Медицинский центр №1 в Душанбе

Фавтхона ё шифохона? Суҳбат бо маризони "Якум Советски"

7713
(Таҷдидшуда 13:25 28.04.2020)
Фавти беморон дар чанд рӯзи охир дар Маркази тиббии ба номи Карим Аҳмадов, ки дар миёни мардум бо номи беморхонаи "Якум Советский" машҳур аст, ин бемористонро дар маркази таваҷҷуҳи ҷомиа кишвар қарор додааст

ДУШАНБЕ, 26 апрел – Sputnik. Аз гуфтугузорҳо ва ҳатто наворҳои видеоие, ки дар шабакаҳои иҷтимоӣ ва ҳам кӯчаву бозорҳои Душанбе мечарханд, ин тасаввур пайдо шудааст, ки дар шифохонаи “Якум Советски” ҳама рӯз теъдоди қобили таваҷҷӯҳи афрод мефавтанд ва кор ба ин ҷо кашида, ки худи духтурон низ ҷон месупоранд, аммо мақомот болои ин ҳама пардаи сиёҳи таваҳҳум пӯшидаанд.

Воқеан чанд рӯзи қабл Абдуфаттоҳ Солиев, аввалин пизишк ва ҳам Искандар Камолов, муҳосиби Кумитаи сармоягузории Тоҷикистон дар ин шифохона ҷонҳои азизи худро аз даст доданд ва дигар касе ҳам ин ҳисобро намекунад, ки дар “Якум Советски” чанд кас бистарӣ мешавад ва чанд нафар мефавтад.

Оё дар “Якум Советски” воқеан он чӣ мегузарад, ки мо тасаввур мекунем? Яъне беназмиву бебандуборӣ, маргумир, доду фиғон ва...?

Аввалин ҳамсӯҳбати мо Юрий Белозеров, сокини 55 – солаи шаҳри Душанбе, корманди як ниҳоди СММ дар умури муҳоҷират аст, ки нафаскашии шадидашро ҳатто дар телефон мешавад шунид.

Вай гуфт, панҷшанбеи гузашта дар пайи пайдо шудани нафастангӣ ба шифохонаи “Якум Советски” оварда шуд ва вазъаш ба дараҷае ба вахомат гароида буд, ки тамоми дасту дилашро аз зиндагӣ шуст.

“Ҳафтаи дуввум аст, ки тасф мекунам. Ҳанӯз нафастангӣ дорам. Гоҳо сахт нафасам танг мешавад. Вақте вазъам бад мешавад, ба ман кислород (оксиген) медиҳанд. Дору мехӯрам. Қатрачаконӣ мекунанд. Духтурон омада, муназзам ҳарорат ва фишорамро месанҷанд”, - гуфт Юрий Белозеров. Маризии Юрийро пневмония ташхис доданд.

Эътирофи самимонаи шаҳрванди Қазоқистон

Воқеан, шифохонаи “Якум Советски”, ҳамон Маркази тиббии ба номи Карим Аҳмадов, ду ҳафта ба ин сӯ ба қабули маризоне ихтисос ёфтааст, ки ба маризии пневмония гирифторанд. Мақомоти тандурустӣ зарурати онро ба афзойиши ин намуди маризӣ дар кишвар иртибот дод.

Ҳамчунин марокизи хос дар Хуҷанду Ҳисор ва бархе шифохонаҳо низ қисман ба табобати пневмония ихтисос ёфтаанд. Омори бистарҳо дақиқ нест.

Булат Саришеви 36 - сола, шаҳрванди Қазоқистон ва корманди “Казкомерсбонк” – ро низ “ёрии таъҷилӣ” бо маризии пневмония як ҳафтаи қабл ба шифохонаи “Якум Советски” интиқол дод.

Вай мегӯяд, аввалин алоими маризиаш як сардардии шадиду мушкили нафас буд ва вақте томографияи компютериро гузашт, маълум шуд, ки гирифтори пневмония шудааст.

“Ҳоло худамро хеле хуб ҳис мекунам. Як нуктаро самимона ва бидуни таоруф мегӯям: ин ҷо дар шифохонаи “Якум Советски” ҳама корро дар вақташ иҷро мекунанд, доруро вақт ба вақт медиҳанд. Меҳрубонтарин кормандони тиб ин ҷо кор мекунанд. Кӯмак мерасонанд. Ҳатто либосҳоямонро мешӯянд. Ҳар рӯз утоқро тоза мекунанд. Рости гап, эътироф мекунам, ки интизор надоштам ин ҷо чунин асту бародарони тоҷик чунин шароитро барои ман муҳайё хоҳанд кард”, - гуфт Булат Саришев.

Қарантинаи ҳамкори прокурори фавтида: саломатиам хуб аст

Фарди сеюме, ки ҳоло дар шифохонаи “Якум Советски” қарантина шудааст, Оқилҷон Баротов, ҳамкори Ҷалолиддин Абдуҷабборзода, сардори шӯъбаи назорати милитсияи прокуратураи шаҳри Душанбе аст, ки бино ба иттилои расмӣ, аз илтиҳоби дутарафаи шуш рӯзи 19 апрел дар Бемористони маризиҳои сироятии шаҳри Душанбе даргузашт.

“Мо танҳо барои гузаштани қарантина ба ин ҷо интиқол дода шудем. Дар асл, Худоро шукр, саломатиам хуб аст. Фақат шак ин буд, ки мо ҳам пневмония шудаем, аммо чунин набудааст. Ҳамин ки мӯҳлати қарантина анҷом шуд, сари кор бармегардем”, - гуфт Оқилҷон Баротов.

Эътирофи онҳое, ки мегӯянд, аз панҷаи марг дар “Якум Советски” раҳо шудаанду мунтазири рухсат шудан ҳастанд, пеши мо манзараи доду фиғони модару хоҳареро зинда мекунад, ки дар як навори сарикӯчагӣ дар сафҳаҳои шабакаҳои иҷтимоӣ сайр мекунад.

Ҳамзамон суханони яке аз ҳамсӯҳбатони мо, ки наздикашро дар ин шифохона аз даст додаст, ба ёд меояд, ки он ҷоро як маҳшару қиёмат тасвир карда буд. Мо ба ҳамсӯҳбатони худ як суоли дигар матраҳ кардем, ки посухи мушобеҳ доданд. Он ҳам ин, ки худи онҳо дар бораи маризии худ чӣ фикр доранд, оё “вируси корона” аст ё пневмония?

Ҳамсӯҳбатони Sputnik Тоҷикистон гуфтанд, барои онҳо аслан фарқе намекунад, ки чӣ маризӣ аст ва чӣ ном дорад, муҳим онҳо шифо ёбанд ва сари хонаводаҳои худ баргарданд.

“Дар ин ҷо касе ба ин фикр нест, ки гирифтори чӣ бемориест – “вируси корона”, пневмония ё... Аммо як чӣ мусаллам аст, ки дар шифохона шурӯъ аз тамизкор то духтурҳои калон ҳар як бидуни ваҳму воҳима барои зиндагии мо мубориза мебаранд ва намегузоранд шӯълаи ин орзу, ки мо ба по рост шуда, зиндагии дубораро шурӯъ кунем, дар мо хомӯш шавад”, - гуфт Юрий Белозеров.

Омори вазорат дар бораи гирифторони пневмония

Тибқи иттилои вазорати тандурустӣ ва ҳифзи иҷтимоии аҳолии Тоҷикистон, аз он рӯзе, ки шифохонаи “Якум Советски” ба маркази қабули маризии пневмония табдил дода шуд, 319 мариз, аз ҷумла 136 корманди тиб, аз дари он ворид шудаанд.

“Дирӯз, 26 апрел, 107 нафарро ҷавоб додем. 30 нафари дигар дар арафаи рухсат шудананд. Ҳоло 217 нафар зери назорати табибон карор доранд, аз ҷумла 8 нафар дар шуъбаии эҳё. Дар умум аз 319 маризе, ки ба шифохона ворид шуданд, 11 нафар, мутаассифона, фавтиданд”, - омадааст дар иттилоияи ин вазорат.

Яке аз духтуроне, ки мегӯяд, қариб 40 рӯз ба ин сӯ хонаводаашро надидааст, аз сӯҳбат бо мо сарпечӣ кард. Фақат гуфт, сад нафаҳмонад, ӯро кам касе дарк мекунад. “Мо кори худамонро мекунем. Ин маргумирҳоро пеш ҳам дидаем, оянда ҳам хоҳем дид. Илтимос, воҳима накунеду ғам надиҳед”, - гуфт ӯ.

7713
Барчаспҳо:
беморон, вазорат, фавт, табобат, Беморхона, Душанбе, Тоҷикистон

Шифои 119 ҳазор нафар аз коронавирус дар Эрон

99
(Таҷдидшуда 18:58 31.05.2020)
Вазорати беҳдошт, дармон ва омӯзиши пизишкии Эрон эълом кард, ки то кунун 118 ҳазору 848 нафар аз мубталоён ба коронавирус дар кишвар беҳбуд ёфта, аз бемористонҳо мураххас шудаанд

ДУШАНБЕ, 31 май - Sputnik. Киёнуши Ҷаҳонпур, раиси маркази равобити умумӣ ва иттилоърасонии Вазорати беҳдошти Эрон рӯзи якшанбе дар гуфтугӯ бо хабарнигорон охирин омори мубталоён ба коронавирус дар кишварро ироа намуд.

Дар 24 соати гузашта 2 ҳазору 516 бемори ҷадид шиносоӣ шудаанд, хабар дод "Парстудей" аз қавли Ҷаҳонпур.

Ҷаҳонпур афзудаст, ки аз байни мубталоёни ҷадид, 511 маврид бистарӣ ва 2 ҳазору 5 бемор ба сурати сарпоӣ хадамотрасонӣ шуданд ва маҷмӯи беморони коронавирус дар Эрон ба 151 ҳазору 466 нафар расид.

Ҷаҳонпур ҳамчунин бо ишора ба фавти 63 бемор дар 24 соати гузашта гуфтаст, фавти ношӣ аз коронавирус дар Эрон ба 7797 нафар расидааст.

Дар ҷаҳон то кунун ҳудуди шаш миллиону 200 ҳазор нафар ба бемории КОВИД-19 мубтало шуда ва 380 ҳазор нафар низ ҷон бохтаанд.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (1 805 745 нафар), Бразилия (498 440), Русия (396 575), Испания (239 228), Британияи Кабир (272 826), Италия (232 264), Олмон (183 234), Ҳиндустон (182 143) ва Туркия (163 103) Перу (155 671) дохил мешаванд.

99

Теъдоди дардмандони коронавирус дар Ӯбекистон аз 3,5 ҳазор гузашт

180
Вазорати тандурустии Ӯзбекистон дар робита ба маризии коронавирус омори нав нашр намуд. Бар тибқи маълумоти вазорат шумораи умумии беморон аз 3,5 ҳазор ҳам бештар шудааст

ДУШАНБЕ, 31 май— Sputnik. Дар Ӯзбекистон шумораи дардмандони маризии коронавирус дар ҳоли афзоиш аст, хабар медиҳад хадамоти матбуотии Вазорати тандурустии ин кишвар.

Тибқи иттилои вазорат, дар давоми як рӯзи охир дар Ӯзбекистон 8 ҳолати нави сироятшавӣ ошкор карда шуд, ки ҳамакнун сафи умумии маризон ба 3554 нафар расид.

"То 31 май шумораи ҳодисаҳои сирояти коронавирус дар Ӯзбекистон ба 3554 нафар баробар шудаастнафар аст", - таъкид мешавад дар хабар.

Қайд карда мешавад, ки як рӯз пеш дар ин кишвар 58 ҳолати нави коронавирус ба қайд гирифта шуда буд, рӯзи ҷумъа афзоиши он 44 нафар буд ва рӯзи панҷшанбе шумораи беморон якбора ба 75 нафар зиёд шуд.

Вазорати тандурустӣ илова кард, ки ҳоло 757 бемори коронавирус таҳти муолиҷа қарор доранд. Пизишкон вазъи саломатии нӯҳ маризро вазнин ва аҳволи як беморро шадидан вазнин арзёбӣ мекунанд.

Ёдовар мешавем, ки бурузи ин маризӣ дар Ӯзбекистон аз 12 - уми март шурӯъ шуд.

180
Барчаспҳо:
афзоиш, маризӣ, Узбакистон

Ҷашнҳои рӯзи 1 июн дар Тоҷикистон ва ҷаҳон

0
(Таҷдидшуда 23:23 31.05.2020)
Рӯзи якуми июн ҳамчун Рӯзи умумиҷаҳонии муҳофизати кӯдакон қайд мешавад. Ҳамчуниндар Тунис Рӯзи Конститутсия ва дар Муғулистон Рӯзи модару кӯдак таҷлил мешавад

Рӯзи 1 июн дар ҷаҳон чӣ рух дод

Соли 1862 дар саросари ИМА ғуломдорӣ манъ карда шуд.

Насилие, архивное фото
© CC0 / Pixabay
Насилие, архивное фото

Соли 1869 бақайдгирандаи электронии  овоздиҳӣ ихтироъ карда шуд.

Соли 1935 дар Англия барои гирифтани шаҳодатномаи ронандагӣ ва рақами автомобил имтиҳон ҷорӣ карда шуд.

Соли 1858 дар Канада аввалин танга истеҳсол карда шуд.

Соли 1938 аввалин шумораи маҷаллаи ҳаҷвии "Action Comics" нашр шуд.

Рӯзи 1 июн дар Тоҷикистон чӣ рух дод

Соли 2009 раисҷумҳури Тоҷикистон Эмомалӣ Раҳмон "Дар бораи таҷлили зодрӯзи Мавлоно Ҷалолиддини Балхӣ" фармон имзо карданд, ки пас аз он дар Ҷумҳурии Тоҷикистон ҳар сол 30 сентябр чун Рӯзи Мавлоно таҷлил карда мешавад.

День 31 мая
© Sputnik / Стас Этвеш / Вишнякова Мария

Соли 2012 сафари Эмомалӣ Раҳмон ба Ҷумҳурии Мардумии Чин аз музофоти Фуҷиан, ки дар ҷанубу шарқи ин кишвар қарор дорад, оғоз ёфт. Cоли 2014 Сарвари давлат  Эмомалӣ Раҳмон ба  боғи "15-солагии истиқлоли Тоҷикистон", ки бунёдаш 8 сол пеш, 18 феврали соли 2006 бо иштироки бевоситаи Сарвари давлат оғоз ёфта буд, ташриф оварданд. Ин боғи 450-гектара пурра ба ҳосил омада, соли дуюм аст, ки аз он ҳазорон нафар ризқи фарох ҳосил мекунанд.

Соли 2010 маросими ботантанаи ба истифода додани бинои нави Муассисаи давлатии "Маркази миллии тавонбахшии кӯдакони маъюб "Чорбоғ" дар ноҳияи Варзоб"  баргузор гардид. Барои бунёди бинои мазкур аз ҷониби Ҳукумати Ҷумҳурии Тоҷикистон 800 ҳазор сомонӣ ҷудо гардида буд.

Ҷашнҳои рӯзи 30 май дар Тоҷикистон ва ҷаҳон

Соли 2010 дар қароргоҳи Конфедератсияи футболи Осиё дар шаҳри Куала Лумпури Малайзия  рӯйхати дастаҳои футболе, ки дар бозиҳои олимпии Лондон-2012 иштирок мекарданд, ба тасвиб расид. Ба он  34 дастаи футболбозон, аз ҷумла, дастаи миллии Тоҷикистон низ шомил шуд.

Соли 2011 Парлумони Тоҷикистон лоиҳаи Қонуни ҶТ "Дар бораи Палатаи ҳисоби Ҷумҳурии Тоҷикистон"-ро ба тасвиб расонид.

Моли 2016 дар Филармонияи давлатии Тоҷикистон ба номи Акашариф Ҷӯраев ба муносибати 25-солагии Истиқлолияти давлатии Ҷумҳурии Тоҷикистон даври ниҳоии фестивал-озмуни чумҳуриявии "Тараннуми истиқлол" баргузор гардид.

Соли 2018 дар шаҳри Душанбе таҳти раёсати Сарвазири мамлакат Қоҳир Расулзода ҷаласаи Шўрои сарони ҳукуматҳо-сарвазирони кишварҳои аъзои ИДМ доир гардид

Ҷашнҳои рӯзи 1 июн

  • Рӯзи  умумиҷаҳонии муҳофизати  кӯдакон.
  • Дар Самоа —  Рӯзи истиқлолият.
  • Дар Тунис- иди умумимиллӣ- Рӯзи Консититутсия.
  • Дар Муғулистон — Рӯзи модару кӯдак.
  • Дар Ҷумҳурии Палау — Рӯзи президент
0
Барчаспҳо:
ҷашн, ҷаҳон, Тоҷикистон