Ҷавон ҳангоми хунсупорӣ, акс аз бойгонӣ

Шӯрои уламо пулгирӣ ба ивази хунро мамнуъ хонд

272
(Таҷдидшуда 19:13 28.07.2018)
Шӯрои уламои Маркази исломии Тоҷикистон додани хунро ба ивази маблағ мамнуъ хондаааст

ДУШАНБЕ, 28 июл — Sputnik.  Зулфия, корбари сомонаи Шӯрои уламои Маркази исломии Тоҷикистон масъалагузорӣ кардааст, ки чанд сол боз донор аст ва ба ивази супоридани хун ба ӯ 100 сомонӣ медиҳанд.

"Чанд рӯз пеш ҷиянам гуфт, хунсупорӣ ва фурӯхтани узви бадан гуноҳ будааст. Мехоҳам бифаҳмам, ки агар ин гуноҳ бошад, дигар хун насупорам", — изҳор доштааст Зулфия

Ин ниҳод дар посух ба суоли корбарони сомонааш изҳор доштааст, ки дар ҳолатҳои зарурат додани хун ба беморон ҷоиз аст.

"Дар ҳолати зарурат хун додан барои беморон ҷоиз аст, вале фурӯхтан ё нарх гузоштани он манъ аст", — изҳор доштааст Шӯрои уламо.

Дар ҳамин ҳол Вазорати тандурустӣ ва ҳифзи иҷтимоии аҳолии Тоҷикистон мегӯяд, хунсупорӣ ва ироаи аъзои бадани афроде, ки дучори марги мағзӣ шудаанд, метавонад садҳо бемори ниёзмандро дар кишвар наҷот диҳад.

Тибқи иттилои Вазорати тандурустӣ то моҳи июли соли равон барои 412 бемор дар кишвар пайвандсозии гурда ва барои 29 нафар ҷарроҳии пайванди ҷигар гузаронда шудааст.

272
Барчаспҳо:
хунсупорӣ, узвҳои бадан, ҷарроҳӣ, кӯмак, Тоҷикистон

Дар Хатлон 941 иншооти тандурустӣ бунёду навсозӣ мешавад

31
(Таҷдидшуда 20:57 28.11.2020)
Дар вилояти Хатлон бахшида ба истиқболи сазовори 30-солагии Истиқлоли Тоҷикистон бунёди 941 иншооти тандурустӣ дар назар аст

ДУШАНБЕ, 28 ноя — Sputnik. Ба истиқболи 30-солагии Истиқлолияти давлатӣ ва баланд бардоштани сатҳу сифати хизматрасонии тиббӣ ба аҳолӣ дар вилояти Хатлон 532 иншооти соҳаи тандурустӣ бунёд гардидааст, хабар дод нашрияи парлумонии “Садои мардум”.

Манбаъ аз қавли шуъбаи иттилоотию таҳлилии Дастгоҳи раиси вилояти Хатлон хабар дод, то ҷашни Истиқлол дар вилоят бунёду навсозии 941 иншооти тиббӣ ба нақша гирифта шудааст, ки наздики 70 дарсади он мавриди баҳрабардорӣ қарор дорад.

“Аз ҷумла, 27 беморхона, 55 маркази саломатӣ, 159 бунгоҳи тиббӣ, 142 нуқтаи хатнакунӣ, 14 таваллудхона ва 135 дорухона дар хизмати аҳолӣ қарор дода шуд”, - омадааст дар иттилоия.

Таъкид шудааст, ки айни ҳол сохтмони иншооти калонҳаҷм, аз қабили бинои Маркази перинаталӣ ва Маркази табобатии бемориҳои қалб дар шаҳри Бохтар, Беморхонаи бисёрсоҳа бо 200 кати бистарикунонӣ ва Маркази саломатӣ барои қабули 300 бемор дар ноҳияи Қубодиён, Беморхонаи касалиҳои сироятӣ дар ноҳияи Данғара ва Беморхонаи рақамӣ дар ноҳияи Ҷалолиддини Балхӣ, бомаром идома дошта, дар арафаи анҷомёбист.

Инчунин, дар деҳот сохтмони бунгоҳ ва марказҳои саломатӣ идома дорад.

Нашрия зикр намудааст, ки ҳоло дар вилояти Хатлон 115 муассисаи сохтори госпиталӣ ва 41 муассисаи амбулаторию госпиталӣ фаъолият менамоянд.

31
Барчаспҳо:
сохтмон, Тоҷикистон
Жители Душанбе на улице в масках

Омори фавт, сироят ва шифоёбӣ аз коронавирус дар Тоҷикистон

151
(Таҷдидшуда 19:41 28.11.2020)
Вазорати тандурустии Тоҷикистон хабар медиҳад, ки давоми чанд ҳафтаи ахир дар ҷумҳурӣ ягон ҳолати фавт аз коронавирус ба қайд гирифта нашудааст

ДУШАНБЕ, 28 ноя — Sputnik. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 36 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ дар мамлакат ба  12118 нафар баробар гардид.

Ҳамзамон, дар як шабонарӯзи охир 40 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11518 (95,0%) нафар баробар гардид.

36 кас мариз шуданду 42 тан шифо ёфтанд: омори коронавирус дар Тоҷикистон

Вазорат таъкид мекунад, ки давоми чанд ҳафта дар ҷумҳурӣ ягон ҳолати маргу мир аз коронавирус сабт нагардида, ҷамъан аз авоили бурузи ин маризӣ 86 нафар ҷони худро аз даст доданд.

Дар ҳамин ҳол, Ҳукумати Тоҷикистон ва Вазорати тандурустӣ аз тамоми сокинони кишвар даъват мекунанд, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

151
Барчаспҳо:
маризӣ, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон