Сироятшавии 66 муҳоҷири тоҷик ба COVID - 19 дар Маскав: омори Созмони "Нур"

4541
(Таҷдидшуда 22:45 16.04.2020)
Созмони ҷамъиятии "Нур" аз аъзоёнаш даъват мекунад, ки қоидаҳои қарантинаро қатъиян риоя кунанд ва саломатии худу наздиконашонро дар хатар нагузоранд

ДУШАНБЕ, 16 апр — Sputnik. Созмони ҷамъиятии "Нур", рӯзи 16 апрел омори гирифторон ба бемории сироятии коронавирус миёни аъзоёни ин ҷамъиятро нашр кард.

Бино бар омори Созмони "Нур", ки  дар саҳифаи расмиашон дар Facebook рӯзи 16 апрел, нашр шудааст, то имрӯз миёни аъзоёни ҷамъияти мазкур, 66 ҳолати гирифторӣ ба коронавирус сабт гардидааст.

Манбаъ афзуда, ки то имрӯз, ду нафар аз бемории коронавирус ҷон бохта 66 каси дигар зери назорати табибон қарор доранд. Дар давоми шабонарӯзи гузашта бошад 9 нафар мубталои ин маризӣ шуда, 125 нафар бо гумони гирифторӣ ба COVID - 19 таҳти назорат қарор доранд ва шахсияти 220 нафаре ҳам, ки бо нафарони бемор дар алоқа будаанд, муайян карда шудааст.

Як муҳоҷир 206 сохтмончиро дар Русия сироят кард

Карамшо Мамаднасимов раиси созмони ҷамъиятии "Нур" дар суҳбат бо Sputnik Тоҷикистон қайд кард, ки мақсади аслии нашри ин омор ҳушдор додан ба аъзоёни ҷамъияти "Нур" мебошад, то нисбати саломатии худ бетараф набошанд.

Дастгирии муҳоҷирон: созмони "Нур" ба 350 хонаводаи тоҷик кӯмаки озӯқаворӣ расонд

"Мо мехоҳем аъзоёни ҷамъияти "Нур" ҷиддӣ будани авзоъи имрӯзаи Маскавро хуб дарк кунанд. Онҳо набояд ҷони худ ва наздикони худро дар хатар гузоранд. Маҳз ба ҳамин хотир мо тасмим гирифтем, ин оморро нашр кунем", - гуфт Мамаднасимов дар суҳбат бо Sputnik Тоҷикистон.

Ногуфта намонад, ки ҳамарӯза ризокорони созмони "Нур" - пизишкони касбӣ бо аъзоёни ҷамъият дар тамос ҳастанд.

Бино бар омори ситоди фаврӣ, дар давоми 24 соат дар пойтахти Русия беш аз 1,3 ҳазор ҳолати нави гирифторӣ ба коронавирус сабт шудааст. Шумора умумии мубталоёни вирус дар пойтахти Русия ба 16,1 ҳазор нафар расид.

Ҳамин тавр, то рӯзи 16 апрел дар ҳудуди Русия 27 938 кас гирифтори коронавирус шуд. Ин беморӣ сокинони 84 минтақаи Русияро ба доми худ кашид.

Ситоди фаврӣ хабар медиҳад, ки то имрӯз дар Русия аз бемории COVID - 19, 232 нафар ҷон бохтааст. Дар баробари ин пизишкон тавонистанд, беш аз 2,3 ҳазор беморро табобат кунанд.

4541
Барчаспҳо:
гирифторон, марг, вируси нав, Маскав
Мавзуҳо:
Пайомадҳои COVID-19 дар Тоҷикистон ва ҷаҳон (936)
В Центральном военном округе приступили к вакцинации личного состава от коронавируса

COVID - 19 нест: омори нави Вазорати тандурустии Тоҷикистон

56
(Таҷдидшуда 19:09 24.01.2021)
Вазорати тандурустии Тоҷикистон мегӯяд, шабонарӯзи гузашта чун рӯзҳои қаблӣ дар кишвар ягон ҳолати гирифторӣ ба коронавирус сабт нашудааст

ДУШАНБЕ, 24 январ - Sputnik. Тибқи иттилои Вазорати тандурустӣ ва ҳифзи иҷтимоии аҳолии Тоҷикистон, дар ҷумҳурӣ аз 10 январ то ҳол ягон ҳолати гирифторӣ ба бемории коронавирус сабт нашудааст.

Расман: рӯзи бозкушоии масҷидҳо дар Тоҷикистон эълон шуд

Расман бори охир дар Тоҷикистон рӯзи 10 январ се ҳолати гирифторӣ ба коронавирус сабт шуда буд.

"Дар маҷмӯъ то имрӯз, 24 январ дар кишвар 13308 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 13218 нафар ё 99,3% шифо ёфтаанд", - омадааст дар хабарнома.

Манбаъ афзуда, ки аз аввали ҳамагирии коронавирус то кунун 90 нафар бар асари ин беморӣ фавтидаанд.

Намоз бо ниқоб: қоидаҳои масҷидравӣ дар Тоҷикистон

Ёдрас мешавем, ки дар Тоҷикистон нахустин ҳолати гирифторшавӣ ба коронавирус 30 апрели соли 2020 эълон шуда буд.

56
Барчаспҳо:
Вазорати тандурустӣ ва ҳифзи иҷтимоии аҳолии ҶТ, вируси корона, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (936)

Теъдоди фавтидагон аз коронавирус дар Эрон аз 57 ҳазор нафар гузашт

14
(Таҷдидшуда 18:59 24.01.2021)
Вазорати беҳдошт, дармон ва омӯзиши пизишкии Эрон аз беҳбудии беш аз як миллиону 164 ҳазор нафар аз мубталоён ба вируси корона дар кишвар хабар дод

ДУШАНБЕ, 24 янв— Sputnik. Симосодоти Лорӣ, сухангӯи Вазорати беҳдошти Эрон рӯзи якшанбе гуфт, дар 24 соати гузашта 5 ҳазору 945 бемори ҷадиди мубтало ба коронавирус дар кишвар шиносоӣ шуд.

Ба гузориши радиои тоҷикии Садои Хуросон,  аз ин теъдод 437 нафар бистарӣ шуданду ба бақияи беморон низ ба сурати сарипоӣ хадамот расонда шуд.

Маҷмӯи беморони COVID-19 дар кишвар ба як миллиону 372 ҳазору 977 нафар расидааст.

Лорӣ ҳамчунин бо баёни ин ки дар 24 соати гузашта 89 нафар аз беморони COVID-19 ҷони худро аз даст доданд , изҳор кард, ки маҷмӯи ҷонбохтагон бар асари ин беморӣ дар Эрон ба 57 ҳазору 383 нафар расидааст.

То кунун як миллиону 164 ҳазору 794 нафар аз беморон низ беҳбуд ёфта ва аз бемористонҳо мурраххасӣ шудаанд, таъкид намудааст ин мақомдори умури беҳдоштии Эрон.

Шумори афроди мубтало ба вируси корона дар ҷаҳон низ ба беш аз 99 миллион нафар расидааст, ки аз ин теъдод беш аз ду миллион нафар ҷони худро аз даст доданд ва ҳудуди 71 миллион нафар ҳам беҳбуд ёфтанд.

14
Барчаспҳо:
таманнои шифои комил, фавт, вируси корона, вируси нав, Эрон

Чӣ гуна духтараки 7 - сола кӯҳҳои барфпӯшро фатҳ мекунад - видео

0
(Таҷдидшуда 20:11 24.01.2021)
Комёбиҳои ин духтарак ҳамаро дар ҳайрат гузошт. Ӯ ҳамагӣ 7 сол дорад, вале аллакай чандин нишон ба даст овардаасту қуллаҳои баландро фатҳ намудааст

Василиса Ермакова ҳамагӣ ҳафт сол дорад, аммо аллакай бо ҳунари худ дар Русия се рекорд гузоштааст: ҷаҳидан аз трамплин ба сноуборд бо гардиши 540 дараҷа аз миёни хурдсолон, ҷаҳиш бо гардиши 360 дараҷа ба сноуборд ва ҷаҳиш аз баландӣ бо суръати ( 48 км / соат) дар скейтборд.

Дар баробари ин ӯ дар мусобиқот аз рӯи сноуборд ҳафт нишони тиллоӣ ба даст овардааст. 

Василиса аз сесолагӣ ба ин навъи варзиш шавқ пайдо кард. Ҳамааш замоне оғоз шуд, ки волидонаш ӯро бо худ ба истироҳатгоҳи лижаронӣ бурданд.

"Вақте ман либос мепӯшидам ӯ, тахтаро гирифта бо ду пояш болои он баромад ва аз баландӣ худро ҳаво дод. Дар пеш монеа буд, вале ӯ наафтид, рост лағжида рафт. Мо ҳамаи инро ба навор гирифтем", - нақл кард падари духтарак Антон.

Се лижарони тоҷик барои Ҷоми Қароқурум дар Покистон зӯрозмоӣ мекунанд

Волидон аввал қарор карданд, ки ба духтарак лижабозиро меомӯзанд, вале пас аз як сол Василиса сноубордро низ аз худ кард. Тренери Василиса падараш мебошад, ки пеш ба ҳамин навъи варзиш машғул будааст.

0
Барчаспҳо:
Русия, варзишкор, духтарак, комёбӣ