Ҳайати коршиносони Созмони ҷаҳонии беҳдошт ба Тоҷикистон ва Туркманистон меоянд

785
(Таҷдидшуда 20:27 23.04.2020)
Гурӯҳи коршиносони Созмони ҷаҳонии тандурустӣ ният дорад, ки ҳафтаи оянда аз Тоҷикистон ва Туркманистон боздид кунад

ДУШАНБЕ, 23 апр — Sputnik.  Дар ин бора директори Дафтари Минтақавии СУТ дар Аврупо Ханс Клуге зимни як брифинг дар Копенгаген иттилоъ додааст.

Гуфта мешавад гурӯҳи коршиносон тайи чанд рӯз дар Тоҷикистон монда, аз якчанд шаҳрҳо, муассисаҳои тиббӣ ва иншооти муҳими кишвар дидан хоҳанд кард. Ин гуруҳи мушовирон алакай тайи моҳи ҷорӣ аз Беларусия дидан карда буданд.

Ҳайати коршиносони пас аз боздиди аз кишвар  вазъи эпидемиологиро баррасӣ карда барои такмил додани чораҳои муҳофизат аз паҳншавии коронавирус машваратҳо хоҳанд дод.

Ҳамчунин пас аз поёни боздид барои мубодилаи арзёбии вазъи минтақа брифинги кушода баргузор хоҳанд кард.

Донишгоҳи Ҷон Ҳопкинс ин ду кишварро дар қатори 11 давлати дигар ба рӯйхати давлатҳо шомил кардааст,  бо нуқтаҳои сафед  дар харитаи нишон дода шудаанд, ки дар онҳо коронавиру сабт нагаштааст.

 Тибқи иттилоияҳои расмии мақомоти Тоҷикистон ва Туркманистон дар ҳудуди ин кишварҳо ягон ҳодисаи мубталошавӣ ба коронавирус ба қайд гирифта нашудааст.

Аммо ба гуфти манбаъ ба маълумотҳои мақомоти ин ду кишвар бо шубҳа менигаранд, ки шояд маълумотҳо пинҳон карда шаванд.

Ҳодисаҳои сироятёбӣ ба COVID-19 дар се давлати Осиёи Марказӣ - Қазоқистон, Ӯзбекистон ва Қирғизистон ошкор шуда, ҳоло дар ҳоли афзоиш мебошанд.

Галина Перфилева, намояндаи Созмони ҷаҳонии беҳдошт дар Тоҷикистон зимни як баромади расмӣ дар шабакаи телевизион ва ҳамчунин ахиран дар суҳбат бо хабарнигорон гуфт дар Тоҷикистон коронавирус ба қайд гирифта нашудааст.

Ҳамчуни Эмомалӣ Раҳмон раисиҷумҳури Тоҷикистон низ ахиран зимни табриоти рамазонияш изҳор дошт, ки дар кишвар ягон ҳолати гирифторӣ ба ин беморӣ сабт нагаштааст.

Мақомоти Туркманистон низ расман эълон кард ки дар ин кишвар ягон ҳолати гирифторӣ ба коронавирус қайд нагаштааст.

785
Барчаспҳо:
вирус, Созмони ҷаҳонии беҳдошт, Туркманистон, Тоҷикистон

Шифои 119 ҳазор нафар аз коронавирус дар Эрон

99
(Таҷдидшуда 18:58 31.05.2020)
Вазорати беҳдошт, дармон ва омӯзиши пизишкии Эрон эълом кард, ки то кунун 118 ҳазору 848 нафар аз мубталоён ба коронавирус дар кишвар беҳбуд ёфта, аз бемористонҳо мураххас шудаанд

ДУШАНБЕ, 31 май - Sputnik. Киёнуши Ҷаҳонпур, раиси маркази равобити умумӣ ва иттилоърасонии Вазорати беҳдошти Эрон рӯзи якшанбе дар гуфтугӯ бо хабарнигорон охирин омори мубталоён ба коронавирус дар кишварро ироа намуд.

Дар 24 соати гузашта 2 ҳазору 516 бемори ҷадид шиносоӣ шудаанд, хабар дод "Парстудей" аз қавли Ҷаҳонпур.

Ҷаҳонпур афзудаст, ки аз байни мубталоёни ҷадид, 511 маврид бистарӣ ва 2 ҳазору 5 бемор ба сурати сарпоӣ хадамотрасонӣ шуданд ва маҷмӯи беморони коронавирус дар Эрон ба 151 ҳазору 466 нафар расид.

Ҷаҳонпур ҳамчунин бо ишора ба фавти 63 бемор дар 24 соати гузашта гуфтаст, фавти ношӣ аз коронавирус дар Эрон ба 7797 нафар расидааст.

Дар ҷаҳон то кунун ҳудуди шаш миллиону 200 ҳазор нафар ба бемории КОВИД-19 мубтало шуда ва 380 ҳазор нафар низ ҷон бохтаанд.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (1 805 745 нафар), Бразилия (498 440), Русия (396 575), Испания (239 228), Британияи Кабир (272 826), Италия (232 264), Олмон (183 234), Ҳиндустон (182 143) ва Туркия (163 103) Перу (155 671) дохил мешаванд.

99

Теъдоди дардмандони коронавирус дар Ӯбекистон аз 3,5 ҳазор гузашт

180
Вазорати тандурустии Ӯзбекистон дар робита ба маризии коронавирус омори нав нашр намуд. Бар тибқи маълумоти вазорат шумораи умумии беморон аз 3,5 ҳазор ҳам бештар шудааст

ДУШАНБЕ, 31 май— Sputnik. Дар Ӯзбекистон шумораи дардмандони маризии коронавирус дар ҳоли афзоиш аст, хабар медиҳад хадамоти матбуотии Вазорати тандурустии ин кишвар.

Тибқи иттилои вазорат, дар давоми як рӯзи охир дар Ӯзбекистон 8 ҳолати нави сироятшавӣ ошкор карда шуд, ки ҳамакнун сафи умумии маризон ба 3554 нафар расид.

"То 31 май шумораи ҳодисаҳои сирояти коронавирус дар Ӯзбекистон ба 3554 нафар баробар шудаастнафар аст", - таъкид мешавад дар хабар.

Қайд карда мешавад, ки як рӯз пеш дар ин кишвар 58 ҳолати нави коронавирус ба қайд гирифта шуда буд, рӯзи ҷумъа афзоиши он 44 нафар буд ва рӯзи панҷшанбе шумораи беморон якбора ба 75 нафар зиёд шуд.

Вазорати тандурустӣ илова кард, ки ҳоло 757 бемори коронавирус таҳти муолиҷа қарор доранд. Пизишкон вазъи саломатии нӯҳ маризро вазнин ва аҳволи як беморро шадидан вазнин арзёбӣ мекунанд.

Ёдовар мешавем, ки бурузи ин маризӣ дар Ӯзбекистон аз 12 - уми март шурӯъ шуд.

180
Барчаспҳо:
афзоиш, маризӣ, Узбакистон

Ҷашнҳои рӯзи 1 июн дар Тоҷикистон ва ҷаҳон

0
(Таҷдидшуда 23:23 31.05.2020)
Рӯзи якуми июн ҳамчун Рӯзи умумиҷаҳонии муҳофизати кӯдакон қайд мешавад. Ҳамчуниндар Тунис Рӯзи Конститутсия ва дар Муғулистон Рӯзи модару кӯдак таҷлил мешавад

Рӯзи 1 июн дар ҷаҳон чӣ рух дод

Соли 1862 дар саросари ИМА ғуломдорӣ манъ карда шуд.

Насилие, архивное фото
© CC0 / Pixabay
Насилие, архивное фото

Соли 1869 бақайдгирандаи электронии  овоздиҳӣ ихтироъ карда шуд.

Соли 1935 дар Англия барои гирифтани шаҳодатномаи ронандагӣ ва рақами автомобил имтиҳон ҷорӣ карда шуд.

Соли 1858 дар Канада аввалин танга истеҳсол карда шуд.

Соли 1938 аввалин шумораи маҷаллаи ҳаҷвии "Action Comics" нашр шуд.

Рӯзи 1 июн дар Тоҷикистон чӣ рух дод

Соли 2009 раисҷумҳури Тоҷикистон Эмомалӣ Раҳмон "Дар бораи таҷлили зодрӯзи Мавлоно Ҷалолиддини Балхӣ" фармон имзо карданд, ки пас аз он дар Ҷумҳурии Тоҷикистон ҳар сол 30 сентябр чун Рӯзи Мавлоно таҷлил карда мешавад.

День 31 мая
© Sputnik / Стас Этвеш / Вишнякова Мария

Соли 2012 сафари Эмомалӣ Раҳмон ба Ҷумҳурии Мардумии Чин аз музофоти Фуҷиан, ки дар ҷанубу шарқи ин кишвар қарор дорад, оғоз ёфт. Cоли 2014 Сарвари давлат  Эмомалӣ Раҳмон ба  боғи "15-солагии истиқлоли Тоҷикистон", ки бунёдаш 8 сол пеш, 18 феврали соли 2006 бо иштироки бевоситаи Сарвари давлат оғоз ёфта буд, ташриф оварданд. Ин боғи 450-гектара пурра ба ҳосил омада, соли дуюм аст, ки аз он ҳазорон нафар ризқи фарох ҳосил мекунанд.

Соли 2010 маросими ботантанаи ба истифода додани бинои нави Муассисаи давлатии "Маркази миллии тавонбахшии кӯдакони маъюб "Чорбоғ" дар ноҳияи Варзоб"  баргузор гардид. Барои бунёди бинои мазкур аз ҷониби Ҳукумати Ҷумҳурии Тоҷикистон 800 ҳазор сомонӣ ҷудо гардида буд.

Ҷашнҳои рӯзи 30 май дар Тоҷикистон ва ҷаҳон

Соли 2010 дар қароргоҳи Конфедератсияи футболи Осиё дар шаҳри Куала Лумпури Малайзия  рӯйхати дастаҳои футболе, ки дар бозиҳои олимпии Лондон-2012 иштирок мекарданд, ба тасвиб расид. Ба он  34 дастаи футболбозон, аз ҷумла, дастаи миллии Тоҷикистон низ шомил шуд.

Соли 2011 Парлумони Тоҷикистон лоиҳаи Қонуни ҶТ "Дар бораи Палатаи ҳисоби Ҷумҳурии Тоҷикистон"-ро ба тасвиб расонид.

Моли 2016 дар Филармонияи давлатии Тоҷикистон ба номи Акашариф Ҷӯраев ба муносибати 25-солагии Истиқлолияти давлатии Ҷумҳурии Тоҷикистон даври ниҳоии фестивал-озмуни чумҳуриявии "Тараннуми истиқлол" баргузор гардид.

Соли 2018 дар шаҳри Душанбе таҳти раёсати Сарвазири мамлакат Қоҳир Расулзода ҷаласаи Шўрои сарони ҳукуматҳо-сарвазирони кишварҳои аъзои ИДМ доир гардид

Ҷашнҳои рӯзи 1 июн

  • Рӯзи  умумиҷаҳонии муҳофизати  кӯдакон.
  • Дар Самоа —  Рӯзи истиқлолият.
  • Дар Тунис- иди умумимиллӣ- Рӯзи Консититутсия.
  • Дар Муғулистон — Рӯзи модару кӯдак.
  • Дар Ҷумҳурии Палау — Рӯзи президент
0
Барчаспҳо:
ҷашн, ҷаҳон, Тоҷикистон