Пара в защитных масках

Номгӯи давлатҳое, ки дар он коронавирус нест: бештарашон ҷазираҳоянд

2778
(Таҷдидшуда 13:42 17.04.2020)
Бемори коронавирус, ки авохири моҳи декабр мақомоти Чин аз бурузи он дар шаҳри Вуҳан хабар доданд, имрӯз қариб тамоми кишварҳои ҷаҳонро фаро гирифта, кучактарин давлатҳое мондаанд, ки ба онҳо роҳ наёфтааст

ДУШАНБЕ, 17 апр — Sputnik. Бар пояи маълумотҳои ахир коронавирус дар беш аз 200 кишвари ҷаҳон паҳн гашта, то кунун беш аз 2 миллиону 158 ҳазор нафар гирифтор ва 144 ҳазору 221 нафар фавтидаанд.

Кишварҳое ки дар онҳо расаман коронавирус ба қайд гирифта нашудааст, хеле кам мондаанд, ки бештарашонро ҷазираҳо ташкил медиҳанд.

Тоҷикистон ва Туркманистон ду кишвари пасошӯравист, ки дар он коронавирус расман ба қайд гирифта нашудааст.

Ин беморӣ дар Кореяи Шимолӣ низ ба қайд гирифта нашудааст, ки мутахассисон сабаби инро дар хуруҷу вуруди ниҳоят маҳдуди  шаҳрвандони ин кишвар ва хориҷиён ба ин  сарзамин унвон кардаанд.

Тавсияҳои қатъии СҶБ ба тоҷикистониён: аз оғӯшгирию бӯсобӯсӣ ва дастфишорӣ худдорӣ кунед

Ҳачунин дар қатори ин се давлат як қатор кишварҳои африқоӣ ва давлатҳои ҷазиравӣ аз қабили  Яман, Кирибати (ҷазира), Вануату (ҷазира), Ҷазираҳои Комор, Конго, Лесото, Ҷазираҳои Маршал, Микронезия(ҷазира), Науру(ҷазира), Палау (ҷазира), Самоа (ҷазира), Ҷазираҳои Соломон, Тувалу (ҷазира).

Мутахассисон сабаби кам хуруҷ кардани беморӣ ба кишварҳои африқоиро дар гармо мебинанд, ки ба гуфти онҳо ин вирус дар ҳарорати баланди гарми имкони зиёд зинда монданро надорад.

Дар Тоҷикистон коронавирус нест

Тоҷикистон низ яке аз кишварҳоест, ки дар он коронавирус расман ба қайд гирифта нашудааст, ки мутахассисон сабабҳои онро гуногун шарҳ медиҳанд.

Насим Олимзода, вазири Тандурустии Тоҷикистон дар шарҳи набуди коронавирус дар кишвар гуфт,  омили асосӣ дар ин самт чораҳои барвақтии андешидашуда ва қарантинкунии кулли шахсони ба кишвар воридшуда мебошад.

Маъруфҷон Мадаминов, мудири озмоишгоҳи вабои Маркази ҷумҳуриявии пешгирии вабо, қарантина ва бемориҳои сироятии махсусан хавфноки Вазорати тандурустии Ӯзбекистон низ гуфт, Тоҷикистон барои пешгирии ин вирус чораҳибарвақтӣ андешид, бинобар ҳамин то ҳол дар ин кишвар ин беморӣ ба қайд гирифта нашудааст.

Ҳамчунин  Эдуард Полетаев роҳбари Фонди ҷамъиятии "Дунёи Авроосиё" (Қазоқистон) низ сабаби ба ду кишвари Осиёи Марказӣ Тоҷикистон ва Туркманистон роҳ наёфтани коронавирусро шарҳ дода гуфт, онҳо пеш аз ҳама, дар қаъри қитъа ҷойгиранд ва сокинони онҳо кам ба хориҷ мераванд.

Созмони ҷаҳонии беҳдошт расман набуди коронавирусро дар Тоҷикистон тасдиқ кард

Коршинос гуфтааст, Қазоқистон ва ҳатто Ӯзбекистон бо ҷаҳони хориҷа робитаи хубе доранд ва ҳавопаймоҳои маҳаллияшон низ хуб фаъол аст, ки ин ҳолат дар Тоҷикистон ва Туркманистон маҳдудтаранд.

"Тоҷикистон хело  хушбахт аст, зеро қисми зиёди шаҳрвандонаш дар хориҷи кишвар кор мекунанд. Аммо инҳо одамон ҳастанд - асосан оддӣ ва меҳнатдӯст. Коронавирусро ба минтақа одамони тавоно оварданд”,- гуфт Полетаев.

Праздничный концерт в Худжанде
© Официальная страница пресс-службы президента РТ в Facebook.

Гузашта аз ин, Қазоқистон як давлати транзитӣ барои бақияи кишварҳои Осиёи Марказист (молҳо, борҳо ва муҳоҷирони корӣ тавассути Қазоқистон ба Русия интиқол меёбанд), ки аввалин шуда сарҳадро баст ва бо ин роҳ амнияти кишварҳои дигари минтақаро таъмин кард, мегӯяд сиёсатшинос.

Авохири моҳи декабр мақомоти Чин аз бурузи маризии илтиҳоби шуш бо нишонаҳои номаълум дар шаҳри Вуҳан хабар доданд.

Сипас муайян шуд, ки барангезандаи ин маризӣ коронавирус - 2019-nCoV мебошад. Нахустин мубталоёни ин вируси навро дар шаҳри Вуҳани Чин пайдо карданд. 

Вирус зуд берун аз шаҳр ва кишвар паҳн гардид.

Созмони Ҷаҳонии Беҳдошт рӯзи 11 - уми март, маризии коронавирусро пандемия эълон кард. Афзоиши мубталоён дар кишварҳо дар ҳолест, ки дар Чин, сарчашмаи ин вирус ҳолатҳои гирифторшавӣ ба он майли коҳиш дорад.

 

2778
Барчаспҳо:
Чин, вирус, Туркманистон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (485)

Ҳайати Созмони Ҷаҳонии Беҳдошт ба қарибӣ дубора ба Тоҷикистон меояд

134
(Таҷдидшуда 10:16 04.06.2020)
Дар нишасти матбуотии Дафтари минтақавии аврупоии Созмони умумиҷаҳонии тандурустӣ бораи сафари такрории ҳайати ин ташкилот ба Тоҷикистон гуфтанд

 

ДУШАНБЕ, 4  июн — Sputnik. Ҳайати Созмони ҷаҳонии беҳдошт  дар ояндаи наздик ба Тоҷикистон дубора меояд. Дар ин бора дар нишасти матбуотӣ аз ҷониби Дафтари минтақаи ТУТ дар Аврупо хабар дода шуд.

Доктор Олег Стороженко, корманди маркази ҳамоҳангсозӣ оид ба вокуниш ба пандемияи COVID-19 ва ҳамзамон узви ҳайати СҶБ, ки ба Тоҷикистон омада буд, дар посух ба суоли Sputnik Тоҷикистон гуфт, мубориза бо коронавирус як равиши хеле ҳамаҷонибаест, ки захираҳои муайянро лозим дорад ва ҳамзамон дар баробари табибон кор бо аҳолиро талаб мекунад.

"Дар ҳолати зарурӣ, ТУТ омода аст шарикони худро барои кӯмак, пешниҳоди таҷрибаи зарурӣ ва таҷҳизоти муҳофизати шахсӣ сафарбар намояд. Мо хуб медонем, ки ҳеҷ кишваре ва ҳеҷ як ташкилот наметавонад танҳо ба пандемия мубориза барад. Мо барои муттаҳидӣ дар ин ҷоем ва агар лозим бошад, дасти худро дароз кунем ", гуфт Стороженко.

Ҳамзамон  Луба Негру, сухангӯи Дафтари минтақавии СУТ дар Аврупо илова намуд, ки ҳайати ташкилот ба наздикӣ боз ба Тоҷикистон ташриф меорад.

“Хеле сахту ногувор буд”: набарди Абдуллоҳи Раҳнамо бо “вируси корона” поён ёфт

 Ёдовар мешавем, сафари охирини гурӯҳи махсуси ТУТ чанде пеш баргузор шуда буд, ки коршиносони он ду ҳафтаи аввали моҳи майро дар Тоҷикистон гузарониданд.

134
Вспышка коронавируса в Китае

Associated Press: Чин додани маълумот оид ба коронавирусро ба СҶБ рад кард

144
(Таҷдидшуда 10:36 04.06.2020)
Созмони ҷаҳонии беҳдошт дар нахустин лаҳазот аз мақомоти Чин дар бораи паҳншавии коронавирус ва ҳолати беморон маълумот гирифта натавонист

ДУШАНБЕ, 4  июн — Sputnik. Дар оғози авҷи шиддати нави коронавирус, Чин пешниҳоди иттилооти муҳимро дар бораи ин беморӣ ба Созмони Умумиҷаҳонии Тандурустӣ қасдан таъхир кард, хабар додаастхабар медиҳад Associated Press бо истинод ба сабти гуфтугӯҳои дохилии ТУТ.

Мушкилот бахусус дар ҳафтаи аввали моҳи январ шадид буд.

"Онҳо (мақомоти Чин - таҳрир.) онро (маълумот - таҳрир) ба мо 15 дақиқа пеш аз он ки он дар (телевизиони чинӣ – таҳрири) CCTV пайдо шавад, доданд",- гуфт Годен Галеа намояндаи ТУТ дар Чин, дар як маҷлиси дохилӣ.

Дар ҷаласаи дигари ТУТ, эпидемиолог Мария ван Керчов қайд кард, ки ин ташкилот ҳадди аққали маълумот дар бораи коронавирус ва сар задани беморӣ дорад. Аз ҷумла, дар бораи шумораи мубталоён ва ҳолати онҳо маълумоте набуд.

Вобаста ба вазъ дар миёнаи моҳ, намояндаи СҶТ оид ба ҳолатҳои фавқулода  Майкл Райан пешниҳод намуд, ки ба Чин фишор оварда шавад, то такрори вазъияти соли 2002 ҳангоми сар задани синдроми шадиди роҳи нафаскашӣ (SARS) пешгирӣ карда шавад.

"Дақиқ  ҳамон сенарияи пешина, талошҳои бепоён барои дарёфти иттилоъ аз Чин, ки чи рух дода итсиодааст", гуфт ӯ.

Associated Press ҳамчунин қайд мекунад, ки дар аввал, Чин ба Созмони Умумиҷаҳонии Тандурустӣ маълумот дар бораи геноми коронавирус, ки аз ҷониби якчанд лабораторияҳои ҳукумат рамзкушоӣ  карда шудаанд, пешниҳод накардааст.

Қаблан низ Доналд Тарам, президенти Амрико Чинро дар маҳфуз нигоҳ доштани иттилоъ дар бораи коронавирус муттаҳам карда, гуфт, агар маълум шавад, ки Пекин "дидаю дониста" маълумоти марбут ба коронавирусро пинҳон кардааст, Чин "ба ҷавобгарӣ кашида мешавад".

Раҳбари Амрико таъкид кард, ки ин вируси хатарнокро пеш аз пандемия дар Чин метавонист қатъ кард, аммо ҳоло тамоми ҷаҳон аз он дар азоб аст.

Нахустин мубталоёни ин вируси навро дар шаҳри Ухани Чин пайдо карданд.

Охирҳои моҳи декабр пизишкони шаҳри мазкур аз зуҳури бемории илтиҳоби шуши шубҳанок хабар доданд, ки пештар ба қайд гирифта нашуда буд.

Дертар маълум гардид, ки манбаи бемории мазкур вируси нави навъи 2019-nCoV будааст, ки сирояткунанда мебошад.

Вирус зуд берун аз шаҳр ва кишвар паҳн гардид. Феълан гирифторони короноврус қариб  дар саросари ҷаҳон ба қайд гирифта шудаанд.

Бар пояи оморҳо ахир, дар саросари ҷаҳон зиёда аз 6,46 миллион нафар ба коронавирус гирифтор шудаанд ва 382 ҳазор бемор аз сироят вафот карданд.

144
На рынке Панчшанбе, архивное фото

Анҷоми таътили “вируси корона”: тоҷирони бозори “Панҷшанбе” сари кор баргаштаанд

18
(Таҷдидшуда 10:52 04.06.2020)
Даҳҳо нафар савдогарони калонтарин бозори Хуҷанд “Панҷшанбе” бо гузашти ду моҳи таътили пешгирии “вируси корона” дубора сари кори худ баргаштанд

ДУШАНБЕ, 4 июн – Sputnik. Ғаниҷон Почоев, раиси соҳибкорони бозори “Панҷшанбе” дар суҳбат ба Sputnik Тоҷикистон гуфт, баъди тақрибан ду моҳи таътил аксар тоҷирони ошёнаҳои якум ва дуюми бозор корро оғоз кардаанд.

“Дирӯз беш аз шаст дарсади савдогарони ошёнаи дуюм ба кор баромаданд ва қарор аст, то чанд рӯзи дигар ҳамаи дукондорони бозор ба кори худ идома диҳанд. Ҳоло дар ошёнаи якум қариб навад дарсади савдогарон ба фурӯши меваю сабзавот ва дигар маҳсулоти ниёзи аввала ба кор шурӯъ кардаанд”, гуфт Почоев.

Раиси соҳибкорони бозори “Панҷшанбе” гуфт, ба далели хуруҷи бемории “вируси корона” як моҳ қабл, аксар соҳибкорон бо пешниҳоди ариза ба унвони идораи нозироти андоз боздошти муваққатии молиёт (патент) и худро тақозо намуда, ба таътил баромада буданд.

Бино ба таъкиди Почоев, ҳоло баъди ба эътидол омадани вазъи хуруҷи ин беморӣ, соҳибкорон дубора бар асоси санади дар дастдоштаи худ метавонанд фаъолияти худро идома диҳанд.

Маъмури Юсуфзод, котиби матбуоти раиси шаҳри Хуҷанд аз роҳандозии корҳои безараргардонии саҳну атрофи ин бозор хабар дода, афзуд, ки масъулони сохторҳои марбутаи шаҳрдорӣ, ҷиҳати пешгирӣ аз бемориҳои сироятии кроновируси нави COVID-19 ва таъмини солимии шаҳрвандонву фурӯшандагон гирди атрофии бозорро безарар гардонида, корҳои назоратиро ба иҷро расонидаанд.

“Панҷшанбе” и Хуҷанд аз зумраи калонтарин бозорҳои пушидаи кишварҳои Осиёи Марказӣ шумурда мешавад, ки дар соли 1964 бунёд шудааст. Ба таъкиди нафарони солдида, ба рӯзи панҷшанбеи ҳафта рос омадани нахустин рӯзи кори он, ба номи бозор асос гузошта ва минбаъ ин калонтарин бозори маркази вилояти Суғд “Панҷшанбебозор” номида шудааст.

Як фавт ва афзоиши теъдоди беморон: омори тозаи маризони COVID - 19 дар Тоҷикистон

Бозори мазкур аз ду ошёна иборат буда, фаъолияти он шабонарӯзӣ ба роҳ монда шудааст.

Дар айни ҳол наздики 1300 соҳибкор дар он фаъолият мекунад. Қарор аст, калонтарин бозорҳои матоъ ва либосфурӯшии Суғд аз ҷумлаи “Атуш” ва “Сомон” то нимаи моҳи июн дубора ба кори худ шурӯъ кунанд.

18
Барчаспҳо:
тоҷирон, бозор, Панҷшанбебозор, Суғд, Тоҷикистон