Девушка в маске на автовокзале в Нур-Султане накануне карантина

Пойтахти Ӯзбекистон пурра карантин шуд: гирифторони коронавирус дар ин кишвар меафзояд

2441
(Таҷдидшуда 12:42 24.03.2020)
Дар пойтахти Ӯзбекистон шаҳри Тошканд даромад ва баромад барои тамоми намуди нақлиёти заминиву ҳавоӣ баста шуд

ДУШАНБЕ, 24 мар — Sputnik. Шурӯъ аз имрӯз шаҳри Тошканд пойтахти Ӯзбекистон куллан карантин шуд.

Даромад ва баромади ҳамагуна воситаҳои нақлиёт заминиву ҳавоӣ ба шаҳри Тошканд пурра қатъ гардид.
"Аз соати 00.01-и 24-уми март, Тошканд барои ҳама намудҳои воситаҳои нақлиёт (автобусҳо, мошинҳо, парвозҳо ва роҳи оҳан) баста мешавад", - омадааст дар иттилоияи мақомоти Ӯзбекистон.

Ба иттилои мақомоти Ӯзбекистон чунин тасми танҳо барои интиқоли бор ва нафароне, қайди доимии зист дар пойтахтро доранд истисно мебошад.

Ҳамчунин дар Тошканд сар аз имрӯз тамоми чорабиниҳо ба ғайр аз ҷаноза манъ карда шуд.

Гуфта мешавад, чунин маҳдудсозиҳо танҳо ба хотири пешгирӣ аз сирояти коронавирус мебошад.

Ёдовар мешавем, рӯзи  22 март дар Тошканд ҳаракати нақлиёти ҷамъиятӣ - метро, автобусҳо ва микроавтобусҳо қатъ шуданд. Дар пойтахт равуо танҳо бо мошинҳои шахсӣ ё мошинҳои созмонҳо, инчунин таксиҳои безараршуда иҷозат дода шудааст.

Бар пояи омори ахир дар Ӯзбекистон зиёда аз 12,7 ҳазор нафар дар карантин, аз ҷумла 7,4 ҳазор нафар дар беморхонаҳо мебошанд.

Шумори мубталоёни коронавирус бар  асоси додаҳои рӯзи гузашта дар ҳамсоякишвар ба 46 нафар мерасад.

Ин семюмин шаҳр дар Осиёи Марказӣ аст, ки дар он карантин эълон шуд. Қаблан ҳукумати Қазоқистон низ аз карантин шудани ду шаҳри ин кишвар Нурсултон ва Алмаато хабар дод.

Зуҳури коронавирус авохири моҳи декабри соли 2019 дар Вуҳани Чин ба қайд гирифта шуду дарҳол дар дигар кишварҳо паҳн шуд.

Миёнаҳои моҳи март Созмони ҷаҳонии беҳдошт коронавирусро пандемия эълон кард.

Бино ба гузориши СҶБ то рӯзи 22 март дар 188 кишвари ҷаҳон беш аз 315 ҳазор кас гирифтори коронавирус шудааст. Беш аз 13,5 ҳазор бемор фавтида ва наздики 96 ҳазор кас шифо ёфтааст.

2441

Дар Маскав низоми дуркорӣ ҷорӣ шуд

257
(Таҷдидшуда 13:06 30.09.2020)
Ба сокинони солхӯрдаи шаҳри Маскав ва ашхоси гирифтори бемориҳои музмин аз хона баромадан тавсия дода намешавад

ДУШАНБЕ, 30 сен — Sputnik. Шаҳрдори Маскав Сергей Собянин низоми дуркориро дар Маскав тамдид кард. Дар ин бора қарори раиси шаҳр баромадааст.

"Аз 28 сентябр ба сокинони солхӯрдаи шаҳри Маскав ва ашхоси гирифтори бемориҳои музмин хонашинӣ ва ба раҳбарияти ташкилоту корхонаҳо ба низоми дуркорӣ гузаронидани коргарон, тавсия дода мешавад", - омадааст дар қарор.

Ба гуфти раиси шаҳр, барои баромадан аз хона ягон намуди ҷарима ҷорӣ намешавад. Кортҳои нақлиётии одамони солхӯрда дар нақлиёти ҷамъиятӣ бекор нашуда, варзиши оммавӣ низ иҷоза дода мешавад.

Ёдрас мешавем, ки вазъияти ҳамагирии коронавирус дар Маскав, рӯз то рӯз бадтар мешавад: ҳолатҳои сабти нави коронавирус бештар мешавад ва теъдоди беморон меафзояд.

Ҳушдори Абдулло Давлатов аз авҷи коронавирус: ба умеди ваксина нашавед

Бино ба гузориши тозаи ситоди фаврӣ, дар шабонарӯзи охир дар 83 минтақаи Русия 8 232 ҳолати нави гирифторӣ ба коронавирус ба қайд гирифта шудааст. Дар умум аз аввали ҳамагирии коронавирус дар Русия 1 167 805 кас мубталои коронавирус шудааст.

Пештар шаҳрдори Маскав Сергей Собянин гуфт, афзоиши шумораи беморони гирифтори COVID-19 дар беморхонаҳо "шӯхӣ" нест ва аз мардум даъват кард, ки нисбат ба саломатии худ эҳтиёткор бошанд ва дар сурати имкон ширкатҳои бузург кормандонашонро ба кори фосилавӣ гузаронанд.

257
Барчаспҳо:
низом, Маскав
Мавзуҳо:
Пайомадҳои COVID-19 дар Тоҷикистон ва ҷаҳон
Люди в защитных масках

41 нафар мариз шуданду 48 кас шифо ёфтанд: омори нави коронавирус дар Тоҷикистон

301
(Таҷдидшуда 18:24 29.09.2020)
Вазорати тандурустии Тоҷикистон омори нави сироят, фавту шифоёбии шаҳрвандон аз маризии коронавирусро нашр намуд

ДУШАНБЕ 29 сен – Sputnik. Шабонарӯзи гузашта дар Тоҷикистон 41 мавриди нави сироятшавӣ ба COVID-19 сабт гардид, хабар медиҳад Вазорати тандурустии кишвар.

Ба иттилои манбаъ, шабонарӯзи гузашта 72 нафар гумонбарон зери назорати табибон қарор дошта, 48 нафар баъд аз муолиҷа ба хонаҳояшон рухсат дода шуданд.

Манбаъ меафзояд, дар муддати аз 30 апрел то 29 сентябр шумораи гирифторони коронавируси нав ба  9 726 нафар расид. 

Дар Қазоқистон 6 толибилми мактаб гирифтори коронавирус шуданд

Гуфта мешавад дар Тоҷикистон то кунун 8531  нафар ё худ 87,7 дарсади гирифторон шифо ёфта, 75 нафар вафот кардаанд.

Мавриди зикр аст, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

301
Барчаспҳо:
вазорати тандурустӣ, омор, маризӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон

Раҳмон ва Орипов нишон доданд, чӣ гуна бояд дар давраи ҳамагирӣ салом кард - видео

0
(Таҷдидшуда 14:10 30.09.2020)
Президенти Тоҷикистон Эмомалӣ Раҳмон ва сарвазири Ӯзбекистон Абдулло Орипов зимни вохӯрӣ бо оринҷ салом карданд

Раисиҷумҳури Тоҷикистон Эмомалӣ Раҳмон ва сарвазири Ӯзбекистон Абдулло Орипов рӯзи 29 сентябр дар Қасри миллат дидору мулоқот карданд.

Аз навор дида мешавад, ки сиёсатмадорон на ба даст балки бо оринҷ салом мекунанд. Ин саломи давраи ҳамагирии коронавирус аст.

Зимни гуфтушунид ҳам, ҳайъати ҳарду давлат бо ниқоби тиббӣ нишастаанд. Яъне қоидаҳои беҳдоштӣ дар сатҳҳои олӣ бисёр ҷиддӣ риоя мешаванд.

Орипов: Раҳмон дар муносибатҳои Тоҷикистону Ӯзбекистон сафҳаи тиллоӣ боз кард

Эмомалӣ Раҳмон сарвазири Ӯзбекистонро ба Тоҷикистон хушомадед гуфту Абдулло Орипов бошад дар навбати худ ба забони тоҷикӣ аз Эмомалӣ Раҳмон сипосгузорӣ кард.

"Иҷозат диҳед ба шумо барои қабули ҳайъати Ӯзбекистон миннатдорӣ изҳор намоям. Мо шодем, ки дар сарзимини меҳмондӯсти Тоҷикистон ҳастем, - гуфт Орипов ва саломи кишвардори Ӯзбекистон Шавкат Мирзиёевро ба президент ва мардуми Тоҷикистон расонид.

Тибқи иттилои котиботи раисиҷумҳури Тоҷикистон, ҷонибҳо дар ин вохӯрӣ бо қаноатмандӣ тамоюлҳои мусбати рушди устувор ва таъмиқи муносибатҳои ду кишвар, аз ҷумла афзоиши мунтазами ҳаҷми тиҷорати мутақобила, кори фаъолонаи Комиссияи байниҳукуматӣ оид ба ҳамкориҳои тиҷоративу иқтисодиро, таъкид доштанд.

Ҳамчунин зимни муҳокимаи масъалаҳои мубрами густариши ҳамкорӣ дар шароити пандемияи бемории сироятии коронавируси нав, президент ба дӯстони узбек барои кумаки башардӯстона, ки дар рӯзҳои барои ҳама вазнин ба Тоҷикистон расониданд, изҳори сипос намудааст.

Соҳаҳои гидроэнергетика ва сохтмони инфрасохтори нави роҳҳо ҳамчун самтҳои дигари умедбахши ҳамкорӣ муайян карда шуданд.

0
Барчаспҳо:
"Салом", дидор, ҳукумати Ӯзбекистон, Тоҷикистон, Абдулло Орипов, Эмомалӣ Раҳмон
Мавзуҳо:
Пайомадҳои COVID-19 дар Тоҷикистон ва ҷаҳон