Эмкунӣ, акс азз бойгонӣ

Вируси сурхак аз Тоҷикистон ба Русия "ҳуҷум мекунад"

50
(Таҷдидшуда 17:10 30.05.2018)
Сироятнокӣ дар кишвар то рафт зиёд мешавад. Вируси сурхак аз Тоҷикистон ба Русия ҳуҷум мекунад

ДУШАНБЕ, 30 май — Sputnik. Дар Русия вируси сурхакон босуръат паҳн мешавад, ки ба кишвар аз Тоҷикистон ва дигар кишварҳо меояд, хабар медиҳад рӯзномаи "Известия".

Ҳолатҳои сироятшавӣ ба вирус дар соли равон беҳад авҷ гирифтааст. Шумораи гирифторони бемории сурхак дар Русия то 20 баробар зиёд шудааст. Дар ҳамин ҳол фоизи бештари  беморӣ ба Маскав ва вилояти Маскав рост меояд.

Аз Хадамоти назоратии ҳифзи ҳуқуқи истеъмолкунандагон гуфтанд, ки ин вирус на танҳо аз Тоҷикистон, балки аз  Узбакистон, Қирғизистон, Украина, Туркия, Индонезия, Бангладеш, Италия, Олмон, Латвия, Малайзия ва Таиланд ба Русия меояд.

Дар ҳоле, ки дар соли 2016 вилояти Маскав нисбат ба дигар минтақаҳои Русия "солимтар" буд, ҳоло фисади бештари беморӣ ба ин вилояти  рост меояд.

Коршиносон мегӯянд, ки вируси сурхак бо далели вазъи  номусоиди эпидемиологии як қатор кишварҳои минтақаи Аврупо паҳн мешавад.

Далели асосии сироятёбӣ одамоне мебошанд, ки дар хурдӣ онҳоро эм накардаанд.

Хадамот мегӯяд, ҳоло байни сокинони вилоят эмкунии нақшавӣ идома дорад.

50
Барчаспҳо:
сурхак, вирус, Тоҷикистон, Русия