Жители Узбекистана в защитных масках

Мубталоёни коронавирус дар Ӯзбекистон аз 1,5 ҳазор гузаш: 74 ҳолат давоми як шабонарӯз

913
Дар ҳоли ҳозир дар Ӯзбекистон беш аз 90 ҳазор нафар дар қарантина қарор дорад. Ҳукумати Ӯзбекистон муҳлати қарантинаро то 10 май тамдид кард

ДУШАНБЕ, 18 апр — Sputnik. Тибқи оморҳои охирин мубталоёни коронавирус дар Ӯзбекистон дар ҳоли афзоиш буда ба 1543 нафар расидааст, хабар медиҳад Вазорати тандурусстии ин кишвар.

Ин дар ҳолест, ки шоми рӯзи гузашта теъдоди сироятшудагон ба ин беморӣ дар Ӯзбекистон ба 1469 нафар баробар шуда буд.

Ҳамчунин аз ин беморӣ дар ин кишвар панҷ нафар ҳалок ва 225 тани дигар шифо ёфтаанд, ки 31 тои ин танҳо ба имрӯз рост меояд.

Ба иттилои манбаъ, дар ҳоли ҳозир беш аз 90 ҳазор дар қарантина қарор доранд. Дар хориҷи Ӯзбекистон бошад 73 шаҳрванди ин кишвар ба коронавирус гирифтор шудааст, ки бештараш дар Русия буда ба 42 ҳолат мерасад.

Барои табобат ва маслиҳат барои пешгирии ин беморӣ рӯзи гузашта ба ин кишвар як гурӯҳи 15 нафарии табибони чинӣ омаданд.

Ба иттилои Вазорати тандурустии ин кишвар барои мубориза бо коронавирус 15 мушовир ва коршиносони тиб иборат аз вирусологҳо, эпидемиологҳо, пулмонологҳо, терапевтҳо, ҷарроҳон ва мутахассисони бемориҳои сироятӣ мебошанд.

Ба иттилои манбаъ,  ҳамчунин ба ин гурӯҳ  духтурони ботаҷриба аз клиникаҳои пешрафта, ки дар Вуҳан ва дигар шаҳрҳои вилояти Хубей кор мекарданд, шомил мебошанд.

Гуфта мешавад ба Ӯзбекистон ҳамзамон ёрии башардӯстона – таҷҳизоти тиббӣ ва дорувории ворид шудааст.

Қаблан Шавкат Мирзиёев, президенти Ӯзбекистон дастур дода буд, ки табибони Чинро ба Ӯзбекистон даъват кунанд, то аз онҳо дар бораи боздории роҳҳои паҳншавии коронавирус дар кишвар тавсияҳо бигиранд.
Нахустин ҳолати мубталои коронавирус 15 март аз як мусофир, ки аз Фаронса  бармегашт дарёфт шуд.

Ёдовар мешавем, мақомоти Ӯзбекистон сар аз 16 март то 30 апрел тасмим гирифтанд, ки робитаҳои заминиву ҳавоиро бо дигар кишварҳо бинобар хатари паҳншавии коронавирус қатъ кунанд. Ҳамчунин чанд шаҳри ин кишвар дар карантинаи шадид қарор дорад.

913
Барчаспҳо:
сиҳатӣ, фавт, бемор, вирус, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон (440)
Жители города Душанбе в защитных масках на улице

Эълони Вазорат: касе нафавтид, 123 нафари дигар гирифтори коронавирус шуданд

762
Вазорати тандурустии Тоҷикистон мегӯяд, то соати 17:20 дақиқаи 29 май дар ҷумҳурӣ 3686 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1769 нафар шифо ёфтаанд

ДУШАНБЕ, 29  май — Sputnik. Вазорати тандурустӣ мегӯяд, теъдоди фавтидагон аз коронавирус тайи шабонарӯзи гузашта тағйир наёфта, ҳамоно 47 нафарро ташкил медиҳад.

Бар асоси иттилоия, давоми шабонарӯзи гузашта 123 ҳолати нави ташхиси сирояти коронавируси нави COVID-19 ба қайд гирифта шудааст. Инчунин, то 29 май дар мамлакат 2228 нафар зери назорати табибон қарор дошта, дар як шабонарӯзи охир 331 нафар пас аз шифо ёфтан ба хонаҳояшон рухсат дода шудаанд.

Ин ниҳод хотиррасон кардааст, ки аҳолӣ барои пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд.

Тибқи иттилои расмӣ, имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб дар хидмати мардум қарор доранд.

Ба ғайр аз ин дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

Зикр шудааст, ки барои таъмини беморхонаҳо бо доруворӣ, молҳои тиббӣ, маводҳои худмуҳофизатӣ алайҳи мубориза бо бемории мазкур зиёда аз 45 миллион сомонӣ аз ҳисоби буҷет ва дигар ташкилотҳо ҷудо карда шудааст.

762

Русия қуллаи баландтарини авҷи маризии коронавирусро паси сар кард

344
(Таҷдидшуда 16:59 29.05.2020)
Пизишки бемориҳои сироятӣ Николай Малишев мегӯяд вазъи паҳншавии маризии сироятии коронавирус аллакай сабук шудааст

ДУШАНБЕ, 29  май — Sputnik. Русия аллакай қуллаи баландтарини авҷи маризии коронавирусро сипарӣ кард, изҳор дошт профессор, доктори илмҳои тиб, пизишки бемориҳои сироятӣ Николай Малишев дар нишасти матбуотӣ дар Агентии байналмилалии иттилоотии "Россия сегодня".

"Мутахассиси бемориҳои сироятӣ вазъи паҳншавии маризии коронавирусро дар Русия нисбатан ором арзёбӣ кард".

Малишев тавзеҳ додааст, ки дар Русия қуллаи баландтарини авҷи ин маризӣ қариб ки набуд. Ҳукумати Русия дар қиболи авҷи ин беморӣ бисёр фаъол фаъол буд ва то андозае пешгузарӣ ҳам карданд.

Аз ҷумла, дар кишвар як қатор катҳо барои беморон муҳайё карда шуданд, то ки аз боло рафтани нишондиҳандаҳои беморшавӣ ва фавт пешгирӣ карда шавад, илова намуд Малишев.

Суръати сирояти коронавирус дар Русия коҳиш меёбад

"Мо аз ин вазъият шарафмандона баромадем", -  гуфт ӯ.

Тибқи иттилои ситоди фаврӣ, то рӯзи 29 май дар Русия, 387,6 ​​ҳазор гирифтори маризии коронавирус ба қайд гирифта шудааст. Зимнан, 4,3 ҳазор беморон қурбонии ин маризӣ гардиданд.

344
Барчаспҳо:
маризӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон (440)
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

1058
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

1058
Барчаспҳо:
Тоҷикистон