Шодихон Ҷамшед, муовини вазири тандурустии Тоҷикистон, акс аз бойгонӣ

Тавсифи Шодихон Ҷамшед аз беморхонаи 24 миллион долларии Оқохон дар Хоруғ

2814
Шодихон Ҷамшед, муовини вазири тандурустии Тоҷикистон аз Маркази ташхису табобатии муосир дар Хоруғ, ки бо 24 миллион доллари Бунёди Оқохон бунёд шуд, тавсиф намуд

ДУШАНБЕ, 17 дек — Sputnik. Маркази тиббӣ феълан ба хизматрасониҳои  машваратӣ ва ташхисӣ шурӯъ намуда, аз моҳи апрели соли 2019  дар Марказ  бахши статсионарӣ пурра ба фаъолият оғоз менамояд, хабар додааст “Ховар”.

Ба иттилои манбаъ  марказ дорои 52 кати хоб буда, барои табобати беморон шароити сатҳи баланди муолиҷа фароҳам гардидааст. Таҷҳизоти муосири Марказ имконият медиҳанд, ки ташхиси беморон дақиқу дуруст гузаронида шавад.

Барои сохтмони он Бунёди Оқохон 24 миллион доллар ҷудо намуд, ки  беш аз 15 миллион доллари он барои хариди таҷҳизот сарф гардидааст.

Шодихон Ҷамшед ҳангоми ифтитоҳи маркази мазкур изҳор доштааст, ки “бунёди ин марказ яке аз намунаҳои беҳтарини ҳамкории Ҳукумати кишвар бо бахши хусусӣ ба хотири баланд бардоштани некуаҳволии мардум аст”.

Ӯ афзудааст, ки аз хизматрасонии ин марказ ҳамчунин сокинони ноҳияҳои ҳамсарҳади Ҷумҳурии Исломии Афғонистон низ баҳраманд хоҳанд гашт. 

“Тоҷикистон ҳамеша кӯшиш мекунад, ки бо ҳамсояҳои дуру наздики худ равобити мутақобилан судманд ба роҳ монад ва ҳарду ҷониб аз ин ҳамкорӣ манфиати баробар бардоранд. Ин муассисаи тиббӣ дар минтақа ҳамчун як маркази  устувори соҳаи тандурустӣ хизматрасониҳои  тиббиро бо сифати баланд ва сари вақт ба ниёзмандон пешкаш менамояд”, - изҳор доштааст Шодихон Ҷамшед.

Феълан дар Маркази тиббӣ 56 мутахассиси  соҳибтаҷриба ба кор қабул шуда, дар сурати пурра ба кор оғоз кардани он шумораи табибон ба 130 нафар расонида шуда, дар бахшҳои мухталиф ба маризон хизмати тиббӣ хоҳанд расонд.

2814

Тасмими Собянин: дар Маскав коргарони сохтмонҳо эм мешаванд - ихтиёрӣ

44
(Таҷдидшуда 14:40 23.01.2021)
Ба таъкиди муовини раиси шаҳри Маскав, эмгузаронии сохтмончиён дар пойтахт танҳо бо хоҳиши худи онҳо сурат мегирад

ДУШАНБЕ, 23 янв — Sputnik. Дар ояндаи наздик, дар сохтмонгоҳҳои шаҳри Маскав пойгоҳҳои сайёри эмгузаронӣ пайдо мешаванд, хабар медиҳад РИА Новости бо такя ба маълумоти Андрей Бочкарев муовини раиси пойтахт оид ба сиёсати шаҳрсозӣ ва сохтмон.

"Мо нақша дорем, ки эмгузаронии оммавии бинокоронро гузаронем ва эҳтимол ин марказҳои сайёр бошанд, ки ҳамаи расмиёти заруриро иҷро мекунанд", - изҳор доштаст Бочкарев.

Ба таъкиди ӯ, эмгузаронӣ танҳо бо хоҳиши бинокорон сурат мегирад.

Аммо ӯ зикр намуд, ки алъон ҳамагон дар як вазъияти ташвишовар қарор доранд ва "ягона роҳи дуруст дар мубориза бо вирус, ин эм гирифтан аст".

Муовини Собянин мегӯяд, бунгоҳҳои эмгузаронӣ аллакай омода ҳастанд ва ҳамагӣ ду ё се ҳафта пас, эмгузаронии оммавӣ дар иншооти сохтмонии шаҳри Маскав доир мегардад.

Эмгузаронии оммавӣ алайҳи COVID-19 дар Русия оғоз мешавад-навор

Ногуфта намонад, ки аксари коргарони сохтмонҳо дар Русияро маҳз муҳоҷирон ташкил медиҳанд.

Эмгузаронии оммавӣ дар Русия сар аз 18 январ, пас аз супориши Владимир Путин оғоз ёфт. Ҳамакнун шаҳрвандони ин кишвар метавонанд бевосита аз миёни ду ваксинае, ки дар Русия сабти ном шудаанд, якеро интихоб намуда эм гиранд.

Ҳукумати Русия ҳанӯз моҳи декабри соли гузашта эълон намуд, ки нахуст пизишкону муаллимон, кормандони хизматрасонии иҷтимоӣ ва ҳамчунин нафароне, ки маризи қанду дил ва фарбеҳӣ доранд, эм мешаванд.

44
Барчаспҳо:
эмгузаронӣ, сохтмон, коргарон, Маскав
Мавзуҳо:
Пайомадҳои COVID-19 дар Тоҷикистон ва ҷаҳон

Фавт аз коронавируси навъи "бритонӣ" бештар аст: СҶБ иллаташро шарҳ дод

87
(Таҷдидшуда 13:42 23.01.2021)
Ба маълумоти Созмони ҷаҳонии беҳдошт, навъи нави коронавируси "бритонӣ" дар муқоиса бо SARS-CoV-2 метавонад аз инсон ба инсон 50 -70 дарсад зудтар интиқол ёбад

ДУШАНБЕ, 23 янв — Sputnik. Иллати маргумири зиёд аз навъи нави коронавирус метавонад ба сарбории мақомоти беҳдошт вобаста бошад, хабар медиҳад РИА Новости бо такя ба изҳороти Мария Ван Керкхове намояндаи СҶБ.

Бӯйи коронавирус: сагҳо ба шинохти COVID - 19 ва навъҳои нави он омӯхта шудаанд

Рӯзи гузашта, сарвазири Британия, Борис Ҷонсон хабар дод, ки мутатсияи нав аз навъҳои қаблӣ 30 фисад марговартар ва 70 дарсад бештар сирояткунанда аст. 

Илова бар ин, ӯ таъкид намуд, ки маҳдудиятҳои ҷорӣ, ҳоло сабук нахоҳанд шуд, чун сатҳи сироятшавӣ ниҳоят зиёд буда, дармонгоҳҳо дар шаҳрҳои калон наметавонанд бо ҷараёни ин беморӣ мубориза баранд.

"Агар суръати интиқоли вирус зиёд шавад, ҳолатҳои сироятёбӣ бештар мешаванд. Ман медонам, ки ин ба назар  наменамояд, аммо агар теъдоди маризони нав ба ҳамин суръат афзоиш ёбад, пас шумораи бистаришавӣ низ меафзояд....Ин вазъ сарбории системаи тандурустиро ба бор меорад, ки дар натиҷа боиси зиёд шудани ҳолатҳои фавт мегардад", - шарҳ додааст Ван Керкхове.

Ёдовар мешавем, ки навъи нави коронавирус мобайнҳои моҳи декабр дар Британия буруз кард ва мутахассисон ба хулосае омаданд, ки вируси мазкур аз COVID-19 наздики 70 фисад хавфноктар аст ва суръати паҳншавии ӯ низ бамаротиб фарқ мекунад.

Чанде пеш намояндаи Роспотребнадзор низ хабар дод, ки навъи нави коронавируси "бритонӣ" - ро як нафар аз Британия ба Русия низ интиқол дод.

87
Мавзуҳо:
Пайомадҳои COVID-19 дар Тоҷикистон ва ҷаҳон
Дискотека в ночном клубе, архивное фото

Вақти рақс халал расондӣ: навори занозании 6 зани ҷавон дар клуби шабона дар Душанбе

155
РВКД Душанбе навори занозании шаш зани ҷавони аз 19 то 25-соларо дар клуби шабонаи "Аура" нашр кардааст. Онҳо ба ҳамдигар танҳо барои онки нафареашон вақти рақс бо китф ба дигаре расидааст, дарафтодаанд. РВКД мегӯяд, ин қабил номи занро доғдор мекунанд

ДУШАНБЕ, 23 янв— Sputnik. Раёсати Вазорати корҳои дохилӣ дар шаҳри Душанбе аз боздошти шаш зани ҷавон ба иттиҳоми авбошӣ гузориш медиҳад.

Тавре манбаъ тавзеҳ медиҳад, ин занони ҷавон, ки ҳамагӣ аз 19 то 25-сола будаад, дар пайи занозанӣ дар клуби шабонаи "Аура" дастгир шудаанд.

Гуфта мешавад, бо сабаби ночиз ба ҳамдигар дарафтодаву тартиботи ҷамъиятиро вайрон кардаанд.

Ҳамин тавр, тавре РВКД менависад, "ду гурӯҳ ҷавонзанон аз ду ҷониб, бо ҳамдигар муноқиша намуда, тартиботи ҷамъиятиро дағалона вайрон кардаанд".

"Сабаби муноқишаи мазкур “расидани китфи яке ба китфи дигаре дар вақти рақс ва ба ин тартиб халал расонидан ба истироҳати ҳамдигарӣ” унвон гардидааст. Дар ин замина номбурдагон ба ҳамдигар дарафтода, бо мушту пой ва зарфҳои шишагин якдигарро латукӯб намудаанд", - омадааст дар гузориш.

Афзун бар ин, онҳо ба эроди атрофиён аҳамият надода, тартиботро дар мавзеи ҷамъиятӣ ба таври дағалона ва ба муддати тулонӣ вайрон кардаанд.

Нисбати ҳамаи боздоштшудагон тибқи талаботи моддаи 237 қисмҳои 2 ва 3 Кодекси ҷиноятии Ҷумҳурии Тоҷикистон (авбошӣ дар ҳайати гуруҳӣ) парвандаи ҷиноятӣ оғоз карда шуда, мавриди тафтиши пешакӣ қарор дорад.

Навор ва аксҳои ин гурӯҳи боздоштшударо РВКД нашр кардааст.

Ёдрас мешавем, қисмҳои 2 ва 3-и моддар 237(авбошӣ) Кодекси ҷиноии Тоҷикистон аз 5 то 7 соли зиндонро пешбинӣ мекунад.

155