Премьер-министры Узбекистана и Таджикистана Абдулла Арипов и Кохир Расулзода

Бо дархости Ӯзбекистон: Расулзода бо Орипов коронавирусро баррасӣ кард

717
(Таҷдидшуда 15:13 23.03.2020)
Ҷонибҳо пешгирии паҳншавии коронавирусро дар ҳудуди ду кишвар ва ҳифзи саломатии аҳолиро баррасӣ карданд

ДУШАНБЕ, 23 мар — Sputnik. Рӯзи 22 март, сарвазири Тоҷикистон Қоҳир Расулзода бо сарвазири Ӯзбекистон Абдулло Орипов бо ташаббуси намояндагони кишвари ҳамсоя, телефонӣ сӯҳбат кард.

Бино ба гузориши Вазорати умури хориҷаи Тоҷикистон, ҷонибҳо рушди муносибатҳои дуҷонибаро, ки дар доираи сиёсати дурбинонаи сарони ду давлат ба роҳ монда шудааст, мавриди баррасӣ қарор додаанд.

"Ҳангоми суҳбат қайд гардид, ки ба мақсади пешгирии интишори коронавируси нав (COVID-19) ва таъмини амният ва солимии ҷомеа рафтуомади шаҳрвандон, ҳаракати нақлиёти мусофирбар ва нақлиёти шахсӣ, ба истиснои автомобилҳои боркаш, байни Ҷумҳурии Тоҷикистон ва Ҷумҳурии Ӯзбекистон муваққатан қатъ мешавад", - омадааст дар хабарнома.

Бояд гуфт, оғоз аз 24 марти соли равон дар Ӯзбекистон ҳаракати нақлиёт миёни ҳамаи минтақаҳои кишвар маҳдуд карда мешавад. Аз рӯзи 22 март ҳаракати нақлиёт дар шаҳри Тошканд маҳдуд шуд.

На ба ин сӯ, на ба он сӯ: сарҳадот миёни Тоҷикистон ва Ӯзбекистон баста шуд

Дар баробари ин ҳамаи иншооти ҳаётан муҳим аз қабили мағозаҳо ва дорухонаҳо фаъоланд.

Пандемияи коронавирус

Зуҳури коронавирус авохири моҳи декабри соли 2019 дар Вуҳани Чин ба қайд гирифта шуду дарҳол дар дигар кишварҳо паҳн шуд.

На сулфаю на таби баланд: олимон нишонаи нави коронавирусро муайян карданд

Миёнаҳои моҳи март Созмони ҷаҳонии беҳдошт коронавирусро пандемия эълон кард.

Бино ба гузориши СҶБ то рӯзи 22 март дар 188 кишвари ҷаҳон беш аз 315 кас гирифтори коронавирус шудааст. Беш аз 13,5 ҳазор бемор фавтида ва наздики 96 ҳазор кас шифо ёфтааст.

717
Барчаспҳо:
баррасӣ, вирус, Тоҷикистон, Ӯзбекистон
Врачи и пациент в госпитале для зараженных коронавирусной

Сироят ба COVID-19 боз зиёд шуд: шабонарӯзи гузашта 45 ҳолати нав сабт шуд

418
(Таҷдидшуда 19:52 18.09.2020)
Вазорати тандурустӣ ва ҳифзи иҷтимоии аҳолии Тоҷикистон хабар дод, ки тайи шабонарӯзи гузашта 45 ҳолати нави гирифторӣ ба COVID-19 сабт шудааст

ДУШАНБЕ, 18 сен — Sputnik. Тибқи иттилои Вазорати тандурустӣ, дар як шабонарӯзи охир 110 нафар гумонбарон зери назорати табибон қарор дошта, 38 нафар баъд аз муолиҷа ба хонаҳояшон рухсат дода шуданд.

Манбаъ таъкид кардааст, ки дар як шабонарӯзи охир дар ҷумҳурӣ 45 ҳодисаи нави бемории  COVID-19 дарёфт гардида,  дар маҷмӯъ шумораи гирифторони ин беморӣ ба  9259  нафар баробар гардид.

Ҳамзамон, вазорати тандурустии Тоҷикистон зикр кардааст, ки то санаи  18 сентябр дар мамлакат  8026  (86,7%) нафар аз бемории COVID-19 шифо ёфта,  бар асари он 73  нафар фавтидаанд.

Ахиран Созмони Миллал гузориш дод, ки коҳиши теъдоди беморон дар Тоҷикистон метавонад ба далели "камбуди зарфияти озмоиш дар ин кишвар" бошад. Аммо Вазорати тандурустии Тоҷикистон ин иддаоро рад намуда, таъкид кардааст, ки тавони кофии ташхис дар кишвар фароҳам аст.

Бархе дар Тоҷикистон омори вазорати тандурустии ин кишвар марбут ба “вируси корона” - ро ба боди интиқод кашида, онро ғалат ва ғайривоқеӣ мехонанд. Ба иддаои онҳо, теъдоди гирифторону фавтидагон аз ин маризӣ аз он чӣ дар омори вазорат оварда мешавад, зиёд аст. Сабаби марги аксари онҳое, ки дар замони мубориза бо “вируси корона” дар Тоҷикистон фавтидаанд, расман илтиҳоби шуш, ишемияи дил, қанд ва дигар маризиҳои ҳамроҳ гуфта мешавад.

Аммо Александр Семёнов, раҳбари ҳайати “Роспотребнадзор” – и Русия, ки ба намояндагӣ аз Созмони ҷаҳонии тандурустӣ дар Тоҷикистон якуним моҳ ба ин сӯ қарор дорад, мегӯяд, усули ҳисобдорӣ ё сабти мавридҳои “вируси корона” дар ин кишвар дуруст роҳандозӣ шудааст.

418
Барчаспҳо:
беморӣ, шабонарӯзӣ, вируси корона, гирифторон, Вазорати тандурустӣ, Тоҷикистон
Различные противовирусные лекарства.

Ситоди вилояти Суғд оид ба пешгирии COVID-19 аз захираи маводи доруворӣ таъкид кард

86
(Таҷдидшуда 18:25 18.09.2020)
Ситоди вилояти Суғд таъкид доштааст, ки сокинон бояд дастуру талаботи Ситоди ҷумҳуриявӣ оид ба пешгирӣ аз паҳншавии бемории сироятии COVID-19 ва Вазорати тандурустии Тоҷикистонро ҳатман риоя намуда, қоидаҳои беҳдоштиро пурра иҷро намоянд

ДУШАНБЕ, 18 сен — Sputnik. Ин нукта зимни ҷаласаи навбатии Ситоди вилояти Суғд оид ба пешгирӣ аз паҳншавии бемории сироятии COVID-19 зикр гардид, иттилоъ хадамоти матбуоти Раиси вилоятт Суғд.

Тибқи иттилои манбаъ, ҷаласа таҳти раёсати Раиси вилояти Суғд, Раиси Ситоди вилоятӣ оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии бемории сироятии COVID-19 Раҷаббой Аҳмадзода ва роҳбарону масъулони раёсати тандурустии вилоят, сардухтурони марказҳои саломатии маркази вилоят доир гардид.

Дар ҷаласа гуфта шуд, ки барои пешгирӣ аз интиқол ва паҳншавии бемории сироятӣ тамоми имкониятҳо истифода шуда, корҳои безараргардонӣ мунтазам тақвият дода мешаванд.

Ҳамзамон манбаъ қайд намудааст, ки мақомот назди масъулин барои ҷоннок намудани омодагиҳо ба давраи зимистон, захираи маводи доруворӣ, ба роҳ мондани гардиши “хона ба хона”-и табибону зери назорат қарор додани беморон ва густариши корҳои фаҳмондадиҳӣ баҳри пешгирии сирояти беморӣ дастуру супоришҳо дода шуд.

86
Барчаспҳо:
маводи доруворӣ, беҳдошт, паҳншавӣ, вируси корона, ситод, Суғд, Тоҷикистон
Парламентские выборы в Таджикистане

Мастчоҳ ба интихоботи президентӣ омодааст: ифтитоҳи 35 участкаи интихоботӣ дар ноҳия

0
(Таҷдидшуда 19:39 18.09.2020)
Мақомоти ноҳияи Мастчоҳ ҷидди ба интихоботи президентӣ омодагӣ гирифтааст. Дар ноҳия 35 участкаи интихоботӣ таъсис дода шудааст

ДУШАНБЕ, 18 сен — Sputnik. Бино бар иттилои дафтари матбуоти мақомоти вилояти Суғд, дар ноҳияи Куҳистони Мастчоҳ ба баргузории интихоботи Президенти Тоҷикистон, ки санаи 11-уми октябри соли 2020 баргузор мегардад, омодагӣ гирифтааст.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино ба иттилои​ Ҳотамбек Аҳмадзода, роҳбари дастгоҳи раиси ноҳияи Кӯҳистони Мастчоҳ​ омодагиҳо ба интихоботи президентӣ дар сатҳи зарурӣ ба роҳ монда шуда, маводи иттилоотӣ дастраси аҳолӣ ва шиору овезаҳо дар гӯшаву роҳравҳо ва ҷойҳои ҷамъиятӣ насб гардидаанд.

Гуфта шудааст, ки дар ноҳияи Куҳистони Мастчоҳ як ҳавза ва 35​ участкаи интихоботӣ таъсис дода шудааст.

Шумораи умумии интихобкунандагон дар ҳавзаи №39-и ноҳияи Кўҳистони Мастчоҳ 14987 нафар буда, аз инҳо 429 нафарашон бори аввал дар интихобот ширкат мекунанд.

Мутобиқи қарори муштараки Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон аз 6 августи соли 2020 интихобот дар Тоҷикистон 11 октябри соли ҷорӣ баргузор хоҳад шуд.

0
Барчаспҳо:
мақомот, таъсис, участкаҳо, Интихоботи президентӣ, интихобот, Тоҷикистон