Нацгвардия и сотрудники МВД приступили к дезинфекции улиц Ташкента из-за коронавируса

Шумораи гирифторони коронавирус дар Ӯзбекистон ба 1862 нафар расид

868
(Таҷдидшуда 12:41 26.04.2020)
То имрӯз, 26 апрел дар Ӯзбекистон аз маризии коронавири навъи COVID -19 ҳашт нафар фавтида, 707 нафар шифо ёфтааст

ДУШАНБЕ, 26 апр — Sputnik. Дар Ӯзбекистон шумораи гирифторони бемории коронавирус афзудааст, хабар медиҳад Вазорати тандурустии кишвар.

Бино ба гузориши Вазорати тандурустӣ дар давоми рӯзи шанбе дар кишвар 58 кас гирифтори коронавирус шуд. Ҳамин тавр, шумораи умумии беморони коронавирус дар кишвар ба 1862 нафар расид.

"Дар Ӯзбекистон шумораи сироятшудагон ба маризии коронавирус 1862 нафарро ташкил медиҳад", - қайд карданд дар Вазорат.

В Москве открыт третий коронавирусный центр сети РЖД-Медицина
Пресс-служба мэра и правительства Москвы

Қайд мешавад, ки шумораи гирифторони вирус рӯз аз рӯз афзоиш мекунад. Аз ҷумла рӯзи 23 апрел шумораи гирифторони ин маризӣ 42 нафар бештар шуду, рӯзи 24 апрел 46 каси дигар ба ин беморӣ гирифтор шуд.

Фонди ҳамсари Мирзиёев дар моҳи Рамазон ба занони ниёзманд 5 миллиард сум ҷудо кард

Вазорати тандурустӣ қайд мекунад, ки то имрӯз дар Ӯзбекистон ҳашт нафар аз ин коронавирус ҷон бохта, 707 кас шифо ёфтааст. Илова бар ин 85 ҳазор нафари дигар дар карантин боқӣ мемонанд.

Ҳукумати кишвар аз 1 апрел дар саросари Ӯзбекистон карантин эълон кард. Ашхоси аз 65 сола боло ҳуқуқи берун баромаданро надоранд. Хонашинӣ то 10 майи соли ҷорӣ давом мекунад.

868
Барчаспҳо:
гирифторони беморӣ, вируси нав, Ӯзбекистон
Мавзуҳо:
Пайомадҳои COVID-19 дар Тоҷикистон ва ҷаҳон (440)
Жители города Душанбе в защитных масках на улице

Эълони Вазорат: касе нафавтид, 123 нафари дигар гирифтори коронавирус шуданд

774
Вазорати тандурустии Тоҷикистон мегӯяд, то соати 17:20 дақиқаи 29 май дар ҷумҳурӣ 3686 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1769 нафар шифо ёфтаанд

ДУШАНБЕ, 29  май — Sputnik. Вазорати тандурустӣ мегӯяд, теъдоди фавтидагон аз коронавирус тайи шабонарӯзи гузашта тағйир наёфта, ҳамоно 47 нафарро ташкил медиҳад.

Бар асоси иттилоия, давоми шабонарӯзи гузашта 123 ҳолати нави ташхиси сирояти коронавируси нави COVID-19 ба қайд гирифта шудааст. Инчунин, то 29 май дар мамлакат 2228 нафар зери назорати табибон қарор дошта, дар як шабонарӯзи охир 331 нафар пас аз шифо ёфтан ба хонаҳояшон рухсат дода шудаанд.

Ин ниҳод хотиррасон кардааст, ки аҳолӣ барои пешгирии сирояти мазкур пеш аз ҳама, қоидаҳои беҳдошти шахсиро қатъиян риоя намоянд.

Тибқи иттилои расмӣ, имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб дар хидмати мардум қарор доранд.

Ба ғайр аз ин дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

Зикр шудааст, ки барои таъмини беморхонаҳо бо доруворӣ, молҳои тиббӣ, маводҳои худмуҳофизатӣ алайҳи мубориза бо бемории мазкур зиёда аз 45 миллион сомонӣ аз ҳисоби буҷет ва дигар ташкилотҳо ҷудо карда шудааст.

774

Русия қуллаи баландтарини авҷи маризии коронавирусро паси сар кард

348
(Таҷдидшуда 16:59 29.05.2020)
Пизишки бемориҳои сироятӣ Николай Малишев мегӯяд вазъи паҳншавии маризии сироятии коронавирус аллакай сабук шудааст

ДУШАНБЕ, 29  май — Sputnik. Русия аллакай қуллаи баландтарини авҷи маризии коронавирусро сипарӣ кард, изҳор дошт профессор, доктори илмҳои тиб, пизишки бемориҳои сироятӣ Николай Малишев дар нишасти матбуотӣ дар Агентии байналмилалии иттилоотии "Россия сегодня".

"Мутахассиси бемориҳои сироятӣ вазъи паҳншавии маризии коронавирусро дар Русия нисбатан ором арзёбӣ кард".

Малишев тавзеҳ додааст, ки дар Русия қуллаи баландтарини авҷи ин маризӣ қариб ки набуд. Ҳукумати Русия дар қиболи авҷи ин беморӣ бисёр фаъол фаъол буд ва то андозае пешгузарӣ ҳам карданд.

Аз ҷумла, дар кишвар як қатор катҳо барои беморон муҳайё карда шуданд, то ки аз боло рафтани нишондиҳандаҳои беморшавӣ ва фавт пешгирӣ карда шавад, илова намуд Малишев.

Суръати сирояти коронавирус дар Русия коҳиш меёбад

"Мо аз ин вазъият шарафмандона баромадем", -  гуфт ӯ.

Тибқи иттилои ситоди фаврӣ, то рӯзи 29 май дар Русия, 387,6 ​​ҳазор гирифтори маризии коронавирус ба қайд гирифта шудааст. Зимнан, 4,3 ҳазор беморон қурбонии ин маризӣ гардиданд.

348
Барчаспҳо:
маризӣ, Русия
Мавзуҳо:
Пайомадҳои COVID-19 дар Тоҷикистон ва ҷаҳон (440)
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

1098
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

1098
Барчаспҳо:
Тоҷикистон