Денежные купюры. Архивное фото

USAID барои аз байн бурдани бемории сил ба Тоҷикистон беш аз 15 миллион доллар медиҳад

129
(Таҷдидшуда 14:15 20.11.2019)
Намояндагони USAID калонтарин ташкилоти кӯмакрасон дар Тоҷикистон эълон намуданд, ки ин ташкилот барои аз байн бурдани бемории сил дар Осиёи Марказӣ дар муҳлати 5 сол 31,6 миллион доллар масраф хоҳад кард

ДУШАНБЕ, 20 ноя — Sputnik. Намояндагони USAID дар Тоҷикистон, ассотсиатсияи ғайридавлатии байналмилалии “Табибони бидуни марз ” ва дигар созмонҳои ғайриҳукуматӣ таъкид намуданд, ки омода ҳастанд барои идомаи маблағгузории барномаҳои давлатӣ дар соҳаи назорат бо СПИД, сил ва вараҷа Тоҷикистон кумак намоянд.

Дар ин бора дафтари матбуоти Вазорати тандуустӣ ва ҳифзи иҷтимоии аҳолии Тоҷикстон хабар додааст.

Бино бар иттилои манбаъ, Намояндагони USAID эълон карданд, ки гранти USAID барои аз байн бурдани бемории сил дар Осиёи Марказӣ, аз ҷумла дар Тоҷикистон оғоз хоҳад шуд.

“Аз ҷониби UPAssosiat ба муҳлати 5 сол ба маблағи 31,6 миллион доллар  татбиқ карда мешавад ва  15,2 миллион доллари он ба Точикистон фиристода мешавад”, - таъкид намудааст намояндагони ин ташкилоти кӯмакрасон.

Ёдрас мешавем, ки қаблан Азим Иброҳим, муовини нахуствазири Тоҷикистон дар нишасти Кумитаи миллии ҳамоҳангсозии мубориза бо бемориҳои камбуди эминӣ, сил ва вараҷа раванди иҷрои барномаи коҳиши ин бемориҳоро нохушоянд донист.

Вай ёдоварӣ карда, ки мубориза бо ин бемориҳо масъулияти танҳо як Вазорати тандурустӣ нест ва бояд намояндагони Вазорати маорифу илм, Кумитаи умури ҷавонону варзиш, руҳониён ва дигар сохторҳо низ ҳаст.

129
Барчаспҳо:
USAID, масраф, Мубориза зидди бемории сил, сил, Осиёи Марказӣ, ЮСАИД, кӯмак, Тоҷикистон
Миристр здравоохранения Таджикистана Джамолиддин Абдуллозода

Вазир ва муовинаш ба тафтиши беморхонаҳои шаҳри Душанбе баромаданд

20
(Таҷдидшуда 18:51 24.11.2020)
Роҳбарияти Вазорати тандурустӣ ва ҳифзи иҷтимоии аҳолии Тоҷикистон бо мақсади аз наздик шинос шудан бо вазъи беморхонаҳо ва марказҳои саломатии шаҳру ноҳияҳои кишвар гаштҳои рӯзона ва шабонаро ба роҳ мондаанд

ДУШАНБЕ, 24 ноя — Sputnik. Ҷамолиддин Абдуллозода, вазири тандурустии Тоҷикистон шахсан аз рафти фаъолияти Маркази тиббии шаҳрии №1-и шаҳри Душанбе дидан намуд, иттилоъ додааст дафтари матбуоти ин ниҳод.

Бино бар иттилои манбаъ, зимни боздид вазири тандурустии кишвар бо фаъолияти  муассисаи мазкур аз наздик шинос шуда, оид ба рафъи мушкилиҳои мавҷуда ба масъулин дастуру супоришҳои мушаххас дод.

Гуфта шудааст, ки вазир дар ҳамин муассиаи тиббӣ бо чанд беморон дидору гуфтугӯ кард.

Инчунин манбаъ, таъкид доштааст, ки шаби 22 ноябри соли равон муовини вазири тандурустӣ Зулфия Абдусаматзода аз рафти  хизматрасонии шӯъбаи таваллудхонаи Маҷмааи тандурустии “Истиқлол” ва як қатор шӯъбаҳои таваллуди беморхонаҳои шаҳри Душанбе дидан намуд.

Вазорат зикр кардааст, ки муовини вазир бо фаъолияти шӯъбаҳои таваллуд, шинос шуд ва бо наздикону пайвандони беморон низ вохурӣ кард.

Қайд карда шудааст, ки зимни вохурӣ по беморон вобаста ба хизматрасонии тиббӣ суҳбат намуданд.

20
Барчаспҳо:
муовин, санҷиш, беморхона, тандурустӣ, вазир, Тоҷикистон

Вазорат аз 39 ҳолати нави сироятёби ба COVID-19 дар Тоҷикистон хабар дод

23
(Таҷдидшуда 19:02 24.11.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта ягон ҳолати фавт бар асари коронавирус дар ҷумҳурӣ сабт нашудааст

ДУШАНБЕ, 24 ноя – Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи охир дар Тоҷикистон 39 ҳолати нави сирояти COVID-19 ба қайд гирифта шуд.

Маркази матбуоти Вазорати тандурустӣ ва ҳифзи иҷтимоии аҳолӣ афзуд,  дар маҷмӯъ сирояти коронавирус дар муддати аз 30 апрел то 24 ноябр 11 ҳазору 971 ҳолатро ташкил медиҳад.

"Дар як шабонарӯзи охир 43 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11 ҳазору 355 нафар баробар гардид. Бар асари ин беморӣ 86 нафар фавтидаанд”, - омадааст дар иттилоия.

Вазорати тандурустӣ илова намудааст, ки то имрӯз 94,8% - и гирифторон аз коронавирус шифо ёфтаанд.

Таъкид шудааст, ки  Ҳукумати Тоҷикистон ҷиҳати пешгирӣ ва табобати коронавируси нави CОVID - тадбир ва чораҳои заруриро амалӣ менамояд.

23
Барчаспҳо:
фавт, вазорат, вируси корона, Тоҷикистон

Низомиёни тоҷику рус дар кӯҳҳои Тоҷикистон "террористон" - ро маҳв карданд - навор

0
(Таҷдидшуда 19:19 24.11.2020)
Низомиёни пойгоҳи 201-уми Русия дар кӯҳҳои Тоҷикистон тамрин карда, террористони шартиро дар паи амалҳои вижа нобуд карданд

Сарбозони пойгоҳи низомии 201-и Русия ва Қувваҳои Мусаллаҳи Тоҷикистон дар тамрингоҳи Лоҳур як тамрини навбатӣ баргузор карданд.

Дар ҷараёни тамрин, онҳо маҳви террористҳои шартиро дар шароити кӯҳистон нишон доданд.
Задухӯрд пас аз рахна шудани марзи давлатӣ аз ҷониби террористон оғоз ёфт.

Дар ин асно, экипажи ҳавопаймои бесарнишин бо миномётҳо ва мошинҳои зиреҳпӯш якчанд сутунҳои душманро пайдо карда, фавран макони ҷойгиршавии онҳоро ба пости фармон интиқол дод.

Шойгу ба низомиёни Тоҷикистон медал тақдим кард

Дар видео маълум аст, ки душман тавасути "Гвоздика" ва чархболҳои Ми-24  иҳота гардида, ҳамин тариқ гурӯҳҳои мусаллаҳи ғайриқонунӣ шикаст дода шуданд.

Ёдовар мешавем, дар тамринҳои муштарак беш аз 3 ҳазор низомии Русия ва беш аз 550 адад силоҳу таҷҳизот ба кор бурда шуд.

Аз ҷумла, аз БМП-2М, зиреҳпӯшҳои БТР-82А, БТР-80, системаҳои артиллерии "Град", "Ураган", гаубитсаи худгарди "Гвоздика" ва "Акатсия" истифода бурда шуд.

0
Барчаспҳо:
навор, маҳв, террористон, рус, тоҷик, низомиён