Предприниматель за деньги которые копил на Хадж построил медпунк

Пули ҳаҷашро хайр кард: соҳибкор барои ҳамдеҳагонаш бунгоҳи тиббӣ сохт

340
(Таҷдидшуда 20:03 10.01.2020)
Соҳибкоре дар деҳаи Паткуноби ҷамоати деҳоти Қалъаихумби ноҳияи Дарвоз бунгоҳи муосири тиббӣ бунёд кард

ДУШАНБЕ, 10 янв — Sputniк. Бунгоҳи тиббиро дар деҳаи Паткуноби ҷамоати деҳоти Қалъаихумби ноҳияи Дарвоз соҳибкори маҳаллӣ Субҳониддин Садриддин аз ҳисоби буҷаи хонаводаи худ бунёд кардааст, иттилоъ додааст дафтари матбуоти Вазорати тандурустии кишвар.

Гуфта шудааст, ки Субҳониддин Садриддин ки соли равон қасди сафари ҳаҷ дошт ва бо ин мақсад  70 ҳазор сомонӣ ҷамъ оварда буд, дар як суҳбати хонаводагӣ аҳли оилааш тасмим гирифтааст бо маблағҳои ҷамъовардааш беҳтар аст барои ҳамдеҳагонаш бунгоҳи тиббӣ бунёд намояд.

“Ман ин таклифи аъзои оиларо бо хушнудӣ қабул кардам. Дар ҳақиқат сокинони деҳаи мо ба ёрии аввалини тиббӣ сахт ниёз доранд. Баъзан барои санҷидани фишори хун ва ё эмгузаронии кӯдакон сокинони деҳа маҷбур мешуданд, ки масофаи 6 километр роҳро тай намуда, ба деҳаи ҳамсояи Дробак раванд. Акнун ин мушкилӣ паси сар шуд”, -гуфт ӯ.

Раиси ҷамоати деҳоти Қалъаихумб Шаҳригул Бодурова таъкид доштааст, ки  ин соҳибкори маҳаллӣ тасмим гирифтааст, ки дар ояндаи наздик дар канори бунгоҳи нави тиббӣ барои кӯдакону наврасони деҳа китобхона ва майдончаи варзишӣ бунёд намояд.

340
Барчаспҳо:
ҳаҷ, тиббӣ, бунгоҳ, Дарвоз, соҳибкор

Вазорати тандурустӣ: шабонарӯзи гузашта боз 44 ҳодисаи нави бемории COVID-19 сабт шуд

411
(Таҷдидшуда 19:02 22.09.2020)
Вазорати тандурустии Тоҷикистон омори нави гирифторшавӣ, фавт ва шифоёбӣ аз маризии сироятии коронавирусро нашр кард

ДУШАНБЕ, 22 сен — Sputnik. Бино бар иттилои вазорати тандурустии Тоҷикистон дар шабонарӯзи гузашта боз 44 мавриди ҷадиди гирифторшавӣ ба маризии коронавирус сабт гардид.

Бино бар иттилои манбаъ, дар як шабонарӯзи охир 110 нафар гумонбарон зери назорати табибон қарор дошта, 47 нафар баъд аз муолиҷа ба хонаҳояшон рухсат дода шуданд.

“Инчунин,  дар як шабонарӯзи охир дар ҷумҳурӣ 44 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9432  нафар баробар гардид”, - таъкид доштааст вазорати тандурустӣ.  

Ҳамзамон манбаъ қайд кардааст, ки то санаи  22 сентябр дар кишвар  8199  (86,9%) нафар аз бемории COVID-19 шифо ёфта,  бар асари он 73  нафар фавтидаанд.

Вазорати тандурустии Тоҷикистон бори дигар аз тамоми сокинони кишвар хостааст, ки барои пешгирӣ аз ин беморӣ пеш аз ҳама  қоидаҳои беҳдошти шахсиро қатъиян риоя намоянд.

411
Барчаспҳо:
нашр, омор, Вазорати тандурустӣ, вазорат, фавт, вируси корона, Тоҷикистон
Люди в защитных масках в Душанбе, архивное фото

Афзоиши мавориди гирифторшавӣ ба коронавирус дар Тоҷикистон: 42 ҳолати ҷадид

943
Вазорати тандурустии Тоҷикистон омори нави гирифторшавӣ, фавт ва шифоёбӣ аз маризии сироятии коронавирусро нашр намуд

ДУШАНБЕ, 21 сен — Sputnik. Дар Тоҷикистон шабонарӯзи гузашта боз 42 мавриди ҷадиди гирифторшавӣ ба маризии коронавирус сабт гардид, хабар медиҳа Вазорати тандурустии кишвар.

Эълони омори тозаи сироят, фавт ва шифоёбӣ аз коронавирус дар Тоҷикистон

Ба иттилои манбаъ, дар як шабонарӯзи охир 113 нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд.

"Дар маҷмӯъ шумораи гирифторони коронавирус дар Тоҷикистон ба 9 388  нафар баробар шудааст", - таъкид мешавад дар хабар.

Гузашта аз ин, то санаи  21 сентябр дар мамлакат  8152 нафар аз бемории COVID-19 шифо ёфта,  бар асари он 73  нафар фавтидаанд.

Вазорати тандурустии Тоҷикистон аз тамоми сокинони кишвар даъват ба амал меорад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд.

943
Барчаспҳо:
Вазорати тандурустӣ, омор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Денежные купюры.

Коҳиши рублу евро ва ҷаҳиши доллар: Бонки милӣ арзиши асъори хориҷиро эълон кард

0
(Таҷдидшуда 00:34 23.09.2020)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Бар пояи овезаҳои бонкҳои кишвар имрӯз арзиши рублу евро дар бозори асъори кишвар дар ҳоли коҳишёбӣ буда, доллар боз гаронтар шудааст

ДУШАНБЕ, 23 сен — Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1354 сомонӣ  ва дар бозори нақд бошад 0.1390 сомонӣ нишон дода шудааст.

Ин ниҳод қурби миёнаи фурӯши 1 доллари ИМА дар муассисаҳои қарзии Тоҷикистонро аз 10.3278 то 10.3300 сомонӣ арзёбӣ кардааст. 
Бонки миллӣ қурби миёнаи фурӯши 1 евроро аз 12.1300 то 12.5000 сомонӣ арзёбӣ кардааст.

Дар бонкҳои дигари кишвар, аз ҷумла “Бонки Эсхата” нишондоди асъор  нисбат ба дигарон каме болотар нишон дода шудааст.

Ин бонк хариду фурӯши 1 рублро имрӯз аз 0,1395 то 0,1415 сомонӣ муқаррар кардааст.

Дар “Спитаменбонк” бошад арзиши 1 рубл аз 135 то 143 ва дар “Алифбонк” бошад 1 рубл аз 0,1350 то 0,1440 сомонӣ нишон дода шудааст.

Бонки миллӣ “Тоҷиксодиротбонк” ва “Агроинвестбонк”-ро варшикаста эълом нахоҳад кард

БМТ огоҳ менамояд, ки “берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад”.

0
Барчаспҳо:
евро, доллар, сомонӣ, рубл, қурби асъор, Бонки Миллӣ