Борис Джонсон

Сарвазири Британия гуфт, табибон ба эълони марги ӯ омода буданд

831
(Таҷдидшуда 13:46 03.05.2020)
Сарвазири Британияро пас аз 17 рӯзи табобат аз бемористон мураххас намуданд. Дар рӯзи аз беморхона баромадан ӯ соҳиби фарзанд шуд ва навзодро ба шарофати ду духтуре, ки Ҷонсонро табобат карданд, номгузорӣ намуданд

ДУШАНБЕ, 3 мая — Sputnik. Борис Ҷонсон сарвазири Британия даҳшати маризии худро ба ёд оварда мегӯяд, табибон ҳатто омода буданд, то марги ӯро эълон кунанд.

"Ин як лаҳзаи бисёр вазнин буд, ман инро инкор намекунам. Саломатии ман хуб набуд ва медонистам, ки духтурон барои ҳолатҳои ғайричашмдошт нақша доштанд. Муддати тӯлонӣ ман тавассути ниқоб  оксиген нафас мекашидам... Ман наметавонам шарҳ диҳам, ки чӣ тавр  сиҳат шудам",-изҳор доштаст Ҷонсон.

Гуфта мешавад, пас аз 17 рӯзи талош барои зинда мондан, Ҷонсон соҳиби фарзанд шуд. Бо аз бемористон мураххас шудан, ҳамсараш писар таваллуд кард.

Нахуствазири Бритониё Борис Ҷонсон гирифтори коронавирус шуд

Исми навзодро Ҷонсон ба шарофати ду пизишке, ки ҷони ӯро аз дами марг наҷот доданд, номгузорӣ кард. Пизишкони ӯ Николас Прайс ва Николас Харта буданд. Номи Ҷонсони хурдиро Уилфред Лори Николас номгузорӣ каранд. 

Ёдовар мешавем, ки Борис Ҷонсон худаш дар як паёмаш дар шабакаи интернет эълон карда буд, ки мубтало ба коронавирус шудааст.

 

831
Барчаспҳо:
беморӣ, Британия, сарвазир
Выборы в Таджикистане

Вазорат: дар 24 соати гузашта марг бар асари COVID-19 ба қайд гирифта нашуд

64
(Таҷдидшуда 20:02 23.11.2020)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта ягон ҳолати фавт бар асари коронавирус дар ҷумҳурӣ сабт нашудааст

ДУШАНБЕ, 21 ноя – Sputnik. Тибқи иттилои Вазорати тандурустӣ ва ҳифзи иҷтимоии аҳолӣ, шабонарӯзи охир дар Тоҷикистон 38 ҳолати нави сирояти COVID-19 ба қайд гирифта шуд.

Маркази матбуоти Вазорати тандурустӣ ва ҳифзи иҷтимоии аҳолӣ афзуд,  дар маҷмӯъ сирояти коронавирус дар муддати аз 30 апрел то 23 ноябр 11 ҳазору 932 ҳолатро ташкил медиҳад.

“Дар як шабонарӯзи охир 41 нафар пас аз табобат ба хонаҳояшон рухсат дода шуда, дар маҷмӯъ шумораи шифоёфтагон аз ин беморӣ дар Тоҷикистон ба 11 ҳазору 312 нафар баробар гардид. Бар асари ин беморӣ 86 нафар фавтидаанд”, - омадааст дар иттилоия.

Вазорати тандурустӣ илова намудааст, ки то имрӯз 94,8%-и гирифторон аз коронавирус шифо ёфтаанд.

Таъкид шудааст, ки  Ҳукумати Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ менамояд.

64
Барчаспҳо:
вазоратхона, марг, ҷумҳурӣ, фавт, вируси корона, Тоҷикистон
Медицинские работники и пациент в отделении интенсивной терапии ковид-госпиталя

Вазорати тандурустӣ: сатҳи гирифторӣ ба бемории COVID-19 дар шаҳри Душанбе коҳиш ёфт

401
(Таҷдидшуда 18:09 23.11.2020)
Вазорати тандурустӣ эълон кардааст, ки имрӯзҳо сатҳи гирифторӣ ба бемории COVID-19 дар ҷумҳурӣ, алалхусус дар шаҳри Душанбе коҳиш ёфтааст

ДУШАНБЕ, 23 ноя — Sputnik. Масъулини вазорати тандурустӣ таъкид доштаанд, ки ҳоло дар муассисаҳои сатҳи беморхонавии шаҳри Душанбе 8 нафар бо бемории COVID-19 бистарӣ шуда, дар сатҳи дармонгоҳӣ ё табобати хонагӣ 17 нафар бемор табобат мегиранд.

“Дар муассисаҳои сатҳи беморхонавии шаҳри Душанбе 63 нафар бемор ва дар сатҳи дармонгоҳӣ 30 нафар бемор бо илтиҳоби шуши  баъдиковидӣ ба табобат фаро гирифта шудаанд”, - қайд кардааст вазорат.

Гуфта шудааст, ки аз рӯзҳои аввали бақайдгирии бемории COVID-19 барои пешгирӣ ва табобати ин беморӣ муассисаҳои тандурустии пойтахти мамлакат бо таҷҳизот ва лавозимоти тиббӣ таъмин гардиданд.

Зикр шудааст, ки бо мақсади омодагӣ ба ҳолати эҳтимолии  мавҷи дуюми бемории COVID-19 Мақомоти шаҳри Душанбе якчанд корҳои назаррасро анҷом додааст.

“Ҳоло дар шаҳри Душанбе барои табобати ин гуна беморон зиёда аз 1000 кат пешбинӣ гардида, ҳангоми зарурат 2000 кати дигар  омода мебошанд. Бо мақсади  муътадил гузаронидани фасли зимистон имрӯз шуъбаҳои эҳё ва сироятии муассисаҳои тиббии шаҳри Душанбе аз нав таъмир  гардида, бо таҷҳизоти тиббии замонавӣ  таъмин карда мешаванд”,-қайд кардааст вазорати тандурустӣ.

Ҳамзамон корҳои таъмирӣ ва бо таҷҳизоти нави тиббӣ таъмин намудани шуъбаҳои сироятӣ ва эҳёи беморхонаҳои шаҳру ноҳияҳои мамлакат, махсусан шаҳри Душанбе минбаъд низ идома дорад.

Таъкид шудааст, ки бо дастгирии раиси шаҳри Душанбе Рустами Эмомалӣ дар анбори Раёсати тандурустии шаҳри Душанбе захираи зарурии маводи доруворӣ ва безараргардонӣ, маводи худмуҳофизатӣ, таҷҳизоту асбоби тиббӣ, аз ҷумла  дастгоҳҳои нафасдиҳии сунъӣ мавҷуд мебошанд.

401
Барчаспҳо:
коҳиш, шаҳри Душанбе, беморӣ, вируси корона, Вазорати тандурустӣ, Тоҷикистон