Табибон, акс аз бойгонӣ

Ректор: хатмкардаҳои Донишгоҳи тиббии Тоҷикистон дар Исроил, Аврупою Амрико кор мекунанд

114
(Таҷдидшуда 16:13 04.08.2019)
Маҳамадшоҳ Гулзода, ректори Донишгоҳи тиббии Тоҷикистон мегӯяд, хатмкунандагони ин муассиса дар 42 давлати дунё кор мекунанд

ДУШАНБЕ, 4 авг - Sputnik. Гулзода зимни нишасти матбуотӣ дар Душанбе иттилоъ дод, ки хатмкардаҳои Донишгоҳи давлатии тиббии Тоҷикистон ба номи Абӯалӣ ибни Сино аз ҷумла дар Русия, ИМА, Канада, Олмон, Швейтсария, Италия, Англия, Белгия, Исроил, Австрия, Туркия, Яман, давлатҳои Африко ва ғайра кор мекунанду обрӯю нуфузи давлату миллатро баланд мебардоранд.

Дар донишгоҳ 3 академик, 5 узви вобастаи Академияи илмҳо ва илмҳои тиб, 85 доктори илм, профессор, 234 номзади илм ва 317 муаллими калон ва ассистент фаъолият доранд, хабар додааст нашрияи “Садои мардум” аз қавли Гулзода.

Ӯ таъкид кардааст, ки қабули имтиҳону санҷишҳо ва баҳодиҳӣ ба дониши муҳасиллин дар Маркази ягонаи тестии донишгоҳ аз тариқи барномаҳои компютерӣ ба роҳ монда шудааст, ки шаффофиятро таъмин менамояд.

Ба гуфтаи ректори Донишгоҳи тиббӣ, таҳлили натиҷаи сессияҳо нишон дод, ки дар маҷмӯъ сатҳи донишандӯзии донишҷӯён беҳтар шуда, дараҷаи дарсазхудкунӣ 81,2 фоизро ташкил додааст.

Манбаъ афзуд, ки дар соли таҳсили 2018-2019-ум 99,7 фоизи хатмкунандагон имтиҳонҳоро бомуваффақият супориданд ва донишгоҳро 1556 нафар, аз ҷумла, 64 нафар бо дипломи аъло, 211 кас тибқи Квотаи президентӣ ва 123 донишҷӯи хориҷӣ аз 7 мамлакати дунё хатм намуданд.

114
Барчаспҳо:
табибони тоҷик, табиб, хатмкунандагон, донишгоҳи тиббӣ, Тоҷикистон
Доктор возле приемного отделения

Фавти 198 мариз давоми як рӯз: омори тозаи коронавирус дар Русия

152
(Таҷдидшуда 13:06 07.07.2020)
Шабонарӯзи гузашта дар Русия 198 нафар аз маризии сироятии коронавирус ба ҳалокат расиданд, ки 24 қурбонӣ ба шаҳри Маскав рост меояд

ДУШАНБЕ, 7 июл — Sputnik. Дар Русия агар теъдоди мавориди ҷадиди сироятшавӣ ба маризии коронавирус рӯ ба коҳишшавӣ ниҳодааст, шумораи ҳолатҳои фавт ҳамоно дар ҳоли афзуншавӣ аст.

Шабонарӯзи гузашта аз ин маризӣ дар Русия дасти кам 198 нафар ҷон бохтанд, хабар медиҳад Ситоди фаврӣ оид ба коронавирус дар ин кишвар.

Бар хабари манбаъ, бо илова шудани 198 ҳолати нав, теъдоди умумии қурбониён аз ин маризии даҳшатбор ба 10 494 нафар баробар шудааст.

 Александр Гинсбург: Ваксинаи Русия ду сол аз коронавирус муҳофизат мекунад

Ситод мегӯяд, аз ҳама беш мавориди фавт дар шаҳри Санкт - Петербург сурат гирифтааст. Давоми як рӯз дар ин шаҳр 48 мариз ҷон аз даст доданд.

Ҳамчунин 24 ҳолати фавт ба шаҳри Маскав рост меояд. Дар Подмосковие 18 мавриди фавт аз коронавирус ба қайд гирифта шудааст.

Зимнан, Cитоди фаврӣ қайд намудааст, ки шабонарӯзи гузашта 9551 нафар аз вируси COVID - 19  шифо ёфтанд ва аз дармонгоҳҳо мураххас шуданд.

Дар маҷмӯъ аз авоили паҳншавии маризии коронавирус дар Русия 463 880 бемор шифо ёфтанд.

152
Барчаспҳо:
фавт, маризӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон

Ташрифи ҳайати СҶБ ба Туркманистон, кишваре, ки худро озод аз COVID-19 медонад

135
(Таҷдидшуда 12:48 07.07.2020)
Ҳайати Созмони ҷаҳонии беҳдошт оид ба масоили коронавирус рӯзи гузашта вориди Туркманистон гардид. Ханс Клюге, раҳбари Дафтари минтақавии СҶТ дар Аврупо дар Твиттераш дар ин бора хабар додааст

ДУШАНБЕ, 7 июл — Sputnik. Ду рӯз пеш Катерине Смоллвуд,  намояндаи Дафтари минтақавии СҶТ дар Аврупо оид ба ҳолатҳои фавқулодда гуфт, ки ҳайати созмон баҳри ҳамкорӣ бо мақомоти маҳаллӣ дар робита ба омодагӣ ва пешгирии коронавирус ба Туркманистон мераванд.

Ба иттилои манбаъ, намояндагони СҶБ тули 10 рӯз дар ин кишвар хоҳанд монд.

Гуфта мешавад ин муддат, намояндагони ТУТ бо мутахассисони соҳаи тандурустӣ мулоқот намуда, кори муштаракро оид ба арзёбии хатар ва таҳияи механизмҳои вокуниш ба COVID-19 баррасӣ менамояд.

Ҳамчунин, ҳайати коршиносон аз муассисаҳои тиббӣ, марказҳои саломатии давлатӣ, озмоишгоҳҳо ва дигар муассисаҳои сатҳи ҷумҳуриявӣ, вилоятӣ ва шаҳрӣ ва нуқтаҳои даромадгоҳӣ дидан хоҳанд кад.

Қаблан вазири умури хориҷаи Туркманистон Рашид Мередов дар рафти нишасти матбуотие изҳор дошт, ки ҷумҳурӣ омода аст ҳайати СУТ-ро аввалҳои моҳи июл пешвоз гирад.

СҶБ ба ваксинаи Русия алайҳи коронавирус эътимод дорад ва пешниҳоди ҳамкорӣ намуд

Мередов дар ҳамин нишасти матбуотӣ таъкид кард, ки то ҳол Туркманистон ба кишварҳое шомил мешавад, ки бо коронавирус рӯ ба рӯ нашудааст.

Ӯ далоили набудани коронаро на  саривақт бастани марз, балки рушди низоми тандурустӣ гуфтааст. 

 

 

135
Кран в ванной комнате, архивное фото

Таъмини деҳаи Баравун бо оби нӯшокӣ бо харҷи 1,5 миллион сомонӣ

0
(Таҷдидшуда 13:19 07.07.2020)
Мақомоти иҷроияи ҳокимияти давлатии ноҳияи Ванҷ аз таъмини деҳа Баравуни ноҳия бо оби нӯшокӣ хабар додаанд, ки арзиши лоиҳа 1,5 миллион сомониро ташкил додааст

ДУШАНБЕ, 7 июл — Sputnik.  Дар деҳаи Баравуни ҷамоати деҳоти Ҷовидони ноҳияи Ванҷ дарозтарин хати оби нӯшокӣ ба истифода дода шуд, иттилоъ дод хабаргузории “Ховар”.

Ба иттилоли манбаъ, дарозии хати оби нӯшокӣ 14 км буда, 62 нуқтаро дар бар мегирад.

Дар маросими ифтитоҳи хати оби нӯшокӣ раиси Вилояти Мухтори Кӯҳистони Бадахшон Ёдгор Файзов, раиси ноҳияи Ванҷ Ҷаббори Қосим ва намояндагони шарикони рушд иштироку сухан карданд.

“Зикр гардид, ки арзиши лоиҳавии иншоот якуним миллион сомонӣ буда, саҳми мардум дар бунёди он назаррас мебошад.  Хати оби нӯшокӣ бо усули муосир сохта шуда, барои сарфаи дурусти об ҳисобкунакҳо васл карда шудаанд”, - омадааст дар иттилоия..

Зикр шуд, иншооти мазкур дар доираи Барномаи рушди манотиқи кӯҳистон оид ба таъмини аҳолӣ бо оби ошомиданӣ дар ҳамкорӣ бо шарикони рушд мавриди истифода қарор гирифт.

0
Барчаспҳо:
об, Тоҷикистон