Олимзода Насим министр здравоохранения и социальной защиты населения РТ, архивное фото

Вазир: "ҳифзи иҷтимоии шахсони маъюб аз самтҳои асосии сиёсати Президент аст "

190
(Таҷдидшуда 19:36 22.10.2019)
Дар шаҳри Душанбе муҳимтарин рухдоди соҳаи тандурустӣ Форуми байналмилалӣ оид ба масъалаҳои маъюбӣ баргузор гардид

ДУШАНБЕ, 22 окт — Sputnik. Рӯзи 18 октябри соли равон дар Муассисаи давлатии Китобхонаи миллии Тоҷикистон Форуми байналмилалӣ оид ба масъалаҳои маъюбӣ баргузор гардид.

Бино ба гузориши Вазорати тандурустӣ, дар ин ҳамоиш муовини сарвазири Тоҷикистон Азим Иброҳим, вазири тандурустӣ Насим Олимзода, намояндаи доимии СММ дар Тоҷикистон Пратибҳа Меҳта, роҳбари Намояндагии Ташкилоти умумиҷаҳонии Тандурустӣ дар Тоҷикистон Тасним Ататраҳ, котиби Форуми аврупоӣ оид ба маъюбӣ Гунта Анча, намояндагони вазорату идораҳо ва дигар шарикони рушд ширкат намудаанд.

Тибқи иттилои манбаъ, қабл аз оғози ин чорабинии сатҳи баланд  меҳмонон аз намоишгоҳи Форуми байналмилалӣ оид ба масъалаҳои маъюбӣ  дидан намудаанд.

Дар намоишгоҳ, навъҳои гуногуни доруворӣ, дастовардҳои олимони соҳаи тибби  кишвар, маҳсулотҳои  ортопедию протезии истеҳсоли  ватанӣ ва  дастранҷи ашхоси маъюб ба маърази тамошо гузошта шуд.

Форуми байналмилалӣ оид ба масъалаҳои маъюбӣ дар Душанбе
Форуми байналмилалӣ оид ба масъалаҳои маъюбӣ дар Душанбе

Насим Олимзода ба кори Форум оғоз бахшида, оид ба дастгирии ин қишри ҷомеа аз ҷониби Президенти Ҷумҳурии Тоҷикистон Эмомалӣ Раҳмон ибрози андеша намудааст.

"Ҳифзи иҷтимоии аҳолӣ, аз ҷумла шахсони имконияташон маҳдуд яке аз самтҳои муҳим ва асосии сиёсати иҷтимоии Президент Ҷумҳурии Тоҷикистон Эмомалӣ Раҳмон ба ҳисоб меравад. Аз замони ба даст овардани Истиқлолият Ҳукумат  баҳри таъмини кафолатҳои иҷтимоии мардум, хусусан маъюбон тадбирҳои назаррас анҷом дода, дар ҷумҳурӣ заминаи ҳуқуқии ҳифзи иҷтимоии маъюбон пурра таҳия ва мавриди амал қарор дода шудааст", - гуфтааст вазир.

Бино ба гузориши манбаъ, муовини нахуствазир Азим Иброҳим зимни баромади хеш иброз намудааст, ки ҳанӯз аз замони ба даст овардани Истиқлолияти давлатӣ маъюбон зери таваҷҷуҳи махсуси Ҳукумат қарор гирифтанд.

Ӯ афзудааст, ки дар ин росто, моҳи марти соли 2018 Эмомалӣ Раҳмон дар шаҳри Ню-Йорки ИМА зери Конвенсияи Созмони Милали Муттаҳид дар бораи  ҳуқуқҳои шахсони маъюб имзо гузошт.

Форуми байналмилалӣ оид ба масъалаҳои маъюбӣ дар Душанбе
Форуми байналмилалӣ оид ба масъалаҳои маъюбӣ дар Душанбе

Конвенсияи Созмони Милали Муттаҳид дар бораи ҳуқуқҳои шахсони маъюб аз тарафи Ассамблеяи Созмони Милали Муттаҳид 13 декабри соли 2006 қабул гардида, 3 майи соли 2008 баъди аз ҷониби 20 давлати олам тарафдорӣ ёфтан ҳукми қонунӣ гирифт. Баъди ҳукми қонунӣ гирифтани Конвенсия Кумита оид ба ҳуқуқи шахсони маъюб бо 18 аъзо ташкил карда шудааст.

Инчунин, дар ҷараёни Форум вобаста ба  таҳлилу баррасӣ намудани вазъи маъюбон дар кишвар да дигар паҳлуҳои соҳа бо иштироки намояндагони васоити ахбори омма нишасти матбуотӣ баргузор гардидааст, ки дар он муовини вазири тандурустӣ Шодихон Ҷамшед, роҳбари Намояндагии  Ташкилоти умумиҷаҳонии Тандурустӣ дар Тоҷикистон Тасним Ататраҳ  ва масъулини соҳа иштирок намуда, ба саволҳои рӯзноманигорон посух додаанд.

Баъди анҷоми ҷаласаҳои пленарӣ Изҳороти Душанбе оид ба масъалаҳои маъюбӣ қабул гардидааст.

190
Барчаспҳо:
маъюб, сиёсат, Душанбе, Эмомалӣ Раҳмон, вазир

Омори ҷадиди гирифторӣ, шифо ва фавт аз коронавирус дар Тоҷикистон

334
(Таҷдидшуда 19:19 25.10.2020)
Вазорати тандурустӣ ва ҳифзи иҷтимоии аҳолии Тоҷикистон омори ҷадиди паҳншавии коронавирус дар ҷумҳуриро нашр кард

ДУШАНБЕ, 25 окт — Sputnik. Теъдоди гирифторони коронавирус дар Тоҷикистон афзоиш ёфтааст, хабар дод Вазорати тандурустӣ ва ҳифзи иҷтимоии аҳолии ҷумҳурӣ.

Ба иттилои ин ниҳод, тайи шабонарӯзи гузашта дар Тоҷикистон 40 ҳолати нави гирифторӣ сабт шудааст.

Теъдоди умумии гирифторони коронавирус дар Тоҷикистон ба ҳолати шоми 25 октябр ба 10 ҳазору 776 нафар расидааст.

Таъкид шудааст, ки аз теъдоди умумии гирифторшудагон то имрӯз 9 ҳазору 889 нафар шифо ёфта аз беморхонаҳо мураххас шудаанд.  Таносуби шифоёфтагон аз маризии каронавирус дар кишвар наздики 92 дарсадро ташкил медиҳад.

Ба иттилои Вазорати тандурустӣ ва ҳифзи иҷтимоии аҳолии Тоҷикистон тайи шабонарӯзи гузашта дар ҷумҳурӣ ягон ҳолати фавт аз коронавирус сабт шудааст. Теъдоди умумии фавтидагон аз  22 октябр то имрӯз бетағйир боқӣ монда, ҳамоно 81 ҳолатро ташкил медиҳад.

334

4 фавт ва 600 маризи нав: омори Қирғизистон аз коронавирус барои имрӯз

33
Шабонарӯзи гузашта дар Қирғизистон аз маризии сироятии коронавирус дасти кам 4 нафар ба ҳалокат расиданд

ДУШАНБЕ, 25 окт — Sputnik. Ситоди фаврӣ оид ба коронавирус марги боз 4 қирғизистонии дигар давоми як шабонарӯз аз маризии коронавирусро тасдиқ намуд.

Ба иттилои манбаъ, шабонарӯзи ахир боз 606 мавриди нави гирифторшавӣ ба коронавирус сабт гардид. Аз ҳама зиёд ҳолатҳои мубталошавии шаҳрвандон дар вилояти Ҷалолобод (184) ба қайд гирифта шуд.

Ҳамчунин дар вилояти Ботканд низ 104 нафар тоза дардманди ин вирус гардиданд. Дар Ош 97 ва дар шаҳри Бишкек 88 мавриди нави гирифторшавӣ ба коронавирус сабт шудааст.

Олимони Ҷопон нишон доданд, ки коронавирус чӣ гуна паҳн мешавад - навор

Дар маҷмӯъ аз овоили хуруҷи ин беморӣ дар Қирғизистон 55 750 нафар гирифтори вируси COVID -19 гардидаанд.

Зимнан, бо илова шудани 4 мавриди фавт, теъдоди қурбониёни коронавирус дар Қирғизистон ба 1 134 нафар баробар шуд.

33
Мавзуҳо:
Пайомадҳои COVID-19 дар Тоҷикистон ва ҷаҳон
Марзбони тоҷик, акс аз бойгонӣ

КДАМ Тоҷикистон моҷаро дар марз ва тирпаронии марзбонҳои қирғизро шарҳ дод

413
(Таҷдидшуда 22:44 25.10.2020)
Қӯшунҳои сарҳадии Кумитаи давлатии амнияти миллии Тоҷикистон моҷарои 25 октябр дар марз ва тирпаронии сарҳадбонҳои қирғизро шарҳ доданд

ДУШАНБЕ, 25 окт — Sputnik. Тибқи иттилои нерӯҳои марзбонии КДАМ, рӯзи 25-уми октябри соли 2020, соати 15:30 дақиқа, сокинони деҳаи Хоҷаи Аълои ноҳияи Исфара дар дохили деҳа қубури обгузарро, ки кӯҳнаву афсурда шудааст, иваз мекарданд.

"Дар ин вақт 25-30 нафар сарҳадбонони мусаллаҳи Ҷумҳурии Қирғизистон ба назди деҳаи мазкур ҳозир шуда, аз сокинон талаб мекунанд, ки корро қатъ созанд.  Онҳо даъво пеш меоранд, ки маҳали кори шаҳрвандони Тоҷикистон минтақаи баҳсӣ дониста мешавад ва аз силоҳи оташфишон ҷониби сокинони Хоҷаи Аъло тир мекушоянд", - омадааст дар изҳороти КДАМ.

КДАМ таъкид кардааст, ки ин қитъа қаламрави Ҷумҳурии Тоҷикистон буда, иғвогарии навбатии марзбонони қирғиз ба мураккаб намудани вазъият дар хатти сарҳади ду давлат равона гардидааст.

Манбаъ афзуд, хушбахтона, аз тирпаронии марзбонони қирғиз сокинони Хоҷаи Аъло осеб надидаанд. Корҳо дар маҳали муноқиша муваққатан қатъ карда шуданд.

Байни сарҳадбонони Ҷумҳурии Тоҷикистон ва Ҷумҳурии Қирғизистон, бо иштироки намояндагони мақомоти иҷроияи ҳокимияти давлатии ду кишвар  гуфтушунид идома дорад.

Хадамоти марзбонии Қирғизистон қаблан бо нашри як изҳорот гуфт, марзбонҳои қирғиз барои ҳифзи ҳаёту саломатӣ ва ҷилавгирӣ аз шиддати вазъ ба ҳаво тир холӣ карданд.

413
Барчаспҳо:
тирпаронӣ, марз, Тоҷикистон