Кабинет физиотерапии в новом санатории в Кулябе

Маҳс бо нахуд ва лубӣ: киҳо ва чигуна дар муассисаи "Чорбоғ" табобат мешаванд

218
(Таҷдидшуда 16:35 06.10.2019)
Қосимов Маҳмадулло, мудири Муассисаи давлатии Маркази миллии тавонбахшии кӯдакони маъюб “Чорбоғ” дар бораи усулҳои нави табобат ва фаъолияти муассиса нақл кард

Душанбе, 6 окт — Sputnik. Бо мақсади ба тавонбахшӣ фаро гирифтани маъюбон дар кишвар муассисаҳои зиёде фаъолият менамоянд, ки яке аз онҳо Муассисаи давлатии “Маркази миллии тавонбахшии кӯдакони маъюб “Чорбоғ” дар ноҳияи Варзоб” мебошад.

Хабарнигори Вазорати тандурустии Тоҷикистон Хусрам Шоҳсаидов дар робита ба масъалаҳои ба тавонбахшӣ фаро гирифтани кӯдакон ва дигар паҳлӯҳои масъалаи мазкур бо Қосимов Маҳмадулло, мудири Муассисаи давлатии Маркази миллии тавонбахшии кӯдакони маъюб “Чорбоғ” суҳбат кардааст, ки онро пешкашатон мегардонем:

–Дар бораи Муассисаи давлатии “Маркази миллии тавонбахшии кӯдакони маъюб “Чорбоғ”дар ноҳияи Варзоб” каме маълумот медодед?

–Муассисаи давлатии “Маркази миллии тавонбахшии кӯдакони маъюб “Чорбоғ”  дар ноҳияи Варзоб”  муассисаи иҷтимоӣ буда, аз 3 бино иборат аст. Дар бинои якум ва дуюми он кӯдакони будубоши доимӣ нигоҳубин карда мешаванд, ки аз 200 нафар иборат мебошанд.

Бинои сеюм бошад, бинои тавонбахшӣ унвон дошта, дар он ба 30 нафар кӯдаки маъюб бо парастории модаронашон дар 17 бахш  510 нафар бо  роҳхатҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон  дар давоми сол  аз  тавонбахшӣ гузаронида мешаванд. Боиси қайд аст, ки ба шӯъбаи тавонбахшӣ эҳтиёҷмандон аз ҳама гӯшаву канори кишварамон ташриф меоранд.

Барои беҳтар намудани шароити бошандагони доимӣ ва шӯъбаи тавонбахшӣ ҳамасола маъмурияти муассиса бо  дигар ташкилоту муассисаҳо, шахсони хайрхоҳ барои таъмири роҳравҳо, ҳуҷраҳои хоб, утоқҳои кории тавонбахшӣ, ҳуҷраҳои санитарӣ, таъмири нишастгоҳҳои беруна, ҷойҳои бозии кӯдакон ҳамкорӣ намуда, бо дастгирии онҳо асбобу ҷиҳоз ва лавозимотҳо дубора таъмиру барқарор гардида, мавриди истифода қарор  дода мешаванд.

Маврид ба зикр аст, ки бехатарии санитарӣ ва амнияти бошандагони доимӣ ва модарону кӯдакон самти асосии фаъолияти роҳбарият ва кормандони муассиса ба шумор меравад. Барои бехатарии саломатии бошандагон аз тарафи кормандон ҳамарӯза корҳои санитарӣ, безараргардонӣ ва тозагии куллӣ гузаронида мешаванд. Бо боварии комил метавон гуфт, ки аз тарафи роҳбарият ва кормандони муассиса  ба кӯдакон тамоми  шароит барои  зиндагии  арзанда  фароҳам оварда шудааст.

– Мехоҳем бидонем, ки дар муассисаи мазкур кадом намудҳои тавонбахшӣ ба кӯдакони  маъюб расонида  мешаванд?

-Албатта, ба тавонбахшии маъюбон фаро гирифтани кӯдакон яке аз ҳадафҳои асосии фаъолияти Муассисаи давлатии “Маркази миллии тавонбахшии кӯдакони маъюб “Чорбоғ” дар ноҳияи Варзоб” ба шумор меравад. Дар ин раванд  аз ҷониби  мутахассисони ботаҷрибаи муассиса  17 намудҳои гуногуни тавонбахшӣ ба  кӯдакони  маъюб  расонида  мешаванд.  Аз он ҷумла;

  • масҳи  умумии  бадан;
  • барқдармонӣ;
  • парафин;
  • муолиҷа бо воситаи ҳаракат;
  • табобати ҷисмонӣ бо воситаи  об;
  • табобати ҷисмонӣ ба воситаи мусиқӣ ва рақс;
  • кор бо хамир,  расмкашӣ;
  • табобати мутахассис оид ба нутқ барои мустаҳкам кардан ва дуруст   равона  кардани  нутқ;
  • маҳс бо нахуд ва лубӣ -(арттерапия);
  • сенсорикӣ;
  • табобат ба воситаи машқҳои ҷисмонӣ;
  • дарсгузаронӣ;
  • кор  бо  волидайн – гузаронидани корҳои фаҳмондадиҳӣ, тренинг, семинарҳои омӯзишӣ оид  ба  масъалаҳои  тавонбахшӣ;
  • девори шведӣ;
  • мусиқидармонӣ;
  • кордармонӣ;
  • гиёҳдармонӣ;

–Айни замон дар самти тавонбахшии  маъюбон дар  Муассисаи давлатии “Маркази миллиитавонбахшии кӯдакони маъюб “Чорбоғ” дар ноҳияи Варзоб”,

кадом корҳо ба анҷом расонида шуда истодаанд?

–Роҳбарияти муассисаи мазкур ҷиҳати дар амал тадбиқ намудани «Барномаи миллии тавонбахшии  маъюбон барои солҳои 2017-2020», ки бо Қарори Ҳукумати Ҷумҳурии Тоҷикистон аз 16 октябри соли 2016, №455 тасдиқ шудааст, нақшаи чорабиниҳо тартиб дода, айни ҳол баҳри дар амал татбиқ намудани он тадбирҳои  судманд андешида шуда истодаанд.

Маврид ба ёдоварист, ки соли ҷорӣ дар шӯъбаи тавонбахшии муассиса  бо пешниҳоди  мутахассисон ва дастгирии роҳбарияти муассиса намуди нави тавонбахшӣ бо номи “Мусиқидармонӣ”  ҷорӣ карда шуд. Ин намуди табобат  барои бедор намудани ҳиссиёти дастон ва мушакҳои он, инкишофи  ақлонӣ  ва  беҳтар намудани  ҳаракатҳои  хурд   фоидаовар  мебошад. Инчунин, дар нақша аст, ки то охири сол  намуди инноватсионии  “Иппотерапия”  (муолиҷа  тавассути  асп)  дар муассиса ба  роҳ  монда  шавад.

Роҳбарияти Муассисаи давлатии “Маркази миллии тавонбахшии кӯдакони маъюб “Чорбоғ” дар ноҳияи Варзоб” кӯшиш менамояд, ки дар оянда низ омӯзиши комёбиҳои илмии ҷаҳониро дар соҳаи марбут ба тавонбахшии маъюбон мавриди таҳлил қарор дода, рушд ва сифати хизматрасониро  ба кӯдакони  имконияташон  маҳдуд боз ҳам  беҳтар  намояд.

–Мегуфтед, ки чӣ гуна кӯдакони маъюб ба муассисаи мазкур қабул  карда мешаванд?

-Тибқи Оинномаи муассиса, ки бо Фармоиши Вазорати тандурустӣ ва ҳифзи иҷтимоии аҳолии Ҷумҳурии  Тоҷикистон  аз 2 июли соли 2014, № 448 тасдиқ  гардидааст, ба муассиса кӯдакони маъюби аз ҷиҳати ақлонӣ ва ҷисмонӣ  носолим  (кӯдакони маъюби ноқисулақл)  қабул карда шуда, дар баробари будубоши доимӣ ва муваққатӣ, волидайнашон  низ метавонанд дар бахши статсионарии марказ барои тавонбахшии кӯдакони маъюбашон маслиҳатҳои  методию  таълимӣ бигиранд.

Мувофиқи тартиби амалкунанда кӯдакони маъюб ба муассиса тибқи роҳхатҳо аз ҷониби Вазорати тандурустӣ ва ҳифзи иҷтимоии аҳолии Ҷумҳурии  Тоҷикистон  қабул карда мешаванд.

–Дар байни бошандагони  Муассисаи давлатии “Маркази миллии тавонбахшии кӯдакони маъюб “Чорбоғ” дар ноҳияи Варзоб”чӣ гуна нақша–чорабиниҳо дар назар  гирифта шудааст?

-Қобизи зикр аст, ки ҷашну идҳои миллӣ бо иштироки бошандагони муассиса дар сатҳи баланд таҷлил карда мешаванд. Гуфтан ба маврид аст, ки муассиса бо ҳунармандони Филармонияи давлатии Ҷумҳурии Тоҷикистон ба номи Акашариф Ҷӯраев ҳамкории  зич  дошта, дар тамоми чорабиниҳои фарҳангӣ-фароғатӣ, ки дар сатҳи муассиса баргузор мегарданд,  ҳунармандон ва гурӯҳҳои рақсӣ иштирок намуда, баҳри болидарӯҳии кӯдакон ҳунарнамоӣ менамоянд. Инчунин, аз ҷониби гурӯҳи ҳаваскорони муассиса ба кӯдакон мунтазам барномаҳои консертӣ пешниҳод карда мешавад. Дар барномаҳои консертӣ модарони кӯдакон  низ бо майлу рағбати зиёд иштирок намуда, баҳри тифлакони худ суруду саҳначаҳо  пешкаш  менамоянд. Ҳамчунин, бошандагони муассиса  мунтазам барои  тамошо  ва сайру гашт  ба боғҳои фарҳангӣ-фароғатии пойтахт мераванд.

Бояд қайд кард, ки тибқи нақша-чорабиниҳо кӯдакони муассиса бо мураббияҳои хеш дар мусобиқаҳои махсусгардонидашуда иштирок намуда, сазовори  ҷойҳои 1-ум, 2-юм, 3- юм   ва  туҳфаҳои  хотиравӣ   гардидаанд.

Дар шаҳри Душанбе баргузории Форуми байналмилалӣ оид ба солимгардонӣ 

ва тавонбахшии маъюбон дар назар аст. Интизориҳои шумо аз форуми мазкур…

–Усулҳои  амалии аз ҷиҳати илмӣ асосноки тавонбахшӣ, ки дар сатҳи  байналмилалӣ самаранок эътироф шудаанд, боварӣ дорем, ки барои   беҳтар намудани маҷмӯи хизматрасониҳои тавонбахшии  маъюбон дар кишвар аз ҷониби иштирокчиёни Форум пешниҳод мегарданд. Мутахассисони  соҳаи  ҳифзи  иҷтимоии кишвар  бояд ин таҷрибаҳоро  барои  дар  амал  тадбиқ  намудан  азхуд намуда, инчунин онҳоро дар таҳияи  лоиҳаи “Барномаи миллии тавонбахшии  маъюбон барои солҳои 2017-2020” ворид намоянд.

218
Барчаспҳо:
рақс, мусиқӣ, дармон, Вазорати тандурустӣ, Тоҷикистон
Кормандони ташхисгоҳ, акс аз бойгонӣ

Вазорат аз ҷамъбасти рӯзи 15-ум бидуни коронавирус дар Тоҷикистон хабар дод

94
(Таҷдидшуда 18:57 25.01.2021)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта дар ҷумҳурӣ чун ду ҳафтаи гузашта ягон ҳолати гирифторӣ ба коронавирус сабт нашудааст

ДУШАНБЕ, 25 янв — Sputnik. Вазорати тандурустии Тоҷикистон аз ҷамъбасти рӯзи 15-ум бидуни коронавирус дар ҷумҳурӣ хабар дод.

Тибқи иттилои Вазорати тандурустӣ ва ҳифзи иҷтимоии аҳолии Тоҷикистон, дар ҷумҳурӣ аз 10 январ то ҳол ягон ҳолати гирифторӣ ба бемории коронавирус сабт нашудааст.

Расман бори охир дар Тоҷикистон рӯзи 10 январ се ҳолати гирифторӣ ба коронавирус сабт шуда буд.

Вазорати тандурустии Тоҷикистон беш аз ду ҳафтаи охир дар сомонаи расмии covid.tj хабар медиҳад, ки дар маҷмуъ дар ҷумҳурӣ 13 ҳазору 308 нафар гирифтори коронавирус шудаанд, ки 13 ҳазору 218 нафар шифо ёфтаанд.

Бар асоси омори ироакардаи Вазорати тандурустӣ, 99,3 дарсади онҳое, ки дар ҷумҳурӣ ба вируси корона гирифтор шудаанд, шифо ёфтаанд ва танҳо 0,7 дарсад бар асари ин маризӣ ҷон додаанд. Теъдоди умумии фавтидагон бар асари коронавирус 90 нафар арзёбӣ мешавад.

Дар ҳамин ҳол Вазорати тандурустӣ ва ҳифзи иҷтимоии аҳолии Тоҷикистон аз шаҳрвандон даъват дорад, ки қоидаҳои беҳдоштиро риоя кунанду фосилаи иҷтимоиро нигоҳ доранд.

94
Барчаспҳо:
вируси корона, беморӣ, Тоҷикистон

Аз санҷиши ҳарорат то салому ниқоб дар масҷидҳо: мулоқот бо имомхатибони Хуҷанд

973
(Таҷдидшуда 18:55 25.01.2021)
Намояндагони Маркази назорати давлатии санитарию эпидемиологии шаҳри Хуҷанд бо имомхатибони ин шаҳр корҳои фаҳмондадиҳӣ гузаронданд

ДУШАНБЕ, 25 янв — Sputnik. Ситоди ҷумҳуриявӣ оид ба коронавирус, ки ахиран иҷозати бозкушоии дарҳои Масоҷидро дар тамоми қаламрави ҷумҳурӣ эълон кард, аз намозгузорон риояи ҳатмӣ ва қатъии чораҳои зиддиэпидемиологиро тақозо мекунад.

Дар робита ба кушода шудани дари масҷидҳо аз 1- уми феврали соли ҷорӣ, дар шаҳри Хуҷанд, намояндагони Маркази назорати давлатии санитарию эпидемиолог бо кулли имомхатибон мулоқот баргузор намуданд, хабар медиҳад Вазорати тандурустӣ.

Ба иттилои манбаъ, зимни мулоқт ба имомхатибон дастур дода шуд, ки ба масоҷид намозгузорони бидуни ниқобро роҳ надиҳанд.

Ҳамчунин дар ҳамаи масҷидҳо овезаҳо бо навиштаҷоти "Бе ниқоб даромадан манъ аст" ва "Бо даст салом кардан ва оғӯш гирифтан манъ аст" бояд овехта шаванд.

Таъкид гардид, ки  вақте шаҳрвандон вориди масҷид мешаванд ва ё аз дохил берун мебароянд, хуб мешавад бо даст салом накунанд, балки дастро болои сина гузошта, бо ишораи сар салом намоянд.

Шӯрои уламо намоз дар автобусу қаторро ҷоиз хонд: гуфт, чӣ гуна бояд адо шавад

Гуфта шуд, ки бояд ҳар як масҷид системаи ҳавотозакунӣ дошта бошад, ки гардиши ҳаво таъмин карда шавад.

Зикр гардид, ки бояд утоқҳои масҷидҳо бо миқдори кофии маводи безараргардонӣ, собун ва маҳлули зиддиуфунӣ (антисептикӣ), инчунин ҳароратсанҷи фосилавӣ таъмин карда шаванд.

Санҷиши ҳатмии намозгузорон ва муроҷиаткунандагон ба масҷидҳо ва дигар марказҳои динӣ тавассути ҳароратсанҷи фосилавӣ бо мақсади маҳдуд намудани ашхосе, ки таби баланд ё аломатҳои бемориҳои роҳҳои нафас доранд ба роҳ монда шавад.

Шарҳи расмии Кумитаи дин дар бораи хабари кушода шудани масҷидҳо

Махсусан, таъкид гардид, дар масҷидҳое, ки талаботи гигиенаи шахсию ҷамъиятӣ вобаста ба пешгирии бемориҳои сироятӣ риоя намегардад, фаъолияташон манъ карда мешавад.

Манбаъ меафзояд, дар анҷоми мулоқот раиси Шӯрои уламои дини вилояти Суғд Ҳоҷӣ Ҳусайн Мӯсозода ва мудири бахш оид ба корҳои дин, танзими анъана ва ҷашну маросимҳои миллии шаҳри Хуҷанд Муҳсин Миркамолов низ суханронӣ намуда, аз имомхатибон даъват ба амал оварданд, ки тавсияҳои мутахассисони соҳаро дар ҷараёни адои намоз дар масҷидҳо қатъиян ба ҷо биоваранд.

973
Барчаспҳо:
имомхатиб, намоз, масҷид, Хуҷанд
Президент Республики Таджикистан Эмомали Рахмон

“Ҳама ба ҳоли худ саргардон. Соли вазнин хоҳад буд”: нигарониҳои Раҳмон аз соли 2021

0
(Таҷдидшуда 23:31 26.01.2021)
Дар суханрониҳои Эмомалӣ Раҳмон маъмулан нуктаҳои ҷолиб аз матни сомонааш ва ё пахши такрории телевизионҳои расмӣ ҳазф мешаванд. Ҳол он ки маҳз дар ҳошияравиҳои ӯ аз матн гуфтаниҳо, балки ногуфтаниҳои ӯ садо медиҳанд

ДУШАНБЕ, 26 янв — Sputnik. Президенти Тоҷикистон дар ин ҳошияравиҳо эҳсоси шодиву ғам ва хашму нигарониҳояшро баён медорад, аммо ба назар мерасид, ки дар Паёми имсолаи ӯ бештар аз ҳама изтироби худро аз ояндаи кишвараш бештар ба намоиш гузошт. Sputnik Тоҷикистон ба бархе аз муҳимтарини нуктаҳои ҷолиби Паёми ӯ пардохт. 

Раҳмон нахуст як “нуктаи нозук ва муҳим” – ро дар бораи муҳоҷирати меҳнатии шаҳрвандони Тоҷикистон баён кард. Вай гуфт, соли 2020 дар пайи пандемияи “вируси корона” 80% - и муҳоҷирин натавонистанд аз Тоҷикистон хориҷ шаванд.

“Ман ба шумо нуктаи нозук ва муҳимро расониданӣ ҳастам. Аз 460 ҳазор нафаре, ки мерафтанд, фақат 111 ҳазор муваффақ шуданд. Он чӣ ишора карда истодаам, ин аст, ки мо дар дохили кишвар захираву имконотеро дорем, ки дар оянда боз ҳам беҳтар кор карда, корхонаҳои истеҳсолӣ ва кишоварзӣ эҷод намоем ва шароити корӣ фароҳам оварда, мардуми худро бо кори доимӣ таъмин кунем", - гуфт президент.

“Қарз намедиҳанд!”

Раҳмон як роҳи ҷалби сармояи мустақими хориҷиро гузариш ба стандартҳои байналмилалии ҳисоботи молиявӣ ва аудити молиявӣ унвон карда, афзуд, тамоми ширкат, муассисаҳо, корхонаҳо, ташкилотҳо фақат ҳамин роҳро доранд, агар на, ягон институти байнулмилалии молиявӣ, ягон сармоягузор ба ягон кас қарз ҳам намедиҳад ва сармоягузорӣ ҳам намекунад.

“Ҳатман бояд муайян кунем, ки аз чанд миллион боло (аз аудит гузаранд). Қарорро бояд қабл кард. Сарфи назар аз он ки кадом мақомоти давлатӣ ё ширкати хусусӣ, ҳар чӣ набошад, (гардиши корхона ё муассиса) як миллион аст, ду ё се миллион аст, бояд ҳатмӣ аз аудит гузарад. Инро бояд ҳукумат муайян кунад. На ҳама ба ин розӣ аст, ҳатто сохторҳои мақомоти давлатӣ. Ин шаффофияти иқтисодиро муайян мекунад. Ҳам дар соҳибкорӣ ва ҳам сохторҳои мақомоти давлатӣ”, гуфт Эмомалӣ Раҳмон.

Авфи дуюм

Тоҷикистон дар таърихи 30 соли истиқлолаш фақат як бор авфи маболиғ ва дороиҳоро соли 2007 гузаронда буд. Имсол низ Эмомалӣ Раҳмон аз мақомоти зидахл хост, ки заминаи баргузории як авфи дигарро фароҳам созад. Вай гуфт, мо мебинем, ки ҳатто кишварҳои абарқудрат дар ин 30 сол қариб 10 – 15 маротиба гузарониданд.

“Такрор мекунам, ҳатто кишварҳои абарқудрат. Чанд сол пайиҳам. Шароитро мо мебинем, ки дар ҷомиаи ҷаҳонӣ чӣ гап аст”, - гуфт ӯ.

“Страховка”

Президенти Тоҷикистон аз мақомоти зидахл хост, ки ҳар чӣ зуд як санад барои маҳдуд намудани санҷиши ғайриқонунӣ ё дахолат ба фаъолияти сармоягузорону соҳибкоронро то моҳи март таҳия кунанд. Вай гуфт, бахши хусусӣ ҳоло дар маҷмӯи маҳсулоти дохилӣ (ММД) беш аз 70, таъмини аҳолӣ бо ҷойи корӣ - 68 ва даромадҳои андозӣ ба буҷет - 80 фоиз саҳм дорад.

Раҳмон аз хоинону нақшаҳояшон гуфт: мехоҳанд фарҳангу мазҳаби бегонаро таҳмил кунанд

“Ба пешвози 30 – солагии Истиқлолият 18 ҳазору 300, дар маҷмуъ 25 ҳазор иншоотро имсол бояд сохта, ба истифода диҳем. Ин аз ҳисоби кӣ аст? Аз буҷети давлат? Не. Ана ҳамин ҳисса ё саҳми соҳибкорон аст. Аксарияташ. Аммо дар вақти қабул кардани қонуну қарорҳо дар бисёр ҳолатҳо манфиатҳои назоративу хатарнокиву эҳтимолияти иҷро нашудани нақшаро пеш оварда, кӯшиш мекунем, ки монеаи сунъӣ эҷод кунем. Худамонро “страховка” мекунем дар назди ҳукумат, роҳбари давлат. Аммо дар назди мардум чӣ? Вақте рӯи дастурхони мардум нон пайдо нест, кӣ ҷавоб медиҳад?”, - гуфт президенти Тоҷикистон.

Ҳис мекунед?

Президенти Тоҷикистон аз аҳли толор пурсид, ки дар ин сардиву барф ҳис мекунанд, ки чаро роҳҳои асосии байни вилоятҳои бузург ин зимистон баста нашуд? Вай дар посухи суоли худ гуфт, роҳҳо бунёд ва таъмиру нигаҳдории онҳо сол ба сол хубтару беҳтар шудаанд, мардум баҳору зимистон рафтуомад ва тиҷорати дохилӣ густариш пайдо мекунад.

“Ҳис мекунед? Талафоти одамон ҳам кам. Акнун вақте расидааст, ки роҳҳои дохилии байни ноҳияҳо, ҷамоатҳо, байни шаҳрҳо, худи деҳаҳо, шаҳраку маҳалҳои зист бояд хубтару беҳтар шавад. Як сол аст, ду сол аст, бояд кунем. Ман боварии комил дорам, ки агар ташаббус дар дасти вакилони муҳтарам, аъзои ҳукумат ва хизматчиёни давлатӣ, умуман ташкилотчӣ бошад, мардуми мо хуб дастгирӣ мекунад. Барои хубтару беҳтар кардани шароити зисти худаш. Ҳамаро набояд ба буҷет ҳавола кард”, - гуфт Эмомалӣ Раҳмон.

Мешудааст – ку!

Раҳмон аз онҳое, ки ҳамоно банди иқтисоди нақшаӣ ҳастанд, ёдовар шуда, гуфт, роҳи аз ҳама хуби кӯмак ба кишоварзӣ фароҳам кардани имтиёз ва шароит ба соҳибкорон, тоҷирон, хоҷагиҳои деҳқонӣ аст.

“Дар Тоҷикистон 2 сол пеш 60 ҳазор тонна гӯшти мурғ ворид мешуд. Қариб 50 миллион доллар – валюта (арз) -и мо ба берун мерафт. Соли 2017 мо дар дохил ҳамагӣ 2 -3 ҳазор тон истеҳсол мекардем, вақте имтиёзҳо додем, зарфи ду сол истеҳсоли гӯшти парранда ба 30 ҳазор тон расид. Боварӣ дорам, ду сол баъд воридоти он аз байн меравад”, - гуфт ӯ.

Президенти Тоҷикистон гуфт, дар замони Шӯравӣ ба Тоҷикистон аз берун дар як сол то 180 ҳазор тона картошка ва 140 ҳазор тон маҳсулоти гӯштӣ ворид мешуд, аммо соли 2020 ҳамагӣ 180 тон картошка ворид шудааст.

“Пурсида мешавад, аз ҳисоби чӣ таъмин шуд? Проблема дар Тоҷикистон дар боби истеъмоли гӯшт ҳаст? Раҳмат бар падару модари мардуми Тоҷикистон, ки ташаббуси моро дар бораи амалӣ намудани Қонун дар бораи танзими расму оинҳо дастгирӣ карданд. Ду баробар саршумори чорво сарфа шуда, зиёд гардид. Ҳам маҳсулоти ширӣ, ҳам маҳсулоти гӯштӣ сол ба сол зиёд шуда истодааст”, - гуфт ӯ.

Раҳмон ба амнияти саломатии мардум ишора карда, гуфт, гӯшти мурғу гӯштҳои дигар гуфта, баъзан маҳсулоти бесифати мӯҳлаташон гузаштаро бо ҳар роҳ меоварданд. Вай афзуд, имтиёзҳо моҳипарвариро низ такон доданд.

“Ё тухм аз дигар ҷо меоварданд, хандаовар аст, бародарон! Ман ҳатто гуфта будам дар маҷлисҳои ҳукумат ба мову шумо. Мешудааст-ку. Кори намешудагӣ дар дунё нест. Фақат завқ, масъулияти баланд доштанамон даркор. Мо зиёда аз 1 миллион тонна картошка истеҳсол кардем. Ду – се маротиба зиёд деҳқони тоҷик картошка истеҳсол мекунад. Дар як сол!”, - гуфт президент.

Вай афзуд, барномаи боғу токпарварӣ дар талу теппаҳоро, ки ҳукумати Тоҷикистон рӯи даст гирифт, ҳатто дар хориҷа масхара шуд.

“Ҳатто баъзе сиёсатмадорон дар Иттиҳоди давлатҳои муштаракулманофеъ дар паси ман гап мезаданд, ки “Раҳмон кори дигар надорад, ки дар талу теппаву кӯҳ боғдорӣ мекунад, хандаовар аст”. Хандаовар нест. Натиҷаашро мо дида истодаем. Аз Душанбе то Кӯлоб равед, ҳамин рӯз дар ҳамин сардиву хунукӣ, бинед, дар ду тарафи роҳ ғайри бозорҳо чӣ қадар ҳазорҳо тон меваву сабзавоти бениҳоят сифати баланд ва аз лиҳози экологӣ тозаро деҳқонон ба мардум пешкаш карда истодаанд. Натиҷаи чӣ аст? Мо ҳам давраи Шӯравӣ рафта, меомадем. Ягон бало набуд. Бисёриҳо шоҳид ҳастед. Ин ҳама натиҷаи ҳамин қарорҳо ва заҳмати деҳқонони мамлакат аст. Агар шикамамон сер намебуд, дар ин толор омада, паёми роҳбари давлатро гӯш намекардем”, - гуфт Эмомалӣ Раҳмон.

“Ҳоло айни вақт аст...”

Президенти Тоҷикистон гуфт, хабар аз хатару пешгӯиҳое, ки коршиносони сатҳи байнулмилалӣ мекунанд, ба ҳозирини толор ва мардуми Тоҷикистон мерасонад. Ӯ ҳамзамон ин суолро матраҳ кард: соли 2021 чӣ моро интизор аст?

“Агар дар ёд дошта бошед, моҳи апрели соли 2020 дар муроҷиате, ки ман ба шаҳрвандони мамлакат кардам, дар бораи таҳдиду хатарҳое, ки дар фасли тирамоҳу зимистони имсолу соли оянда дар камин нишастаанд ва ҳатто хатари гуруснагӣ, болоравии нархҳо дар дунё, ки ба камчинии маҳсулоти ғизоӣ оварда мерасонад, гуфта будам. Ана ҳамонҳо омада расид. Тибқи таҳлили коршиносони созмонҳои бонуфузи байнулмилалӣ, аз ҷумла муовини дабири кулли СММ, соли равон дар масъалаи озуқаворӣ яке аз солҳои вазнин ва ҳалокатбор тайи 100 соли ахир мегардад. Ин сухани ман нест, аз муовини дабири кулли СММ дар умури озуқаворӣ аст”, - гуфт Раҳмон.

Вай аз бесобиқагии гармшавии иқлим дар соли 2020 дар таърихи инсоният гуфта, афзуд, гармову хушксолӣ ва камобии соли гузашта дар кишвари мо аз оғози собҳибистиқлолӣ бори якум ба қайд гирифта шуд.

Эмомалӣ Раҳмон аз барқароршавии парвозҳо гуфт

“Чӣ моро интизор аст дар ин сол? Ман бори дигар ин фурсатро истифода бурда, ба мардуми Тоҷикистон, шумо – аъзои ҳукумат, вакилони мардумӣ изҳор мекунам, ки корро ҷиддӣ гирем. Ҳоло вақт аст. Ҳоло айни вақт аст”, - гуфт ӯ.

“Ҳама ба ҳоли худ саргардон”

Эмомалӣ Раҳмон гуфт, дар замони соҳибистиқлолӣ барои 1 миллиону 350 ҳазор хонавода 135 ҳазор гектар заминро тақсим карда дод, то хона ё мавзеъи истиқоматӣ созанд, дар ҳоле ки дар 75 соли шӯравӣ ба аҳолии Тоҷикистон ҳамагӣ 73 ҳазор гектар замин ҷудо шуда буд.

“Ана акнун ҳисоб кунед, ки чӣ қадар замин дар дасти мардум аст. Мо ҳисоб кардем, ки ҳудуди 230 – 40 ҳазор гектар замин. Агар 50% - и он барои хонаву дигар сохтмон бошад, 50% - и дигар, ҳудуди 115 ҳазор гектар барои замини кишт. Мардум аз замини наздиҳавлигӣ метавонад садҳо сентнер ҳосил гирад”, - гуфт президент.

Ӯ аз сафарҳояш ба шаҳру навоҳӣ ва дидораш бо деҳқонон мисол овард, ки бархе меҳнат мекунанд, роҳаташро мебинанд ва аз оне гуфт, ки аз 17 – 18 сотих дар як сол 36 тон маҳсулот гирифта, зиндагиашро пеш мебарад ва бо ҳама чӣ таъмин асту муҳтоҷ ба касе нест.

“Барои ҳамин ҳам, деҳқонони арҷманди мо, ман шуморо дастгирӣ мекунам, шумо муроҷиатҳои маро ҷиддӣ гирифта, меҳнат кунед, ба умеди ҳеҷ кас нашавед. Худои таоло гуфтааст, ки аз ту ҳаракат, аз ман баракат. Агар ба пушт зада, дастурхонро партоӣ, аммо дар замин дона напартоӣ, каланд назанӣ, дар он дастурхон чизе пайдо намешавад. Ҳамин сол кардед, натиҷаашро дидед. Оне, ки заҳмат мекашад, муҳтоҷи касе нест. Дар сардиву гармӣ дар дастурхони фарзандонаш фаровонист”, - гуфт президент.

Эмомалӣ Раҳмон гуфт, соли 2021 бисёр соли вазнин мешавад, махсусан, дар самти таъмини маводи ғизоӣ ва ҳукумату мақомоти зидахл бояд ба ҳама кӯмак кунанд.

“Аввали пайдоиши пандемияи COVID 19 воҳима (паника) ҳатто дар байни давлатҳои абарқудрат буд. Чӣ кор карданд? Сарҳадҳои худро бастанд. Содироту воридотро манъ карданд. Баъзеаш транзитро манъ кард. Баъд чӣ мешавад? Мо бештари маҳсулот – 60%-ро аз берун меорем. Агар (марзҳо) маҳкам бошад чӣ? Чӣ кор мекунем? Куҷо меравем?”, - гуфт ӯ.

Вай пешниҳод кард, ки тамоми кишоварзони кишвар соли 2021 аз пардохти андози ягонаи замин озод карда шаванд, ки бино ба иттилои ӯ, ҳудуди 200 миллион сомониро ташкил медиҳад ва ҳукумати кишвар барои пӯшонидани ин манбаи андоз чораҷӯӣ менамояд.

“Агар дар ёд дошта бошед, ман як андешаро 12 сол пеш баён карда будам, ки бисёриҳо онро шояд ҳазл қабул карданд. Баъзе сиёсатмадорон ҳатто аз ман пурсиданд, чаро Эмомалӣ Шарипович, Шумо ин чиро гуфтед? Ман мардуми Тоҷикистонро даъват карда будем, ки кӯшиш кунед, ҳар як хонавода захираи дусола дошта бошад. Ба ёд доред? Ба ҳамон рӯз омадем. Ин бадбахтиро бинед! Шукрона, ки он бадбахтие, ки бархе кишварҳои Аврупо расидаанд, мо ба он нарасидем. Парвардигоро, ба мардуми тоҷик илоҳо нарасад. Аммо кӣ кафолат дода метавонад? Кӣ? Кӣ киро кӯмак мекунад? Ҳама ба ҳоли худ саргардон. Як ваксинаро бинед, сиёсӣ карданд дар дунё”, - гуфт Эмомалӣ Раҳмон.

Дар охири суханронии худ президенти Тоҷикистон мардумро ба ваҳдату бародарӣ хонд ва гуфт, барои ҳамин ҳам ман гаштаю баргашта таъкид мекунад, ки мо бояд бунёд кунем, созем, руҳафтода нашавем.

Стипендияи донишҷӯёну магистрон ва аспирантону доктарантҳо зиёд мешавад

“Ман ишора кардам, ки бобову бобокалони мо, аждодони мо кӣ буданд, чӣ мерос гузоштанд, тамаддунсоз буданд, тамаддунофар буданд. Чӣ мову шумо карда наметавонем? Мову Шумо идома дода наметавонем?”, - гуфт Эмомалӣ Раҳмон.

0
Барчаспҳо:
озуқаворӣ, хатар, сармоя, буҳрон, рушд, иқтисод, парлумон, паёми раисҷумҳур, Эмомалӣ Раҳмон