Ниқобпӯш дар метро, акс аз бойгонӣ

Сабти мубталошавии бесобиқа ба коронавирус дар Русия тайи як шабонарӯз

789
Дар Русия тайи шабонарӯзи гузашта 9 ҳазору 623 ҳолати нави гирифторшавӣ ба бемории COVID-19 ошкор шудааст, ки аз он ба Маскав 5358 ҳолат рост меояд

ДУШАНБЕ, 2 май — Sputnik. Ситоди фаврии мубориза бо коронавирус дар Русия теъдоди ҳолатҳои нави гирифторшавӣ ба коронавирусро тайи шабонарӯзи гузашта 9 ҳазору 623 адад арзёбӣ кардааст.

“Шумори нисбатан зиёди беморони нав ба Маскав - 5358, навоҳии назди Маскав  - 807 ва Санкт-Петербург – 323 ҳолат рост меояд", -  омадааст дар иттилоия.

Ситоди фаврӣ далели афзоиши гирифторони коронавирус дар пойтахтро ба зиёд шудани марокизи ташхиси COVID-19 рабт додааст.

Вазорати тандурустии Русия мегӯяд, феълан ҳеч далели ба эътидол омадани вазъи марбути коронавирус дар кишвар рӯи даст нест ва қоидаҳои худмуҳофизатӣ набояд сарфи назар гарданд.

“Ҳеч асоси ҳокӣ аз эътидоли вазъи марбути коронавирус дар Русия ҷой надорад ва қоидаҳои амниятӣ набояд нодида гирифта шаванд”, - таъкид шудааст дар муроҷиатномаи Ситод.

Вазорати тандурустии Русия таъкид намудааст, ки коронавирус хеле зуд паҳн шуда истодааст ва эҳтимоли сироятшавӣ дар кишвар зиёд мебошад.

789
Барчаспҳо:
вируси нав, Русия

Шифои 119 ҳазор нафар аз коронавирус дар Эрон

109
(Таҷдидшуда 18:58 31.05.2020)
Вазорати беҳдошт, дармон ва омӯзиши пизишкии Эрон эълом кард, ки то кунун 118 ҳазору 848 нафар аз мубталоён ба коронавирус дар кишвар беҳбуд ёфта, аз бемористонҳо мураххас шудаанд

ДУШАНБЕ, 31 май - Sputnik. Киёнуши Ҷаҳонпур, раиси маркази равобити умумӣ ва иттилоърасонии Вазорати беҳдошти Эрон рӯзи якшанбе дар гуфтугӯ бо хабарнигорон охирин омори мубталоён ба коронавирус дар кишварро ироа намуд.

Дар 24 соати гузашта 2 ҳазору 516 бемори ҷадид шиносоӣ шудаанд, хабар дод "Парстудей" аз қавли Ҷаҳонпур.

Ҷаҳонпур афзудаст, ки аз байни мубталоёни ҷадид, 511 маврид бистарӣ ва 2 ҳазору 5 бемор ба сурати сарпоӣ хадамотрасонӣ шуданд ва маҷмӯи беморони коронавирус дар Эрон ба 151 ҳазору 466 нафар расид.

Ҷаҳонпур ҳамчунин бо ишора ба фавти 63 бемор дар 24 соати гузашта гуфтаст, фавти ношӣ аз коронавирус дар Эрон ба 7797 нафар расидааст.

Дар ҷаҳон то кунун ҳудуди шаш миллиону 200 ҳазор нафар ба бемории КОВИД-19 мубтало шуда ва 380 ҳазор нафар низ ҷон бохтаанд.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (1 805 745 нафар), Бразилия (498 440), Русия (396 575), Испания (239 228), Британияи Кабир (272 826), Италия (232 264), Олмон (183 234), Ҳиндустон (182 143) ва Туркия (163 103) Перу (155 671) дохил мешаванд.

109

Теъдоди дардмандони коронавирус дар Ӯбекистон аз 3,5 ҳазор гузашт

194
Вазорати тандурустии Ӯзбекистон дар робита ба маризии коронавирус омори нав нашр намуд. Бар тибқи маълумоти вазорат шумораи умумии беморон аз 3,5 ҳазор ҳам бештар шудааст

ДУШАНБЕ, 31 май— Sputnik. Дар Ӯзбекистон шумораи дардмандони маризии коронавирус дар ҳоли афзоиш аст, хабар медиҳад хадамоти матбуотии Вазорати тандурустии ин кишвар.

Тибқи иттилои вазорат, дар давоми як рӯзи охир дар Ӯзбекистон 8 ҳолати нави сироятшавӣ ошкор карда шуд, ки ҳамакнун сафи умумии маризон ба 3554 нафар расид.

"То 31 май шумораи ҳодисаҳои сирояти коронавирус дар Ӯзбекистон ба 3554 нафар баробар шудаастнафар аст", - таъкид мешавад дар хабар.

Қайд карда мешавад, ки як рӯз пеш дар ин кишвар 58 ҳолати нави коронавирус ба қайд гирифта шуда буд, рӯзи ҷумъа афзоиши он 44 нафар буд ва рӯзи панҷшанбе шумораи беморон якбора ба 75 нафар зиёд шуд.

Вазорати тандурустӣ илова кард, ки ҳоло 757 бемори коронавирус таҳти муолиҷа қарор доранд. Пизишкон вазъи саломатии нӯҳ маризро вазнин ва аҳволи як беморро шадидан вазнин арзёбӣ мекунанд.

Ёдовар мешавем, ки бурузи ин маризӣ дар Ӯзбекистон аз 12 - уми март шурӯъ шуд.

194
Барчаспҳо:
афзоиш, маризӣ, Узбакистон
Военнослужащие афганской национальной армии в провинции Кундуз, архивное фото

ДОИШ дар кишвари ҳамсоя боз аз худ хабар дод: ҳамла ба телевизиони Хуршеди Афғонистон

0
(Таҷдидшуда 03:24 01.06.2020)
Гурӯҳи террористии ДОИШ масъулияти таркиш дар масири худрави коркунони шабакаи телевизионии Хуршед дар шаҳри Кобул - пойтахти Афғонистонро бар уҳда гирифт

ДУШАНБЕ, 1 июн - Sputnik. Бар асари ин таркиш, ки асри рӯзи шанбе дар шаҳри Кобул рӯй дод  ду нафар аз ҷумла ду корманди шабакаи телевизионии Хуршед кушта ва шаш нафари дигар захмӣ шуданд, иттилоъ додааст Садои Хуросон.

Соли 2017 низ дар таркиш дар сохтмони хабаргузории Садои афғон (Ово) дар ғарби Кобул 50 тан кушта ва беш аз 90 тани дигар захмӣ шуда буданд.

Гурӯҳи террористии ДОИШ масъулияти он ҳамларо низ бар уҳда гирифта буд.

Ёдрас мешавем, ки чанде пеш бар асари ҳамлаи мусаллаҳонаи ҷангиёни Доиш ба яке аз таваллудхонаҳои Афғонистон дасти кам 14 афроди ғайримулкӣ. аз ҷумла ду навзод кушта шуданд.

 Ҳамзамон бо ин ҳамла, вилояти Нангарҳори Афғонистон хабар дод, ки ҳангоми маросими дафн дар пойтахти ин кишвар якчанд таркишҳо рух дода, беш аз 50 нафар кушта ё захмӣ шудаанд.

0
Барчаспҳо:
масъулият, Кобул, ҳамла, таркиш, Афғонистон, ДОИШ