Врач в палате, архивное фото

Дар 6 моҳ дар Хатлон 36 иншооти соҳаи тандурустӣ сохта шуд

54
(Таҷдидшуда 20:21 15.07.2019)
Масъулини вазорати тандурустӣ эълон намудааст, ки дар зарфи шаш моҳ дар вилояти Хатлон 17 адад бунгоҳи саломатӣ ва 19 адад маркази саломатӣ сохта ба истифода супорида шуд

ДУШАНБЕ, 15 июл — Sputnik. Бино бар иттилои дафтари матбуоти Вазорати тандурусти ва ҳифзи иҷтимоии аҳолии Тоҷикистон дар зарфи шаш моҳи соли равон дар дар вилояти Хатлон 36 иншооти соҳаи тандурустӣ сохта ба истифода шуд.

Манбаъ таъкид намудааст, ки аз 36 иншооти соҳаи тандурустӣ сохташуда дар вилояти Хатлон 17 адад бунгоҳи саломатӣ ва 19 адад маркази саломатии деҳот мебошанд.

Тавре манбаъ қайд намудааст, айни замон сохтмони 5 адад бунгоҳи саломатии деҳот дар  ноҳияҳои Балҷувон ва  Ёвон оғоз гардида, илова бар ин сохтмони 4 бунгоҳи саломатии деҳот дар шаҳри Норак ноҳияи Данғара  идома дорад.

Масъулини вазорат зикр намуданд, ки бунёд ва ба истифода додани иншооти тиббӣ маҳз бо дасгирии Ҳукумати Тоҷикистон ва Вазорати тандурустӣ ва ҳифзи иҷтимоии аҳолии кишвар дар тамоми гӯшаву канори мамлакат вусъати тоза касб намуда, ҳадаф аз ин иқдом дастарсии бештари аҳолӣ ба хизматрасонии босифат ва саривақтии тиббӣ мебошад.

Раҳмон дар деҳоти Оқсу роҳу беморхона ифтитоҳ кард, ки соҳибкорони маҳаллӣ бунёд карданд

Ёдрас мешавем, ки ахиран Эмомалӣ Раҳмон, раисҷумҳури кишвар дар доираи сафари кориаш ба ноҳияи Данғараи вилояти Хатлон Беморхонаи марказии байниноҳиявиро дар деҳаи Талхоби Деҳоти Оқсу ифтитоҳ кард.

Беморхонаи марказии байниноҳиявӣ дар ин деҳаи дурдасти ноҳия, ба 3 ҳазору 500 нафар аҳолии деҳаҳои Талхоб, Олучадара, Гулизиндон, Боботубхона, Қули суфиён ва Қунғуртут хизмат хоҳад расонд.

5 миллион сомонӣ барои таъмири беморхонаҳо

Маркази саломатӣ ва таваллудхона аз ҷониби оилаи Ҷамиловҳо бунёд шуда, аз 22 ҳуҷра, 16 кати хоб, 1 ҳуҷраи хатна ва дигар утоқҳои ёрирасон иборат мебошад.


54
Барчаспҳо:
Ёвон, Хатлон, тандурустӣ, сохта, Маркази тиббӣ, тиббӣ, вилояти Хатлон, Тоҷикистон
Сотрудник охраны рынка Мехргон проверяет температуру у посетителя

Вазорат: 80%-и гирифторони COVID-19 дар Тоҷикистон шифо ёфтанд

448
(Таҷдидшуда 19:59 13.07.2020)
Вазорати тандурустии Тоҷикистон мегӯяд, шабонарӯзи гузашта дар ҷумҳурӣ 44 ҳолати нави сироятёбӣ ба COVID-19 ошкор гардид

ДУШАНБЕ, 13 июл — Sputnik. Тибқи иттилои Вазорати тандурустӣ, теъдоди гирифторони COVID-19 аз 30 апрел то 13 июл дар Тоҷикистон ба 6 ҳазору 595 нафар расид.

Ба иттилои манбаъ, то имрӯз дар мамлакат 5 ҳазору 278 нафар ё худ 80%-и гирифторони COVID-19 шифо ёфта, аз ин беморӣ 55 нафар фавтидаанд.

"Шабонарӯзи охир 184 нафар гумонбарон зери назорати табибон қарор дошта, 50 нафар баъд аз муолиҷа ба хонаҳояшон рухсат дода шуданд", - омадааст дар иттилоияи расмӣ.

Таъкид шуд, ки имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд, афзуд манбаъ.

448
Самолет авиакомпании Таджик Эйр, архивное фото

"Тоҷик Эйр" шаҳрвандони дармонда дар Кореяро ба Тоҷикистон меорад

123
(Таҷдидшуда 17:40 13.07.2020)
Ҳукумати Тоҷикистон барои амалӣ кардани як парвози чартерӣ дар масири Душанбе - Сеул - Душанбе дастур додааст

ДУШАНБЕ, 13 июл — Sputnik. Ширкати ҳавопаймоии "Тоҷик эйр" бо мақсади ба Ватан баргардонидани шаҳрвандони Тоҷикистон 21 июли соли равон  парвози чартерӣ дар масири Душанбе-Сеул-Душанберо ба нақша гирифтааст. 

Шаҳрвандони Тоҷикистон ҷиҳати бақайдгирӣ метавонанд ба Сафорати Ҷумҳурии Тоҷикистон дар Ҷумҳурии Корея муроҷиат намуда, барои пур кардани саволнома аз пайванди зерин истифода намоянд. 

Вазорати умури хориыии Тоҷикистон таъкид кардааст, шаҳрвандони хориҷие, ки қабл аз баста шудани марзҳо раводиди Ҷумҳурии Кореяро дастрас кардаанд, имкони парвоз ба Сеулро доранд.

Инчунин мушаххасоти сафорати Тоҷикистон дар Сеул, аз ҷумла рақамҳои телефон, +82 027922535, +82 1059399339, +82 1059379861 ва почтаи электронии tjkoreaemb@mfa.tj ироа кардааст.

Қаблан парвозҳои махсуси чартерӣ барои интиқоли шаҳрвандони Тоҷикистон аз кишварҳои гуногун, аз ҷумла Русия, Туркия, Аврупо, АМА, Белорусия ва дигар давлатҳо анҷом дода шуданд.

123
Барчаспҳо:
Тоҷик Эйр, бозгашт, парвоз, Кореяи Ҷанубӣ, Тоҷикистон
Эмомалӣ Раҳмон, раисиҷумҳури Тоҷикистон ва Бег Сабур, сардори Хадамоти алоқаи Тоҷикистон

Бек Сабур куҷост? Суоли нобоби нишастҳои матбуотии Хадамоти алоқа

103
Бек Сабур, раиси Хадамоти алоқаи назди ҳукумати Тоҷикистон, боз дар нишасти матбуотии ин ниҳод ширкат накард. Муовинаш ин дафъа дақиқ гуфт, ки ӯ куҷост

 ДУШАНБЕ, 14 июл — Sputnik. Илҳомҷон Атоев, муовини раиси Хадамоти алоқаи назди ҳукумати Тоҷикистон ширкат накардани раиси ин ниҳод дар нишасти матбуотиро ба хабарнигорон шарҳ дода, гуфт, мавсуф пайи иҷрои вазифаҳои хидматӣ аст.

“Раиси Хадамоти алоқа дар ҳоли ҳозир дар минтақаи Кӯлоб қарор дорад. Ӯ бо супориши ҳукумати ҷумҳурӣ ба он ҷо рафтааст”, - гуфт Илҳомҷон Атоев.

Адами ҳузури Бек Сабур, раиси Хадамоти алоқаи Тоҷикистон яке аз суолҳоест, ки чанд сол ба ин сӯ дар нишастҳои матбуотӣ бо масъулини ин ниҳод матраҳ мешавад. Далели ба миён омадани ин суол ҳам ин аст, ки раиси Хадамоти алоқа дар қиёс бо дигар раҳбарони вазорату кумитаҳои ҳукумати Тоҷикистон дар нишастҳои матбуотӣ ширкат намекунад ва бино ба иттилои расонаҳо, бо тиҷорату корҳои хоҷагидорӣ машғул аст.

Як манбаъи огоҳ ба Sputnik Тоҷикистон гуфт, Бек Сабур тайи солҳои ахир бештар бо тиҷорат ва ҳам истифодаи заминҳои Хадамоти алоқа машғул буда, пешрафтҳое низ дар корҳояш доштааст.

“Ширкати сохтмонии ӯ - “Комил 2010” арзонтарин хонаҳоро барои муштариён ироа мекунад. Дар заминҳои деҳқониаш ӯ маҳсулоти ниёзи аввалро таҳия ва ба бозор мебарорад. Онҳое, ки бо ӯ наздиканд, аз корҳои хуби ӯ хуб огаҳӣ доранд”, - гуфт ҳамсӯҳбати Sputnik Тоҷикистон.

Бек Сабур соли 2006 муовини аввал ва 28 феврали соли 2011 раиси Хадамоти алоқаи назди ҳукумати Тоҷикистон таъйин шуда, то ба ҳол дар ин симат кор мекунад. Дар оғози фаъолияташ ӯ дар нишастҳои матбуотии Хадамоти алоқа ширкат карда, изҳороти ҷолиберо ироа мекард, ки ӯро дар сархати ахбори расонаҳо қарор медод.

Аз ҷумла соли 2012 ӯ сабаби қатъ шудани алоқаи телефонӣ ва интернет дар Бадахшонро “асобати тири шикорчӣ ба ноқил” арзёбӣ карда буд. Ё соле қабл ӯ дар суҳбат бо хабарнигорон гуфт, ки китобҳои Садриддин Айнӣ, асосгузори адабиёти навини тоҷик, аз ҷумла “Марги судхӯр”, намунаи барҷастаи “тиҷорати қавӣ” мебошанд.

Ба эҳтимоли қавӣ, изҳороте аз ин гуна ва он ҳам аз сӯи раҳбари як ниҳоди ҳукуматӣ мӯҷиби ҳузур наёфтанаш дар нишастҳои матбуотӣ шудааст.

103