Центральная межрайонная больница в селении Талхоб Дангаринского района

Ҳукумати Тоҷикистон зоишро танзим мекунад

1157
Тоҷикисон барои пешгирӣ аз ҳамли нохоста, афзоиши босуръати аҳолӣ  ва беҳбуд бахшидан ба ҳаёти солими занони тоҷик барномаи махсусеро роҳандозӣ намудааст

ДУШАНБЕ, 13 авг — Sputnik. Ҳукумати Тоҷикистон барномаи давлатии ҷадидро, ки ба солимии репродуктивӣ марбут аст, барои се соли оянда, аниқтараш аз соли 2019 то 2022 тасдиқ намудаст, хабар медиҳад агентии РИА Новости бо истинод ба маълумоти Вазорати беҳдошти ин кишвар. 

Бар тибқи иттилои манбаъ, бо пиёда намудани барномаи мазкур аз ҳамли нохостаи беш аз 450 ҳазор занон дар қаламрави ҷумҳурӣ  пешгирӣ карда мешавад.

Мардона: зане дар Амрико дар 9 дақиқа шаш фарзанд таваллуд кард

Маврид ба зикр аст, ки тирамоҳи соли гузашта Бонки умумиҷаҳонӣ ба Тоҷикистон тавсия дод, ки барои коҳиш додани фақр дар кишвар  бояд мизони таваллудро низ ба маротиб кам намуд.

Он замон намояндагони Бонки умумиҷаҳонӣ изҳор намуданд, ки омили асосии фақр, бекорӣ ва сатҳи баланди муҳоҷирати корӣ аз Тоҷикистон, маҳз ба раванди таваллуди барзиёд дар ин кишвар рабт дорад.

Чӣ қадар занони тоҷик таваллуд дар хона бар таваллудхонаро авлотар медонанд?

Дар барномаи солимии репродуктивӣ гуфта шудааст,  чораҳое, ки мақомот то кунун барои роҳ надодан ба таваллудҳои нохоста андешидаанд, аз ҷумла бо тақсими ройгони рифола имкон додааст, ки солона дар Тоҷикистон аз 100 ҳазор таваллуд ҷилавгирӣ шавад.

Мутахассисони вазорати тандурустӣ гуфтаанд, ки агар барномаи нав дуруст амалӣ шавад, имкон медиҳад, дар Тоҷикистон дар муддати 3 соли оянда аз 450 ҳазор ва аз ин ҳам бештар таваллуди нохоста пешгирӣ шавад.

Дар Тоҷикистон, мувофиқи маълумоти оморӣ, ба ҳар як зан то чор кӯдак рост меояд, занони шаҳрнишин бошад на бештар аз се кӯдак таваллуд мекунанд ва аз ҳама таваллуди  баландтарин ба занони деҳнишин мансуб аст, ки онҳо ба ҳисоби миёна шаш фарзандро мезоянд.

Тибқи пешгӯиҳои омори, дар соли 2019 шумораи аҳолии Тоҷикистон 205,521 нафар афзоиш меёбад ва дар охири сол 9,372,362 нафарро ташкил хоҳад дод.

1157
Барчаспҳо:
пешгирӣ, таваллуд, Тоҷикистон

Таҳиягарони нахустин ваксина гуфтанд, душманони Русия аз пешсафии "Спутник V" меҳаросанд

63
(Таҷдидшуда 20:07 26.02.2021)
Таҳиягарони нахустин ваксина мегӯянд, душманони Русия аз пешсафии "Спутник V" меҳаросанд ва талош доранд бовариро ба он кам кунанд

ДУШАНБЕ, 26 фев - Sputnik. Мухолифони ваксинаи коронавируси "Спутник V"-и Русия кӯшиш мекунанд, ки эътимод ба онро дар ҷаҳон коҳиш диҳанд, зеро ин яке аз беҳтаринҳост ва онҳо аз ин метарсанд, - гуфт Кирилл Дмитриев, роҳбари Фонди сармоягузории мустақими Русия.

"Фикр мекунам, ки мо на танҳо дар бораи эътирофи байналмилалии ваксини "Спутник V", балки дар бораи пешсафии худ дар ҷаҳон низ сӯҳбат карда метавонем... Мо бояд хоксор, вале ростқавл бошем",-гуфт Дмитриев ҳангоми ифтитоҳи намоишгоҳ бахшида ба таърихи роҳбарии Русия дар вирусология дар маҳалли ҷойгиршавии Ҷамъияти таърихии Русия. 

Ӯ таъкид кард, ки мо яке аз беҳтарин ваксинаҳо дар ҷаҳонро дорем, ин як корнамоии бузурги олимони рус аст, мо бояд аз он фахр кунем.

Дар Олмон мегӯянд, ваксинаи "Спутник V" дар воқеъ Ғарбро дар ҳайрат гузошт

"Бисёре аз душманони Русия кӯшиш карданд, ки эътимод ба Русияро коҳиш диҳанд, аммо мо дарк мекунем, ки онҳо барои коҳиш додани эътимод ба ваксини Русия ин қадар кӯшишҳоро сарф мекунанд, зеро ин яке аз беҳтаринҳо дар ҷаҳон аст ва онҳо аз ин метарсанд",-гуфт ӯ.

Маҷаллаи илмии Lancet қаблан натиҷаҳои марҳилаи сеюми озмоишҳои клиникии "Спутник V" -ро нашр карда, самаранокии баланд ва бехатарии онро қайд карда буд.

Дар давоми марҳилаи III озмоишҳои клиникӣ, "Спутник V" сатҳи баланди самаранокӣ, иммуногенӣ ва бехатариро нишон дод, ки самаранокии он ба 91,6%  расид.

Ваксина аз ҳолатҳои вазнини сирояти нави коронавирус муҳофизати пурраро фароҳам меорад.

"Спутник V" барои истифода дар зиёда аз 30 кишвар тасдиқ шудааст.

Эрон: хати тавлиди ваксинаи "Спутник V" дар кишвар эҷод мешавад

Шумораи умумии аҳолии кишварҳое, ки ваксинаи Русия сабти ном шудааст, беш аз 1,1 миллиард нафарро ташкил медиҳад.

63
Барчаспҳо:
вируси корона, душманон, ваксина, Русия
Очередь в аэропорту города Худжанда

Тоҷикистон қоидаҳои вуруди хориҷиёнро тағйир дод

560
(Таҷдидшуда 16:12 26.02.2021)
Дар Тоҷикистон як қатор маҳдудиятҳо барои вуруди хориҷиён ба ҷумҳурӣ бекор карда шуданд. Ҳоло шаҳрвандоне, ки ваксинаи коронавирус гирифтаанд, аз ташхиси коронавирус озод карда мешаванд

ДУШАНБЕ, 26 фев - Sputnik. Мақомоти Тоҷикистон ба хориҷиён иҷозаи вурудро бидуни пешниҳоди ташхиси манфии коронавирусро доданд, гуфт Наврӯз Ҷаъфаров, сардори Раёсати бехатарии санитарӣ-эпидемиологӣ, ёрии таъҷилӣ ва фаврии тиббии Вазорати тандурустӣ.

"Танҳо шаҳрвандоне, ки ваксинаи коронавирусро як моҳ пеш аз вуруд гирифтаанд, метавонанд бо ин роҳ ворид шаванд", - таъкид кард вай.

Агар шахс ду-се ҳафта пеш эм карда шуда бошад, бояд ӯ аз озмоиши COVID-19 гузарад.

Барои хориҷиёне, ки аз коронавирус эм карда нашудаанд, қоидаҳои вуруд бетағйир мондаанд.

Воридшавандагон бояд шаҳодатномаи набудани сирояти коронавирусро (COVID-19) бо худ дошта бошанд, ки на дертар аз 72 соат (3 рӯз) пеш аз вуруд ба Тоҷикистон таҳия карда шудааст.

Ёдовар мешавем, ки кӯдакони то сесола ба шаҳодатномаи набудани ковид ниёз надоранд.

Аз аввали моҳи январ то ҳол дар Тоҷикистон ягон мавриди нави коронавирус сабт нашудааст.

Инчунин, дар ҷумҳурӣ ягон намунаи "Африқои Ҷанубӣ" ё "Бритониёӣ" -и вирус ба қайд гирифта нашудааст.

Дар охири моҳи феврал бояд 732 ҳазор вояи ваксинаи AstraZeneca / Oxford ба Тоҷикистон дар доираи COVAX ворид карда шавад.

Ҳар чи зудтар: Дастури Раҳмон барои барқарорсозии парвозҳо ва ташкили хатсайрҳои нав

Пеш аз ҳама, ваксина кормандони тиб, муаллимон, шахсони гирифтори бемориҳои музмин, инчунин синнашон аз 50 боло мегиранд.

560
Барчаспҳо:
маълумот, вуруд, Тоҷикистон
Заместитель премьер-министра Таджикистана Азим Иброхим, архивное фото

Вазир дар бораи ифтитоҳи марзи Тоҷикистону Ӯзбекистон дар Наврӯз - мешавад ё не?

170
(Таҷдидшуда 21:01 26.02.2021)
Намояндагони мақомот тавзеҳ доданд, ки кай сокинони Тоҷикистону Ӯзбекистон метавонанд бе мамоният марзи ду кишварро убур кунанд

ДУШАНБЕ, 26 фев — Sputnik. Намояндагони вазоратҳои умури хориҷии Тоҷикистон ва Ӯзбекистон гуфтушунид баргузор карданд, ки дар рафти он масоили ҳамкориҳои ду кишвар баррасӣ шуд.

Дар расонаҳои маҳаллӣ пас аз ин мулоқот маълумот пайдо шуд, ки намояндаи вазорати корҳои хориҷии  Тоҷикистон Хусрав Нозирӣ ва муовини аввали вазири умури хориҷии Ӯзбекистон Фарҳод Арзиев масоили ифтитоҳи марзро баррасӣ карданд.

Аз ҷумла хабар дода мешавад, ки сарҳадҳои байни Тоҷикистон ва Ӯзбекистон эҳтимол дорад дар Наврӯз ифтитоҳ шавад.

Хабарнигори  Sputnik Тоҷикистон барои равшанӣ андохтан ба ин масъала, ба вазири нақлиёти кишвар Азим Иброҳим муроҷиат кард.

"Мо бо Ӯзбекистон муносибатҳои хубу наздик дорем. Дар соҳаи нақлиёт хело муносибати зич дорем ва феълан масоили мубрамро баррасӣ мекунем, аммо дар бораи ифтитоҳи гузаргоҳҳо гуфтушуниде анҷом надодаем", - изҳор дошт Азим Иброҳим.

Гузаргоҳи "Ҷартеппа" дар марзи Тоҷикистону Ӯзбекистон барои донишҷӯён боз шуд

Вазири нақлиёти Тоҷикистон афзуд, ки марзи байни Тоҷикистон ҳамон вақт ифтитоҳ мешавад, ки "пандемия ба анҷом расад, яъне вазъи мусоиди эпидемиологӣ ба вуҷуд ояд".

170
Барчаспҳо:
марз, Ӯзбекистон, Тоҷикистон