Врачи госпитализируют больного, архивное фото

Гирифторони коронавирус чигуна ҷон медиҳанд - посухи пизишк аз Қирғизистон

2359
(Таҷдидшуда 14:19 12.04.2020)
Асомиддин Марипов мудири беморхонаи Ноокат, ки беморони коронавирусро табобат мекунад, гуфт дардмандони COVID -19 чигуна ҷон медиҳанд

ДУШАНБЕ, 12 апр — Sputnik. Пизишк мегӯяд, рӯзҳои аввали қабули беморон пизишкон фикр мекарданд, коронавирус як навъи зуком аст, вале бо мурурри замон дарк карданд, ки ин беморӣ чанд маротиб даҳшатбортар ва вазнинтар будааст.

Ба нақли пизишк, 90 дарсади беморон ягон нишонае надоранд, Яъне зимни ташхис таҳлил мусбат мебарояд, вале онҳо худро хуб эҳсос мекунанд ва танҳо ба сифати барандаи вирус ҳастанд.

Вале, 10 дарсади дардмандон коронавирусро хеле мушкил мегузаронанд ва ин ҷо табобати бемор аз синну сол, саломатии одам ва ғизои истеъмолкарда вобаста аст.

Дар ҳамин ҳол таби бемор то 40 дараҷа баланд шуда, сулфаи хушки дилгиркунанда сар мешавад. Дар шабонарӯзи дуюм нафаскашии бемор вазнин мешавад ва ӯро ба шӯъбаи эҳё ба аппарати нафаскашии сунъӣ пайваст мекунанд.

Пизишк бо гуфтаи ҳамтоёнаш аз Италия, ки беморони коронавирус хеле вазнин ҷон медиҳанд розӣ аст. Ӯ нақл кард, чигуна дардмандони коронавирус ба ҳалокат мерасанд.

"Бале ин рост аст. Бемор шадидан заҳролуд мешавад ва агар дар ҳамин ҳол бемор баҳуш бошад, бисёр азоб мекашад. Қисмҳои бадани чунин беморон оҳиста оҳиста аз кор мемонанд. Муҳим аст, ки дар чунин вақт пизишки таҷрибадори реаниматолог ва таҷҳизоти техникӣ бошад", - гуфт Асомиддин Марипов дар суҳбат бо Sputnik Қирғизистон.

Дар Қирғизистон то 12 апрели соли равон 377 ҳолати гирифторӣ ба коронавирус ба қайд гирифта шудааст. 51 нафари онҳоро пизишкон ташкил медиҳанд. Панҷ кас дар паи ин беморӣ ба ҳалокат расида, 44 нафар шифо ёфтанд.

Ҳамагирии коронавирус

Коронавирус авохири моҳи декабри соли 2019 дар Вуҳани Чин зуҳур кард ва зуд дар дигар кишварҳо паҳн шуд.

Тибқи омори ахир, то 9 апрел беш аз 1,5 миллион кас дар 209 кишвари ҷаҳон аз коронавирус сироят шудааст. Беш аз 89,4 ҳазор нафар ҷон бохта, пизишкон 337,1 беморро табобат карданд.

2359
Барчаспҳо:
пизишк, даргузашт, вирус, Қирғизистон
Мавзуҳо:
Пайомадҳои COVID-19 дар Тоҷикистон ва ҷаҳон (494)

Бидуни фавт: омори тозаи гирифторони COVID - 19 дар Тоҷикистон

1317
(Таҷдидшуда 18:08 05.06.2020)
То 5 июн дар Тоҷикистон 4370 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар кишвар 2491 (57%) нафар шифо ёфтаанд

ДУШАНБЕ, 5 июн – Sputnik. Вазорати тандурустии Тоҷикистон омори нави гирифторони коронавирусро нашр кард.

"Шабонарӯзи гузашта 81 нафар бо ташхиси сирояти коронавируси нави COVID-19 ошкор шуда, ягон ҳолати фавт ба қайд гирифта нашуд", - омадааст дар хабарнома.

Тибқи иттилои ин ниҳод, то 5 июн дар Тоҷикистон 4370 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар кишвар 2491 (57%) нафар шифо ёфтаанд. То имрӯз дар Тоҷикистон аз ин беморӣ 48 нафар фавтидаанд.

Мубориза бо КОВИД-19: дар Бӯстон маҳлули хлор тақсим мекунанд

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки то 5 июн дар кишвар 1355 нафар зери назорати табибон қарор доранд.

Пешгирӣ аз вируси корона: 20 ширкати тоҷикӣ ба тавлиди ниқоби тиббӣ оғоз карданд

Манбаъ афзуда, ки дар як шабонарӯзи охир 219 нафар пас аз шифо ёфта ба хонаҳояшон рухсат дода шудаанд.

Мо метавонем: ширкатҳои Тоҷикистон даҳҳо тонна собун, хлор ва антисептик истеҳсол карданд

1317
Барчаспҳо:
бемориҳои сироятӣ, сироят, вируси нав, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (494)
Жители Узбекистана в защитных масках

Афзоиши мубталоёни коронавирус дар Ӯзбекистон: ба чор ҳазор наздик шуд

156
(Таҷдидшуда 17:09 05.06.2020)
Айни замон дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

ДУШАНБЕ, 5  июн — Sputnik. Дар ин кишвар давоми шабонарӯзи гузашта боз 26 ҳолати ҷадиди мубталошавӣ ба ин маризӣ сабт гардид, хабар медиҳад ситоди фаврии назди ҳукумати Ӯзбекистон.

Бо илова шудани 26 мавориди ҷадид, шумораи умуми дардмандон ба 3 965 нафар баробар шуд.

Гуфта  мешавад, ба қарибӣ дар ҷумҳурӣ 96 ҳолати нави COVID-19 ва снаи 3 июн - 83 нафар бо нишонаҳои ин беморӣ ба қайд гирифта шудааст.

Тибқи иттилои вазорати тандурустӣ, ҳоло дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

Ёдовар мешавем, ки аввалин ҳолати сироятёбӣ дар Узбакистон 15 март дар зане, ки аз Фаронса ба ватанаш баргашт, расман сабт шуд.

Ҳукумати Ӯзбекистон сар аз пайдоиши ин беморӣ дар ин кишвар чораҳи қатъӣ аз ҷумла қарантинаро роҳандозӣ кард.

Мубориза бо КОВИД-19: дар Бӯстон маҳлули хлор тақсим мекунанд

Ба наздикӣ мақомоти Узбакистон қарантинро дар ҷумҳурӣ то 15 июн тамдид карданд, аммо дар минтақаҳое шуюи коронавирус паст гаштанд аз 1 июн ба нуқтаҳои маишӣ ва гузаронидани тую маъракаҳо иҷозат дода шуд.

Ҳамчунин, аз 18 май инҷониб равуои нақлиёти мусофирбар байни Тошканд ва дигар минтақаҳои Узбакистон барқарор карда шуданд.

Аз 8 июн, дари мосоҷид ва дигар ибодатгоҳҳо ба рӯйи сокинон кушода хоҳад шуд.

156
Руководитель отдела экономики Института стран СНГ Аза Мигранян

Коршинос: барномаи зиддибӯҳронии Тоҷикистон ду моҳ дер тасвиб шуд

0
Тоҷикистон аз ҳисоби кадом маблағҳо соҳибкоронро дастгирӣ хоҳад кард ва оё ин иқдомҳоро буҷаи кишвар мебардорад ё не - ба ин саволҳо коршинос, иқтисодшиноси Пажӯҳишгоҳи ИДМ Аза Мигранян посух гуфт

Ҳукумати Тоҷикистон барномаи зиддибӯҳронии замони пандемияи коронавирусро қабул кард, ки ба дастгирии соҳибкорон ва аҳолӣ равона гардидааст.

Имрӯз, 5 июн чанд фармони раисҷумҳури Тоҷикистон Эмомалӣ Раҳмон ба имзо расид, ки мувофиқи он чанд гурӯҳ соҳибкорон аз андоз озод карда шуда, ба қишри осебпазир кӯмакпулӣ таъин ва боло бурдани арзиши барқу хизматрасониҳои коммуналӣ мавқуф карда шуд.

Мигранян о том, за счёт чего в Таджикистане будут поддерживать бизнес

"Дар ҳар як кишвар захираи муайяне ҳаст, ки ба истилоҳ захираҳои ғайрибуҷавӣ гуфта мешавад. Ин гуна буҷа дар Тоҷикистон низ ҳаст", - гуфт Миграниян дар сӯҳбат бо Sputnik Тоҷикистон.

Ба гуфтаи коршинос, таҳлили он ки иқдомҳои зиддибӯҳронии Ҳукуматро буҷаи Тоҷикистон мебардорад ё не, ғайриминтақист, зеро феълан маълум нест, ки барои ин иқдоми Ҳукумат чӣ қадар маблағ лозим аст.
"Фаҳмиши норасоии буҷа нисбӣ аст. Ҳама гуна кишвар бо норасоии буҷа метавонад то дер  арзи вуҷуд дошта бошад", - таъкид мекунад коршинос.

 

Ба гуфтаи ӯ, ин ҷо гап дар бораи дастгирии аҳолӣ ва тиҷорати хурд меравад.

"Ҳамааш аз он вобаста аст, ки то кай дар Тоҷикистон маҳудиятҳои фаъолияти иқтисодӣ амалӣ мешавад. Агар маҳдудиятҳо фарогир бошанд, пас ин ҳамагӣ дастгирии хурдест. Агар маҳдудиятҳо кутоҳмуддат ва маҳдуд бошанд, ҳамин тавре ки ҳоло дар Тоҷикистон рӯи кор меоянд, ин дастгирӣ ба аҳолӣ ва тиҷорати хурд назаррас хоҳад шуд".

Вай афзуд, ки вақте ҷараёни даромад нест, ихтисори андоз, пардохтҳои ҳатмӣ ва харҷҳои гуногун метавонад ба қисми рақобатпазир дар кам шудани талабот ба маводи онҳо дар мӯҳлати муайян кӯмак кунад. Аммо ин истеҳсолоти заифро наҷот намедиҳад.

"Сухан дар бораи дастгириҳои иҷтимоӣ бо мақсади тавонмандии харидории аҳолӣ меравад. Ин чораҷӯиҳо барои бештари кишварҳои ҷаҳон стандартӣ мебошанд", - тавзеҳ медиҳад ӯ.

 

Ин иқдомҳои Тоҷикистон ду моҳ дер қабул шуданд, гуфт дар анҷом Мигранян.

0