Ёдгор Файзов, раиси Вилояти Мухтори Куҳистони Бадахшон

Нигаронии раиси ВМКБ: роҳбандӣ барои коронавирус метавонад нархро боло барад

227
(Таҷдидшуда 19:24 12.02.2020)
Ёдгор Файзов, раиси Вилояти Мухтори Куҳистони Бадахшон, зимни машварати назоратӣ аз эҳтимоли боло рафтани нархҳо дар қаламрави вилоят ҳушдор додааст

ДУШАНБЕ, 12 фев — Sputnik. Раиси​ ВМКБ аз он изҳори​ ташвиш​ кард, ки​ ба асари​ хуруҷи​ касалии​ коронавирус  дар Чин шоҳроҳи Хоруғ - Қулма​ баста​ шуд, хабар дод котиботи ҳукумати вилоят.

"Ин​ ба баланд шудани​ нарху​ наво​ боис​ мегардад. Вале​ онро​ кушода​ мондан ҳам​ аз​ ин​ хавфноктар​ аст, зеро касалӣ​ метавонад, тариқи гузаргоҳи​ ​ Қулма​ ба​ Тоҷикистон​ гузар​ кунад", - изҳор дошт Файзов.

Ӯ​ бо​ такя​ ба​ иттилои​ мақомоти​ дахлдор афзуд, ки Ҳукумати​ Тоҷикистон​ барои пешгирии​ вуруди коронавирус​ ба​ кишвар тамоми​ чорабиниҳоро​ роҳандозӣ намудааст.

"Дар​ худи​ гузаргоҳи​ Қулма​ ва​ ноҳияи​ Мурғоб барои​ безараркунонии​ шахсоне, ки​ аз давлати​ Чин​ ба​ Тоҷикистон​ ворид​ мешаванд, тадбирҳои​ зарурӣ​ андешида​ шуда, айни​ ҳол 27 нафар​ дар​ ин​ ҷо​ дар​ карантин​ қарор​ доранд", - гуфт Файзов.

Ӯ изҳори​ боварӣ карда​ст, ки​ имконияти вуруди​ ин​ касалӣ​ ба​ Тоҷикистон​ хеле​ маҳдуд​ аст. Дар​ баробари​ ин​ ба​ мақомоти​ дахлдор​ дастур​ додаст, ки доир​ ба​ ин​ масъала байни​ мардум корҳои​ фаҳмондадиҳиро​ ба​ роҳ​ монанд.

Файзов ҳамчунин дар бораи маъракаи интихоботи​ дарпешистода, пеш бурдани корҳои фаҳмондадиҳӣ, ташкили​ муташаккилонаи​ он​ дастурҳо додаст.

227
Барчаспҳо:
боло, нарх, ВМКБ, Тоҷикистон