буд, рух додааст. Тифл то омадани табибон ҷон дода будааст.

386
Барчаспҳо:
ҷавоб шудан, аз беморхона, 16 сӯзан, кӯдак, Ӯзбекистон
Дети в защитных масках

Таъсир ба наслҳо: табиб оқибатҳои хатарноки коронавирус дар кӯдаконро гуфт

275
(Таҷдидшуда 18:15 27.10.2020)
Мутахассисон кӯдакони гирифтори коронавирусро муоина карда, оқибатҳои хатарнокро муайян кардаанд

ДУШАНБЕ, 27 окт - Sputnik. Кӯдаконе, ки гирифтори коронавируси нав ҳастанд, метавонанд ба оқибатҳои вазнин дучор оянд, мегӯяд Лайло Намозова-Баранова, раиси кумитаи иҷроияи Иттиҳоди педиатрҳои Русия.

Ба гуфтаи вай, ташхиси кӯдаконе, ки сироят ёфтаанд, таҳдиди камборвариро нишон дод.

"Назорати кӯдаконе, ки ба ягон намуди сирояти коронавирус гирифтор шудаанд, ҳатмист" гуфт коршинос.

Тибқи натиҷаҳои пурсиш, пас аз коронавирус дар беморони хурдсол, 30% коҳиш ёфтани функсияҳои маърифатӣ ба қайд гирифта шудааст.

Чунин нишондиҳандаҳо ҳатто дар кӯдаконе ёфт шудаанд, ки бемории бе аломат доштанд.

Олимон гуфтанд, кадом омил хавфи марг аз коронавирусро дучанд мекунад

"Пас аз гирифторӣ ба сирояти коронавирус, писарон тағироти ҷиддии сперматогенезро аз сар мегузаронанд. Дар оянда ин моро бо мушкилоти камборварии наслҳои оянда таҳдид мекунад", - хулоса кард мутахассис.

275
Люди в масках в городе

Вазорат: 851 нафар гирифтори коронавирусанд, 10 ҳазор шифо ёфтанд

370
(Таҷдидшуда 19:21 27.10.2020)
Шабонарӯзи гузашта дар Тоҷикистон 41 мавриди нави гирифторшавӣ ба маризии коронавирус ба қайд гирифта шуд

ДУШАНБЕ, 27 октября — Sputnik. Шабонарӯзи охир дар Ҷумҳурии Тоҷикистон 41 ҳолати нави сирояти COVID-19 ба қайд гирифта шуд, хабар медиҳад Вазорати тандурустӣ.

Эълони омори тозаи сироят, фавт ва шифоёбӣ аз коронавирус дар Тоҷикистон

Бино ба иттилои манбаъ, дар маҷмӯъ сирояти коронавирус дар муддати аз 30 апрел то 27 октябр 10860 ҳолатро ташкил дод.

"Дар як шабонарӯзи охир 58 нафар пас аз табобат ба хонҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 10009 (92,1%)  баробар гардид", - таъкид мешавад дар хабар.

Ҳамчунин дар Тоҷикистон ҷамъан аз маризии COVID- 19 81 нафар фавтидаанд.

Маврид ба зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

370
Барчаспҳо:
омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Площадь Сомони в Душанбе

Обу ҳаво: имрӯз дар Тоҷикистон эҳтимоли бориши борон дар назар аст

0
(Таҷдидшуда 10:20 28.10.2020)
Имрӯз дар ҷумҳурӣ ҳаво тағйирёбанда шуда, дар баъзе ноҳияҳо эҳтимоли бориши нисбатан сусти марҳилавӣ дар назар аст, хабар додааст Агентии обуҳавошиносии Тоҷикистон

ДУШАНБЕ, 28 окт — Sputnik. Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво тағйирёбанда шуда, эҳтимоли бориши нисбатан сусти марҳилавӣ дар назар аст, менависад АМИТ "Ховар".

Шамол аз самти ғарб бо суръати 3-8 метр дар як сония мевазад. Ҳаво дар ғарби вилоят   шабона аз 2 дараҷа хунук то 3 дараҷа гарм ва рӯзона 10+15  дараҷа гарм  мешавад. Дар  шарқи вилоят  ҳаво шабона 8-13 дараҷа хунук ва рӯзона 1+6 дараҷа гарм мешавад.

Ҳаво дар вилояти Суғд  тағйирёбанда шуда, рӯзона дар ноҳияҳои алоҳида борони суст  меборад. Дар баландиҳои зиёда аз 3 ҳазор  метр барфи суст дар назар аст. 

Шамол аз самти ғарб бо суръати 3-8 ва дар ноҳияҳои алоҳидаи кӯҳӣ бо шиддатнокии то 13+18 метр дар як сония мевазад. Ҳаво  дар водиҳо шабона 1+6 ва рӯзона 7+12 дараҷа гарм  мешавад. Дар ноҳияҳои кӯҳӣ ҳаво шабона  аз 2 дараҷа  хунук то 3 дараҷа гарм ва рӯзона 4+9 дараҷа гарм мешавад.

Дар вилояти Хатлон  ҳаво тағйирёбанда шуда, эҳтимоли бориши нисбатан сусти марҳилавӣ дар назар аст. Шамол аз самти шимолу-шарқ бо суръати 3-8 метр дар як сония мевазад.

Дар ноҳияҳои ҷанубӣ чангу ғубор ба амал меояд. Ҳаво дар водиҳо шабона 6+11 ва рӯзона 16+21 дараҷа гарм мешавад. Дар  доманакӯҳҳо ҳаво шабона 4+9 ва рӯзона 10+15 дараҷа гарм мешавад.

Дар шаҳру ноҳияҳои тобеи марказ ҳаво тағйиёбанда, эҳтимоли бориши нисбатан сусти марҳилавӣ дар назар ааст. Танҳо дар нимаи дуюми рӯз дар ноҳияҳои алоҳидаи кӯҳӣ борони суст (дар баландиҳои зиёда аз 3000метр барф) меборад. Шамол аз самти шимолу-шарқ бо суръати 2-7 метр дар як сония  мевазад. 

Раъду барқу борон: пешгӯии дақиқи ҳавошиносон барои имрӯз

Ҳаво  дар водиҳо  шабона 1+6 ва рӯзона 14+19 дараҷа гарм мешавад.  Дар ноҳияҳои кӯҳӣ ҳаво шабона аз 2 дараҷа хунук то 3 дараҷа гарм  ва рӯзона 10+15 дараҷа  гарм мешавад.

Дар  шаҳри Душанбе ҳаво тағйирёбандаи бебориш мешавад. Шамол аз самти шарқ шимолу-шарқ бо суръати 4-9 метр дар як сония мевазад. Ҳарорати ҳаво шабона 2+4 ва  рӯзона 16+18 дараҷа  гарм мешавад.

0