Помощник президента по вопросам социального развития и связям с общественностью Абдуджаббор Рахмонзода

Раҳмонзода: вазъи ВНМО ва нашъамандӣ байни ҷавонон нигаронкунанда аст

343
(Таҷдидшуда 10:08 25.06.2019)
Абдуҷаббор Раҳмонзода, ёрдамчии раисҷумҳур вазъи ВНМО ва нашмандӣ, бахусус миёни ҷавонон дар Тоҷикистон нигарон кардааст

ДУШАНБЕ, 25 июн — Sputnik.  Абдуҷаббор Раҳмонзода, ёрдамчии раисҷумҳури Тоҷикистон доир ба масъалаҳои рушди иҷтимоӣ ва робита бо ҷомеа зимни суханронӣ дар ҷаласаи корӣ гуфт, бо вуҷуди пешравиҳои соҳа яке аз масъалаҳое, ки дар соҳаи тандурустӣ нигаронкунанда боқӣ мемонад, вазъи ташвишовари вируси норасоии масунияти одам (ВНМО) мебошад.

Дар ин бора дафтари матбуоти вазорати тандурустии Тоҷикистон хабар додааст.

Тавре, ки ёрдамчии Президент зикр намудааст, аз шумораи умумӣ 64,8 фоизро мардон ва 35,2 фоизро занон ташкил дода, бо роҳи гузариши алоқаи ҷинсӣ 54,9%, бо роҳи тазриқӣ 33,0%, аз модар ба кӯдак 4 фоиз, бо роҳи номаълум 8,1 фоиз сироят ёфтаанд.

Дар ҳамин ҳол Абдуҷаббор Раҳмонзода ба Вазорати тандурустӣ ва ҳифзи иҷтимоии аҳолӣ дастур додааст, ки дар якҷоягӣ бо мақомоти вилоятҳо, шаҳру ноҳияҳо корҳоро дар ин самт боз ҳам таҳким бахшанд ва барои пешгирии ин бемории сироятӣ тадбирҳои иловагӣ роҳандозӣ намоянд.

“Яке аз роҳҳои паст намудани шиддати паҳншавии сирояти мазкур, баланд бардоштани сатҳи иттилоотии аҳолӣ маҳсуб меёбад. Корҳои анҷомдодаи мақомоти ваколатдор, аз ҷумла корҳои иттилоотрасонии  шаҳрвандон дар ин самт нокифоя мебошад”, - таъкид намудааст ёрдамчии раисҷумҳури Тоҷикистон.

Вай инчунин қайд намудаааст, ки Вазорати тандурустӣ бояд якҷо бо Кумитаи телевизион ва радио ҷиҳати ба навор гирифтани роликҳо ва пахши мунтазами онҳо тавассути шабакаҳои телевизионӣ тадбир андешад.

Дигар аз мушкилоти соҳаи тандурустӣ, ки Ёрдамчии Президентро  нигарон кардааст, ин вазъи ташвишовари бемории нашъамандӣ будааст.

Ба гуфтаи Абдуҷаббор Раҳмонзода, дар натиҷаи таҳлили ҳисоботҳои пешниҳоднамудаи муассисаҳои табобатӣ маълум карда шуд, ки шумораи умумии нафарони гирифтори бемории нашъамандӣ, ки дар қайди тахассусӣ меистанд, дар се моҳи соли 2019, дар ҷумҳурӣ 5808 нафарро ташкил дода, 64 ҳолати он бори аввал ба қайд гирифтани бемории нашъамандӣ мебошад.

Вай таъкид намуд, ки дар ин самт низ корҳои тарғиботию ташвиқотӣ аҳолӣ доир ба оқибатҳои манфии нашъамандӣ, алалхусус байни ҷавонон кам ба назар мерасанд.

“Вазорат бояд якҷо бо кумитаҳои кор бо ҷавонон ва варзиш, телевизион ва радио дар ин самт тадбирҳои мушаххас андешад”,-афзуд Абдуҷаббор Раҳмонзода.

343
Барчаспҳо:
бемориҳои сироятӣ, сироят, мавзуи нашъамандӣ, нигаронӣ, тандурустӣ, Абдуҷаббор Раҳмонзода, Тоҷикистон
Доставка гуманитарного груза медикаментов из Индии в Таджикистан

Ӯзбекистон ба Тоҷикистон 24 тонна маводи доруворӣ фиристод

94
(Таҷдидшуда 12:45 26.05.2020)
24 тонна маводи доруворӣ аллакай аз Ӯзбекистон фиристода шуд ва ба Раёсати тандурустии Тоҷикистон дастрас гардид

ДУШАНБЕ, 26 май – Sputnik. Ӯзбекистон ба Тоҷикистон кумаки башардӯстона равон кард, хабар медиҳад ожонсии Тоҷик.ТА.

Қайд мешавад, ки кишвари ҳамсоя ба Тоҷикистон 24 тонаа маводи доруворӣ фиристод.

Ин кумак аслан аз маводҳои доруворӣ аз ҷумла интибиотикҳо иборат аст.

"Кумаке, ки аз ҷониби Ҳукумати Ӯзбекистон ба Тоҷикистон расид аллакай дар ихтиёри Вазорати тандурустӣ ва ҳифзи иҷтимоӣ гузошта шуд", - омадааст дар хабарнома.

Пештар, Ӯзбекистон барои сохтани беморхонаи сайёр дар Душанбе, ба кишвар 120 контейнер кумак карда буд.

Ин табобатхона аллакай дар ҳудуди майдони "Бофанда" сохта шуда, ба қабули мазирони коронавирус омода аст.

Ҳамчунин рӯзи 8 май аз Ӯзбекистон ба Тоҷикистон ҳашт пизишк омаданд, ки барои ҳамтоёни тоҷики худ аз таҷрибаи андӯхтаи худ дар самти мубориза бар зидди коронавирус, нақл карданд.

Кумаки Тоҷикистон ба зарардидаҳои обхезӣ дар Ӯзбекистон: 51 қатораи боркаш

Дар навбати худ, Ҳукумати Ҷумҳурии Тоҷикистон барои зарардидагони офати таббиӣ ба вилояти Сирдарёи Ҷумҳурии Ӯзбекистон 51 қатораи масолеҳи сохтмонӣ кӯмак фиристод.

94
Барчаспҳо:
маводи доруворӣ, кумаки башардӯстона, Тоҷикистон, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон
Министр здравоохранения Таджикистана Джамоллидин Абдуллозода

Вазири тандурустӣ таъкид кард, табобати беморони вируси корона комилан ройгон аст

557
(Таҷдидшуда 12:41 26.05.2020)
Вазири тандурустии Тоҷиккистон эълон доштааст, ки маводи доруворӣ ва муҳофизатӣ дар кишвар басанда аст ва табобати беморони вируси корона дар бемористонҳо пурра ройгон аст

ДУШАНБЕ, 26 май – Sputnik. Ҷамолиддин Абдуллозода, вазири тандурустӣ ва ҳифзи иҷтимоии аҳолии Тоҷикистон, дар суҳбато бо АМИТ “Ховар” таъкид доштааст, ки имрӯз дар Тоҷикистон маводи доруворӣ ва муҳофизатӣ басанда мебошад.

Ба гуфтаи вай, он маводу дорувориҳое, ба Вазорати тандурустӣ ворид мешаванд, ба таври кофӣ  захира карда шудаанд.

“Баъзе муассисаҳое ҳастанд, ки маводу дорувориҳои якмоҳаи худро захира намудаанд.   Назорати тақсимоти маводи доруворӣ пурзӯр гардида, супориш дода шудааст, ки беморон сари вақт бо   дорую давои зарурӣ таъмин карда шаванд. Тақсимоти маводи доруворӣ ба муассисаҳои тандурустӣ зери  назорати бевоситаи Вазири тандурустӣ қарор дорад”,- қайд кардааст Ҷамолиддин Абдуллозода.

Ҳамчунин вазир зикр кардааст, ки вазорат дар таъмини дору ягон мушкилӣ надорад ва тамоми доруворие, ки дар протоколи табобат  зикр гардидааст, аз тарафи Ҳукумати ҷумҳурӣ таъмин карда шудааст.

Ҳамзамон Абдуллозода қайд кард, ки табобати беморони COVID-19 пурра ройгон аст.

“Албатта, баъзе доруҳое ҳастанд, ки аз дорухонаҳо  дастрас карда намешаванд. Тақсимоти дурусти дору ба бемор  аз виҷдони ҳар як табиб низ вобастагӣ дорад”, - гуфт вазир.

Ёдрас мешавем, ки   то 25 май дар кишвар 3100 нафар бо ташхиси сирояти коронавируси нави КОВИД-19 ошкор гардида, аз ин беморӣ то кунун дар мамлакат 1395 нафар шифо ёфтаанд.

Гузашта аз ин , то санаи зикргардида дар мамлакат аз ин беморӣ 46 нафар фавтидаанд.

557
Барчаспҳо:
ройгон, бемористон, вирус, бемор, муҳофизат, маводи доруворӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

"Бадахшон": намоҳанги нави Меҳрнигор ба забони шуғнонӣ, ки пас аз сабт ӯ бемор шуд - видео

0
(Таҷдидшуда 13:35 26.05.2020)
Меҳрнигори Рустам сарояндаи ҷавону машҳури Тоҷикистон намоҳанги нави худро таҳти унвони "Бадахшон" пешкаши мухлисон кард

Овозхони номдори тоҷик Меҳрнигори Рустам намоҳанги нави худро дар шабакаи Youtube нашр кард. Матни суруд ба қалами рӯзноманигор Орзу Исоев тааллуқ дошта қисми аввали он ба забони шуғнонӣ иҷро шуда ва баъд ба забони тоҷикӣ идома мекунаду дар охир бо мадҳиясароӣ ва талаби шифо аз Худованд анҷом мепазирад.

Намоҳанг дар манзараҳои зебои Данғара ба навор гирифта шшудааст. Ин клипро сарояндаи ҷавон Некрӯз Ниёзов тамзим карда ва он таҳти мудирияти Сафаров Бахтовар омода шудааст.

Меҳрнигори Рустам барои омода карани ин намоҳанг ба сарояндаи машҳур писари маэстро Далер Назаров - Аброр Назаров изҳори сипос кардааст.

Пироҳанҳои пӯшидаи Меҳрнигор дар ин намоҳанг маҳсули дасти тарроҳони номӣ Хуршед Сатторов ва Нафиса Имронова мебошад. Дар намоҳанг гурӯҳи рақсии "Парасту" Меҳрнигорро ҳамроӣ мекунанд.

Меҳрнигор пештар дар барномаи "Ногуфтаҳо"-и Орзу Исоев дар бораи сабти ин намоҳангаш гуфт, авохири моҳи апрел барои сабти намоҳанг ба Данғара сафар карда буд ва пас аз як рӯз вазъи саломатиаш ногувор шуд.

"Маззаро эҳсос намекардам, беҳолӣ буд, овозам гирифт, биниям маҳкам шуд ҳарорат ҳам доштам", - гуфт Меҳрнигор ва афзуд, ки пизишкон ба ӯ ташхиси аллергия гузоштанд.

Меҳрнигор намоҳанги нави худро рӯзи 24 май дар остонаи Иди Фитр ҳамчун армуғон барои мухлисонаш пешкаш кард. То имрӯз ин намоҳангро беш аз 20 ҳазор кас боздид карда ва зиёда аз ҳазор ккорбар писандидааст.

Ногуфта намонад, ки барои ҷамоати исмоилии Бадахшон рӯзи 24 май рӯзи вижа аст.

Дар ин рӯз мардуми Бадахшони Тоҷикистон Рӯзи Нур ё дидорро таҷлил мекунанд. Шоҳзода Карим ал-Ҳусайнӣ, ки дар замони шуравӣ бо пайравонаш аз Осиёи Марказӣ робитаи маҳдуд доштааст, нахустин бор аз Тоҷикистон соли 1995 дидан кард ва аз он сол инҷониб исмоъилиёни Тоҷикистон 24-уми майро ҳамчун Рӯзи Нур ё Дидор ҷашн мегиранд.

 

0
Барчаспҳо:
Бадахшон, намоҳанги нав, Меҳрнигори Рустам