Международная клиника Ибни Сино

Вақти “корона”: шифохонаи “Ибни Сино” сироятӣ мешавад

1665
(Таҷдидшуда 22:49 02.05.2020)
Рӯзи душанбе, 4 май Шифохонаи байнулмилалии Ибни Сино ба қабули маризони уфунӣ шуруъ хоҳад кард. Вазорати тандурустӣ ва ҳифзи иҷтимоии Тоҷикистон аз ин иқдом ҷонибдорӣ мекунад

ДУШАНБЕ, 2 май – Sputnik. Абдухалил Холиқзода, раиси ҳайати мудирони Шифохонаи байнулмилалии Ибни Сино ба Sputnik Тоҷикистон гуфт, омодагиҳо, шурӯъ аз таъмини василаҳои ҳифзи шахсии кормандон то бозсохти таъминотиву таъсисотӣ ба суръат идома дорад.

“Мутаассифона, маризиҳои сироятӣ, аз ҷумла “вируси корона” дар кишвар густариш меёбанд ва хушбахтона, шифохонаҳои давлатӣ бистари кофӣ барои қабули беморони ин қабил маризиҳоро доранд. Ният мо ин аст, ки то 4 май, рӯзи душанбе омодагиҳои худро ба анҷом расонем ва агар вазорати тандурустӣ лозим донад, ба қабули беморони уфунӣ оғоз хоҳем кард”, - гуфт Абдухалил Холиқзода.

“Ибни Сино”, яке аз аввалин шифохонаҳои хусусӣ ва ҳоло муваффақи Тоҷикистон буда, сентябри соли 2009 бо меъёрҳои тибби аврупоӣ таъсис ёфтааст ва бо таҷхизоти навтарини сохти кишварҳои пешрафтаи ҷаҳонӣ таҷҳизонида шудааст.

Аввалин шифохонае ба шумор меравад, ки бо ҷалби пизишкони Эрон, Олмон ва Русия умдатан ба ҷарроҳии маризиҳои дил ихтисос дошт. Ҳоло шифохона тавсиа ёфта, ба ҷуз дил, ҷарроҳии гурдаву роҳҳои пешоб, тармимву пластикӣ ва умумиро низ анҷом медиҳад ва бахшҳои ангиографӣ, дандонпизишкӣ, дармонгоҳ, озмоишгоҳ, рентген ва дорухона низ дорад. 

Раиси ҳайати мудирони Шифохонаи Ибни Сино мегӯяд, тағйири низоми кор ва мушаххасоти шифохона ба чолишҳое рабт дорад, ки имрӯз дар ҷаҳон ва ба дунболи он дар Тоҷикистон дар пайи густариши “вируси корона” ба миён омадааст.

“Ин як кори содда нест, аммо мо - кормандони Шифохонаи Ибни Сино бояд дар канори мардуми хеш ва дар хидмати он қарор гирем” – гуфт Абдухалил Холиқзода.

Дар ҳамин ҳол, муовини вазири тандурустӣ ва ҳифзи иҷтимоии аҳолии Тоҷикистон аз тасмими раҳбарияти Шифохонаи Ибни Сино истиқбол карда, гуфт, бахши хусусӣ ҳам як қисмати соҳаи тандурустӣ аст ва раҳбарияти ҳар шифохона дар гирифтани ҳар тасмим томулихтиёр аст.

Шодихон Ҷамшед ба Sputnik Тоҷикистон гуфт, ҳанӯз дар ин бора маълумоте дар ихтиёр надорад ва муроҷиатеро ҳам дарёфт накардаанд, аммо вазорат аз ҳар тасмими созанда пуштибонӣ мекунад.

“Шифохонаи Ибни Сино муассисаи хусусӣ аст. Ҳар чӣ раҳбарияташ тасмим мегирад, ихтиёри онҳо аст. Агар лозим шуморад, ки самти хизматрасониҳояшро тағйир диҳад, чаро не? Агар зарурату эҳтиёҷ ба ин кор бошад ва шифохона имконият дошта бошад, бибуни баҳс, метавонанд фаъолияташонро ба роҳ монанд. Дар кишварҳои пешрафта ҳам ҳоло шифохонаҳои хусусӣ самти хизматрасонии худро тағйир дода, бо ин чолише, ки дар тандурустии ҷаҳон пеш омадааст, мубориза мебаранд” – гуфт муовини вазири тандурустӣ ва ҳифзи иҷтимоии аҳолии Тоҷикистон.

Нуктаи дигаре, ки метавонад боиси баҳс шавад, пулакӣ будани шифохонаҳи хусусӣ ва дар замони пандемия маҷҷонӣ табобат шудани сироятёфтагон аст. Раиси ҳайати мудирони Шифохонаи Ибни Сино мегӯяд, дар ин маврид воқеан тасмим дорад бо вазири тандурустӣ ва ҳифзи иҷтимоии Тоҷикистон сари баррасӣ нишинад.

“Воқеан, шифохонаи хусусӣ аз ҳисоби маболиғи мизоҷони худ мечархад. Агар ҳукумат маводи доруворӣ, либоси хос ва дигар таҷҳизотро дар ихтиёри мо гузорад, мо арзиши хизматрасониҳои худро поён хоҳем овард. Фақат маоши кормандон ва дигар хароҷотро хоҳем гирифту халос. Худ тасаввур кунед, ҳудуди 100 нафар дар шифохона қарантина мешаванд ва хӯрду хӯроку маоши онҳо бояд таъмин шавад”, - гуфт Абдухалил Холиқзода.

Шифохонаи байнулмилалии Ибни Сино дар маркази шаҳри Душанбе дар як бинои 12 – ошёнае ҷойгир аст ва тасмим дорад дар навбати аввал барои қабули маризони уфунӣ 60 кат ихтисос диҳаду ҳудуди 50 корманди худро сафарбар кунад.

Тибқи иттилои вазорати тандурустӣ ва ҳифзи иҷтимоии аҳолии Тоҷикистон, ҳоло дар кишвар 702 муассисаи хусусӣ иҷозатномаи фаъолияти тиббиро ба даст оварда, аз ин 343 муассиса бо 61 филиал шахсони ҳуқуқӣ ва 299 муассиса шахсони воқеиянд.

1665
Барчаспҳо:
бемориҳои сироятӣ, Тоҷикистон

Бидуни фавт: омори тозаи гирифторони COVID - 19 дар Тоҷикистон

1319
(Таҷдидшуда 18:08 05.06.2020)
То 5 июн дар Тоҷикистон 4370 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар кишвар 2491 (57%) нафар шифо ёфтаанд

ДУШАНБЕ, 5 июн – Sputnik. Вазорати тандурустии Тоҷикистон омори нави гирифторони коронавирусро нашр кард.

"Шабонарӯзи гузашта 81 нафар бо ташхиси сирояти коронавируси нави COVID-19 ошкор шуда, ягон ҳолати фавт ба қайд гирифта нашуд", - омадааст дар хабарнома.

Тибқи иттилои ин ниҳод, то 5 июн дар Тоҷикистон 4370 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар кишвар 2491 (57%) нафар шифо ёфтаанд. То имрӯз дар Тоҷикистон аз ин беморӣ 48 нафар фавтидаанд.

Мубориза бо КОВИД-19: дар Бӯстон маҳлули хлор тақсим мекунанд

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки то 5 июн дар кишвар 1355 нафар зери назорати табибон қарор доранд.

Пешгирӣ аз вируси корона: 20 ширкати тоҷикӣ ба тавлиди ниқоби тиббӣ оғоз карданд

Манбаъ афзуда, ки дар як шабонарӯзи охир 219 нафар пас аз шифо ёфта ба хонаҳояшон рухсат дода шудаанд.

Мо метавонем: ширкатҳои Тоҷикистон даҳҳо тонна собун, хлор ва антисептик истеҳсол карданд

1319
Барчаспҳо:
бемориҳои сироятӣ, сироят, вируси нав, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон
Жители Узбекистана в защитных масках

Афзоиши мубталоёни коронавирус дар Ӯзбекистон: ба чор ҳазор наздик шуд

156
(Таҷдидшуда 17:09 05.06.2020)
Айни замон дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

ДУШАНБЕ, 5  июн — Sputnik. Дар ин кишвар давоми шабонарӯзи гузашта боз 26 ҳолати ҷадиди мубталошавӣ ба ин маризӣ сабт гардид, хабар медиҳад ситоди фаврии назди ҳукумати Ӯзбекистон.

Бо илова шудани 26 мавориди ҷадид, шумораи умуми дардмандон ба 3 965 нафар баробар шуд.

Гуфта  мешавад, ба қарибӣ дар ҷумҳурӣ 96 ҳолати нави COVID-19 ва снаи 3 июн - 83 нафар бо нишонаҳои ин беморӣ ба қайд гирифта шудааст.

Тибқи иттилои вазорати тандурустӣ, ҳоло дар Ӯзбекистон 862 беморони гирифтори COVID-19 табобат мегиранд, нӯҳ нафари онҳо дар ҳолати вазнин ва як нафар дар ҳолати ниҳоят вазнин қарор дорад

Ёдовар мешавем, ки аввалин ҳолати сироятёбӣ дар Узбакистон 15 март дар зане, ки аз Фаронса ба ватанаш баргашт, расман сабт шуд.

Ҳукумати Ӯзбекистон сар аз пайдоиши ин беморӣ дар ин кишвар чораҳи қатъӣ аз ҷумла қарантинаро роҳандозӣ кард.

Мубориза бо КОВИД-19: дар Бӯстон маҳлули хлор тақсим мекунанд

Ба наздикӣ мақомоти Узбакистон қарантинро дар ҷумҳурӣ то 15 июн тамдид карданд, аммо дар минтақаҳое шуюи коронавирус паст гаштанд аз 1 июн ба нуқтаҳои маишӣ ва гузаронидани тую маъракаҳо иҷозат дода шуд.

Ҳамчунин, аз 18 май инҷониб равуои нақлиёти мусофирбар байни Тошканд ва дигар минтақаҳои Узбакистон барқарор карда шуданд.

Аз 8 июн, дари мосоҷид ва дигар ибодатгоҳҳо ба рӯйи сокинон кушода хоҳад шуд.

156
Руководитель отдела экономики Института стран СНГ Аза Мигранян

Коршинос: барномаи зиддибӯҳронии Тоҷикистон ду моҳ дер тасвиб шуд

0
Тоҷикистон аз ҳисоби кадом маблағҳо соҳибкоронро дастгирӣ хоҳад кард ва оё ин иқдомҳоро буҷаи кишвар мебардорад ё не - ба ин саволҳо коршинос, иқтисодшиноси Пажӯҳишгоҳи ИДМ Аза Мигранян посух гуфт

Ҳукумати Тоҷикистон барномаи зиддибӯҳронии замони пандемияи коронавирусро қабул кард, ки ба дастгирии соҳибкорон ва аҳолӣ равона гардидааст.

Имрӯз, 5 июн чанд фармони раисҷумҳури Тоҷикистон Эмомалӣ Раҳмон ба имзо расид, ки мувофиқи он чанд гурӯҳ соҳибкорон аз андоз озод карда шуда, ба қишри осебпазир кӯмакпулӣ таъин ва боло бурдани арзиши барқу хизматрасониҳои коммуналӣ мавқуф карда шуд.

Мигранян о том, за счёт чего в Таджикистане будут поддерживать бизнес

"Дар ҳар як кишвар захираи муайяне ҳаст, ки ба истилоҳ захираҳои ғайрибуҷавӣ гуфта мешавад. Ин гуна буҷа дар Тоҷикистон низ ҳаст", - гуфт Миграниян дар сӯҳбат бо Sputnik Тоҷикистон.

Ба гуфтаи коршинос, таҳлили он ки иқдомҳои зиддибӯҳронии Ҳукуматро буҷаи Тоҷикистон мебардорад ё не, ғайриминтақист, зеро феълан маълум нест, ки барои ин иқдоми Ҳукумат чӣ қадар маблағ лозим аст.
"Фаҳмиши норасоии буҷа нисбӣ аст. Ҳама гуна кишвар бо норасоии буҷа метавонад то дер  арзи вуҷуд дошта бошад", - таъкид мекунад коршинос.

 

Ба гуфтаи ӯ, ин ҷо гап дар бораи дастгирии аҳолӣ ва тиҷорати хурд меравад.

"Ҳамааш аз он вобаста аст, ки то кай дар Тоҷикистон маҳудиятҳои фаъолияти иқтисодӣ амалӣ мешавад. Агар маҳдудиятҳо фарогир бошанд, пас ин ҳамагӣ дастгирии хурдест. Агар маҳдудиятҳо кутоҳмуддат ва маҳдуд бошанд, ҳамин тавре ки ҳоло дар Тоҷикистон рӯи кор меоянд, ин дастгирӣ ба аҳолӣ ва тиҷорати хурд назаррас хоҳад шуд".

Вай афзуд, ки вақте ҷараёни даромад нест, ихтисори андоз, пардохтҳои ҳатмӣ ва харҷҳои гуногун метавонад ба қисми рақобатпазир дар кам шудани талабот ба маводи онҳо дар мӯҳлати муайян кӯмак кунад. Аммо ин истеҳсолоти заифро наҷот намедиҳад.

"Сухан дар бораи дастгириҳои иҷтимоӣ бо мақсади тавонмандии харидории аҳолӣ меравад. Ин чораҷӯиҳо барои бештари кишварҳои ҷаҳон стандартӣ мебошанд", - тавзеҳ медиҳад ӯ.

 

Ин иқдомҳои Тоҷикистон ду моҳ дер қабул шуданд, гуфт дар анҷом Мигранян.

0