Сотрудники лаборатории в Нанкине, архивное фото

Чин ба Созмони ҷаҳонии Беҳдошт иҷозат намедиҳад, ки коронавирусро таҳқиқ кунад

1123
(Таҷдидшуда 10:07 02.05.2020)
Таҳқиқи пайдоиши коронавирус дар Чин аз суи марказҳои таҳқиқии ин кишвар идома дорад, аммо намояндагони Созмони ҷаҳонии беҳдошт ба он даъват нашудаанд

ДУШАНБЕ, 2 май — Sputnik. Мақомоти Чин дархости Созмони Ҷаҳонии Беҳдоштро оид ба иштирок дар таҳқиқи пайдоиши коронавирус рад карданд, хабар медиҳад РИА Новости бо истинод ба намояндаи СУТ дар Чин, Годин Галеа.

Ба гуфтаи номбурда, донистани ҳолатҳои пайдоиши коронавирус барои ТУТ, баҳри пешгирии ин гуна ҳодиса хеле муҳим аст.

"Мо медонем, ки таҳқиқи миллии (Чин) алакай ҷараён дорад, аммо дар ин марҳила мо баро иштирок даъват карда нашудем. ТУТ ба ниҳодҳои давлатӣ ва мақомоти тандурустии Чин дархостро идома медиҳад" гуфт коршинос дар мусоҳиба бо шабакаи бритониёии Sky News.

Вай инчунин қайд кард, ки мақомоти Чин ба ТУТ дастрасӣ ба ҳуҷҷатҳои ду лабораторияи вирусологӣ дар Вуҳонро, ки маркази эпидемияи паҳншавии коронавирус мебошад, намедиҳанд.

 

  Ба гуфтаи ӯ, ТУТ ба пайдоиши табии вирус бовар дорад, на сунъӣ:"Бо вуҷуди ин, дар сабтҳои лабораторӣ бояд ҷузъи ягон ҳисоботи мукаммал ва омӯзиши пурраи таърихи пайдоиш (вирус) бошанд",- илова кард Галеа.

Қаблан расонаҳои амрикоӣ гуфтан, коронавирус дар шароити лабораторӣ дар Вуҳани Чин сохта шудааст.

Дар пайи ин Доналд Трамп низ зимни як брифинг гуфт,  агард исбот шавад,  ки вирус ба таври сунъӣ пайдо шудааст ва Чин онро пинҳон доштааст, муҷозот хоҳад шуд.

Аммо мақомоти Чин ин даъвоҳоро беасос мехонанд.

Вазорати корҳои хориҷии Чин низ 16 апрез гуфт, ТУТ борҳо изҳор доштааст, ки ҳеҷ далеле вуҷуд надорад,  ин вирус дар лаборатория эҷод шудааст. Аксари коршиносони маъруфи ҷаҳон низ ба ин бовар доранд.

1123
Барчаспҳо:
Ухан, пайдоиш, вирус, таҳқиқ, ТУТ, Чин
Мавзуҳо:
Пайомадҳои COVID-19 дар Тоҷикистон ва ҷаҳон (488)
Открытие нового здания хирургии в районе Шахристан, архивное фото

Хушхабар: Пажӯҳишгоҳи гастроэнтерология дар Душанбе аз маризони COVID - 19 орӣ шуд

216
Тамоми маризони COVID -19, ки дар Пажӯҳишгоҳи гастроэнтерология дар шаҳри Душанбе бистарӣ буданд, шифо ёфта мураххас шуданд

ДУШАНБЕ, 4 июн — Sputnik. Вазорати тандурустии Тоҷикистон аз орӣ шудани Пажӯҳишгоҳи гастроэнтерология дар шаҳри Душанбе аз маризони коронавирус хабар дод.

Ба иттилои манбаъ, ҳамаи маризони коронавирус, ки дар ин беморхона бистарӣ буданд, шифо ёфта ба хонаҳои худ баргаштанд.  

Ду донишҷӯи тоҷик мубталои коронавирус шуда, ба бемористон бистарӣ шуданд

Зимнан, вазорат таъйид намудаст, ки дар чанд рӯзи ахир қисме аз муассисаҳои тандурустӣ, ки  муддати муайян дар онҳо беморони гирифтори коронавирус табобат мегирифтанд, ба фаъолияти муқаррарӣ баргаштанд.

"Муассисаи давлатии "Маркази ҷумҳуриявии клиникии бемориҳои дил" ва Маркази бемориҳои урологӣ, воқеъ дар Муассисаи давлатии Маркази миллии тиббии Тоҷикистон "Шифобахш" ва бахши таваллудхонаи Муассисаи давлатии Маҷмааи тандурустии "Истиқлол", ки ба муоинаву муолиҷаи гирифторони бемории коронавирус машғул буданд,  ба фаъолияти муқаррарии корӣ баргардонида шуданд", - таъкид мешавад дар хабар.

Манбаъ меафзояд, ҳоло  дар аксар минтақаҳои мамлакат, бахусус дар шаҳри Душанбе ҳолатҳои сироятёбии сокинон аз бемории  COVID-19 то андозае поён рафта, ҳамзамон муроҷиати шаҳрвандони мамлакат низ ба муассисаҳои тиббӣ бо нишонаҳои сироятёбӣ аз коронавирус кам шудааст.

Мутахассисони соҳаи тандурустӣ бар он назаранд, ки дар Ҷумҳурии Тоҷикистон давраи авҷи сироятёбии сокинон ба бемории COVID-19 паси сар шудааст.

216
Барчаспҳо:
маризон, бемористон, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (488)

Ҳайати Созмони Ҷаҳонии Беҳдошт ба қарибӣ дубора ба Тоҷикистон меояд

380
(Таҷдидшуда 10:16 04.06.2020)
Дар нишасти матбуотии Дафтари минтақавии аврупоии Созмони умумиҷаҳонии тандурустӣ бораи сафари такрории ҳайати ин ташкилот ба Тоҷикистон гуфтанд

 

ДУШАНБЕ, 4  июн — Sputnik. Ҳайати Созмони ҷаҳонии беҳдошт  дар ояндаи наздик ба Тоҷикистон дубора меояд. Дар ин бора дар нишасти матбуотӣ аз ҷониби Дафтари минтақаи ТУТ дар Аврупо хабар дода шуд.

Доктор Олег Стороженко, корманди маркази ҳамоҳангсозӣ оид ба вокуниш ба пандемияи COVID-19 ва ҳамзамон узви ҳайати СҶБ, ки ба Тоҷикистон омада буд, дар посух ба суоли Sputnik Тоҷикистон гуфт, мубориза бо коронавирус як равиши хеле ҳамаҷонибаест, ки захираҳои муайянро лозим дорад ва ҳамзамон дар баробари табибон кор бо аҳолиро талаб мекунад.

"Дар ҳолати зарурӣ, ТУТ омода аст шарикони худро барои кӯмак, пешниҳоди таҷрибаи зарурӣ ва таҷҳизоти муҳофизати шахсӣ сафарбар намояд. Мо хуб медонем, ки ҳеҷ кишваре ва ҳеҷ як ташкилот наметавонад танҳо ба пандемия мубориза барад. Мо барои муттаҳидӣ дар ин ҷоем ва агар лозим бошад, дасти худро дароз кунем ", гуфт Стороженко.

Ҳамзамон  Луба Негру, сухангӯи Дафтари минтақавии СУТ дар Аврупо илова намуд, ки ҳайати ташкилот ба наздикӣ боз ба Тоҷикистон ташриф меорад.

“Хеле сахту ногувор буд”: набарди Абдуллоҳи Раҳнамо бо “вируси корона” поён ёфт

 Ёдовар мешавем, сафари охирини гурӯҳи махсуси ТУТ чанде пеш баргузор шуда буд, ки коршиносони он ду ҳафтаи аввали моҳи майро дар Тоҷикистон гузарониданд.

380
Президент Таджикистана Эмомали Рахмон и глава Беларуси Александр Лукашенко

Лукашенко нақл кард, ки чӣ гуна дӯсташ Раҳмон бо пулемёт вориди Душанбе шуд

618
(Таҷдидшуда 18:41 04.06.2020)
Александр Лукашенко, раисиҷумҳури Белорус, дар пайи таъйини ҳукумати нави кишвараш изҳор дошт, ки аз ҳама муҳим ҳифзи сулҳу субот мебошад

ДУШАНБЕ, 4 июн — Sputnik. Лукашенко зимни суханронияш баъди таъйини ҳукумати нав изҳор дошт, ки Белорус ягон кишвари пасошӯравӣ аст, ки мусибатро надид.

Ӯ аз ҷумла танишҳо дар Украина, Гурҷистон, Молдова, Озарбойҷону Арманистон, Литваро зикр карда, солҳои ҷанги шаҳрвандии Тоҷикистонро мисол овард.

Лукашенко нақл кард, ки Эмомалӣ Раҳмон, раисиҷумҳури Тоҷикистон, бо пулемёт ба пеш вориди Душанбе шуд, то тартиботро ҷорӣ кунад, хабар дод нашрияи "Беларусь сегодня".

“Касе намедонад, ки чигуна дӯстам Раҳмон бо пулемёт вориди пойтахти Тоҷикистон шуд, то тартиботро ҷорӣ кунад. Чандин нафар он ҷо мурд. Чигуна бо ришдорҳо мубориза мебурданд”, - гуфт Лукашенко.

Раисиҷумҳури Белорус инчунин аз он нақл кард, ки чигуна Ислом Каримов, раисиҷумҳури пешини Ӯзбекистон дар Андиҷон бо парондани ҳазор нафар ошӯбро шинонд.

“Ҳама ӯро маҳкум мекарданд, аммо вақте фавтид, ба зону зада фиғон бардоштанд, гиря мекарданд. Мо чунинро аз сар нагузарондаем ва намехоҳем онро дарк кунем. Бархе намехоҳанд, аммо мо ёдрас мекунем”, - гуфт Лукашенко.

Раисиҷумҳури Белорусия дар ҳузури ҳукумати ҷадиди кишвараш аҳамияти ҳифзи сулҳу суботро таъкид намудааст.

618