Прохожие в защитных масках и перчатках

Машварати Роспотребнадзор ба мутахассисони тоҷик оид ба коронавирус

501
(Таҷдидшуда 13:44 17.04.2020)
Тақрибан 40 нафар кормандони мақомоти тандурустӣ, ташкилотҳои илмӣ ва ташхисгоҳҳо дар конференсияи видео аз кишварҳои ИДМ, аз ҷумла Тоҷикистон, ширкат карданд

ДУШАНБЕ, 17 апр — Sputnik. Роспотребнадзор ба мутахассисони Тоҷикистон, Арманистон, Беларус, Қазоқистон, Қирғизистон ва Ӯзбекистон оид ба масъалаҳои марбут ба коронавирус машваратҳо дод. Машварат аз ҷониби ин ниҳоди Русия тариқи видеоконфронс баргузор гардидааст.

"Роспотребнадзор барои мутахассисони махсус аз Ҷумҳурии Арманистон, Беларус, Қазоқистон, Қирғизистон, Ӯзбекистон ва Тоҷикистон тариқи видеоконфронси машваратӣ оид ба масъалаҳои пешгирӣ ва назорати сирояти коронавирус гузаронид", - омадааст дар вебсайти агентӣ.

Гуфта мешавад, дар ин конференсияи видео тақрибан 40 нафар кормандони мақомоти тандурустӣ, ташкилотҳои илмӣ ва ташхисгоҳҳо аз кишварҳои ИДМ, аз ҷумла Тоҷикистон, ширкат карданд

Ба иттилои манбаъ, мутахассисони Роспотребнадзор ва ташкилотҳои зерсохтори он таҷрибаи худро дар ташкили назорати эпидемиологӣ дар Русия ҳангоми эпидемияи коронавирус ба ҳамксбони бурунмарзияшон баррасӣ кардаанд.

Манбаъ мегӯяд, мутахассисони рус дар бораи озмоиши коронавирус, механизми пайгирии шахсони бо беморон дар тамосбуда, барномаҳои охирини мониторинги вазъи эпидемиологӣ сӯҳбат карда, инчунин ба саволҳои ҳамкасбони худ посух доданд.

Гуфта мешавад, Роспотребнадзор чунин машваратҳоро бо кишварҳои дигар низ идома хоҳад дод.

Авохири моҳи декабр мақомоти Чин аз бурузи маризии илтиҳоби шуш бо нишонаҳои номаълум дар шаҳри Вуҳан хабар доданд.

Сипас муайян шуд, ки барангезандаи ин маризӣ коронавирус - 2019-nCoV мебошад. Нахустин мубталоёни ин вируси навро дар шаҳри Вуҳани Чин пайдо карданд. 

Вирус зуд берун аз шаҳр ва кишвар паҳн гардид ва ҳоло дар ҷаҳон беш аз 2 миллион нафар гирифтори ин беморӣ гаштааст.

Созмони Ҷаҳонии Беҳдошт рӯзи 11 - уми март, маризии коронавирусро пандемия эълон кард. Афзоиши мубталоён дар кишварҳо дар ҳолест, ки дар Чин, сарчашмаи ин вирус ҳолатҳои гирифторшавӣ ба он майли коҳиш дорад.

 

501
Барчаспҳо:
табибон, машварат, Русия, Тоҷикистон

Бидуни фавт: омори тозаи гирифторони COVID - 19 дар Тоҷикистон

389
(Таҷдидшуда 18:08 05.06.2020)
То 5 июн дар Тоҷикистон 4370 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар кишвар 2491 (57%) нафар шифо ёфтаанд

ДУШАНБЕ, 5 июн – Sputnik. Вазорати тандурустии Тоҷикистон омори нави гирифторони коронавирусро нашр кард.

"Шабонарӯзи гузашта 81 нафар бо ташхиси сирояти коронавируси нави COVID-19 ошкор шуда, ягон ҳолати фавт ба қайд гирифта нашуд", - омадааст дар хабарнома.

Тибқи иттилои ин ниҳод, то 5 июн дар Тоҷикистон 4370 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар кишвар 2491 (57%) нафар шифо ёфтаанд. То имрӯз дар Тоҷикистон аз ин беморӣ 48 нафар фавтидаанд.

Мубориза бо КОВИД-19: дар Бӯстон маҳлули хлор тақсим мекунанд

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки то 5 июн дар кишвар 1355 нафар зери назорати табибон қарор доранд.

Пешгирӣ аз вируси корона: 20 ширкати тоҷикӣ ба тавлиди ниқоби тиббӣ оғоз карданд

Манбаъ афзуда, ки дар як шабонарӯзи охир 219 нафар пас аз шифо ёфта ба хонаҳояшон рухсат дода шудаанд.

Мо метавонем: ширкатҳои Тоҷикистон даҳҳо тонна собун, хлор ва антисептик истеҳсол карданд

389
Барчаспҳо:
бемориҳои сироятӣ, сироят, вируси нав, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Жители Узбекистана в защитных масках

Афзоиши мубталоёни коронавирус дар Ӯзбекистон: ба чор ҳазор наздик шуд

83
(Таҷдидшуда 17:09 05.06.2020)
Айни замон дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

ДУШАНБЕ, 5  июн — Sputnik. Дар ин кишвар давоми шабонарӯзи гузашта боз 26 ҳолати ҷадиди мубталошавӣ ба ин маризӣ сабт гардид, хабар медиҳад ситоди фаврии назди ҳукумати Ӯзбекистон.

Бо илова шудани 26 мавориди ҷадид, шумораи умуми дардмандон ба 3 965 нафар баробар шуд.

Гуфта  мешавад, ба қарибӣ дар ҷумҳурӣ 96 ҳолати нави COVID-19 ва снаи 3 июн - 83 нафар бо нишонаҳои ин беморӣ ба қайд гирифта шудааст.

Тибқи иттилои вазорати тандурустӣ, ҳоло дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

Ёдовар мешавем, ки аввалин ҳолати сироятёбӣ дар Узбакистон 15 март дар зане, ки аз Фаронса ба ватанаш баргашт, расман сабт шуд.

Ҳукумати Ӯзбекистон сар аз пайдоиши ин беморӣ дар ин кишвар чораҳи қатъӣ аз ҷумла қарантинаро роҳандозӣ кард.

Мубориза бо КОВИД-19: дар Бӯстон маҳлули хлор тақсим мекунанд

Ба наздикӣ мақомоти Узбакистон қарантинро дар ҷумҳурӣ то 15 июн тамдид карданд, аммо дар минтақаҳое шуюи коронавирус паст гаштанд аз 1 июн ба нуқтаҳои маишӣ ва гузаронидани тую маъракаҳо иҷозат дода шуд.

Ҳамчунин, аз 18 май инҷониб равуои нақлиёти мусофирбар байни Тошканд ва дигар минтақаҳои Узбакистон барқарор карда шуданд.

Аз 8 июн, дари мосоҷид ва дигар ибодатгоҳҳо ба рӯйи сокинон кушода хоҳад шуд.

83
Мэр города Душанбе Рустам Эмомали

Рустами Эмомалӣ бо ҷараёни сохтмони мактабу боғча шинос шуд

0
Иншооти мазкур дар доираи тадбирҳои бахшида ба ҷашни 30-солагии Истиқлолият бунёд шуда, дар соли таҷлил аз 29-уми солгарди Истиқлолияти давлатӣ мавриди баҳрабардорӣ қарор мегирад

ДУШАНБЕ, 5 июн – Sputnik. Имрӯз раиси шаҳри Душанбе Рустами Эмомалӣ бо ҷараёни сохтмони як қатор муассисаҳои соҳаи маорифи ноҳияи Шоҳмансур шинос шуд, гузориш медиҳад шаҳрдории Душанбе.

Бино бар иттилои манбаъ, раиси шаҳр аз сохтмони мактаби таҳсилоти миёнаи умумии рақами 102 барои 1200 ҷойи нишаст дар як баст, дар кӯчаи Дӯстии Халқҳо ва Муассисаи томактабӣ барои 600 нафар кӯдак, воқеъ дар кӯчаи Аҳмади Дониш дидан кардааст.

"Иншооти мазкур дар доираи тадбирҳои бахшида ба ҷашни 30-солагии Истиқлолияти давлатии Ҷумҳурии Тоҷикистон бунёд шуда, дар соли таҷлил аз 29-уми солгарди Истиқлолияти давлатӣ мавриди баҳрабардорӣ қарор мегирад", - тавзеҳ медиҳад манбаъ.

Ҷараёни шиносоӣ ва боздиди Раиси шаҳри Душанбе муҳтарам Рустами Эмомалӣ аз рафти корҳои сохтмонӣ дар Муассисаи таҳсилоти миёнаи умумии рақами 102, воқеъ дар кӯчаи Дӯстии Халқҳои ноҳияи Шоҳмансур оғоз ёфт.

 

Ба раиси шаҳр иттилоъ дода шуд, ки то имрӯз дар иншоот корҳои асосии сохтмонӣ ба анҷом расида, ҳоло бинокорон ба  рангу бори дохил ва намои берунаи бино, васлу насби шабакаҳои муҳандисӣ ва ободонии ҳудуди Муассиса машғул мебошанд.

Муассисаи таҳсилоти миёнаи умумии рақами 102-и ноҳияи Шоҳмансур тибқи лоиҳа дар масоҳати 0,68 г. бунёд шуда, аз 4 бинои ҷудогона иборат мебошад.

Муассиса 4 ошёна буда,  51 синфхона, аз ҷумла 38 синфхонаи таълимӣ, 8 синфхонаи лабораторӣ, ба шумули синфхонаи компютерӣ, синфхонаҳои фаннии физика, кимиё, ҷуғрофия, алгебра ва омодагии дифоии ҳарбӣ, синфхонаҳои таълими меҳнат барои духтарону писарон, синфхонаҳои лингафонӣ, мусиқӣ, ҳайкалтарошию расмкашӣ, озомишгоҳ, толори варзишӣ, маҷлисгоҳ бо 400 ҷойи нишаст, ошхона барои 180 ҷой ва китобхона иборат мебошад.

Раиси шаҳр ҳамзамон бо ҷараёни сохтмони бинои Муассисаи томактабӣ барои 600 нафар кӯдак, воқеъ дар кӯчаи Аҳмади Дониш  шинос шуд.

Сохтмони ин муассисаи томактабӣ дар асоси Қарори Раиси шаҳри Душанбе аз 12-уми ноябри соли 2019 оғоз гардидааст.

Масоҳати умумии қитъаи замин барои бунёди кӯдакистон 1,4 гектарро ташкил медиҳад.

Муассисаи томактабӣ аз таҳхона ва 3 ошёна бо болохона иборат буда, дорои 24 толор, аз ҷумла  толорҳо барои бозӣ ва дарсҳои мусиқию рассомӣ, ошхона барои 275 нафар, ду адад ҳавзи шиноварӣ барои 48 нафар, маҷлисгоҳ бо 224 ҷойи нишаст, китобхонаи маъмулӣ ва электронӣ, утоқҳои роҳбарият ва идоракунӣ, маркази тиббӣ, майдончаҳои варзишӣ, фаввораву соябон ва гулгашт  мебошад.

Ҳар як ошёна барои 8-гурӯҳ кӯдакон тарҳрезӣ гардидааст.

 

Иттилоъ дода шуд, ки ҳоло дар иншоот 600 нафар бинокорон ва дигар мутахассисони соҳа дар ду баст фаъолият доранд.

Раиси шаҳри Душанбе муҳтарам Рустами Эмомалӣ масъулинро вазифадор намуданд, ки  дар иншоот ситоди доиамалкунанда ташкил карда, корро дар се баст ба роҳ монанд ва иншоотро то муҳлати пешбинишуда мавриди истифода қарор диҳанд.

Бо ташаббуси Рустами Эмомалӣ “Тоҷикгидроэлектромонтаж” ба вазорати тандурустӣ кумак кард

Дар ин робита Роҳбарияти мақомоти иҷрояи ҳокимияти давлатии ноҳияи Шоҳмансур муваззаф гардид, ки дар ободонии гирду атрофи Муассиса ва рангу бори биноҳои ҳамшафати он саҳмгузор бошанд.

 

0