Аз фишорбаландӣ то илтиҳоби шуш: омори фавтҳо дар беморхонаҳои Суғд

4216
(Таҷдидшуда 15:44 22.04.2020)
Раёсати тандурустии Суғд, шумори фавти сокинон дар пайи бемориҳо дар бемористонҳои ин вилоятро шарҳ дод

ДУШАНБЕ, 22 апр – Sputnik. Маъруфҷон Ҳоҷибоев, муовини сардори Раёсати тандурустии вилояти Суғд мегуяд, бар пояи оморе, ки онҳо ҳамасола мураттаб мекунанд, дар бемористонҳои ҳудуди вилоят бештар аз 1590 мавриди фавти сокинон ба қайд гирифта мешавад.

Бо ибрози ин нукта Ҳоҷибоев афзуд, ҷойдошти ҳодисаҳои фавт дар бемористонҳо на бояд, барои сокинони кишвар шубҳабарангез бошад, зеро то мавзӯи хуруҷи вируси корона ё COVID -19 ҳам мавридҳои маргу мир аз ҳисоби бемориҳо сабт карда мешаванд.

 “Таҳлилҳо нишон медиҳад, ки дар як сол дар муассисаҳои тандурустии вилоят, то 1595 нафар мефавтанд, ки ба ҳисоби миёна ҳар рӯз 4 ҳодисаи рост меояд. Аз ҳисоби илтиҳоби роҳи болоии нафас қариб дар ду рӯз як фавт рост меояд. Аз ҳисоби бемориҳои фишорбаландӣ бошад, қариб ҳар рӯз як ҳолати фавт ба қайд гирифта мешавад”,- иброз намуд Ҳоҷибоев.

Муовини сардори Раёсати тандурустии Суғд хуруҷи бемории фишорбаландӣ (гипертония) ро шарҳ дода, гуфт, ки чи гуна ин беморӣ паёмадҳои ногувор ва ҳатто марговар ба вуҷуд оварда метавонад.

"Дар баъзе ҳолатҳо бемории баландфишорӣ ба системаи асаб (майна) таъсир расонда, боис ба фалаҷшавӣ (инсулт) мешавад. Агар ин ҳолат ба дил асар кунад, сактаи қалбӣ (инфаркт) ва агар ба шуш занад, бемории илтиҳоби шуш (ортек легкий) медиҳад, ки он вақт дараҷаи табобатшавӣ ҳам душвортар мегардад”, - афзуд Ҳоҷибоев.

Маъруфҷон Ҳоҷибоев зикр намуд, ки марги Ҳабибулло Шодиев ва Ҳоҷимуҳаммад Тошев ва инак Абдухалил Ҷӯрабоеви 56 – сола, ҳама сокинони ноҳияи Ҷаббор Расулов ва Матлуба Аҳмадҷонова, сокини 60-солаи шаҳри Хуҷанд, ки дар шароити қарантина нигоҳ дошта мешуданд, на бояд мардумро ба шубҳаву гумонҳо аз паёмади коронавирус дар кишвар водор кунад.

Ӯ гуфт, ташхис маълум намудааст, ки сабабаи марги Шодиев, Тошев, Аҳмадҷонова ва Ҷӯрабоев бемории илтиҳоби шадиди роҳи нафас (пневмания) ва фишорбаландӣ (гипертания) будааст.

Вазорати тандурустӣ ва ҳифзи иҷтимоии Тоҷикистон мегуяд то санаи 22-уми апрел ҳеҷ мавриди сирояти коронавирус ё COVID - 19 дар манотиқи кишвар ба қайд гирифта нашудааст. Ба ин минвол Тоҷикистон дар баробари Туркманистон яке аз кишварҳо дар Осиёи Марказӣ арзёбӣ мешавад, ки аз сирояти бемории коронавирус эмин мондааст. Аммо паҳни хабарҳо дар бораи мавридҳои фавт аз ҳисоби қарантиншудаҳо, умдатан аз бемории илтиҳоби шуш (пневмания) дар минтақаҳои Суғду Хатлон ва шаҳри Душанбе ҳоло бисёриҳоро нигарон кардааст.

Вазорати тандурустии Тоҷикистон тасмими қарантикунии сокинонро пешгирӣ аз эҳтимолияти паҳни коронавирус шарҳ дода, иттилоъ медиҳад, ки аз 1-уми феврал то рӯзи 20 - уми апрел, 8212 шаҳрвандоне, ки аз хориҷ ба кишвар ворид шудаанд дар муассисаҳои тиббии ҳудуди ҷумҳурӣ ба қарантин фаро гирифта шуда, то ин вақт 7129 нафари онҳо ба хонаҳояшон рухсат дода шудаанд.

Ҳоло 1083 нафар дар карантин қарор доштаанд. Вазорати тандурустӣ бо нашри иттилоъ дар сомонаи расмии худ аз шаҳрвандон даъват мекунад, ки дар ҳолати мушоҳида гардидани аломатҳои хастакунанда ба мисли таби баланд, сулфаи хушк, сӯзиши қафаси сина, фавран ба табиби оилавӣ ё минтақавии маҳалли зисти хеш занг зананд ва онҳоро ба хонаашон даъват намоянд.

"Дар вақти ташриф овардани табибони оилавӣ дарди худро пинҳон надошта, ба онҳо аз вазъи саломатии худ ва аҳли оилаашон ошкоро ҳарф зананд, зеро пинҳон доштани беморӣ эҳтимол ба ҳолатҳои фавт оварда мерасонад", - мегуяд хабарномаи Вазорати тандурустӣ.

4216
Барчаспҳо:
омор, бемористон, бемор, сокинон, фавт, Суғд
Мавзуҳо:
Пайомадҳои COVID-19 дар Тоҷикистон ва ҷаҳон (683)
Джамолиддин Абдуллозода, министр здравоохранения и социальной защиты Таджикистан

Супориши Абдуллозода: чораҳои пешгирикунанда аз COVID - 19 дар Тоҷикистон пурзӯр шавад

175
(Таҷдидшуда 17:39 04.08.2020)
Вазири тандурустии Тоҷикистон Ҷамолиддин Абдуллозода имрӯз дар ҷаласаи навбатии Ситоди ҷумҳуриявӣ супориш дод, ки чораҳои пешгирикунанда аз паҳншавии маризии коронавирус пурзӯр карда шавад

ДУШАНБЕ, 4 авг — Sputnik. Ҷаласаи навбатии Ситоди Вазорати тандурустӣ ба хотири пешгирӣ ва табобати гирифторони коронавируси нави COVID-19 доир гардид, хабар медиҳад котиботи вазорати мазкур.

Ба иттилои манбаъ, ҷаласа бо иштироки вазири тандурустӣ Ҷамолиддин Абдуллозода, муовини вазир Шодихон Ҷамшед, сардорони як қатор раёсатҳои зерсохтори вазорат ва ҳамзамон ба тариқи онлайн сардорони раёсатҳои тандурустии вилоятҳо ва роҳбарони як қатор беморхонаҳои шаҳру ноҳияҳои мамлакат баргузор гардид.

Ваксинаи сохти Русия алайҳи COVID - 19 барои кӯдакон дастнорас аст: сабаб дар чист?

Манбаъ меафзояд, дар ҷараёни ҷаласа Ҷамолиддин Абдуллозода иброз дошт, ки ҳадаф ва мақсад аз баргузории ҷаласаи навбатии ситоди вазорат пурзӯр намудани чораҳои зиддиэпидемикӣ, дарёфт, ташхис ва муолиҷаи беморони коронавируси нави COVID-19, пурзӯр намудани гаштҳои хонагӣ, назорати бемороне, ки дар хона табобат мегиранд ва дигар масъалаҳо мебошад.

Зикр гардид, ки новобаста ба он, ки вақтҳои охир дар мамлакат ҳолатҳои сироятёбии сокинон ба ин маризӣ то андозае поён рафта, ҳамзамон, муроҷиати шаҳрвандони мамлакат низ ба муассисаҳои тиббии кишвар бо нишонаҳои сироятёбӣ кам шудааст, бояд чораҳои пешгирикунанда ва табобати бемории COVID - 19 пурзӯр карда шаванд.

Толибилмон дар соли хониши нав чӣ қадар таътил доранд? Тақвими истироҳати хонандагон

Қобили зикр аст, ки дар Тоҷикистон беш аз 7 000 нафар мубталои коронавирус гардида, ҳамзамон 61 мариз қурбон шуданд.

175
Барчаспҳо:
супориш, вазир, Вазорати тандурустии ҶТ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (683)
Вакцинация в школе, архивное фото

Ваксинаи сохти Русия алайҳи COVID - 19 барои кӯдакон дастнорас аст: сабаб дар чист?

242
(Таҷдидшуда 14:18 04.08.2020)
Бар тибқи қонунгузории Русия, ваксина бояд даври пурраи озмоишӣ дар калонсолонро гузарад ва танҳо пас аз ин эм кардани кӯдакон иҷозат дода мешавад

ДУШАНБЕ, 4 авг — Sputnik. Дар Русия озмоиши клиникии нахустин ваксина алайҳи коронавирус анҷом ёфт ва феълан он дар марҳилаи ба қайд гирифтан қарор дорад.

Зимнан, истеҳсоли ин ваксин моҳи сентябр оғоз меёбад ва авоили моҳи октябр эмгузаронии сартосарӣ дар Русия сурат мегирад. 

Қаблан, Вазорати тандурусти Русия хабар дода буд, ки эмгузаронӣ дар кишвар комилан ройтгон ба роҳ монда мешавад.

Русия аз омода шудани нахустин ваксина алайҳи коронавирус хабар дод

Аммо ваксини сохти Русия алайҳи маризии коронавирус имсол барои кӯдакон дастнорас хоҳад шуд. Сабаб дар он аст, ки даври пурраи озмоишии ваксина нахуст дар одамони калонсол бояд гузарад ва сипас эмкунии кӯдакон иҷозат дода мешавад.

"Ман умедворам, ки ваксина барои кӯдакон муносиб хоҳад буд, аммо тибқи қонунгузории Русия ваксинаро дар кӯдакон танҳо пас аз гузаштани давраи пурраи санҷиш дар одамони калонсол, пешниҳод кардан мумкин аст. Аз ин рӯ, вақте марҳилаи саввуми санҷиш ба итмом мерасад, он гоҳ кӯдаконро низ имкони эмгузарондан  мумкин мегардад", - гуфт роҳбари Маркази Миллии Тадқиқотӣ ба номи Гамалея Александр Гинтсбург.

Чанде пеш, Михаил Мурашко вазири беҳдошти Русия гуфта буд, ки нахуст аз марҳилаи эмгузаронӣ пизишкон ва омӯзгорон мегузаранд.

"Кӯдакон ба далели сабук гузарондани ин маризӣ то ҳол мавриди эмкунӣ қарор намегиранд", - изҳор дошт Мурашко.
242
Барчаспҳо:
Русия, кӯдакон, эмгузаронӣ
Мавзуҳо:
Пайомадҳои COVID-19 дар Тоҷикистон ва ҷаҳон (683)
Рогунская ГЭС

Истеҳсоли барқ ​​дар НБО “Роғун” қариб се маротиба афзоиш ёфтааст

0
Дар маҷмӯъ, аз аввали соли 2020, тавлиди нерӯи барқ ​​дар нерӯгоҳҳои барқи обӣ ва гармидиҳии Тоҷикистон ба 8 миллиард киловатт соат расидааст.

ДУШАНБЕ, 4 авг — Sputnik.  Тибқи гузориши ҶСК “Барқи Тоҷик”, НБО “Роғун” дар шаш моҳи аввали соли 2020 истеҳсоли барқро тақрибан се маротиба афзоиш додааст.

Тибқи иттилои ширкат, дар моҳҳои январ-июни соли 2020 нерӯгоҳи Роғун 595 миллион киловатт / соат нерӯи барқ ​​истеҳсол кардааст.

Гуфта мешавад, ин нишондиҳанда нисбат ба ҳамин давраи соли гузашта 385 миллион киловатт-соат зиёдтар аст.

Ҳамзамон, ҳоло танҳо ду агрегати НБО-и “Роғун” кор мекунанд: агрегати аввал моҳи ноябри соли 2018 ва дуввум моҳи сентябри соли 2019 ба кор андохта шуданд.

Дар маҷмӯъ, дар НБО “Роғун” насб кардани шаш агрегат ба нақша гирифта шудааст. Интизор меравад, ки сохтмони ин истгоҳ то соли 2033 пурра ба анҷом расад.

Ширкати “Барқи Тоҷик” илова намудааст, ки аз аввали соли 2020, тавлиди нерӯи барқ ​​аз нерӯгоҳҳои барқи обӣ ва гармидиҳӣ ба 8 миллиард киловатт дар як соат расидааст.

Аз НБО "Роғун" то "Талко": Кумитаи андоз бузургтарин қарздоронашро ном бурд

Тибқи маълумоти пешниҳодшуда, ҷамъоварии нерӯи барқ ​​дар Тоҷикистон дар давраи ҳисоботӣ 84,9% таъмин карда шудааст.

0