Заграничный биометрический паспорт гражданина РТ, архивное фото

Сарсонии як тоҷикистонӣ ба далели COVID-19: ними ҷаҳонро гашту ба манзил нарасид-видео

2273
Игор Бузин, шаҳрванди Тоҷикистон, ки солҳои охир дар шаҳри Санкт-Петербург кор мекунад, баъди саргардониҳои зиёду даҳҳо соати парвоз ҳоло ба Минск расидааст

ДУШАНБЕ, 5 апр — Sputnik. Бузин, ки ахиран аз фурудгоҳи Пулковаи Санкт-Петербург дар як ҳавопаймо танҳо бозпас ба Қатар фиристода шуд, ниҳоят ба шаҳри Минск расид.

Ӯ изҳор дошт, ки аз Доҳа ба Минск тариқи Порис парвоз карду як муддат дар ин шаҳр хоҳад монд. Бузин дар суҳбат бо расонаҳои Русия изҳор дошт, ки наздиконашро хеле пазмон шудааст, аммо ночор барои муҳлати намуайян дар Минск хоҳад монд. Ӯ тавзеҳ додааст, ки муносибати масъулини Белорус бо ӯ хуб буда, баъди санҷиши ҳарораташ ӯро раҳо кардаанд ва феълан пайи пайдо кардани манзил барои худ мебошад.

Бузин, ки дар шабакаи фурушгоҳҳои “Петрович” кор мекунад, 16 март барои истироҳат ба Шри-Ланка рафта, бояд 26 март тариқи Доҳа ба Маскав бармегашт. Аммо ба далели марзбандиҳо саргардон шуд. Бо миёнаравии дипломатҳои Тоҷикистону Русия ахиран ба Санкт-Петербург парвоз кард, аммо марзбонҳо ба далели огоҳӣ надоштан аз созиши дипломатҳо ӯро бозпас ба Қатар фиристода буданд. Ӯ мегӯяд, танҳо тайи ду рӯзи охир беш аз 20 соат парвоз дошт.

Русия ахиран бо ҳадафи ҷилавгирӣ аз паҳншавии коронавирус вуруди тамоми шаҳрвандони хориҷиро мамнӯъ кард.

2273
Барчаспҳо:
беморӣ, парвоз, Русия, Тоҷикистон
Врачи работают с пациентами Covid-19 в отделении интенсивной терапии

Вазорат: марг бар асари СOVID-19 дар шабонарӯзи гузашта ба қайд гирифта нашудааст

156
(Таҷдидшуда 19:28 05.12.2020)
Вазорати тандурустӣ ва ҳифзи иҷтимоии аҳолии Тоҷикистон эълон кард, ки тайи шабонарӯзи гузашта ягон ҳолати фавт бар асари коронавирус ба қайд гирифта нашудааст

ДУШАНБЕ, 5 дек — Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи гузашта дар ҷумҳурӣ 40 ҳолати нави сироятёбӣ ба COVID-19 ошкор гардид.

Раскрыта причина низкой стоимости российской вакцины от COVID-19 - YouTube
© Ruptly РФПИ / youtube_RussiaUN / www.cbc.ca / WHO / АФК "Система", завод "Биннофарм"

Манбаъ афзуд, шумораи умумии гирифторон аз 30 апрел то 5 декабр ба 12 ҳазору 389 нафар расид.

Вазорат таъкид намудааст, ки давоми шабонарӯзи гузашта 38 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба  11 ҳазору 796 баробар гардид.

Таносуби шифоёфтагон аз теъдоди умумии гирифторон 95,2% арзёбӣ шудааст.

Ҳамин тавр ба иттилои вазорат, аз 30 апрел то 5 декабри соли равон бар асари ин беморӣ 87 нафар фавтидаанд.

Мавриди зикр аст, ки Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

156
Барчаспҳо:
шабонарӯзӣ, фавт, Вазорати тандурустӣ, вируси корона, Тоҷикистон
Министр здравоохранения Республики Таджикистан Джамолиддин Абдуллозода

Дидори ногаҳонӣ: Вазир аз бемористони ноҳияи Рӯдакӣ хабар гирифт

120
(Таҷдидшуда 18:34 05.12.2020)
Бо мақсади аз наздик шиносоӣ пайдо намудан бо фаъолияти муассисаҳои тандурустӣ ва омодагии онҳо барои муътадил гузаронидани фасли зимистон, беҳтар намудани сатҳ ва сифати хизматрасонии тиббӣ ба аҳолӣ вазорати тандурустӣ гаштҳои рӯзона ва шабонаро ба роҳ мондааст

ДУШАНБЕ, 5 дек – Sputnik. Вазири тандурустӣ ва ҳифзи иҷтимоии аҳолии кишвар Ҷамолиддин Абдуллозода шахсан аз Беморхонаи марказӣ ва Беморхонаи бемориҳои руҳии ноҳияи Рӯдакӣ дидан кард, иттилоъ додааст дафтари матбуоти вазорат.

Гуфта шудааст, ки барои гузаронидани фасли зимистон дар беморхонаи мазкур захираи кофии сӯзишворӣ ва маводи хӯрока муҳайё карда шуда, муассисаҳои номбурда ҷиҳати муътадил гузаронидани фасли зимистон омода мебошанд.

Қайд карда шудааст, ки вазир дар беморхонаҳои мазкур бо беморон низ мулоқот намуда, оид ба вазъи хизматрасонии тиббӣ аз онҳо пурсон шуд.

Қайд карда шудааст, ки бо мақсади боз ҳам беҳтар намудани хизматрасонии тиббӣ, риояи қоидаҳои пешгирӣ аз сӯхтор ва бартараф намудани мушкилот ва камбудиҳои мавҷуда аз ҷониби вазири тандурустӣ Ҷамолиддин Абдуллозода ба масъулини беморхонаҳои номбурда дастуру супоришҳои мушаххас дода шуд.

120
Барчаспҳо:
дидан, Рӯдакӣ, бемористон, тандурустӣ, вазир, Тоҷикистон
Девушка держит в руках флаг Китая

Парчами Чин рӯи кураи моҳ

0
(Таҷдидшуда 19:30 05.12.2020)
Чин ба унвони дувумин кишвари ҷаҳон ва ҳудуди 50 сол баъд аз Амрико, парчами худро рӯи кураи моҳ ба замин зад

ДУШАНБЕ, 5 дек — Sputnik. Созмони Миллии Фазоии Чин (CNSA) рӯзи шанбе тасовире мунташир кард, ки нишон медиҳад, парчами ин кишвар тавассути ковушгари “Chang'e 5”, рӯи кураи моҳ насб шудааст, иттлоъ додааст хабаргузории “Парстудей” дар истинод ба гузориши Синхуа.

Чин ин фазопаймои бидуни сарнишинро бо ин ҳадаф партоб карда, ки намунае аз сангҳои моҳро ба замин мунтақил кунад.

Ин аввалин талоши як кишвар барои овардани намуна аз моҳ аз даҳаи 1970 то кунун аст.

Ин ковушгар ба зуддӣ амалиёти ҳаффории худро оғоз мекунад ва агар ҳама чиз бо муваффақият пеш равад, авохири моҳи ҷорӣ намунаҳоро ба замин хоҳад овард.

Мутахассисон мегӯянд, баррасии намунаҳои хоки кураи моҳ, ки ин ковушгар ҷамъоварӣ мекунад, барои ошноӣ бо таърихи хоки кураи моҳ ва ҳатто фаъолиятҳои офтоб кумаки зиёде хоҳад кард.

0
Барчаспҳо:
Амрико, моҳ, парчам, Чин