Саидислом Абдуджаборзода, прокурор судебного надзора Генпрокуратура РТ

Дуо кунед: Саидислом Абдуҷабборзода марги худро рад кард

14856
(Таҷдидшуда 11:28 21.04.2020)
Саидислом Абдуҷабборзода, прокурори назорати судии Прокуратураи генералии Тоҷикистон, овозаҳо дар бораи марги худро рад кард

ДУШАНБЕ, 20 апр – Sputnik. Мавсуф ба хабарнигори Sputnik Тоҷикистон гуфт, ҳоло дар Беморхонаи маризиҳои сироятии шаҳри Душанбе қарор дошта, худро хуб ҳис мекунад.

“Онҳоеро, ки овоза мекунанд, ба Худо месупорам. Аз онҳое, ки аз вазъи сиҳатии мо дар ташвишанд, сипосгузорӣ мекунам. Шукри Худо, вазъам хуб аст. Дӯстон ташвиш накашанд, дуо кунанд”, - Саидислом Абдуҷабборзода.

Вазорати тандурустӣ ва ҳифзи иҷтимоии аҳолии Тоҷикистон низ дар радди ин овозаҳо гуфт, Саидислом Абдуҷабборзода, соли таваллудаш 1959, дар Беморхонаи маризиҳои сироятии шаҳри Душанбе қарор дошта, пизишкон вазъи ӯро мӯътадил арзёбӣ мекунанд.

Бибихонум Дарвешзода, сухангӯи вазорат ба Sputnik Тоҷикистон гуфт, овозаҳое, ки дар бораи ӯ пароканда мешаванд, аз реша асос надоранд.

“Он кас тасф ҳам надорад ва хатаре ҳам ба саломатиаш нест. Фақат ин ки пас аз фавти писараш таҳти қарантина фаро гирифта шудааст”, - гуфт Бибихонум Дарвешзода.

Саидислом Абдуҷабборзода падари Ҷалолиддин Абдуҷабборзода, сардори шӯъбаи назорати милитсияи прокуратураи шаҳри Душанбе аст, ки бино ба иттилои расмӣ, аз бемории зукоми А (H1N1) ва илтиҳоби дутарафаи шуш рӯзи 19 апрел дар Бемористони маризиҳои сироятии шаҳри Душанбе даргузашт. 

Қаблан дар шабакаҳои иҷтимоӣ овозаву шоеъоте дар бораи фавти Саидислом Абдуҷабборзода аз COVID-19 пахш шуда, ӯро раиси идораи мубориза бо фасоди идории Агентии мубориза бо коррупсияи Тоҷикистон муаррифӣ карда буданд.

Бино ба ин овозаҳо, пас аз фавти падару писар мақомоти Тоҷикистон кулли қаламрави сохтмони зист ва мактаби №36, воқеъ кӯчаи Айнӣ, 72, минтақаи маъруф ба “Жилмассив” - ро, ки ҳамсари Саидислом Абдуҷабборзода дар он дарс медод ва тамоми талабаҳои онро қарантина кардаанд.

Гуфта мешуд, ҳамсари ӯ таҳти дастгоҳи нафасдиҳии сунъӣ ва писари дигару духтараш низ дар бемористони “Истиқлол” дар ҳолати вазнин қарор доранд ва пизишкон барои ҳаёташон мубориза мебаранд.

Сухангӯи вазорати тандурустӣ ва ҳифзи иҷтимоии аҳолии Тоҷикистон мегӯяд, аҳли хонаводаи Саидислом Абдуҷабборзода ҳоло дар беморхонаҳои сироятии Душанбе ва Ваҳдат таҳти қарантина қарор дошта, вазъи сиҳатии ҳамаи онҳо мӯътадил аст.

“Ҳамаи онҳо танҳо ба хотири ҷилавгирӣ ҷилавгирӣ қарантина шудаанд. Мо ба такрор мегӯем, ки ҳар фарди машкук ва камтарин нишона аз маризии “вируси корона” – ро ба хотири итминони хотир қарантина ва таҳқиқи мӯшикофона мекунем”, - гуфт Бибихонум Дарвешзода.

Саидислом Абдуҷабборзода, полковники адлияи дараҷаи аввал, дар гузашта муовини аввали раиси идораи гумруки шаҳри Душанбе (1997-2002), муовини раиси Раёсати назорати кумитаҳои гумрукӣ ва молиёт (2003 – 2007) ва сардори Раёсати назорати нақлиёти Прокуратураи генералии Тоҷикистон (2007-2013) буд.

Соли 2013 раис Ситоди кулли Агентии мубориза бо коррупсия ва ҷиноятҳои молии Тоҷикистон таъин шуда, як сол ба ин сӯ, прокурори назорати судии Прокуратураи генералии Тоҷикистон аст.

Саидислом Абдуҷабборзода аз набераҳои Эшони Санги Кулӯла, яке аз орифони маъруфи Тоҷикистон буда, Махсуми Исмоил Пирмуҳаммадҳода ва Махсуми Иброҳим аз чеҳраҳои маъруфи ин хонадон дар ҳоли ҳозиранд.

14856
Барчаспҳо:
марг, прокурор, Тоҷикистон

Омори ҷадиди гирифторӣ, шифо ва фавт аз коронавирус дар Тоҷикистон

189
(Таҷдидшуда 19:19 25.10.2020)
Вазорати тандурустӣ ва ҳифзи иҷтимоии аҳолии Тоҷикистон омори ҷадиди паҳншавии коронавирус дар ҷумҳуриро нашр кард

ДУШАНБЕ, 25 окт — Sputnik. Теъдоди гирифторони коронавирус дар Тоҷикистон афзоиш ёфтааст, хабар дод Вазорати тандурустӣ ва ҳифзи иҷтимоии аҳолии ҷумҳурӣ.

Ба иттилои ин ниҳод, тайи шабонарӯзи гузашта дар Тоҷикистон 40 ҳолати нави гирифторӣ сабт шудааст.

Теъдоди умумии гирифторони коронавирус дар Тоҷикистон ба ҳолати шоми 25 октябр ба 10 ҳазору 776 нафар расидааст.

Таъкид шудааст, ки аз теъдоди умумии гирифторшудагон то имрӯз 9 ҳазору 889 нафар шифо ёфта аз беморхонаҳо мураххас шудаанд.  Таносуби шифоёфтагон аз маризии каронавирус дар кишвар наздики 92 дарсадро ташкил медиҳад.

Ба иттилои Вазорати тандурустӣ ва ҳифзи иҷтимоии аҳолии Тоҷикистон тайи шабонарӯзи гузашта дар ҷумҳурӣ ягон ҳолати фавт аз коронавирус сабт шудааст. Теъдоди умумии фавтидагон аз  22 октябр то имрӯз бетағйир боқӣ монда, ҳамоно 81 ҳолатро ташкил медиҳад.

189

4 фавт ва 600 маризи нав: омори Қирғизистон аз коронавирус барои имрӯз

17
Шабонарӯзи гузашта дар Қирғизистон аз маризии сироятии коронавирус дасти кам 4 нафар ба ҳалокат расиданд

ДУШАНБЕ, 25 окт — Sputnik. Ситоди фаврӣ оид ба коронавирус марги боз 4 қирғизистонии дигар давоми як шабонарӯз аз маризии коронавирусро тасдиқ намуд.

Ба иттилои манбаъ, шабонарӯзи ахир боз 606 мавриди нави гирифторшавӣ ба коронавирус сабт гардид. Аз ҳама зиёд ҳолатҳои мубталошавии шаҳрвандон дар вилояти Ҷалолобод (184) ба қайд гирифта шуд.

Ҳамчунин дар вилояти Ботканд низ 104 нафар тоза дардманди ин вирус гардиданд. Дар Ош 97 ва дар шаҳри Бишкек 88 мавриди нави гирифторшавӣ ба коронавирус сабт шудааст.

Олимони Ҷопон нишон доданд, ки коронавирус чӣ гуна паҳн мешавад - навор

Дар маҷмӯъ аз овоили хуруҷи ин беморӣ дар Қирғизистон 55 750 нафар гирифтори вируси COVID -19 гардидаанд.

Зимнан, бо илова шудани 4 мавриди фавт, теъдоди қурбониёни коронавирус дар Қирғизистон ба 1 134 нафар баробар шуд.

17
Мавзуҳо:
Пайомадҳои COVID-19 дар Тоҷикистон ва ҷаҳон
Пограничник на смотровой вышке на границе Кыргызстана. Архивное фото

Баҳс ва тирпаронӣ дар марзи Тоҷикистону Қирғизистон

0
(Таҷдидшуда 20:30 25.10.2020)
Хадамоти давлатии марзбонии Қирғизистон аз моҷаро дар марз бо Тоҷикистон ва тирпаронии сарҳадбонҳои қирғиз хабар дод

ДУШАНБЕ, 25 окт — Sputnik.  Хадамоти марзбонии Қирғизистон иттилоъ дод, ки баъди зуҳри 25 октябр, тақрибан соати 16:45, шаҳрвандони Тоҷикистон дар маҳаллаи Уч-Добои ноҳияи Бодканд лӯлаи об гузаронданӣ буданд, хабар додааст Sputnik Қирғизистон.

Манбаъ афзуд, ки ба ҷои ҳодиса ҳайати марзбонҳои қирғиз ҳозир шуда, аз шаҳрвандони Тоҷикистон хостаанд, ки корҳоро дар қисмати аломатгузоринашудаи марз қатъ кунанд.

Ба иттилои Хадамоти марзбонии Қирғизистон, атбои Тоҷикистон ба талаботи марзбонҳо итоат накарда, бо онҳо вориди баҳси лафзӣ шудаанд.

“Бо мақсади ҳифзи ҳаёту саломатии низомиён ва ҷилавгирӣ аз шиддати вазъ марзбонҳо маҷбур шуданд ба ҳаво тирҳои огоҳкунандаро холӣ намоянд”, - тавзеҳ додааст Хадамоти марзбонии  Қирғизистон.

Манбаъ илова намудааст, ки феълан корҳо қатъ шуда, намояндагони Тоҷикистону Қирғизистон мулоқот гузаронда истодаанд.  Вазъ дар марз муътадил арзёбӣ мешавад.

Мақомоти Тоҷикистон то ҳол қазияи мазкурро шарҳ надодаанд.

0
Барчаспҳо:
тирпаронӣ, моҷаро, Қирғизистон, Тоҷикистон