Министерство здравоохранения республики Таджикистан. Архивное фото

Фавти як нафари дигар дар қарантина: вазорат мегӯяд, бо аҷали худ даргузашт

8619
(Таҷдидшуда 12:22 13.04.2020)
Вазорати тандурустӣ ва ҳифзи иҷтимоии аҳолии Тоҷикистон овозаи фавти як духтур аз “вируси тоҷдор” дар вилояти Хатлонро такзиб карда, гуфт, ӯ аз марги табиӣ фавтидааст

 ДУШАНБЕ, 13 апр - Sputnik. Бибихонум Дарвешзода, сухангӯи вазорат ба Sputnik Тоҷикистон гуфт, як корманди Беморхонаи марказии вилоятии шаҳри Бохтар, маркази вилояти Хатлон на аз “вируси тоҷдор”, балки аз марги табиӣ фавтидааст.

“Шоми 12 апрел, соати 21:30, Оишамоҳ Алимова, соли таваллудаш 1962, корманди Беморхонаи марказии вилоятии ба номи Б. Воҳидови шаҳри Бохтар бо ташхиси сили иртишоҳӣ (инфильтративный туберкулёз) – и қисми мобайнии ҳарду шушҳо, гипертерофияи меъдачаи чапи дил, атеросклерози шоҳраг фавтид. Мавсуф дар беморхонаи мазкур, ки дар он ҷо шаҳрвандони аз хориҷи кишвар ба Тоҷикистон воридшуда дар карантин қарор доранд, фаъолият менамуд”, - гуфт Бибихонум Дарвешзода.

Ин дуввумин мавриди марг тайи ду рӯзи ахир аст, ки дар макони шаҳрвандони таҳти қарантина қарордошта иттифоқ меафтад.

11 апрели соли равон Ҳоҷимуҳаммад Тошев, сокини ноҳияи Ҷаббор Расулов, ки дар Беморхонаи минтақавии "Ўзбекқишлоқ" таҳти қарантина қарор дошт, фавтида буд. Расман сабаби марги ӯро вазорати тандурустӣ "бемории ишемиявии дил, фишорбаландии дараҷаи 2, хатари 4" ташхис дода буд.

Ҳоҷимуҳаммад Тошев, мудири кабинети методии шуъбаи маорифи ноҳияи Ҷаббор Расулов буд, ки бо мудири ин шӯъбаи маориф Абдуҷалил Шодиев тамос дошт. Ахирӣ бародари Ҳабибулло Шодиев, сокини деҳаи Гулафшон, собиқ Янтоқзори ҷамоати деҳоти “Ҳаёти нав” – и ноҳияи Ҷаббор Расулов аст, ки рӯзи 1 апрел, аз пневмонияи дутарафа фавтида буд. Абдуҷалил Шодиев дар пайи фавти бародараш дар қарантина қарор гирифт.

Сухангӯи вазорати тандурустӣ ва ҳифзи иҷтимоии аҳолии Тоҷикистон мегӯяд, фавти маризон дар муассисаҳои қарантинаии кишварро набояд аз ҳангомаҷӯӣ ба “вируси тоҷдор” рабт дод.

Вай афзуд, дар мавсими баҳор хурӯҷи ҳар гуна бемориҳо, аз ҷумла зуком, хроникӣ авҷ мегиранд ва сабаби фавт мешаванд.

“Ҳамасола вазъ чунин аст ва чунин хоҳад буд, чун хоси мавсим аст. Аммо дар ин лаҳзаҳои ҳассос марги ҳар инсонро ба “вируси тоҷдор” рабт додани як идда ҳангомаҷӯён на фақат аз рӯйи адолат нест, балки бозӣ кардан бо зеҳни мардуми кишвар аст. Сабаби марги ҳар инсонро танҳо духтур муайян карда метавонад. Аз ин рӯ, аз шаҳрвандони мамлакат даъват ба амал меорем, ки дар ин масъалаи нозук эҳтиёткор бошанд ва ба ҳар гуна хабарҳои бардуруғ дар ин робита бовар нанамоянд”, - гуфт Бибихонум Дарвешзода.

Тоҷикистон шумори дақиқи нафарони ба қарантина фаро гирифташударо эълон кард

Сухангӯи вазорати тандурустӣ ва ҳифзи иҷтимоии аҳолии Тоҷикистон гуфт, ки дар ҳолати ба қайд гирифтани мавриди гирифторӣ ба “вируси тоҷдор” дар кишвар ин ниҳод расман онро тасдиқ ва эълон хоҳад кард, зеро ба ҳеҷ ваҷҳ пинҳон нигоҳ доштани он ба нафъи ҳеҷ кишваре нахоҳад буд.

Тибқи иттилои расмӣ, аз 1 феврал то 13 апрели соли равон дар Тоҷикистон 7 ҳазору 560 нафар афроди дохиливу хориҷии воридшуда дар муассисаҳои тандурустӣ ва осоишгоҳҳо ба қарантина фаро гирифта, аз ин шумора 5 ҳазору 724 нафар ба хонаҳояшон рухсат шудаанд ва ҳоло 1836 нафар, аз ҷумла 5 хориҷӣ таҳти назорат мебошанд.

8619
Барчаспҳо:
бемор, фавт, Вазорати тандурустӣ

Шифои 119 ҳазор нафар аз коронавирус дар Эрон

110
(Таҷдидшуда 18:58 31.05.2020)
Вазорати беҳдошт, дармон ва омӯзиши пизишкии Эрон эълом кард, ки то кунун 118 ҳазору 848 нафар аз мубталоён ба коронавирус дар кишвар беҳбуд ёфта, аз бемористонҳо мураххас шудаанд

ДУШАНБЕ, 31 май - Sputnik. Киёнуши Ҷаҳонпур, раиси маркази равобити умумӣ ва иттилоърасонии Вазорати беҳдошти Эрон рӯзи якшанбе дар гуфтугӯ бо хабарнигорон охирин омори мубталоён ба коронавирус дар кишварро ироа намуд.

Дар 24 соати гузашта 2 ҳазору 516 бемори ҷадид шиносоӣ шудаанд, хабар дод "Парстудей" аз қавли Ҷаҳонпур.

Ҷаҳонпур афзудаст, ки аз байни мубталоёни ҷадид, 511 маврид бистарӣ ва 2 ҳазору 5 бемор ба сурати сарпоӣ хадамотрасонӣ шуданд ва маҷмӯи беморони коронавирус дар Эрон ба 151 ҳазору 466 нафар расид.

Ҷаҳонпур ҳамчунин бо ишора ба фавти 63 бемор дар 24 соати гузашта гуфтаст, фавти ношӣ аз коронавирус дар Эрон ба 7797 нафар расидааст.

Дар ҷаҳон то кунун ҳудуди шаш миллиону 200 ҳазор нафар ба бемории КОВИД-19 мубтало шуда ва 380 ҳазор нафар низ ҷон бохтаанд.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (1 805 745 нафар), Бразилия (498 440), Русия (396 575), Испания (239 228), Британияи Кабир (272 826), Италия (232 264), Олмон (183 234), Ҳиндустон (182 143) ва Туркия (163 103) Перу (155 671) дохил мешаванд.

110

Теъдоди дардмандони коронавирус дар Ӯбекистон аз 3,5 ҳазор гузашт

202
Вазорати тандурустии Ӯзбекистон дар робита ба маризии коронавирус омори нав нашр намуд. Бар тибқи маълумоти вазорат шумораи умумии беморон аз 3,5 ҳазор ҳам бештар шудааст

ДУШАНБЕ, 31 май— Sputnik. Дар Ӯзбекистон шумораи дардмандони маризии коронавирус дар ҳоли афзоиш аст, хабар медиҳад хадамоти матбуотии Вазорати тандурустии ин кишвар.

Тибқи иттилои вазорат, дар давоми як рӯзи охир дар Ӯзбекистон 8 ҳолати нави сироятшавӣ ошкор карда шуд, ки ҳамакнун сафи умумии маризон ба 3554 нафар расид.

"То 31 май шумораи ҳодисаҳои сирояти коронавирус дар Ӯзбекистон ба 3554 нафар баробар шудаастнафар аст", - таъкид мешавад дар хабар.

Қайд карда мешавад, ки як рӯз пеш дар ин кишвар 58 ҳолати нави коронавирус ба қайд гирифта шуда буд, рӯзи ҷумъа афзоиши он 44 нафар буд ва рӯзи панҷшанбе шумораи беморон якбора ба 75 нафар зиёд шуд.

Вазорати тандурустӣ илова кард, ки ҳоло 757 бемори коронавирус таҳти муолиҷа қарор доранд. Пизишкон вазъи саломатии нӯҳ маризро вазнин ва аҳволи як беморро шадидан вазнин арзёбӣ мекунанд.

Ёдовар мешавем, ки бурузи ин маризӣ дар Ӯзбекистон аз 12 - уми март шурӯъ шуд.

202
Барчаспҳо:
афзоиш, маризӣ, Узбакистон
Самолет компании Уральские авиалинии, архивное фото

49 муҳоҷиру 13 ҷасад: ҳавопаймои Русия шаҳрвандони Тоҷикистонро ба Ватан расонд

60
Мақомоти Тоҷикистон элон намудааст, ки аз 19 то 30 майи соли равон дар ҳамоҳангӣ бо Русия 680 нафар шаҳрвандони кишвар ба Ватан баргардонида шуд

ДУШАНБЕ, 1 июн - Sputnik. Санаи 29 май бо парвозҳои махсуси ширкати “Уральские авиалинии” 49 нафар шаҳрвандони Тоҷикистон, ки тайи чанд моҳи охир дар марказҳои нигоҳдории муваққатии шаҳрвандони хориҷии Русия қарор доштанд, аз Маскав ба Душанбе баргардонида шуданд, иттилоъ додааст дафтари матбуоти Вазорати умури хориҷаи Тоҷикистон.

Ҳамчунин тибқи иттилои манбаъ бо ин парвози махсус 13 ҷасади шаҳрвандони кишвар ба Ватан интиқол ёфтанд.

Манбаъ зикр кардааст, ки ҳамин тариқ, аз 19 то 30 майи соли равон дар ҳамоҳангӣ бо Русия аз марказҳои нигоҳдории муваққатии шаҳрвандони хориҷии он кишвар ба Тоҷикистон дар маҷмӯъ 680 нафар шаҳрвандони Тоҷикистон, ки ҳуҷҷатҳои омодашудаи зарурӣ барои сафар доштанд, инчунин ҷасадҳои 58 ҳамватан баргардонида шуданд.

Вазорат умури хориҷаи Тоҷикистон таъкид доштааст, ки барои иҷрои дастури раисҷумҳури кишвар доир ба татбиқи нақшаи тадриҷан ва марҳила ба марҳила баргардонидани шаҳрвандон, айни замон имконияти анҷом додани парвозҳои махсус (чартерӣ) ба/аз Русия ва дигар кишварҳо аз ҷониби ширкатҳои ҳавоии ватанӣ мавриди корбарӣ қарор дорад.

Ҳамзамон манбаъ қайд кардааст, ки раванди бозгардонидани шаҳрвандон аз хориҷа ба Ватан ба фароҳам оварда шудани шароити зарурӣ, аз ҷумла омода будани ҷойҳои кофӣ барои карантин ё муроқибати тиббии онҳо дар Тоҷикистон вобаста хоҳад буд.

60
Барчаспҳо:
ҷасад, Ватан, баргардонидан, кишварҳо, Тоҷикистон