Алишер Абдукаримов, замглавврач Джаббор Расуловской болницы

Ҳатто дору намехӯранд: вазъи сиҳатии пизишкони Ҷаббор Расулов

577
(Таҷдидшуда 21:26 07.04.2020)
Вазъи 11 пизишку парастори шифохонаи марказии ноҳияи Ҷаббор Расулов, ки ба шифохонаи шаҳри Хуҷанд интиқол ёфта буданд, рӯ ба беҳбудӣ аст

ДУШАНБЕ, 6 апр — Sputnik. Алишер Абдураҳимов, муовини сардухтури шифохонаи марказии ноҳияи Ҷаббор Расулов, ки ду рӯз пеш бо иттифоқи 10 ҳамкори дигараш бо гумони гирифторӣ ба “вируси тоҷдор” ба шифохонаи шаҳри Хуҷанд интиқол ёфта буданд, ба Sputnik Тоҷикистон гуфт, вазъи сиҳатии онҳо хеле беҳбуд ёфта, ҳатто дору ҳам истеъмол намекунанд.

“Мо амалан дар қарантина қарор дорем, бо ин ки ташхиси мо манфӣ баромада ва ҳеҷ хатаре ба саломатиамон нест. Ин ҷо ки даромадӣ, ҳатмӣ 14 рӯзи қарантинаро ба охир расонда, баъд ба хона рухсат мешавӣ. Худоро шукр, ки ҳамагӣ ҳолати хуб дорем ва ҳеҷ аломате аз бадшавии вазъамон дида намешавад”, - гуфт Алишер Абдураҳимов.

Алишер Абдураҳимов рӯзи 5 апрел бо иттифоқи ҳамкоронаш дар шифохонаи марказии ноҳияи Ҷаббор Расулови вилояти Суғд замоне ба шифохонаи шаҳри Хуҷанд, шӯъбаи терапия интиқол ёфтанд, ки пас аз тамос бо як маризи фавтида дар онҳо дардҳои гуногун, назири сардардӣ, нафастангӣ ва тасфи баланд, аломатҳои махсуси “вируси тоҷдор” падид омад.

Дар пайи ин маризии ҷамъӣ шифохонаи марказии ноҳияи Ҷаббор Расулов қарантина шуд ва ҳам пайвандони шахси марҳумро низ ба табобатгоҳи Ғӯлакандози ноҳияи Ҷаббор Расулов таҳти назорати пизишкӣ қарор гирифтанд.

Ин хабар дар ҷомиаи Тоҷикистон бахусус дар пасманзари ин ки як кишвари озод аз “вируси тоҷдор” боқӣ мемонад, сарусадои зиёдеро ба бор овард. Аммо ташхиси пизишкону парасторони ноҳияи Ҷаббор Расуловро вазорати тандурусти ва ҳифзи иҷтимоии Тоҷикистон манфӣ эълон кард ва ин сарусадоҳо ҳам фурӯкаш шуданд.

То лаҳзаи омода шудани ин хабар дар саросари ҷаҳон 1 миллиону 346 ҳазору 974 нафар ба “вируси тоҷдор” гирифтор шуда, 74 ҳазору 702 тан фавтида, 278 ҳазору 698 кас шифо ёфтаанд.

Даҳгонаи кишварҳое, ки дар ҳоли ҳозир бо мавориди бештарини ин маризӣ дасту панҷа нарм мекунанд, ИМА, Испания, Италия, Олмон, Фаронса, Чин, Эрон, Бритониёи Кабир, Туркия буда, аз кишварҳои ИДМ мавориди бештар дар Русия (6343) сабт шуда, дар Украин, Арманистон, Беларус, Қазоқистон, Қирғизистон, Молдова, Озарбойҷон, Ӯзбекистон ва Қирғизистон шумораи гирифторон болотар аз 1320 нафар нест.

Теъдоди гирифторони ин вирус дар кишварҳои ҳамсояи Тоҷикистон, ба истиснои Чин, хостгоҳи ин вирус, дар Ӯзбекистон (457), Афғонистон (367) ва Қирғизистон (216) рӯ ба афзоиш аст.

577
Барчаспҳо:
дору, ташхис, вирус, Ҷаббор Расулов, Тоҷикистон
Люди в масках в районе Рудаки, архивное фото

Қарор дар бораи омодагӣ ба эмгузаронӣ ва дастур ба вазоратхонаҳои Тоҷикистон

288
(Таҷдидшуда 16:53 07.03.2021)
Ситоди ҷумҳуриявӣ оид ба пурзўр намудани чораҳои зиддиэпидемӣ барои пешгирии интиқол ва пайдоиши сирояти нави коронавирус дар кишвар ба тамоми ниҳодҳои дахлдор дастур додааст, ки барои эмгузаронӣ пурра омодагӣ гиранд

ДУШАНБЕ, 7 мар — Sputnik. Бо мақсади минбаъд низ муътадил нигоҳ доштани вазъи беҳдоштӣ дар қаламрави мамлакат вобаста ба сирояти коронавирус Ситоди ҷумҳуриявӣ оид ба пешгирӣ аз паҳншавии коронавирус қарор қабул намудааст.

Бар асоси қарори ситод, Вазорати тандурустӣ ва ҳифзи иҷтимоии аҳолӣ ҷиҳати таъмин намудани ҳифзи солимии гурўҳҳои осебпазири аҳолӣ,  барои гузаронидани ваксинатсияи аҳолӣ бар зидди сирояти нави коронавирус (COVID-19) чорабиниҳои омодагиро ба роҳ монад.

Вазора уҳдадор шудааст, ки банақшагирии аҳолиро аз рўи синну сол бо дарназардошти марҳалаҳои дуюм ва сеюми иммунизатсия анҷом диҳад ва ҳарчи зудтар лоиҳаи санади меъёрии ҳуқуқии дахлдорро оид ба гузаронидани иммунизатсия бар зидди сирояти нави коронавирус (COVID-19) дар Ҷумҳурии Тоҷикистон таҳия намуда, барои тасдиқ ба Ҳукумати мамлакат пешниҳод намояд.

"Вазоратҳои корҳои хориҷӣ, молия, рушди иқтисод ва савдо, Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо мақсади таъмин намудани дастрасии васеи аҳолӣ ба ваксина бар зидди сирояти нави коронавирус (COVID-19) ҷиҳати дарёфти манбаъҳои иловагии маблағгузорӣ тадбирҳои мушаххас андешанд",- омадааст дар қарор.

Вазорати тандурустӣ вазифадор гаштааст, ки якҷо бо мақомоти иҷроияи маҳаллии ҳокимияти давлатӣ ҷиҳати таъмин ва риоя намудани чорабиниҳои беҳдоштӣ ва зиддиэпидемӣ чораҳои заруриро роҳандозӣ намоянд.

Тоҷикистон ваксинаи AstraZeneca - ро тасдиқ кард ва моҳи март онро дастрас мекунад

Ситод инчунин Вазоратҳои тандурустӣ, фарҳанг, Кумитаи телевизион ва радиоро маваззаф гардонидааст, ки бо ҷалби васеи воситаҳои ахбори омма тадбирҳои фаҳмондадиҳиро байни аҳолӣ оид ба масъалаҳои пешгирӣ намудани пайдоиш, паҳншавии сирояти нави коронавирус (COVID-19) ва моҳияти ваксинатсия вусъат диҳанд.

Ёдовар мешавем, Тоҷикистон ваксинаи AstraZeneca-ро, ки бояд тибқи механизми COVAX қабул намояд, аллакай тасдиқ кард ва интизор меравад он мои ҷорӣ вориди кишвар шавад.

"Спутник V" дуввумин ваксинаи маъмултарини ҷаҳон шуд

Қаблан Чин низ пешниҳоди ваксинаи ройгон карда буд ва ҷониби Тоҷикистон гуфтанд, нахуст онро меомӯзанд.

288
Нарезанные овощи и фрукты в салатниках

Барои хароб шудан, чӣ бояд хӯрд?

288
(Таҷдидшуда 15:31 07.03.2021)
Коршинос таъкид мекунад, ки бояд дуруст хароб шуд ва танҳо маҳсулоти колорияшон паст такя накард

ДУШАНБЕ, 7 мар — Sputnik. Кадом сабзавот воқеан барои кам кардани вазн кӯмак мекунад? Ба ин суол коршиноси рус, парҳезшинос Екатерина Бурляева дар мусоҳиба  бо "Российская Газета" посух гуфт.

Вай қайд кард, ки таррак, бодинҷон, бодиринг, помидор ва кабудӣ ба зуд сер шудан мусоидат мекунанд, дар ҳамин ҳол дар таркибашон об ва клетчатка зиёд асту калориянокиашон кам мебошад.

Пизишк огоҳӣ медиҳад, ки танҳо аз ин анвои маҳсулот барои харобшавӣ истифода кардан, комилан ғалат аст.

"Дар асл, ҳамаи маҳсулоте, ки барои харобшавӣ таъин карда мешаванд, кӯмаки зиёд намерасонанд. Танҳо ба онҳо такя кардан, хатост", - қайд кард Бурляева.

Бо хароб шудан ва зарар нарасонидан ба саломатӣ, диетолог маслиҳат додааст, ки дар парҳез тавозуни сафедаҳо, чарбҳо ва карбогидратҳо риоя шавад.

Мутахассис грейпфрут ва занбурӯғҳоро намунаи дурусти хӯроки парҳезӣ номид: онҳо миқдори ками калория доранд ва агар дуруст онҳоро истифода кунем, метавонем ба натиҷае расем.

288
Барчаспҳо:
маҳсулот, табобат, Дар ҷаҳон
День 9 марта

Белорус истиқлолият ба даст овард: имрӯзи таърих

0
(Таҷдидшуда 21:44 06.03.2021)
Рӯзи нуҳуми март Рӯзи байналмилалии дидҷей буда, дар Белиз – Рӯзи қаҳрамонони миллӣ ва эҳсонгар мебошад

Рӯзи 9 март дар ҷаҳон чӣ рух дод

Соли 1918 истиқлолияти Ҷумҳурии Халқии Беларус эълон карда шуд.

Соли 1933 дар ИМА  стандарти тиллоӣ (тартиби пулӣ, дар асоси пардохти ягона дар асоси якчанд андозаи стандартикунонидаи тилло) бекор карда шуд.

Соли 1908 клуби футболи "Интернатсионал" (Милан) таъсис дода шуд.

Рӯзи 9 март дар Тоҷикистон чӣ рух дод

Соли 2010 бо Фармони Президенти Тоҷикистон Агентии заминсозӣ, геодезӣ ва харитасозии назди Ҳукумати Ҷумҳурии Тоҷикистон ба Кумитаи давлатии заминсозӣ ва геодезии Ҷумҳурии Тоҷикистон тағйири ном кард.

Соли  2011 дар варзишгоҳи "Металлург"-и шаҳри Турсунзода бозии ҷавобии давраи интихобии Олимпиада – 2012 Тоҷикистон-Омон сурат гирифт.

Соли 2012 дар варзишгоҳи "Дашрат" -и Катманду бозии якуми марҳилаи ниҳоии Ҷоми даъватии Конфедератсияи Футболи Осиё миёни дастаҳои миллии Ҳиндустон ва Тоҷикистон баргузор гардид.

Соли 2015 дар шуъбаи Венагии СММ ҷаласаи 58-уми Комиссияи СММ оид ба маводи мухаддир баргузор гардид.

Соли 2016 дар Вазорати корҳои хориҷии Ҷумҳурии Точикистон конфронси байналмилалии вазирон оид ба Афғонистон баррасӣ карда шуд.

Соли 2017 дар шаҳри Марини Швейтсария миёни Бонки миллии Тоҷикистон ва ширкати "Металор" Шартномаи ҳамкории дуҷониба ба имзо расид.

Ҷашнҳои рӯзи 9 март

  • Рӯзи байналмилалии дидҷей.
    Дар Белиз – Рӯзи қаҳрамонони миллӣ ва эҳсонгар.

Рӯзи 9 март кӣ ба дунё омадааст

Ёрмаҳмад Аралов (1954)- киноактёр, наворбардор.

Темур Атахонов (1934)- адабиётшинос, профессор.

Абдувалӣ Бердиалиев (1939) - доктори илми филологӣ, профессор.

Нориниссо Бобоҷонова (1931 - 2009) - арбоби фарҳангӣ, Корманди шоистаи маданияти Тоҷикистон.

Надежда Буткевич (1908 - 1991) - арбоби фарҳангӣ, Ходими шоистаи ҳунари Тоҷикистон.

Юрий Касаткин (1925) - доктори илми ҳуқуқ, профессор.

Шавқат Маъруфов (1928) - журналист, Корманди шоистаи маданияти Тоҷикистон.

Муҳаммадназари Муҳаммадзиё (1960)- нависанда.

Назрӣ Обидов (1937)- мутарҷим.

Аскар Одинаев (1931)- актёри театр.

Умрӣ Сироҷиддинова (1940) - доктори илми тиб, профессор.

Зубайдулло Шарифзода (1951) - нависанда.

Марҳабо Юсуфова (1940) - наттоқи радио, Корманди шоистаи маданияти Тоҷикистон.

Холиқназар Ҷумъаев (1969) - журналист.

0
Барчаспҳо:
ҷашн, ҷаҳон, Тоҷикистон