Тест-системы для диагностики нового коронавируса

Даргузашти ду мубталои коронавирус дар Маскав: солхӯрда будаанд

428
(Таҷдидшуда 12:19 26.03.2020)
Рӯзи гузашта дар Маскав ду мубталои коронавирус дар гузаштаанд, ки гуфта мешавад фавтидагон солхӯрда будаанд

ДУШАНБЕ, 26 мар — Sputnik. Дар ин бора ситоди фаврӣ оид ба коронавирус дар Маскав хабар дода, гуфтаанд, ҳалокшудаҳои 73 ва 88- сола будаанд.

Гуфта мешавад, табибон ташхиси вирусии онҳоро ҳануз замони зинда буданашон гузаронидаанд. Ҳамчунин онҳо бемории шамолхӯрдагӣ доштаанд.

Ситоди фаврии Русия қайд мекунад, ки шаҳрвандони аз синни 65 боло ва ҳамчунин нафароне, ки бемориҳои музмин ва  қаблан сактаи дил ё инсултро аз сар гузаронидаанд, ҷудо аз дигарон бошанд.

Тибқи омори расмӣ, то 25 март теъдоди мубталоёни коронавирус дар Русия ба 658 бемор мерасад, ки аз ин 410 ҳолаташ дар Маскав будааст.

Муроҷиати фаврии Путин: ҳафтаи оянда дар тамоми Русия истироҳат эълон шуд

Рӯзи гузашта Раисҷумҳури Русия Владимир Путин дар пайи қазияи паҳншавии вируси корона дар Русия ба шаҳрвандони кишвар фавран муроҷиат намуда, гуфт, ҳукумат барои пешгирӣ аз паҳншавии коронавирус ҳафтаи ояндаро истироҳат эълон мекунад.

Президент таъкид кард, ки як ҳафтаи бекорӣ ба маоши шаҳрвандон таъсир нахоҳад кард.

Коронавирус аллакай зиёда аз 170 кишварро фаро гирифта тибқи охирин омори Созмони Ҷаҳонии Беҳдошт, шумораи умумии мубталоён ба 350 ҳазор нафар ва фавтидагон ба 16 ҳазор нафар расидааст.

428
Барчаспҳо:
фавтид, бемор, Москва, Русия

Мақомоти Хатлон: 46 корманди соҳаи тандрустӣ ва маориф аз илтиҳоби шуш фавтидаанд

216
(Таҷдидшуда 14:55 16.07.2020)
Дар вилояти Хатлон аз оғози пайдоиши бемории сироятии коронавирус 5 ҳазору 882 нафар ба бемории илтиҳоби шуш гирифтор шудаанд, ки аз ин шумора 5 ҳазору 321 нафар шифо ёфтаанд

ДУШАНЕБ, 16 июл – Sputnik. Раҷабзода Мирзоалӣ, сардори Раёсати тандурустии вилояти Хатлон зимни нишасти хабарӣ иттилоъ дод, ки 199 нафар гирифтори бемории илтиҳоби шуш дар беморхонаҳои вилоят ва 29 нафар дар хона, ки таҳти табобати амбулаторӣ қарор дошанд, фавтидаанд, иттилоъ додааст сомонаи рӯзномаи “Фараж”.

Вай афзуд, дар шуъбаҳои бистарикунонӣ 2 ҳазору 420 нафар бистарӣ шуда буданд, ки 2 ҳазору 174 нафар шифо ёфтанд.

Ҳамзамон вай таъкид доштааст, ки то субҳи рӯзи 15-уми июли соли равон 47 нафар дар беморхонаҳои вилоятӣ бистарӣ мебошанд.

“Ҳамчунин, дар муассисаҳои КАТС тариқи амбулаторӣ аз аввали пайдоиши бемории сироятӣ, 3 ҳазору 469 нафар бо ташхиси илтиҳоби шуш ба қайд гирифта шуда, аз он 3 ҳазору 147 нафар, яъне 90,7 дарсад, шифо ёфтаанд. Айни замон 293 нафар бемор дар ҳолати амбулаторӣ таҳти назорати табибон қарор доранд”, — илова кард Раҷабзода Мирзоалӣ.

Аз шумораи умумии гирифторони бемории илтиҳоби шуш баъди таҳлили лабораторӣ ташхиси COVID-19 дар 717 нафар мусбӣ буд, ки аз ин шумор 15 нафар фавтидаанд.

Раҷабзода Мирзоалӣ зикр кард, ки аз кормандони соҳаи тандурустии вилояти Хатлон 358 нафар бо бемории илтиҳоби шуш гирифтор шуданд, ки аз он табибон 162 нафар, ҳамшираҳои тиббӣ 159 нафар, кормандони хурд 31 нафар ва шаш нафари дигар кормандони техникӣ мебошанд.

“То имрӯз 26 нафар корманди соҳаи тандурустии вилояти Хатлон аз бемории илтиҳоби шуш фавтидаанд, ки аз он 14  нафар табиб, 8 нафар  корманди миёнаи тиб, 2-и дигар кормандони хурд мебошанд”, — илова кард ӯ.

Ҳамзамон зимни нишасти матбуотӣ, Диловар Исозода, сардори раёсати маорифи вилояти Хатлон иттилоъ додааст, ки 20 нафар корманди соҳаи моариф аз бемории илтиҳоби шуш фавтидаанд, ки аксари онҳо омӯзгор буданд.

Дар нишасти матбуотӣ таъкид шуд, ки айни замон дар вилояти Хатлон вазъи гирифторшавиии сокинон ба бемории илтиҳоби шуш ва каронавирус коҳиш ёфтааст.

216
Барчаспҳо:
мақомот, тандурустӣ, фавт, бемор, вирус, Хатлон, Тоҷикистон
Сотрудники милиции проверяют температуру у посетителей рынка

Омори тозаи гирифторӣ, шифо ва фавт аз COVID-19 дар Тоҷикистон

865
(Таҷдидшуда 20:02 15.07.2020)
Вазорати тандурустии Тоҷикистон мегӯяд, шабонарӯзи гузашта дар ҷумҳурӣ 52 ҳолати нави сироятёбӣ ба COVID-19 ошкор гардид

ДУШАНЕБ, 15 июл – Sputnik. Тибқи иттилои Вазорати тандурустӣ, теъдоди гирифторони COVID-19 аз 30 апрел то 15 июл ба 6 ҳазору 695 нафар расид.

Манбаъ афзуд, ки то имрӯз дар мамлакат 5ҳазору 383 нафар ё худ 80,3%-и гирифторони COVID-19 шифо ёфта, аз ин беморӣ 56 нафар фавтидаанд.

"Шабонарӯзи охир 179 нафар гумонбарон зери назорати табибон қарор дошта, 51 нафар баъд аз муолиҷа ба хонаҳояшон рухсат дода шуданд"-омадааст дар иттилоияи расмӣ.

Таъкид шудааст, ки имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд, афзуд манбаъ.

865
Барчаспҳо:
фавт, таманнои шифои комил, Тоҷикистон
Здание Счетной палаты Таджикистана

27 ширкату корхона аз Палатаи ҳисоб “халос” шуданд шарҳи мақомот

0
 Ҳудуди 27 ширкат дар пайи мораторий аз феҳристи санҷишҳои Палатаи ҳисоби Тоҷикистон хориҷ карда шудаанд

 ДУШАНБЕ, 16 июл — Sputnik. Қарахон Чиллазода, раиси Палатаи ҳисоб, зимни як нишасти матбуотӣ ба хабарнигорон гуфт, дар пайи судури як фармони Президенти Тоҷикистон ин ширкату корхонаҳо аз нақшаи санҷишҳо хориҷ карда шуданд.

“Инҳо ширкатҳое ҳастанд, ки бо истеҳсолот машғул ҳастанд ва аз нақшаи корхонаву ширкатҳое, ки бояд соли 2020 аз сӯи Палатаи ҳисоб санҷида мешуданд, ҳазф гардиданд”, - гуфт Қарахон Чиллазода.

Бино ба иттилои Палатаи ҳисоби Тоҷикистон, ин корхонаву ширкатҳо, аз ҷумла “Ангишти Исфара”, “Шахтаи Фон Яғноб”, “Зиддӣ”, “Шӯробод”, “Камаробод”, “Назарайлоқ”, КВД “Сементи тоҷик”, КВД “Нури Ховар”, “Чароғ”, “Грант”, Корхонаи муштараки Тоҷикистону Канада “Апрелевка”, Корхонаи муштараки Тоҷикистону Чин “Зарафшон”, Ширкати куҳии саноатии Тоҷикистону Хитой ва ғайра мебошанд.

15 январи соли 2019 Эмомалӣ Раҳмон, Президенти Тоҷикистон фармонеро ба имзо расонд, ки бино ба он, ба ҳама намуди санҷишҳои фаъолияти субъектҳои соҳибкорӣ дар соҳаҳои истеҳсолии кишвар то 1 январи соли 2021 ба хотири дастгирии давлатии соҳибкорӣ, ташкили ҷойҳои кории нав, таҳкими иқтидори саноатию содиротии ҷумҳурӣ, кам намудани санҷишҳо ва фароҳам овардани фазои мусоид барои соҳибкориву сармоягузорӣ мораторий эълон карда шуд.

Палатаи ҳисоб гуфт, барои хунукназарӣ чанд мансабдори давлатиро ҷазо доданд

Дар пайи ин фармон мақомоти санҷишу назорат ва ҳифзи ҳуқуқ, аз ҷумла Прокуратураи генералӣ, Палатаи ҳисоб, Агентии назорати давлатии молиявӣ ва мубориза бо коррупсия, Бонки миллӣ ва мақомоти андозу гумрук дар ин муддат ҳаққи санҷишро нахоҳанд дошт.

0