Город Душанбе, архивное фото

Тоҷикистон ба рӯйхати кишварҳои аз коронавирус озод дохил шуд

6863
(Таҷдидшуда 14:37 23.04.2020)
Ба ғайр аз Тоҷикистон, бемории коронавирус  дар 14 кишвар ва ёздаҳ қаламрави аҳолинишини ҷаҳон сабт нагаштааст

ДУШАНБЕ, 23 апр — Sputnik.  Рӯзномаи бритониёии Daily Mail рӯйхати кишварҳоеро тартиб додааст, ки ба қаламрави онҳо коронавирус то ҳол ворид нашудаааст.

 Дар рӯйхати маскур Тоҷикистон  бо 14 кишвари дигар ва 11 қаламрави аҳолинишин шомил шудаанд.

Бар асоси ин рӯйхат, дар баробари Тоҷикистон, коронавирус дар  Туркманистон, Комор, Кирибати, Лесото, Ҷазираҳои Маршалл, Штатҳои Федеративии Микронезия, Науру, Палау, Ҷазираҳои Соломон, Тонго, Тувалу, Вануату ва Кореяи Шимолӣ сабт нашудааст.

Минтақаҳои доимии аҳолинишине, ки то ҳол дар он ҷой коронавирус вуҷуд надоранд - Питкэрн, Еленаи Муқаддас, Вознесения ва Тристан да Куния (Шоҳигарии Бритониё), Самоа дар Амрико (ИМА), Ҷазираҳои Уоллис ва Футуна (Фаронса), Шпитсберген  (Норвегия), Ҷазираҳои Крисмас, Норфолк ва Ҷазираҳои Кокос (Австралия), Ниуэ, Токелау ва Ҷазираҳои Кук (Зеландияи Нав) мебошанд.

Ситод: коронавирус дар Тоҷикистон нест, аммо бемории илтиҳоби шуш авҷ гирифтааст

Гуфта мешавад, ба бисёре аз кишварҳо бинобар сабаби дар минтақаҳои дур ҷойгир буданашон, аз қабили ҷазираҳои Комор, ки дар соҳили шарқии Африқо ва Тувалу дар уқёнуси Ором аст, коронавирус нарасидааст.

Гузоришгарон омили дигари ба кишварҳо роҳ наёфтани коронавирусро дар чораҳои қатъии саривақтии андешидашуда арзёбӣ кардаанд.  

Аммо, дар мақола истисно намекунанд, ки мақомоти баъзе давлатҳо аз ҳолатҳои сироятшавӣ дар ин кишварҳо шояд ҳоло огаҳ набошанд.

The Daily Mail ба вазъ дар Кореяи Шимолӣ аҳамият дода гуфтааст, мақомоти ин кишвар исрор мекунанд, ки COVID-19 дар ин кишвар нест, аммо ин шубҳаовар аст, чун дар ҳамсоякишвар он Кореяи Ҷанубӣ беш аз 10 ҳазор ҳолати сироятёбӣ ошкрор шудааст.

 Инчунин, муаллифони мақола бо ҳайрат гуфтаанд чӣ гуна Тоҷикистон, кишвари ҳамсарҳад, бо Чин, ки маркази паҳншавии коронавирус аст, тавониста истодааст то ҳол  бар вуруди коронавирус истодагарӣ намояд.

Мутахассиси ӯзбек шарҳ дод, ки чаро дар Тоҷикистон коронавирус нест

Ахиран Галина Перфилева намояндаи Созмони ҷаҳонии беҳдошт дар Тоҷикистон эълон кард, ки дар кишвар ягон ҳолати коронавирус ба қайд гирифта нашудааст.

Номбурда сабаби асосии инро дар чораҳои фаврии андешидашуда аз ҷониби мақомот ва риояи дастуроти Созмони ҷаҳонии беҳдошт унвон кард.

6863
Барчаспҳо:
Созмони ҷаҳонии беҳдошт, вирус, Туркманистон, Тоҷикистон
Пробирка с кровью анализа на антитела к коронавирусу COVID-19

Оғози истеҳсоли “Антиковид-19” дар Тоҷикистон: дорусоз гуфт, сироятро 99% кам мекунад

372
(Таҷдидшуда 12:24 02.06.2020)
Сайидвалӣ Ҳикматов, дорусози тоҷик, мегӯяд, истифодаи ин маҳлул, эҳтимоли сирояти дигаронро 99 фоиз кам карда, барои духтурону бемордорон хатари сироятёбӣ қариб аз байн меравад

ДУШАНБЕ, 2 июн - Sputnik. Сайидвалӣ Ҳикматов, дорусози тоҷик, истеҳсоли маҳлули антисептикии пошанда (спрей)-ро ба роҳ мондаст, ки “Антиковид-19” ном дорад

Маҳлул дар асоси сиёҳдона тайёр шуда, қобилияти баланди зиддивирусӣ дорад, хабар додаст нашрияи парлумони Тоҷикистон, “Садои мардум”.

Ба иттилои манбаъ, Ҳикматов муътақид аст, ки агар беморони гирифтори коронавирус рӯзе 6-8 маротиба маҳлулро ба кому даҳон пош диҳанд, эҳтимолияти сироят ёфтани дигарон 99 дарсад кам мешавад.

“Духтурон ва дигар ашхосе, ки бо беморон тамос доранд, агар бо ин маҳлули антисептикӣ даҳонашонро коркард намоянд, хатари сироятёбӣ қариб пурра аз байн меравад”, - омадааст дар матлаб.

Манбаъ афзуд, бемороне, ки дар шаҳрҳои Хуҷанду Панҷакент, Турсунзода ва ноҳияи Мастчоҳ аз маҳлули “Антиковид-19” истифода бурдаанд, беҳбудиро эҳсос намуданд.

Нашрия навиштааст, ки яке аз бартариҳои нӯшдорую маҳлули антисептикии пошандаи “Антиковид-19” дар он аст, ки хосияти иммуномодуляторӣ дошта, қувваи муҳофизатии ҷисмро пурқувват мекунад.

“Магнийи таркиби сиёҳдона фаъолияти системаи дилу рагҳо, шуш, мағзи сар, системаи асаб ва мушакҳоро беҳтар мегардонад. Оҳан барои хунофарӣ, мис барои беҳтаргардонии раванди табодули моддаҳо дар ҳуҷайраҳо, манган баҳри фаъолияти хуби ғадуди зери меъда, селен дар муолиҷаи бемориҳои саратонӣ кумак мерасонанд. Витаминҳои гурӯҳи В дар фаъолияти хуби ҷигару низоми асаб нақши муҳим  мебозанад”, - омадааст дар матлаб.

372
Барчаспҳо:
истеҳсол, дорусозӣ, дору, сироят, Тоҷикистон
Открытие нового здания хирургии в районе Шахристан, архивное фото

Беморхонаи сироятӣ дар Хистеварз - зодгоҳи сарвазир ва раиси ситоди COVID -19

108
(Таҷдидшуда 11:16 02.06.2020)
Дар ҷамоати наздисарҳадии деҳоти Хистеварз дар ноҳияи Бобоҷон Ғафуров ҳукумат ба сохтмони як Бемористони сироятӣ оғоз намудааст

ДУШАНБЕ, 2 июн – Sputnik. Бар пояи иттилоъи Хадамоти матбуоти ҳукумати вилояти Суғд, ин беморхона аз ду ошёна иборат буда, 22 ҳуҷраҳои табобатию ёрирасони он, дорои 30 кат будааст.

"Тибқи нақша дар беморхонаи мазкур 18 воҳиди корӣ таъсис дода хоҳад шуд ва дар он 2 табиб - сироятшинос, 11 ҳамшираи шавқат ва 5 корманди хурди техникӣ фаъолият мебранд”, иттилоъ медиҳад манбаъ.

Фармоишгари ин иншоот, ҳукумати ноҳияи Бобоҷон Ғафуров буда, корҳои сохтмонӣ аз сӯи ПМК № 115 ба иҷро расонида мешавад.

Хадамоти матбуоти ҳукумат иттилоъ медиҳад, ки ба ҳисоби Бемористони сироятӣ ба истифодадиҳии ҳудуди сад иншооти сохташавандаи соҳаи маишӣ дар доираи омодагӣ ба ҷашни 30-солагии Истиқлолият дар ҷамоати деҳоти Хистеварз ба нақша гирифта шудааст.

Раҷаббой Аҳмадзода, раиси вилояти Суғд, ҳини сафари корӣ ба ноҳияи Бобоҷон Ғафуров аз раванди корҳои сохтмонии ин иншоот шинос шуда, дар бораи ташкил намудани озмоишгоҳ дар ин беморхона дастур додааст.

Раиси вилояти Суғд ахиран дар оғози моҳи апрели соли ҷорӣ дар замони авҷи хуруҷи маризии коронавирус дар кишвари ҳаммарзи Қирғизистон ба ҷамоати Хистеварзи ноҳияи Бобоҷон Ғафуров сафар карда дар мулоқот бо масъулини ноҳия аз ҷумла мақомоти сарҳадбонӣ масъалаи пешгирӣ аз сироятӣ ин маризиро ба баррасӣ гузошта, дар бораи ба он тарафи марз – ба тарафи хатари сирояти беморӣ нагузаштани сокинон дастур дода буд.

Ҷамоати Хистеварз, дар қатори ҷамоати Овчи - Қалъача яке аз ду ҷамоатҳои наздимарзӣ бо Қирғизистон ба ҳисоб меравад. Деҳаи Хистеварз зодгоҳи сарвазир ва ҳамзамон раиси Ситоди COVID-19 и кишвар Қоҳир Расулзода аст.

108
Военный билет. Архивное фото

Боздошти ронандаи Комиссариати ҳарбӣ барои фурӯши билети ҳарбӣ

0
(Таҷдидшуда 12:09 02.06.2020)
Ожонси мубориза бо фасод дар Тоҷикистон аз боздошти Зубайдулло Ҳабибуллоев хабар медиҳад, ки дар фурӯши билети ҳарбӣ муттаҳам мешавад

ДУШАНБЕ, 2 июн – Sputnik. Бино ба иттилои дафтари матбуотии ин ниҳод, Зубайдулло Ҳабибуллоев ронандаи Комиссариати ҳарбии ноҳияи Бобоҷон Ғафурови вилояти Суғд дар фурӯши билети ҳарбӣ муттаҳам мешавад.

Солдат пограничник ГКНБ погранслужба
© Официальная страница пресс-службы президента РТ в Facebook.

Ба иттилои манбаъ, номбурда санаи 14 апрели соли 2020 бо роҳи фиреб ва суиистифодаи боварӣ аз шаҳрванд Матазимов А.С. барои ба номи писараш-Матазимов Р.А. омода карда додани билети ҳарбии номуносиб ба хизмати ҳарбӣ, маблағи 10000 сомонӣ талаб кардааст.

Манбаъ мегӯяд, Ҳабибуллоев ин маблағро дар ду маврид гирифта тасарруф намудааст.

Гуфта мешавад, дар ин асос нисбати Ҳабибуллоев З.С. бо моддаи 247 қисми 3 банди “а”  Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтиши пешакӣ он идома дорад.

Қаблан ҳолатҳои фурӯши билети ҳарбӣ аз сӯи кормандони комиссариятҳои ҳарбӣ ошкор шуда буд, аммо ин нахустин ҳолат аст, ки аз ҷониби ронандаи комсарият сурат мегирад. 

 

0
Барчаспҳо:
боздошт, Оҷонсии мубориза зидди коррупсия, билети ҳарбӣ, Комиссариати ҳарбӣ, ноҳияи Бобоҷон Ғафуров, Тоҷикистон