Мирзо Шукурзода дар бемористон дар мубориза бо "вируси корона" қарор дорад

1709
(Таҷдидшуда 16:10 05.05.2020)
Мирзо Шукурзода, нависанда ва муҳаққиқи маъруфи тоҷик дар бемористоне дар Хуҷанд қарор дошта ва ба гуфтаи худи ӯ, ин шабурӯзаш дар муборизаи шадид барои раҳоӣ аз панҷаи “вируси корона” сипарӣ мешавад

ДУШАНБЕ, 5 май — Sputnik. Ин адиби тоҷик, дар як тамоси телефонӣ ба Sputnik Тоҷикистон гуфт, инак даҳ рӯзро бо тасфи баланд дар бемористони Хуҷанд паси сар мекунад.

"Даҳ рӯз мешавад, ки тасфам поён намерад 37, 5 ва гоҳе 37 дараҷа аст. Ҳеҷ иштӣ надорам. Аслан боре ин гуна беҳоливу бемориро дар сар надида будам. Ин бемории навпайдои "вируси корона" аст, ки ҳоло ба ман часпидааст", - гуфт Шакурзода.

Адиби тоҷик мегӯяд, рӯзи 27-уми апрел ҳини бозгашт ба Хуҷанд аз шаҳри Душанбе ҳарорат дар баданаш якбора боло гирифтааст. Дар пайи муроҷиат бо тавсияи духтурони беморхонаи вилоятӣ бистарӣ шудааст. Аз сабаби мавҷуд набудани ҷой дар беморхонаи вилоятӣ, Шукурзодаро барои табобат ба таваллудхонаи шаҳрӣ - ин ҷой ҳам барои онҳое, ки бо нишонаҳои бемории "вируси корона" муроҷиат мекунанд, бистарӣ намудаанд.

"Духтурон ҳама корро барои табобати мо иҷро карда истодаанд. Дар мо аз қатрадармонӣ истифода мекунанд. Гоҳ-гоҳ ҳалқам қоқ мешавад. Худоро шукр, ки ҳоло бе кӯмаки таҷҳизоти нафасдиҳанда (Оксгенератор) худам нафас мегирам", иброз намуд, Шукурзода.

Ин адиби тоҷик мегӯяд, ҳоло дар таваллудхонаи шаҳрӣ ҳамроҳаш ҳудуди 15 нафар бо нишонҳои монанд ба бемории ӯ табобат мегиранд.

Адиби тоҷик Мирзо Шукурзода, соли 1950 дар ноҳияи Кӯҳистони Мастчоҳ таваллуд шуда даврони мактабхонӣ ва навҷавонии ӯ дар Дилварзин дар ноҳияи Мастчоҳ ва ё Мастчоҳи нав сипарӣ шудааст.

Ахиран дар моҳи январи имсол, бо баргузории як маҳфили ададбӣ дар остонаи 70-солагии рӯзи милоди ӯ дар Хуҷанд, ки ба фаъолияти панҷоҳ сола ва ё нимасраи эҷодии Шукурзода рос меояд ҷашн гирифта шуд.

Давоми ин солҳо ин муқаққиқи фаррохназар бо нашри даҳҳо очерку ҳикоя ва асарҳои таҳқиқотӣ аз ҷумлаи "Ҷонпайванд", "Тоҷикон дар қаламрави Ориёно", "Размоварони ҳиндукуш", "Кимёгари дурри дарё", "Арҷномаи Мирзо Аҳмадзода", "Офтоб дар оина", "Фарёди фоҷиаи Афғонистон", "Тоҷикон дар масири таърих" дар хазинаи фарҳанги миллии тоҷикон саҳми шоиста гузоштааст.

Мирзо Шукурзода, дорои унвони Корманди шоистаи Тоҷикистон ва барандаи Ҷоизаи адабии ба номи Садриддин Айнӣ мебошад. Ҳоло баъди Озарахшу Фарзона, Муҳиддин Хоҷазод ва Қодири Рустам, Мирзо Шукурзода аз ҷумлаи адибоне гуфта мешавад, ки мубориза бо "вируси корона" - ро дар шароити бемористонҳои кишвар паси сар мекунанд.

Духтурон ташхиси бемории Озарахш, Фарзона ва Муҳиддин Хоҷазодро илтиҳоби шуш ё (пневмония) маънидид кардаанд.

Вазорати тандурустӣ ва ҳифзи иҷтимоии аҳолии Тоҷикистон 30-уми апрел хуруҷи бемории коронавирус ё COVID-19 - ро дар кишвар расман эътироф намуда, рӯзи 4-уми май дар бораи сироятёбии 230 ҳолат ва 3 фавти шаҳрвандон иттилоъ дод.

Бар пояи иттилои вазорати тандурустӣ, ки бегоҳии 4-уми май нашр шудааст, 110 ҳолат дар шаҳри Душанбе, 22 ҳолат дар шаҳру ноҳияҳои тобеи ҷумҳурӣ, 7 ҳолат дар ВМКБ, 21 ҳолат дар вилояти Хатлон ва 70 ҳолат дар вилояти Суғд сирояти коронавируси нави COVID-19 ошкор гардидааст.

1709
Барчаспҳо:
вируси нав, мубориза, бемористон, бемор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон (427)
Мужчина в защитной маске

Омори хушҳолкунанда: бидуни фавт ва шифо ёфтани 1575 нафар аз коронавирус дар Тоҷикистон

1032
(Таҷдидшуда 18:16 27.05.2020)
Вазорати тандурустии Тоҷикистон хабар медиҳад, ки шабонарӯзи гузашта дар ҷумҳури аз маризии коронавирус ягон бемор нафавтид

ДУШАНБЕ, 27 май — Sputnik. То соати 17:30 дақиқаи 27 май дар кишвар 3424 нафар бо ташхиси сирояти коронавируси нави COVID-19 ошкор гардида, аз ин беморӣ то кунун дар мамлакат 1575 нафар шифо ёфтаанд.

Ба иттилои котиботи Вазорати тандурустӣ, шабонарӯзи гузашта ягон мавриди фавт аз ин беморӣ сабт нагардидааст. Теъдоди қурбониён дар Тоҷикистон ҳамоно 47 нафар арзёбӣ мешавад.

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мегӯяд, то 27 майи соли равон дар мамлакат 2501 нафар зери назорати табибон қарор дошта, дар як шабонарӯзи охир 385 нафар пас аз шифо ёфтан ба хонаҳояшон рухсат дода шудаанд.

Вазорат аз шумораи дигари қурбониёни коронавирус дар Тоҷикистон хабар дод

Манбаъ тавзеҳ медиҳад, ки  имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд.

Ба ғайр аз ин дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

 

1032
Мавзуҳо:
Пайомадҳои COVID-19 дар Тоҷикистон ва ҷаҳон (427)
Подпись документов

Таъсиси ордени "Саломатӣ" барои беҳтарин табибон дар Ӯзбекистон

92
(Таҷдидшуда 11:45 27.05.2020)
Ҷоизаи ифтихорӣ ба ӯзбекҳо, хориҷиён ва инчунин шахсони бешаҳрванд дода мешавад. Барои барандагон маблағҳои пулӣ ва ҳамзамон  имтиёзҳо пешбинӣ шудааст.

ДУШАНБЕ, 27  май — Sputnik. Қарор дар бораи таъсиси ордени "Саломатлик" (“Саломатӣ”) аз сӯи президенти Ӯзбекистон Шавкат Мирзиёев рӯзи гузашта ба имзо расид, хабар медиҳад хадамоти матбуотии Вазорати тандурустии ин кишвар.

Гуфта мешавад, ҷоизаи ифтихорӣ барои хизматҳои барҷаста дар рушди системаи тандурустии кишвар, беҳбуд бахшидани саломатии мардум ва тақвияти ҳамкориҳои байналмилалӣ дар ин соҳа супурда мешавад. Онро метавон аз ҷумла хориҷиён ва шахсони бешаҳрванд низ ба даст оваранд.

Нишон аз ду дараҷа иборат аст. Ордени дараҷаи I ба шахсоне, ки барои саҳми назаррас дар рушд ва такмили соҳаи тандурустӣ ва мустаҳкамгардонии саломатии мардум, ордени дараҷаи II ба шахсоне дода мешавад, ки дар ҳифзи саломатии ҷамъиятӣ, пешгирии бемориҳои мухталиф ва рафъи онҳо фаъоланд, мукофотонида мешавад.

Ба иттилои манбаъ, барои ҳавасмандӣ ҳамзамон барандагонро маблағҳи пулӣ ва имтиёзҳо тақдим мешавад.

92
Свеча

Мотам дар хонаводаи Сатторовҳо, соҳибкорони хайрхоҳи тоҷик-акс

2544
Шамсулло Сатторов, яке аз бародарон Сатторовҳо, ки ахиран барои хайрашон ба табибони Ҳисор дар сархати расонаҳо қарор гирифта буданд, даргузашт

ДУШАНБЕ, 27  май — Sputnik. Раёсати ҷамъияти миллӣ-фарҳангии тоҷикони вилояти Иркутск, аз марги Сатторов Шамсулло Ҳикматуллоевич, ки дар синни 47-солагӣ аз бемории саратон даргузашт, изҳори андуҳ кардааст.

Садбарг Боқиева, рӯзноманигор ва фаъоли ҷамъиятӣ, дар бораи марги Сатторов дар саҳифаи фейсбукияш хабар дода, ҳамдардии ҷамъияти тоҷикони Иркутскро ба хонаводааш баён доштааст.

Ахиран бародарон Сатторовҳо ба маркази саломатӣ дар Ҳисор 16500 кило орд, 1650 кило биринҷ, 1650 литр равған, 1650 кило шакар, 1650 кило макарон, 3300 дона собун ва 3000 дона ниқоби тиббӣ дастрас кардаанд.

Бародарон Давронҷон, Баҳромҷон, Убайдулло, Рустамҷон, Шамсулло ва Суҳробшо Сатторовҳо - соҳибкорони тоҷик, зодаҳои шаҳри Ҳисор мебошанд, ки дар Русия ба соҳибкорӣ машғуланд.

Давронҷон Сатторов, яке аз шаш бародарон  дар пайи хайри охирашон изҳор дошта буд, ки  "ману бародаронам ятим калон шудем ва дар тарбияи модарамон  Хосиятбону Азизова, рӯҳаш шод бод, бузург шудем. Аз ин рӯ хуб медонам, ки кӯдакони ятим ба чӣ ниёз доранд ва қалби кӯчакашон чӣ мехоҳад".

2544
Барчаспҳо:
хайрхоҳӣ, Русия, Тоҷикистон