Руки пожилой женщины, архивное фото

Дар Қазоқистон як зани садсола аз коронавирус шифо ёфт

325
Вазорати тандурустии Қазоқистон мегӯяд, ки беморони калонсол ва шадиданд беморро табобат кардан мумкин аст

ДУШАНБЕ, 29 апр — Sputnik. Дар Қазоқистон як зане, ки ба қарибӣ 100-сола шуд, аз гирифтории бемории коронавирус шифо ёфтааст, хабар медиҳад Вазорати тандурустии ин кишвар.

"Табибон ... дар ноҳияи Аршали бемор Силина Полина Алексеевнаро ба кафкубӣ гусел карданд, ки ӯ аввали моҳи май 100-сола мешавад. Вай тавонист аз коронавируси COVID-19 комилан шифо ёбад",- гуфта мешавад дар гузориш.

Ин ниҳод гуфтааст, ҳолати мазкур эътимоди табибонро ба табобати беморони куҳансол ва вазнин тақвият мебахшад.

Қобили зикр аст, ки ба гуфтаи коршиносон, сироят барои пиронсолон махсусан хатарнок аст, ки хатари марг аз ин бемориро зиёдтар доранд.

Тибқи оморҳои ахир то имрӯз шумораи гирифторони коронавирус дар Қазоқистон ба 3 ҳазору 19 нафар расидааст.

Омори мудҳиш: шумораи мубталоёни коронавирус дар ҷаҳон аз 3 миллион гузашт

То кунун аз ин беморӣ дар ин кишвар 754 нафар шифо ёфта 25 тани дигар фавтидаанд.

Ҳоло дар Қазоқистон вазъияти фавқулода аст, ки он аз 16 март ҷорӣ шуда буд ва ахиран ин низом то 11 май тамдид карда шуд.

Президенти Қазоқистон Қосим-Жомарт Тоқаев дар навбати худ ҳушдор дод, ки рӯзи 11 май вазъияти фавқулода танҳо дар сурати бардошта хоҳад шуд, ки агар гирифтории зиёд ба ин беморӣ қайд нагардад.

325
Барчаспҳо:
табибон, пиронсол, зан, вирус, Қазоқистон

Мутахассисони Роспотребнадзор барои мубориза бо COVID-19 боз ба Тоҷикистон меоянд

221
(Таҷдидшуда 14:00 05.06.2020)
Кормандони Роспотребнадзор дар чаҳорчӯбаи гурӯҳи вокуниши фаврии Созмони ҷаҳонии беҳдошт ба Тоҷикистон ташриф хоҳанд овард

ДУШАНБЕ, 5 июн — Sputnik. Роспотребнадзор ният дорад мутахассисонро барои мубориза бо коронавирус ба Тоҷикистон фиристад.

Кормандони Роспотребнадзор дар чаҳорчӯбаи гурӯҳи вокуниши фаврии Созмони ҷаҳонии беҳдошт ба Тоҷикистон ташриф хоҳанд овард

"Дар ояндаи наздик, мутахассисони Роспотребнадзор боз барои кор ба ҳайси як гурӯҳи байналмилалии коршиносоне, ки аз ҷониби ТУТ таъсис дода шудаанд, барои кор ба ҷониби Тоҷикистон дар ташхиси лабораторӣ, назорати эпидемиологӣ ва гузаронидани таҳқиқот дар коронавирус кӯмак мерасонанд", гуфт хадамоти матбуот.

Гуфта мешавад, фиристодаҳои Роспотребнадзор дар ҳайати ТУТ ба ҷониби Тоҷикистон дар ташхиси лабораторӣ, назорати эпидемиологӣ ва таҳқиқоти илмии коронавирус кӯмак хоҳанд кард.

Ёдовар мешавем, мутахассисони Роспотребнадзор алакай аввали моҳи май ба Тоҷикистон омада,  вазъи эпидемияи кишвар, тадбирҳои вокуниш ва иқтидори лабораториро арзёбӣ карданд.

 Ғайр аз он, коршиносони рус ба кормандони соҳаи тиб дар Тоҷикистон тавсияҳо оид ба мубориза бо коронавирус пешниҳод карданд.

Қайд карда мешавад, ки Роспотребнадзор ва ТУТ кори худро дар мубориза бар зидди паҳншавии коронавирус якҷоя идома медиҳанд.

Махсусан, дар доираи Шабакаи Глобалии Огоҳкунӣ ва Амалҳои ҷавобӣ (GOARN), агентӣ дар ташкили гурӯҳҳои вокуниши фаврӣ барои расонидани кӯмак ба кишварҳои бештар зарардида ширкат мекунад.

Тибқи маълумот  то 4 июн, шумораи умумии беморони коронавирус дар Тоҷикистон ба 4289 нафар мерасад.

Теъдоди қурбониён то имрӯз аз  ин беморӣ дар кишвар ба  48 нафар расида, ҳамчунин 2401 нафари дигар табобат ёфтаанд.

 

221
Пробирки с биоматериалом в лабораторном комплексе

Роспотребнадзор гуфт, сохтани ваксинаи ягона барои COVID-19 ғайриимкон аст

451
(Таҷдидшуда 20:30 04.06.2020)
Анна Попова, раҳбари Роспотребнадзор дар бораи омода кардани ваксина бар зидди коронавирус сухан гуфт

ДУШАНБЕ, 4  июн — Sputnik. Ваксинаи ягона барои коронавирус нахоҳад дошт, гуфт роҳбари Роспотребнадзор Анна Попова ҳангоми мубоҳисаи онлайн дар клуби “Валдай”.

Ба гуфтаи вай, дар Русия якбора якчанд доруҳои мухталифро барои табақаҳои гуногуни аҳолӣ истифода хоҳанд бурд.

"Бешубҳа, ин як дору нахоҳад буд. Як қатор ваксинаҳо ва доруҳои мухталиф мавҷуданд, ки барои гурӯҳҳои гуногун истифода хоҳанд шуд" - гуфт Попова.

Дар хусуси таъсири ваксинаҳои таҳияшудаи зидди коронавирус ҳанӯз барвақт гуфтан, изҳор дошт роҳбари Роспотребнадзор.

"Мӯҳлати эълон (таҳия намудани ваксина) умеди касе аст. Аммо ба назарам, имрӯз ҳоло умедвор кардан барвақт аст. Мо метавонем бигӯем, ки кай таҳия ва иҷрои ваксина аз ҷиҳати техникӣ имконпазир аст, аммо мо итминон надорем, ки он барои шахс то чӣ андоза самарабахш хоҳад буд",- гуфт Попова.

Вай афзуд, ки бар асари коронавирус, мутахассисон бояд фавран ваксинаҳои зукомро омода кунанд. Тибқи пешгӯии Роспотребнадзор, мавҷи дуюми ин беморӣ дар давраи афзоиши беморищои шадиди роҳи нафас метавонад рух диҳад.

Тахмин меравад, ки дар ин ҳолат як бемор манбаи паҳнсозии ҳарду вирус - ҳам зуком ва ҳам коронавирус мегардад.

Номбурда гуфтааст, рухдоди чунин вазъ раванди вазнин хоҳад буд ва ин комилан, ин моро водор мекунад, ки ваксина алайҳи зукомро ба даст орем ва миқдори онро зиёд бардорем ва кӯшиш кунем, ки шумораи зиёди шаҳрвандон эм карда шаванд.

451
Барчаспҳо:
истеҳсол, вирус, табобат, дору, Тоҷикистон
Скорая помощь

Ҷаримаи ронандаҳои “Ренҷ Ровер”, “Тайёта” ва ...: ба мошини ёрии таъҷилӣ роҳ надодаанд

0
Раёсати Вазорати корҳои дохилии Тоҷикистон оид ба нақлиёт дар Душанбе ронандаҳое, ки ба нақлиёти ёрии таъҷилӣ роҳ намедиҳанд ҷарима хоҳад кард

ДУШАНБЕ, 5  июн — Sputnik. Дар Тоҷикистон ба ҷаримаи соҳибони мошинҳое, ки сари вақт ба нақлиёти ёрии таъҷилӣ роҳ намедиҳанд, оғоз кардаанд, хабар медиҳад шабакаи телевизиони Тоҷикистон.

Ба иттилои манбаъ, танҳо давоми як санҷиш дар масофаи 15 киллометир 43 ҳолат ба қайд гирифта шудааст, ки автомобилҳои шахсӣ, мусофиркашҳо, микроавтобусҳои оддии ҷамъиятӣ ва ҳатто нақлиёти хидматӣ ба садои ёрии таъҷилӣ ва чароғакҳои равшани он тамоман аҳамият намедиҳанд.

Гуфта мешавад,  бо шарофати сабтҳои камераҳои назорати видеоӣ, Раёсати ВКД дар Душанбе тавонист тамоми ронандаҳое, ки ба чунин амал даст задаанд пайдо кардааст, ки миёнашон ронандаҳои худравҳои “Ренҷ Ровер”, “Тайёта”, “Мерседес” низ будаанд.

Барои ҳар як ронанда протокол тартиб дода шуд ва барои вайрон кардани қоидаҳои ҳаракат дар роҳ ҷарима ситонида шуд.

Қайд мешавад, ки ҳангоми сафарҳои таъҷилӣ, кормандони гуруҳи ёрии таъҷилӣ тамоми таҷҳизоти огоҳӣ, аз ҷумла чароғаки кабуд ва садоро (сигнал) истифода мекунанд, аммо ҳатто баъзан ин ба духтурон имкон намедиҳад, ки ба зудӣ ба ҷойи даъватшуда бирасанд.

Тибқи гузориш қоидаҳо на танҳо дар роҳҳо ва ҳатто дар назди биноҳои истиқоматӣ вайрон мешавад, ки сокинон дар назди дари биноҳо нақлиёти худро гузоштаанд, ки ворид шуданро душвор месозад.

Дар робита ба ин, Вазорати корҳои дохилӣ аз тамоми сокинони шаҳр хоҳиш менамояд, ки ба сигналҳои ёрии таъҷилӣ бодиққат бошанд ва ба гузариши бригада монеа нашаванд, зеро ин метавонад ба ҳаёти инсон арзиш дошта бошад.

Роҳбарияти Вазорати корҳои дохилии Тоҷикистон дар пайтахт аз ҳама ронандагон даъват кардааст, ки тамоми қоидаҳои роҳро риоя намоянд ва ба ҳаркати бемамониати нақлиёти ёрии таъҷилии тиббӣ халал нарасонанд.

 

 

0