Табиб, акс аз бойгонӣ

Фавти 4 модар ҳангоми таваллуд дар ВМКБ ва ниёз ба 100 табиб

99
(Таҷдидшуда 19:38 10.02.2020)
Фарид Музаффаров, сардори Раёсати тандурустӣ ва ҳифзи иҷтимоии аҳолии ВМКБ мегӯяд, феълан муассисаҳои табобатии вилоят, бахусус дар деҳаҳои дурдасти ноҳияҳо ба 100 корманди соҳаи тандурустӣ ниёз доранд

ДУШАНБЕ, 10 фев — Sputnik. Дар ВМКБ 491 духтуру 1971 нафар кормандони миёнаи тиббӣ фаъолият доранд, изҳор доштааст Музаффаров зимни нишасти хабарӣ ва афзудааст, ки муассисаҳои тиббӣ ба 100 корманди дигар ниёз доранд.

"Соли гузашта чор ҳодисаи фавти модар дар вилоят ба қайд гирифта шуда, сабаби асосӣ ин сари вақт муроҷиат накардан ба муассисаҳои тандурустӣ мебошад", - хабар додаст нашрияи "Ҷавонони Тоҷикистон" аз қавли сардори Раёсати тандурустии ВМКБ.

Ӯ дар робита ба ҳолатҳои пешгирӣ аз коронавирус таъкид намудаст, ки феълан дар гузаргоҳи Кулма дар сарҳади Тоҷикистону Чин ҳамаи корҳои профилактикӣ пурзӯр гашта, хоса дар ноҳияи Мурғоб ситоди доимамалкунанда аз ҳисоби мутахассисони пуртаҷрибаи вилоят фаъолият мекунанд.

Барканории се роҳбар пас аз ҳалокати 5 зан ва 29 кӯдак дар Хатлон

"Феълан 28 нафар шаҳрвандони кишвар дар ҳолати карантин қарор дошта, онҳо то давраи инкубатсионӣ дар беморхонаҳои ноҳиявӣ нигаҳдорӣ мешаванд. То ҳол мубталоёни ин вирус дар ВМКБ ба қайд гирифта нашудааст", - таъкид намудааст Музаффаров.

Буҷети соли гузаштаи раёсати тандурустии вилоят  75 миллиону 568 ҳазор сомониро ташкил додаст, ки нисбати буҷаи соли 2018 14 фоиз зиёдтар арзёбӣ мешавад.

99
Барчаспҳо:
ишғоли ҷои кори холӣ, табибон, ниёзмандон, тандурустӣ, Тоҷикистон

Бидуни фавт: омори тозаи гирифторони COVID - 19 дар Тоҷикистон

93
(Таҷдидшуда 18:08 05.06.2020)
То 5 июн дар Тоҷикистон 4370 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар кишвар 2491 (57%) нафар шифо ёфтаанд

ДУШАНБЕ, 5 июн – Sputnik. Вазорати тандурустии Тоҷикистон омори нави гирифторони коронавирусро нашр кард.

"Шабонарӯзи гузашта 81 нафар бо ташхиси сирояти коронавируси нави COVID-19 ошкор шуда, ягон ҳолати фавт ба қайд гирифта нашуд", - омадааст дар хабарнома.

Тибқи иттилои ин ниҳод, то 5 июн дар Тоҷикистон 4370 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар кишвар 2491 (57%) нафар шифо ёфтаанд. То имрӯз дар Тоҷикистон аз ин беморӣ 48 нафар фавтидаанд.

Мубориза бо КОВИД-19: дар Бӯстон маҳлули хлор тақсим мекунанд

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки то 5 июн дар кишвар 1355 нафар зери назорати табибон қарор доранд.

Пешгирӣ аз вируси корона: 20 ширкати тоҷикӣ ба тавлиди ниқоби тиббӣ оғоз карданд

Манбаъ афзуда, ки дар як шабонарӯзи охир 219 нафар пас аз шифо ёфта ба хонаҳояшон рухсат дода шудаанд.

Мо метавонем: ширкатҳои Тоҷикистон даҳҳо тонна собун, хлор ва антисептик истеҳсол карданд

93
Барчаспҳо:
бемориҳои сироятӣ, сироят, вируси нав, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Жители Узбекистана в защитных масках

Афзоиши мубталоёни коронавирус дар Ӯзбекистон: ба чор ҳазор наздик шуд

64
(Таҷдидшуда 17:09 05.06.2020)
Айни замон дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

ДУШАНБЕ, 5  июн — Sputnik. Дар ин кишвар давоми шабонарӯзи гузашта боз 26 ҳолати ҷадиди мубталошавӣ ба ин маризӣ сабт гардид, хабар медиҳад ситоди фаврии назди ҳукумати Ӯзбекистон.

Бо илова шудани 26 мавориди ҷадид, шумораи умуми дардмандон ба 3 965 нафар баробар шуд.

Гуфта  мешавад, ба қарибӣ дар ҷумҳурӣ 96 ҳолати нави COVID-19 ва снаи 3 июн - 83 нафар бо нишонаҳои ин беморӣ ба қайд гирифта шудааст.

Тибқи иттилои вазорати тандурустӣ, ҳоло дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

Ёдовар мешавем, ки аввалин ҳолати сироятёбӣ дар Узбакистон 15 март дар зане, ки аз Фаронса ба ватанаш баргашт, расман сабт шуд.

Ҳукумати Ӯзбекистон сар аз пайдоиши ин беморӣ дар ин кишвар чораҳи қатъӣ аз ҷумла қарантинаро роҳандозӣ кард.

Мубориза бо КОВИД-19: дар Бӯстон маҳлули хлор тақсим мекунанд

Ба наздикӣ мақомоти Узбакистон қарантинро дар ҷумҳурӣ то 15 июн тамдид карданд, аммо дар минтақаҳое шуюи коронавирус паст гаштанд аз 1 июн ба нуқтаҳои маишӣ ва гузаронидани тую маъракаҳо иҷозат дода шуд.

Ҳамчунин, аз 18 май инҷониб равуои нақлиёти мусофирбар байни Тошканд ва дигар минтақаҳои Узбакистон барқарор карда шуданд.

Аз 8 июн, дари мосоҷид ва дигар ибодатгоҳҳо ба рӯйи сокинон кушода хоҳад шуд.

64